ARYNews.tv | Urdu – Har Lamha Bakhabar

Tag: noman ijaz

  • نعمان اعجاز کا معروف شاعر راحت اندوری کو خراج عقیدت

    نعمان اعجاز کا معروف شاعر راحت اندوری کو خراج عقیدت

    کراچی: پاکستانی شوبز انڈسٹری کے معروف اداکار نعمان اعجاز نے اردو کے معروف شاعر راحت اندوری کو خراج عقیدت پیش کرتے ہوئے سوشل میڈیا پر پیغام شیئر کردیا۔

    تفصیلات کے مطابق اداکار نعمان اعجاز نے سماجی رابطے کی ویب سائٹ انسٹاگرام پر اپنی ایک فوٹو شیئر کی جس میں وہ ایک ضعیف شخص کے روپ میں دکھائی دے رہے ہیں۔

    نعمان اعجاز نے تصویر کے کیپشن میں اردو کے معروف شاعر راحت اندوری کا ایک شعر لکھا:

    فیصلہ چاہے کچھ بھی ہو، منظور ہونا چاہئے
    جنگ ہو یا عشق ہو، بھرپور ہونا چاہئے

    اس شعر کے ساتھ ہی نعمان اعجاز نے راحت اندوری کا نام لکھا اور ان کی مغفرت کی دعا کی، علاوہ ازیں انہوں نے لکھا کہ خود اعتمادی سے بہتر کوئی میک اپ نہیں ہے۔

    واضح رہے کہ نامور بھارتی شاعر راحت اندوری رواں سال 11 اگست کو بھارتی ریاست مدھیہ پردیش کے شہر اندور میں دل کا دورہ پڑنے سے انتقال کرگئے تھے۔

    راحت اندوری نے متعدد بالی ووڈ فلموں میں نغمے لکھے، رواں سال کے اوائل میں ان کی نظم ’بلاتی ہے مگر جانے کا نہیں‘ سوشل میڈیا پر وائرل ہوگئی تھی۔

  • اداکار نعمان اعجاز سوشل میڈیا پر تنقید کے بعد نئے روپ میں

    اداکار نعمان اعجاز سوشل میڈیا پر تنقید کے بعد نئے روپ میں

    کراچی : پاکستان ٹیلی ویژن کے نامور اور سینئر اداکار نعمان اعجاز سوشل میڈیا پر تنقید کے بعد اب ایک نئے روپ میں سامنے آگئے، ان کا کہنا ہے کہ میرا مقصد اپنے مداحوں کے چہروں پر مسکراہٹ بکھیرنا ہے۔

    تفصیلات کے مطابق گزشتہ دنوں سوشل میڈیا پر تنقید کا شکار رہنے والے سینئر اداکار نعمان اعجاز نے فوٹو اینڈ ویڈیو شیئرنگ ایپ انسٹاگرام پر اپنے مداحوں کے لیے ایک خصوصی پوسٹ شیئر کی ہے۔

    اپنی اس خصوصی پوسٹ میں انہوں نے جوکر کا روپ دھارا ہے، انسٹاگرام پر کی جانے والی پوسٹ کی پہلی تصویر میں وہ خوش نظر آرہے ہیں جبکہ اگلی تصویر میں نعمان اعجاز اُداس ہیں۔

    نعمان اعجاز نے اپنی پوسٹ کے کیپشن میں لکھا کہ اگر آپ آج تک نہیں مُسکرائے تو یہ تصاویر دیکھیں اور خوش رہیں، آباد رہیں اور اپنے رب کا شُکر ادا کریں۔

    نعمان اعجاز کی اِس خصوصی پوسٹ پر اُن کے مداحوں کی جانب سے خوب پزیرائی کی جا رہی ہے اور وہ کمنٹ سیکشن میں نعمان اعجاز کے لیے نیک خواہشات کا اظہار کرتے نظر آرہے ہیں۔

    اِس سے قبل نعمان اعجاز نے انسٹاگرام پر اپنی ایک تصویر پوسٹ کی تھی جس میں وہ کالی رنگ کی شرٹ میں ملبوس تھے جبکہ دھوپ سے بچنے کے لیے کالا چشمہ بھی لگایا ہوا تھا۔

    اداکار نے اپنی پوسٹ کے کیپشن میں اپنے دوستوں کے لیے لطیفہ لکھا تھا کہ آج میں جہاں بھی ہوں صرف اپنے دوستوں کی وجہ سے ہوں ورنہ میں اس سے آگے بھی جاسکتا تھا۔

    اُنہوں نے لکھا تھا کہ میں اپنے دوستوں سے بہت محبت کرتا ہوں، آخر میں نعمان اعجاز نے لکھا تھا کہ جو چیزیں مجھے مختلف بناتی ہیں وہ چیزیں ہیں جو مجھے بناتی ہیں۔

    واضح رہے کہ گزشتہ دِنوں سوشل میڈیا پر سینئر اداکار نعمان اعجاز کا ایک سال پُرانا ویڈیو کِلپ وائرل ہوا تھا جو عفت عُمر کے ایک ویب شو کا حصّہ تھا اور نعمان اعجاز نے بطورِ مہمان اُس شو میں شرکت کی تھی۔

    وائرل ویڈیو کِلپ میں دیکھا جاسکتا ہے کہ اداکار نے دوران انٹرویو اس بات کا انکشاف کیا تھا کہ وہ کئی بار اپنی اہلیہ سے بےوفائی کرچُکے ہیں، نعمان اعجاز کی یہ ویڈیو کِلپ دیکھنے کے بعد سوشل میڈیا صارفین نے اداکار کو شدید تنقید کا نشانہ بنایا تھا۔