ARYNews.tv | Urdu – Har Lamha Bakhabar

Tag: Nikki Haley

  • اسرائیل پر اقوام متحدہ جانبدارانہ کردار ادا کر رہی ہے: امریکی مندوب

    اسرائیل پر اقوام متحدہ جانبدارانہ کردار ادا کر رہی ہے: امریکی مندوب

    نیویارک: اقوام متحدہ میں امریکی مندوب نکی ہیلی کا کہنا ہے کہ اسرائیل پر اقوام متحدہ جانبدارانہ کردار ادا کر رہی ہے۔ اقوام متحدہ کی پالیسی اسرائیل، فلسطین تنازع کو مزید خراب کر رہی ہے۔

    بین الاقوامی خبر رساں ادارے کے مطابق مشرق وسطیٰ کی صورتحال پر اقوام متحدہ کی سلامتی کونسل کا اہم اجلاس منعقد ہوا۔

    اجلاس کے دوران امریکی مندوب نکی ہیلی نے جانبدارانہ رویہ اپناتے ہوئے فلسطین پرتنقید اور اسرائیل کی مدح سرائی کی۔

    اپنے خطاب میں نکی ہیلی کا کہنا تھا کہ اقوام متحدہ اسرائیل فلسطین معاملے پر وقت ضائع کر رہی ہے۔ اسرائیل پر اقوام متحدہ جانبدارانہ کردار ادا کر رہی ہے۔

    انہوں نے دعیویٰ کیا کہ اقوام متحدہ کی پالیسی اسرائیل، فلسطین تنازع کو مزید خراب کر رہی ہے۔ لبنان میں حزب اللہ نے جدید ہتھیاروں کا انبار جمع کر رکھا ہے۔ ایران بھی خطے کی خراب صورتحال کا بڑا ذمہ دار ہے۔

    نکی ہیلی کا مزید کہنا تھا کہ اسرائیل کو زبردستی کسی ڈیل کے لیے مجبور نہیں کیا جا سکتا۔ امریکی سفارت خانہ یروشلم منتقل کرنے کا فیصلہ تبدیل نہیں ہوگا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • نیکی ہیلی کا پاکستان پر ڈبل گیم کھیلنے کا الزام عائد

    نیکی ہیلی کا پاکستان پر ڈبل گیم کھیلنے کا الزام عائد

    واشنگٹن : اقوام متحدہ میں امریکی سفیر نیکی ہیلی نے پاکستان پر ڈبل گیم کھیلنے کا الزام عائد کرتے ہوئے امداد روکنے کی تصدیق کردی۔

    تفصیلات کے مطابق امریکہ کی جانب سے پاکستان مخالف بیانات کے بعد اقدامات بھی سامنے آرہے ہیں ، بھارتی نژاد اقوام متحدہ میں امریکہ کی مستقل سفیر نکی ہیلی نے پاکستان کی امداد روکنے کی تصدیق کرتے ہوئے کہا کہ امریکا، پاکستان کی 25 کروڑ 50 لاکھ ڈالر کی امداد روک رہا ہے۔

    نیویارک میں میڈیا سے بات کرتے ہوئے نکی ہیلی نے الزام عائد کیا کہ پاکستان کئی سال ڈبل گیم کھیلتارہا جو امریکا کیلئے ناقابل قبول ہے، پاکستان کی امداددہشتگردی کے خلاف امریکی جنگ میں پوری طرح ساتھ نہ دینے پر روکی گئی ہے۔

    نکی ہیلی کا کہنا تھا کہ وہ ہمارے ساتھ کام بھی کرتے ہیں لیکن دوسری طرف افغانستان میں امریکی فوج پر حملہ کرنیوالے دہشتگردوں کو پناہ بھی دیتاہے

    ان کا مزید کہنا تھا ہم دہشت گردی کے خلاف جنگ میں پاکستان سے کہیں زیادہ تعاون چاہتے ہیں۔

    مزید پڑھیں : امریکا نے پاکستان کی25کروڑ 50 لاکھ ڈالر کی فوجی امداد روک لی

    یاد رہے کہ گذشتہ روز ترجمان وائٹ ہاؤس کا کہنا تھا کہ امریکا نے پاکستان کی25کروڑ 50 لاکھ ڈالر کی فوجی امداد روک لی ، امداد دہشت گردوں کے خلاف فیصلہ کن آپریشن تک روکی گئی ہے، یہ امداد ایک اعشاریہ ایک ارب ڈالر ملٹری اسسٹینس پروگرام کا حصہ ہے۔

    واضح رہے 2 روز قبل گذشتہ روز امریکی صدر ڈونلڈ ٹرمپ نے پاکستان کو تنقید کا نشانہ بناتے ہوئے کہا تھا کہ امریکا نے گزشتہ15سال میں33ارب ڈالرز پاکستان کو دے کر بے وقوفی کی، پاکستان امریکہ کو ہمیشہ دھوکہ دیتا آیا ہے، پاکستان نے امداد کے بدلے امریکہ کو بے وقوف بنانے کے بجائے کچھ نہیں کیا۔

    امریکی صدر کا کہنا تھا کہ پاکستان ان دہشت گردوں کو محفوظ پناہ گاہیں فراہم کرتا ہے جنہیں ہم افغانستان میں تلاش کررہے ہیں، امداد وصول کرنے کے باوجود پاکستان نے امریکا سے جھوٹ بولا لیکن اب ایسا نہیں ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایران نےسعودی عرب پرحملے کےلیےباغیوں کومیزائل فراہم کیے‘ نکی ہیلی

    ایران نےسعودی عرب پرحملے کےلیےباغیوں کومیزائل فراہم کیے‘ نکی ہیلی

    نیویارک : اقوام متحدہ میں امریکی سفیر نکی ہیلی نے الزام عائد کیا کہ سعودی عرب پرحملے کے لیے حوثی باغیوں کو ایران نے میزائل فراہم کیے۔

    تفصیلات کے مطابق اقوام متحدہ میں امریکہ کی مستقل مندوب نکی ہیلی نے ایران پرالزام عائد کیا کہ اس نے سعودی عرب پر حملے لیے باغیوں کو میزائل فراہم کیے۔

    امریکی سفیر نے بیلسٹک میزائل کے باقیات صحافیوں کو دکھائے جو گزشتہ ماہ ریاض ہوائی اڈے کے قریب گرائے تھے۔

    نکی ہیلی نے کہا کہ ایران اقوام متحدہ کی قراردادوں کی خلاف ورزی کررہا ہے۔

    امریکی سفیر نے کہا کہ ہمیں اس بارے میں آواز اٹھانا ہوگی اور ایران کی حکومت کے عزائم کو سامنے لانا ہوگا جو پوری دنیا کی امن اور سلامتی کے لیے خطرہ ہیں۔

    انہوں نے کہا کہ ایران مشرق وسطیٰ میں کشیدگی کو ہوا دے رہا ہے اور امریکہ اس کے خلاف بین الاقوامی اتحاد تیارکرے گا جس میں سفارتی اقدامات شامل ہوں گے۔

    دوسری جانب اقوام متحدہ میں ایران کے مشن نے کہا کہ یہ ثبوت امریکی ایجنڈے کے تحت گھڑے گئے ہیں۔

    ریاض، حوثی باغیوں کا ایئرپورٹ پر میزائل حملہ

    یاد رہے کہ گزشتہ ماہ 5 نومبر کوکنگ خالد ائیرپورٹ پر حوثی باغیوں کی جانب سے بیلسٹک میزائل سے حملہ کیا گیا تھا جسے سعودی ایئر ڈیفنس نے ناکام بنا دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نکی ہیلی نےاقوام متحدہ کومشرق وسطیٰ میں قیام امن کی راہ میں رکاوٹ قراردے دیا

    نکی ہیلی نےاقوام متحدہ کومشرق وسطیٰ میں قیام امن کی راہ میں رکاوٹ قراردے دیا

    نیویارک: اقوام متحدہ میں امریکی سفیر نکی ہیلی کا کہنا ہے کہ اقوام متحدہ مشرق وسطیٰ میں قیام امن کی راہ میں رکاوٹ بن رہا ہے۔

    تفصیلات کے مطابق سلامتی کونسل کے ہنگامی اجلاس سے خطاب کرتے ہوئے امریکی سفیر نکی ہیلی کا کہنا تھا کہ صدر ڈونلڈ ٹرمپ اور امریکی انتظامیہ مشرق وسطیٰ میں امن کے لیے پرعزم ہے۔

    نکی ہیلی کا کہنا تھا کہ امریکی صدر مشرق وسطیٰ کا مسئلہ حل کرنا چاہتے ہیں، لیکن عالمی برادی کے عمل سے اس میں رکاوٹ کا اندیشہ ہے۔

    اقوام متحدہ میں امریکی سفیر نکی ہیلی نے تسلیم کیا کہ صدر ٹرمپ کو اپنے فیصلے کے بعد سوالات کا اندیشہ تھا۔

    نکی ہیلی کا کہنا تھا کہ اقوام متحدہ کا رویہ اسرائیل کےساتھ مخاصمانہ ہے، اقوام متحدہ مشرق وسطیٰ میں قیام امن کی راہ میں رکاوٹ بن رہا ہے۔

    اقوام متحدہ نےڈونلڈ ٹرمپ کےفیصلےکوقراردادوں کےمنافی قراردے دیا

    خیال رہے کہ اقوام متحدہ کی سلامتی کونسل کے ہنگامی اجلاس میں یورپی ممالک نے مقبوضہ بیت المقدس کو اسرائیل کا دارالحکومت قرار دینے کے فیصلے کو اقوام متحدہ کی قراردادوں کے خلاف قرار دے دیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شمالی کوریا دنیا کو جنگ کی طرف دھکیل رہا ہے‘ نکی ہیلی

    شمالی کوریا دنیا کو جنگ کی طرف دھکیل رہا ہے‘ نکی ہیلی

    نیویارک : اقوام متحدہ میں امریکی سفیر نکی ہیلی کا کہنا ہےکہ شمالی کوریا دنیا کے امن کو تہہ وبالا کرنے کہ درپر ہے، اگرجنگ ہوئی تو تمام ترذمہ داری شمالی کوریا پرعائد ہوگی۔

    تفصیلات کے مطابق شمالی کوریا کےمسئلے پر سلامتی کونسل کےاجلاس سے خطاب میں اقوام متحدہ میں امریکی مندوب نکی ہیلی کا کہنا تھا کہ عالمی برادری کوشمالی کوریا سے تجارتی تعلقات منقطع کرلینے چاہیے۔

    امریکی سفیرنکی ہیلی کا کہنا ہے کہ شمالی کوریا دنیا کو جنگ کی طرف دھکیل رہا ہے۔

    نکی ہیلی کا مزید کہنا تھا کہ امریکی صدر ڈونلڈ ٹرمپ نے چین پر زور دیا ہے کہ شمالی کوریا کو تیل کی فراہمی معطل کردے اور شمالی کوریا کی بڑھتی ہوئی جارحیت کے خاتمے میں امریکہ کا ساتھ دے۔

    شمالی کوریا کی جانب سے بیلسٹک میزائل کا ایک اور تجربہ

    خیال رہے کہ گزشتہ روز شمالی کوریا کے بلیسٹک میزائل تجربے کے بعد امر یکہ اور جاپان کی درخواست پر سلامتی کونسل اجلاس طلب کیا گیا تھا۔

    یاد رہے کہ گزشتہ ہفتے امریکی صدرڈونلڈ ٹرمپ نے شمالی کوریا کو دہشت گرد ریاست قرار دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایران جوہری معاہدے کواستعمال کرکےدنیا کویرغمال نہیں بنا سکتا‘ نکی ہیلی

    ایران جوہری معاہدے کواستعمال کرکےدنیا کویرغمال نہیں بنا سکتا‘ نکی ہیلی

    نیویارک: اقوام متحدہ میں امریکی سفیر نکی ہیلی کا کہنا ہے کہ ایران جوہری معاہدے کو عالمی بلیک میلنگ کےلیے استعمال کرکے دنیا کو یرغمال نہیں بنا سکتا۔

    تفصیلات کے مطابق اقوام متحدہ میں امریکی سفیر نکی ہیلی نےایران پر تنقید کرتےہوئے کہا کہ ایران کو میزائل تجربات، دہشت گردی کی معاونت اور انسانی حقوق کی خلاف ورزیوں کی ذمہ داری قبول کرنا ہوگی۔

    امریکی سفیر کا یہ بیان ایران کے صدر کی جانب سے دیے گئے بیان کے بعد آیا ہے جس میں انہوں نے امریکہ کو خبردار کیا تھا کہ اگر امریکی پابندیوں کا سلسلہ جاری رہا تو ایران جوہری معاہدہ ختم کرسکتا ہے۔

    نکی ہیلی کا کہنا تھا کہ امریکہ کی جانب سے ایران پرعائد کی گئی نئی پابندیوں کا جوہری معاہدے سے کوئی تعلق نہیں۔ انہوں نے کہا کہ یہ جوہری معاہدہ کسی بھی صورت میں ناکام نہیں ہونا چاہیے۔

    نئی امریکی پابندیاں: ایران جوہری معاہدہ ختم کرسکتا ہے‘ حسن روحانی

    یاد رہے کہ دو روز قبل ایرانی صدر حسن روحانی کا کہنا تھا کہ اگر امریکہ کی جانب سے نئی پابندیوں کا سلسلہ جاری رہا تو ایران جوہری معاہدہ ختم کرسکتا ہے۔

    امریکی پابندیاں جوہری معاہدے کی خلاف ورزی ہے‘ ایران

    واضح رہے کہ رواں ماہ 3 اگست کو ایران کے ڈپٹی وزیر خارجہ عباس عراقچی کا کہنا تھا کہ امریکہ کی جانب سے نئی پابندیاں جوہری معاہدے کی خلاف ہے اور ہم اس پر اپنا ردعمل دیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • امریکہ شمالی کوریا کےخلاف فوجی طاقت استعمال کرسکتا ہے‘نکی ہیلی

    امریکہ شمالی کوریا کےخلاف فوجی طاقت استعمال کرسکتا ہے‘نکی ہیلی

    واشنگٹن : اقوام متحدہ میں امریکی سفیرنکی ہیلی کا کہنا ہے کہ اگر ضرورت پڑی تو امریکہ شمالی کوریا کے خلاف فوجی طاقت استعمال کر سکتا ہے۔

    تفصیلات کےمطابق شمالی کوریا کی جانب سے میزائل کے تجربے پر بات کرتے ہوئے اقوامِ متحدہ میں امریکی سفیر نے کہا کہ امریکہ پیانگ یانگ کے خلاف ایک نئی قرارداد پیش کرے گا۔

    امریکی سفیر نکی ہیلی نے کہا کہ شمالی کوریا کابین البراعظمی میزائل کا تجربہ ‘بہت تیزی سے کسی سفارتی حل کے امکان کا راستہ بند کر رہا ہے۔

    نکی ہیلی نے کہا کہ امریکہ ان ملکوں کے ساتھ تجارت منقطع کر سکتا ہے جو اقوامِ متحدہ کی قرارداد کے باوجود شمالی کوریا کے ساتھ تجارت جاری رکھے ہوئے ہیں۔

    دوسری جانب فرانسیسی سفیر نے سلامتی کونسل میں کہاکہ فرانس بھی شمالی کوریا کے خلاف نئی قرارداد کے حق میں ہے، جس سے پابندیاں مزید سخت کی جائیں۔

    ادھرچین اور روس کا کہناہےکہ امریکہ جنوبی کوریا میں میزائل شکن نظام نصب نہ کرے اور یہ کہ دونوں ملک شمالی کوریا کے قریب اپنی فوجی مشقیں بند کر دیں۔

    شمالی کوریا کا بین البراعظمی بیلسٹک میزائل کے تجربہ کا دعویٰ

    واضح رہےکہ حال ہی میں شمالی کوریا نے بین البراعظمی بیلسٹک میزائل کے تجربہ کا دعویٰ کیا ہے جبکہ اقوام متحدہ نے شمالی کوریا کے تجربے کی مذمت کی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بشارالاسدکی حکومت میں شام میں امن ممکن نہیں‘ نکی ہیلی

    بشارالاسدکی حکومت میں شام میں امن ممکن نہیں‘ نکی ہیلی

    واشنگٹن: اقوام متحدہ میں امریکی سفیر نکی ہیلی کا کہناہے بشارالاسدکی حکومت میں شام میں امن ممکن نہیں ہے۔

    تفصیلات کےمطابق اقوام متحدہ میں امریکی سفیر نکی ہیلی کا کہنا ہےشام میں امن بشارالاسد کے رہتے ہوئےممکن نہیں ہے۔انہوں نےکہاکہ شام میں داعش کی شکست سمیت امریکہ کی متعددترجیحات ہیں۔

    امریکی سفیر نکی ہیلی کا کہناتھاکہ شام میں ایساسربراہ ہوناچاہیےجولوگوں کی حفاظت کرسکے،بشارالاسدلوگوں کی حفاظت نہیں کرسکتے۔

    اقوام متحدہ میں امریکی سفیر نکی ہیلی کاکہناہےکہ شامی عوام کی بھلائی کےلیےمسئلےکاسیاسی حل ہوناچاہیے۔

    بشار الاسد کی معزولی اب اولین ترجیح نہیں‘ نکی ہیلی

    خیال رہےکہ گزشتہ ماہ اقوام متحدہ میں امریکی سفیر نکی ہیلی کا کہناتھاکہ بشار الاسد کوہٹانا اب امریکی حکومت کی اولین ترجیح نہیں ہے۔

    اقوام متحدہ میں امریکی مندوب نکی ہیلی نے میڈیا سےبات کرتے ہوئےکہاتھاکہ پچھلی امریکی انتظامیہ کی پالیسیوں کے برعکس اب ہم بشار الاسد پر توجہ نہیں دے سکتے۔

    دوسری جانب امریکہ کے وزیر خارجہ ریکس ٹیلرسن نےگزشتہ ماہ اپنے دورہ ترکی کے دوران کہا تھاکہ بشار الاسد کےمستقبل کا فیصلہ شام کی عوام کرے گی۔

    شام میں کیمیائی حملے میں مرنے والوں کی تعداد 70 ہوگئی

    یاد رہےکہ گزشتہ ہفتےشام کے شمال مغربی حصے میں واقع باغیوں کے زیر کنٹرول علاقے میں جنگی جہازوں کے ذریعے کیے گئے مبینہ مہلک گیس حملے میں متعدد بچوں سمیت 70 سےزائدافراد ہلاک ہوگئے تھے۔

    امریکہ کاشام کےخلاف فضائی کارروائی کا آغاز

    واضح رہےکہ تین روز قبل امریکہ نےشامی حکومت کےخلاف کیمیائی حملے کے جواب میں شام پر60 ٹام ہاک کروزمیزائل داغےتھے۔

  • بشار الاسد کی معزولی اب اولین ترجیح نہیں‘ نکی ہیلی

    بشار الاسد کی معزولی اب اولین ترجیح نہیں‘ نکی ہیلی

    نیویارک: اقوام متحدہ میں امریکی سفیر نکی ہیلی کا کہناہےکہ بشار الاسد کوہٹانا اب امریکی حکومت کی اولین ترجیح نہیں ہے۔

    تفصیلات کےمطابق اقوام متحدہ میں امریکی سفیر نکی ہیلی کاکہناہےکہ شام کےصدر بشارالاسد کا تختہ الٹنا اب ان کی حکومت کی ترجیح نہیں ہے۔

    اقوام متحدہ میں امریکی مندوب نکی ہیلی نے میڈیا سےبات کرتے ہوئےکہاکہ پچھلی امریکی انتظامیہ کی پالیسیوں کے برعکس اب ہم بشار الاسد پر توجہ نہیں دے سکتے۔

    انہوں نےکہاکہ ہمارے لیے یہ اہم نہیں ہے کہ ہم اس بات پر توجہ دیں کہ کس طرح اسد کو ہٹائیں بلکہ اب ہمارے لیے یہ زیادہ ضروری ہے۔

    خیال رہےکہ سابق امریکی صدر براک اوباما کی حکومت کا موقف تھا کہ بشار الاسد کو ہٹانا ضروری ہے اور اس کے لیےانہوں نے بشار الاسد سے جنگ کرنے والے باغیوں کا ساتھ بھی دیا تھا۔

    دوسری جانب امریکہ کے وزیر خارجہ ریکس ٹیلرسن نےگزشتہ روزاپنے دورہ ترکی کے دوران کہا تھاکہ بشار الاسد کے مستقبل کا فیصلہ شام کی عوام کرے گی۔

    مزید پڑھیں:جوہری ہتھیاروں پرعالمی پابندی حقیقت پسندانہ نہیں‘ نکی ہیلی

    یاد رہےکہ دو روز قبل اقوام متحدہ میں امریکی سفیر نکی ہیلی کا کہنا تھاکہ جوہری ہتھیاروں پر عالمی سطح پر پابندی ’حقیقت پسندانہ‘ نہیں ہے۔

    واضح رہےکہ جوہری ہتھیاروں کی عالمی سطح پر پابندی سے متعلق امریکی سفیرکاکہناتھاکہ کیا کسی کو یقین ہے کہ شمالی کوریا جوہری ہتھیاروں پر پابندی سے اتفاق کرے گا؟۔