ARYNews.tv | Urdu – Har Lamha Bakhabar

Tag: nokia

  • نوکیا نے بھارت میں "اربوں ڈالر” مالیت کا معاہدہ کرلیا

    نوکیا نے بھارت میں "اربوں ڈالر” مالیت کا معاہدہ کرلیا

    فِن لینڈ کی ٹیلی کام کمپنی نوکیا نے اعلان کیا ہے کہ اس نے بھارتی ایئرٹیل کے ساتھ فور جی اور فائیو جی آلات کی فراہمی کے لیے "اربوں ڈالر” کا معاہدہ طے کرلیا ہے۔

    معاہدے کے تحت نوکیا بھارتی ایئرٹیل کی موجودہ فورجی نیٹ ورک کو جدید بنانے میں بھی مدد فراہم کرے گا، جس میں ملٹی بینڈ ریڈیوز اور بیس بینڈ آلات شامل ہوں گے، اس کے علاوہ بیس اسٹیشنز اور بیس بینڈ یونٹس جیسے آلات بھی فراہم کرے گا۔

    بھارتی ایئرٹیل نوکیا کے "مانٹا رے نیٹ ورک مینجمنٹ” کو بھی استعمال کرے گا، جو مصنوعی ذہانت (اے آئی)پر مبنی ٹولز کے ذریعے نیٹ ورک کی نگرانی اور انتظام کے لیے استعمال ہوتا ہے۔ اس میں ڈیجیٹل ڈیپلائمنٹ، آپٹیمائزیشن، اور تکنیکی معاونت شامل ہے۔

    یاد رہے کہ خبر رساں ادارے روئٹرز نے پچھلے ماہ ذرائع کے حوالے سے اطلاع دی تھی کہ نوکیا اور بھارتی ایئرٹیل ایک ایسے معاہدے کے قریب ہیں جو بھارت میں ایئرٹیل کے نیٹ ورک کو وسعت دینے کے لیے کئی ارب ڈالر کا ہو سکتا ہے۔

    نوکیا کی سوئیڈن حریف کمپنی ایریکسن پہلے ہی اکتوبر کے شروع میں بھارتی ایئرٹیل کے ساتھ اسی نوعیت کا کامیاب معاہدہ کرچکی ہے۔

    مزید پڑھیں : ٹاٹا کی بھارت میں تیسرا آئی فون پلانٹ خریدنے کی تیاری

    علاوہ ازیں واضح رہے کہ بھارت کی معروف کمپنی ٹاٹا الیکٹرونکس نے تائیوان کے کنٹریکٹ مینوفیکچرر ’پیگاٹران‘ کے بھارت میں واحد آئی فون پلانٹ کے زیادہ تر حصص خریدنے پر رضامندی ظاہر کی ہے۔

    اس سلسلے میں ایک نیا مشترکہ منصوبہ تشکیل دیا گیا ہے جو ایپل کے سپلائر کے طور پر ٹاٹا کی پوزیشن کو مضبوط کرے گا۔

     

  • کیا نوکیا کے اسمارٹ فونز بند ہونے جا رہے ہیں؟

    کیا نوکیا کے اسمارٹ فونز بند ہونے جا رہے ہیں؟

    نوکیا کے اسمارٹ فونز کا لائسنس رکھنے والی کمپنی ہیومن موبائل ڈیوائسز (ایچ ایم ڈی) نے کہا ہے کہ وہ اپنے نام سے فونز متعارف کرائے گی۔

    تفصیلات کے مطابق ہیومن موبائل ڈیوائسز (HMD) گلوبل پچھلے سات سالوں سے نوکیا برانڈڈ اسمارٹ فونز بنا رہا ہے، تاہم اب جلد ہی یہ کمپنی ’نوکیا‘ کا نام چھوڑ کر اپنے ہی نام سے اسمارٹ فونز فروخت کرے گی۔

    اب ممکنہ طور پر دو سال بعد دنیا بھر میں مقبول فون برانڈ کا درجہ رکھنے والے نوکیا کے اسمارٹ فونز نہیں بنائے جائیں گے۔ واضح رہے کہ ایچ ایم ڈی گلوبل کا قیام 2016 میں اس وقت ہوا تھا، جب مائیکروسافٹ نے نوکیا برانڈ کے حقوق دس سال تک اسے بیچ دیے، اور ایچ ایم ڈی نے اپنا جو پہلا ہینڈ سیٹ لانچ کیا وہ تھا نوکیا 6، جسے 2017 میں لانچ کیا گیا تھا۔

    فن لینڈ کی کمپنی ایچ ایم ڈی کی جانب سے اپنے نام سے اسمارٹ فونز متعارف کرائے جانے کے بعد خیال ظاہر کیا جا رہا ہے کہ کمپنی نوکیا کے نام سے اسمارٹ فونز متعارف نہیں کرائے گی، اس بات کا عندیہ بھی دیا گیا ہے کہ X کی یوزر آئی ڈی اور ویب سائٹ ایڈریس میں بھی تبدیلی کی جائے گی۔ جب کہ ایچ ایم ڈی برانڈ کا پہلا اسمارٹ فون بارسلونا میں موبائل ورلڈ کانگریس 2024 کے ایونٹ میں لانچ کیا جائے گا۔

    مذکورہ کمپنی کے پاس نوکیا کے لائسنس کے حقوق 2026 تک ہیں، اس لیے امکان یہی ہے کہ 2026 کے بعد کمپنی نوکیا کے فون بنانا بند کر دے گی اور ممکنہ طور پر کوئی دوسری کمپنی بھی نوکیا کے برانڈ کے فونز نہیں بناسکے گی، تاہم اس حوالے سے کچھ بھی کہنا قبل از وقت ہے،عین ممکن ہے کہ کوئی دوسری کمپنی نوکیا کے اسمارٹ فونز بنانے کا لائسنس حاصل کر لے۔

  • نوکیا کے 5 جی فون اور اینڈرائیڈ ٹیبلٹ جلد پیش کیے جائیں گے

    نوکیا کے 5 جی فون اور اینڈرائیڈ ٹیبلٹ جلد پیش کیے جائیں گے

    فن لینڈ کی ٹیلی کمیونیکیشن کمپنی نوکیا اگلے ماہ اپنے نئے کم قیمت 5 جی فونز اور ٹیبلٹ پیش کرنے جارہا ہے جس کی جھلکیاں ٹویٹر پر جاری کی گئی ہیں۔

    بین الاقوامی ویب سائٹ کے مطابق ایچ ایم ڈی گلوبل نے 6 اکتوبر کو نئے نوکیا ڈیوائسز کو متعارف کروانے کی تصدیق کی ہے۔

    ٹویٹر پر ایک پیغام میں کمپنی کی جانب سے چند فیچر فونز اور اسمارٹ فونز کے ساتھ ایک بڑے ڈبے کی تصویر کو شیئر کرتے ہوئے 6 اکتوبر کی تاریخ بتائی گئی ہے۔

    مختلف افواہوں کے مطابق ایچ ایم ڈی گلوبل کی جانب سے 6 اکتوبر کو نوکیا جی 50 فائیو جی اسمارٹ فون اور کئی سال بعد پہلا اینڈرائیڈ ٹیبلٹ متعارف کروایا جائے گا، جی 50 اس کمپنی کا کم قیمت 5 جی فون ہوگا۔

    جی 50 فائیو جی میں اسنیپ ڈراگون 480 پراسیسر دیئے جانے کا امکان ہے جو 5 جی سپورٹ فراہم کرے گا، فون میں 6.8 انچ کا ایچ ڈی پلس ڈسپلے اور 4 ہزار 850 ایم اے ایچ بیٹری موجود ہوگی۔

    فون کے بیک پر مین کیمرا 48 میگا پکسل سنسر سے لیس ہوگا جبکہ کچھ لیک تصاویر میں فون کے ساتھ نوکیا برانڈڈ ٹی ڈبلیو ایس ایئر فونز کو بھی دکھایا گیا ہے، جس سے عندیہ ملتا ہے کہ کچھ مارکیٹوں میں یہ فون ایئر بڈز کے ساتھ دستیاب ہوگا۔

    6 سے 8 جی بی ریم اور 64 سے 128 جی بی اسٹوریج دیے جانے کا امکان ہے جس میں ایس ڈی کارڈ سے اضافہ کیا جاسکے گا۔ ٹی 20 ٹیبلٹ میں 10.36 انچ ڈسپلے 4 جی بی ریم اور 64 جی بی اسٹوریج کے ساتھ ہوگا۔

    یہ سپلیش ریزیزٹنٹ فون ہوگا جبکہ فنگرپرنٹ سنسر سائیڈ پر دیا جائے گا۔

    ٹیبلٹ میں ممکنہ طور پر یونی ایس او سی کا کوئی پراسیسر ہوسکتا ہے جبکہ اینڈرائیڈ 11 آپریٹنگ سسٹم، 4 جی اور وائی فائی اونلی سپورٹ بھی ڈیوائس کا حصہ ہوں گے، یہ 2015 کے این 1 کے بعد نوکیا کا پہلا ٹیبلٹ بھی ہوگا۔

    نوکیا کی جانب سے ایک فلیگ شپ فون بھی 11 نومبر کو متعارف کروائے جانے کا امکان ہے مگر اس سے پہلے ایک مڈ رینج 5 جی فون اور اینڈرائیڈ ٹیبلٹ پیش کیے جائیں گے۔

  • نوکیا 106، جدید فیچرز اور طاقتور بیٹری کے ساتھ متعارف

    نوکیا 106، جدید فیچرز اور طاقتور بیٹری کے ساتھ متعارف

    لاس ویگاس: موبائل فون بنانے والی مشہور کمپنی نوکیا نے اپنے ایک اور سیٹ کو جدید انداز سے متعارف کرادیا جو ایک بار چارج کرنے کے بعد 21 دن تک چلنے کی صلاحیت رکھتا ہے۔

    تفصیلات کے مطابق موبائل فون کے بڑھتے ہوئے رجحان کو مدنظر رکھتے ہوئے کمپنیوں کی جانب سے صارفین کو متوجہ کرنے کے لیے نت نئے فیچرز والے موبائلز متعارف کرائے جاتے ہیں تاکہ مارکیٹ میں ساکھ کو بحال رکھا جاسکے۔

    نوکیا کمپنی کے ساتھ کام کرنے والے ادارے ایچ ایم ڈی گلوبل نے 2013 میں متعارف کرائے گئے فون ’نوکیا 106‘ کو جدید فیچرز کے ساتھ ایک بار پھر پیش کردیا۔

    نوکیا کے نئے ماڈل کو ’2018-106‘ کا نام دیا گیا ہے جسے رواں ماہ کے آخر تک سب سے پہلے روس میں فروخت کے لیے پیش کیا جائے گا۔

    کمپنی کی جانب سے 106 میں 1.8 انچ کا ایل سی ڈی سپلے دیا گیا جبکہ اس میں 6261 ایم ٹی کا پراسیسر ، 4 گیگا بائٹ ریم اور اتنی ہی اسٹوریج کی جگہ فراہم گئی ہے۔

    ایم ایچ ڈی گلوبل کے ترجمان کا کہنا تھا کہ ’نوکیا 106 کے نئے ماڈل میں 500 سے زائد ایس ایم ایس اور 2 ہزار نمبرز محفوظ کیے جاسکتے ہیں جبکہ اس میں اسنیک گیم پہلے سے موجود ہے‘۔

    انہوں نے دعویٰ کیا کہ ’فون میں 800 ایم اے ایچ کی بیٹری دی گئی جو ایک بار چارج ہونے کے بعد 21 دن تک موبائل کو چلا سکتی ہے جبکہ فون پر مسلسل 15 گھنٹے تک بات چیت کرنا بھی ممکن ہے‘۔

    نوکیا 106 ڈوئل سم ہے یعنی صارف بیک وقت دو نمبرز ایک ساتھ چلا سکتا ہے جبکہ اس میں میموری کارڈ لگانے کے لیے علیحدہ سے سلاڈ بھی موجود ہے۔

    کمپنی کی جانب سے اس کی قیمت 1590 روبل مقرر کی گئی جو پاکستانی کرنسی کے حساب سے تقریباً 3 ہزار 200 روپے بنتی ہے۔

  • نوکیا کا نیا اسمارٹ فون، قیمت کیا ہوگی؟

    نوکیا کا نیا اسمارٹ فون، قیمت کیا ہوگی؟

    فن لینڈ: موبائل فون کی دنیا میں راج کرنے والی کمپنی ’نوکیا‘ مارکیٹ پر ماضی میں ساکھ بحال کرنے کے لیے نت نئے ڈیزائن اور فیچرز والے سیٹ بنا رہی ہے، آئندہ چند روز میں کمپنی کی جانب سے نیا اسمارٹ فون ’ایکس 6‘ متعارف کرایا جائے گا جس کی تصاویر سامنے آگئیں۔

    تفصیلات کے مطابق موبائل فون کے بڑھتے رجحان کو مدنظر رکھتے ہوئے کمپنیوں کی جانب سے صارفین کو متوجہ کرنے کے لیے نت نئے فیچرز والے سیٹس متعارف کروائے جاتے ہیں تاکہ مارکیٹ میں ساکھ کو بحال رکھا جاسکے۔

    موبائل فون پر نظر رکھنے والی چینی ویب سائٹ نے نوکیا کے نئے فون کی تصاویر اور تفصیلات قبل ازوقت انٹرنیٹ پر شیئر کردیں جن میں دیکھا جاسکتا ہے کہ نوکیا کا نیا فون بالکل آئی فون کے ڈیزائن پر بنایا گیا ہے۔

    مزید پڑھیں: نوکیا کا 2 روز تک چلنے والا سستا ترین اینڈرائیڈ موبائل

    اطلاعات کے مطابق کمپنی کی جانب سے یہ فون آئندہ تین سے چار روز میں چین میں ہی فروخت کے لیے پیش کیا جائے گا، انٹرنیٹ پر لیک ہونے والی تفصیلات کو دیکھا جائے تو ایکس 6 میں ممکنہ طور پر بڑی تبدیلیاں کی گئیں ہیں جیسے کہ کمپنی کا نام اوپر کےبجائے نیچے دائیں جانب ہے ۔

    چینی ویب سائٹ کے مطابق فون کی اسکرین 5.8 انچ جب کہ اس کی ریزولوشن دیگر سیٹس کے مقابلے میں شاندار ہے، اینڈرائیڈ ورژن میں متعارف کرائے جانے والا فون پراسیسر لیس ہوگا جبکہ اس میں 3300 ایم ایچ بیٹری لگے گی۔

    یہ بھی پڑھیں: نوکیا 3310 : جدید فیچرڈ کے ساتھ پیش ہوگا

    فون کی ریم 4 سے 6 جی بی اور اسٹوریج 64 سے 128 جی بی بلٹن ہے اس کے علاوہ میموری کارڈ کے لیے علیحدہ سے سلاڈ دی گئی ہے، نئے سیٹ میں ڈوئل کیمرے ہوں گے (جن کی تفصیلات فی الحال سامنے نہیں آسکتیں)۔

    اسے بھی پڑھیں: نوکیا 8 کی پہلی جھلک

    چینی میڈیا کے مطابق کمپنی کی جانب سے دو فون متعارف کرائے جائیں گے ایک سادہ دوسرا اپ گریڈ ورژن، سادہ سیٹ کی قیمت 252 ڈالرز اور اپ گریڈ ورژن کی قیمت 283 ڈالرز ہوگی جو پاکستانی کرنسی کے حساب سے بالترتیب 25 ہزار اور 29 ہزار روپے ہوگی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • 22 سالہ پرانا فون دوبارہ متعارف کرا دیا گیا

    22 سالہ پرانا فون دوبارہ متعارف کرا دیا گیا

    میڈرڈ: عالمی موبائل ساز برینڈ نوکیا کا 22 سالہ پرانا فون 8110 کو دوبارہ متعارف کرا دیا گیا ہے۔

    تفصیلات کے مطابق بارسلونا میں ہونے والی موبائل ورلڈ کانگریس (ایم ڈبلو سی) کی تقریب میں برسوں پرانا نوکیا فون 8110 کو لانچ کیا گیا ہے۔ یہ ماڈل مشہورسائنس فکشن فلم دی میٹرکس میں بھی استعمال کیا گیا تھا۔

    متعارف کرائے جانے والے فون میں نوکیا کا برینڈ تو موجود ہے، البتہ اسے ایچ ایم ڈی گلوبل نامی کمپنی نے مارکیٹ میں فروخت کے لیے پیش کیا ہے، جو پرامید ہے کہ فون صارفین کی توجہ حاصل کرنے میں کامیاب رہے گا۔

    نوکیا 3310 : جدید فیچرڈ کے ساتھ پیش ہوگا

    اس سے قبل اسی کمپنی نے گذشتہ سال موبائل ورلڈ کانگریس میں نوکیا کے ہی ایک اور معروف فون 3310 کو دوبارہ متعارف کرایا تھا، جس کی کامیاب لانچنگ کو دیکھتے ہوئے فون 8110 کو لانچ کیا گیا ہے۔

    ایچ ایم ڈی کی جانب سے متعارف کرائے جانے والا موبائل 8110 جو ایک فیچر فون ہے جس کے آپریٹنگ سسٹم میں متعدد ایپس چلائی جا سکیں گی جس میں گوگل اسسٹنٹ، گوگل میپس اور فیس بک شامل ہیں لیکن اس فون کا ایک اہم پہلو یہ ہے کہ اس میں سوشل میڈیا کے ایپس ٹوئٹر اور واٹس ایپ نہیں چلایا جا سکے گا۔

    نوکیا کا صارفین کو انوکھا تحفہ، صحت کا فیچر متعارف

    اس فون کی خاص بات یہ ہے کہ اسے مظبوط اور خم دار بنایا گیا ہے اور اس کے کی پیڈز پر ایک سلائیڈر بھی ہے اور یہ 4جی انٹرنیٹ کو بھی سپورٹ کرسکے گا۔

    برطانوی نشریاتی ادارے سے گفتگو کرتے ہوئے کمپنی ترجمان کا کہنا تھا کہ کمپنی کی جانب سے تین دیگر موبائل فونز بھی متعارف کرائے گئے ہیں تاہم فون 8110 کی اس وقت قیمت 97 ڈالر ہے۔

    خیال رہے نوکیا عالمی شہرت یافتہ فون ساز کمپنی ہے جو اب تک سینکڑوں جدید اور پائیدار فونز لانچ کر چکی ہے جس کے دنیا بھر میں لاکھوں صارفین موجود ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نوکیا کا صارفین کو انوکھا تحفہ، صحت کا فیچر متعارف

    نوکیا کا صارفین کو انوکھا تحفہ، صحت کا فیچر متعارف

    لاس ویگاس: موبائل فون بنانے والی کمپنی نوکیا نے اپنے نئے سیٹس میں صحت سے متعلق ایک دلچسپ فیچر شامل کیا ہے جو کمرے کے ماحول اور درجہ حرارت کو انسانی ضرورت کے مطابق ڈھال دے گا۔

    تفصیلات کے مطابق موبائل فون کے بڑھتے ہوئے رجحان کو مدنظر رکھتے ہوئے کمپنیوں کی جانب سے صارفین کو متوجہ کرنے کے لیے نت نئے فیچرز متعارف کروائے جاتے ہیں تاکہ مارکیٹ میں ساکھ کو بحال رکھا جاسکے۔

    موبائل کمپنی نوکیا نے صارفین کے لیے پہلی بار صحت کا فیچر متعارف کروایا جس کو ’سلیپ سینسر‘ کا نام دیا گیا ہے۔ صحت کا یہ فیچر صارف کے سونے، بستر پر جانے کو مانیٹر کرنے، کمرے کے ماحول  اور درجہ حرارت کو ضرورت کے مطابق خود بہ خود ڈھالنے کی صلاحیت رکھتا ہے۔

    فیچر خریدنے والے صارفین کو ایک بستر (گدا) بھی دیا جائے گا جسے انٹرنیٹ اور بلیوٹوتھ کے ذریعے چلایا جاسکے گا، کمپنی کی جانب سے اس کی قیمت 100 ڈالر یعنی پاکستانی کرنسی کے حساب سے تقریباً دس ہزار روپے مقرر کی گئی ہے۔

    فون میں فیچر شامل ہونے کے بعد صارف اپنی صحت سے متعلق جان سکیں گے جبکہ گہری نیند میں خراٹے اور آنکھوں کی نقل و حرکت کو بھی دیکھ سکیں گے، کمپنی کی جانب سے مہیا کیا جانے والا بستر فون سے جڑے گا جس کے ذریعے درجہ حرارت کو ضرورت کے مطابق ڈھالا جاسکے گا۔

    کمپنی کا دعویٰ ہے کہ فیچر میں ایسی خاصیت بھی شامل کی گئی ہے جس کے ذریعے کمرے کی لائٹ اور کھڑکی کے پردے بھی ہٹائے (بلائنڈس) بھی ہٹائے جاسکیں گے۔

    نوکیا کی جانب سے یہ فیچر تجربے کے لیے فی الحال لاس ویگاس کے صارفین کے لیے پیش کیا گیا ہے تاہم جلد ہی اسے تمام موبائل صارفین کے لیے پیش کیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔