ملتان میں کھیلے جانے والے دوسرے ٹیسٹ میچ میں ویسٹ انڈیز نے پاکستان کے خلاف ٹاس جیت کر پہلے بیٹنگ کرنے کا فیصلہ کیا جوغلط ثابت ہوا۔
مہمان ٹیم نے انتہائی مایوس کُن آغاز فراہم کیا، نعمان علی کی اسپن باؤلنگ کے جادوئی اسپیل نے مہمان ٹیم کی بیٹنگ لائن اپ کو تباہ کر دیا، نعمان علی نے اپنی شاندار ہیٹ ٹرک مکمل کی۔
فاسٹ بولر کاشف علی نے اپنے ٹیسٹ ڈیبیو کے دوران پہلے ہی اوور میں وکٹ حاصل کی، انہوں نے مکائل لوئیس کو 4 رنز پر کیچ آؤٹ کرایا۔
ویسٹ انڈیز کی دوسری وکٹ 9 رنز پر ساجد خان نے حاصل کی۔ ساجد خان اور نعمان علی کی جوڑی نے مل کر اگلی 7 وکٹیں بھی جلد ہی حاصل کرلیں۔
پاکستان کے اسپنرز ساجد خان اور نعمان علی شروع سے ہی میچ پر حاوی رہے اور پہلے گھنٹے میں ہی میچ کا رخ موڑ دیا اور ویسٹ انڈیز کے کھلاڑی متعدد کھلاڑی ڈبل فیگر میں بھی داخل نہ ہوسکے۔
نعمان کی ہیٹ ٹرک نے تاریخ رقم کردی کیونکہ وہ ٹیسٹ ہیٹ ٹرک کرنے والے پہلے پاکستانی اسپنر بن گئے، اس سے قبل ایسا کارنامہ قومی ٹیم کے کسی اور اسپنر نے انجام نہیں دیا تھا۔
واضح رہے کہ گزشتہ روز پاکستان نے ویسٹ انڈیز کے خلاف دوسرے ٹیسٹ کے لیے پلیئنگ الیون کا اعلان کیا تھا۔
قومی ٹیم میں ایک تبدیلی کی گئی ہے فاسٹ بولر کاشف علی پاکستان کی جانب سے ٹیسٹ کرکٹ میں ڈیبیو کررہے ہیں، انہیں خرم شہزاد کی جگہ ٹیم میں شامل کیا گیا ہے۔
پاکستان ٹیم کی قیادت شان مسعود کررہے ہیں، دیگر کھلاڑیوں میں بابر اعظم، سعود شکیل، محمد رضوان، کامران غلام، محمد حریرا، سلمان علی آغا، ساجد خان، ابرار احمد، نعمان علی اور کاشف علی شامل ہیں۔
بابر اعظم ’کنگ‘ نہیں، شاداب خان
قومی ٹیم کے ہیڈ کوچ عاقب جاوید کا کہنا ہے کہ پاکستان میں بھی ایسی پچز بننی چاہئیں جیسے دیگر ممالک اپنے فائدے کیلئے بناتے ہیں۔
