Tag: non-customs-paid-vehicles

کوئٹہ : کسٹمز اور ایف سی نے کارروائی کرتے ہوئے نوکنڈی کے مقام پر 17 نان پیڈ گاڑیوں کو تحویل میں لے لیا، گاڑیوں کی قیمت 6 کروڑ روپے سے زائد بنتی ہے۔

تفصیلات کے مطابق کسٹمز اور ایف سی کی جانب سے نان کسٹمز پیڈ گاڑیوں کے خلاف کریک ڈاؤن جاری ہے، کسٹم حکام کا کہنا ہے کہ نوکنڈی کے مقام پر 17 نان پیڈ گاڑیوں کو تحویل میں لے لیا گیا ہے۔

حکام نے کہا کہ نان کسٹم پیڈگاڑیوں کی قیمت6کروڑروپےسےزائدبنتی ہے، نان کسٹمزپیڈگاڑیوں سےقومی خزانےکونقصان پہنچ رہاہے۔

صوبے بھر اور بارڈر ایریاز میں نان کسٹمز پیڈ گاڑیوں کے خلاف حکمت تیار کرلی گئی ہے ، اس حوالے سے کلیکٹر کسٹمز پریونٹیو کوئٹہ عرفان جاوید نے کہا کہ غیرقانونی این سی پی گاڑیوں کے لیے بڑے پیمانے پر کریک ڈاؤن قانون نافذ کرنے والے اداروں کے ساتھ مل کر شروع کی جائے گا۔

کلیکٹر کسٹمز پریونٹیو کوئٹہ کا کہنا تھا کہ کریک ڈاؤن کے لیے کسٹمز و دیگر ادارے جن میں ایف سی، پولیس، لیویز اور دیگر ادارے مل کر کام کریں گے، نان کسٹمز پیڈ گاڑیوں سے قومی خزانے کو ناقابل تلافی نقصان پہنچ رہا ہے۔