عالمی شہرت یافتہ بھارتی اب پتی بزنس مین مکیش امبانی کی اہلیہ نیتا امبانی نے بھارتی فلم انڈسٹری کی معروف اداکارہ ریکھاسے متعلق اہم انکشاف کیا ہے۔
بھارتی میڈیا رپورٹس کے مطابق مکیش امبانی کی اہلیہ نے انکشاف کیا ہے کہ وہ اور ریکھا ایک ہی اسکول میں تعلیم حاصل کرتے تھے۔
بھارتی میڈیا کے مطابق فیشن ڈیزائنر، کوسٹیوم اسٹائلسٹ اور فلم میکر منیش ملہوترا نے حال ہی میں ممبئی میں اپنے نئے اسٹور کا افتتاح کیا۔
اسٹور کے افتتاح کے موقع پر فلم انڈسٹری سے جڑے افراد، فیشن بزنس سے تعلق رکھنے والے سیلبریٹیز اور فلم انڈسٹری کے دیگر لوگوں کی بڑی تعداد شریک ہوئی اور منیش ملہوترا کو انکی کامیابی پر مبارکباد پیش کی۔
پر وقار تقریب کے دوران ریکھا اور نیتا امبانی آپس میں گفتگو کرتی نظر آئیں۔ اس سے قبل دونوں بڑی گرمجوشی سے آپس میں ملیں اور کافی دیر ایک دوسرے کا ہاتھ تھامے رکھا۔
اس موقع پر معروف اداکارہ ریکھا نے گولڈن ساڑھی اور میچنگ جیولری پہن رکھی تھی، جبکہ مکیش امبانی کی اہلیہ نے پیرٹ گرین ساڑھی پہنی ہوئی تھی۔
جیا بچن نے ریکھا کو تھپڑ رسید کر دیا؟
بھارتی میڈیا کے مطابق مکیش امبانی کی اہلیہ نے پاپارازی (فوٹو گرافرز) سے بات کرتے ہوئے کہا کہ وہ اور ریکھا ایک ہی اسکول میں تعلیم حاصل کرتے تھے۔
