Tag: noor ul haq qadri

اسلام آباد : وفاقی وزیر مذہبی امور نورالحق قادری کا کہنا ہے کہ سعودی اقامہ ہولڈرز اور عمرہ زائرین کیلئےخوشخبری ہے ، اب مسافروں کو سعودی عرب میں 14 دن کے بجائے 5 دن قرنطینہ کرنا ہوگا۔

تفصیلات کے مطابق وفاقی وزیر مذہبی امور نورالحق قادری نے سعودی عرب کی جانب سے پاکستان پر سے پابندی ختم کرنے کے اعلان کے بعد اپنے بیان میں کہا کہ سعودی اقامہ ہولڈرز اور عمرہ زائرین کیلئےخوشخبری ہے، براہ راست سعودی عرب پروازوں پرپابندی ختم ہوگئی۔

وزیرمذہبی امور کا کہنا تھا کہ مسافروں پر 14 دن قرنطینہ کی پابندی بھی ختم کردی گئی، اب مسافروں کو سعودی عرب میں 5دن قرنطینہ کرنا ہوگا۔

نورالحق قادری نے مزید کہا کہ پاکستانی زائرین کیلئےعمرہ بحالی کی راہ ہموارہوگئی ہے، پابندی پر خاتمے کا اطلاق یکم دسمبر 2021 سے ہوگا۔

ویکسین کے حوالے سے ان کا کہنا تھا کہ سائنوفام،سائنوویک کے حامل افراد کو بوسٹر لگوانا ہوگی، سعودی حکام کی وضع دیگرایس اوپیزپرپابندی لازم ہوگی۔

وفاقی وزیر نے کہا کہ پابندی کے خاتمے پر خادم حرمین شریفین کے شکر گزارہیں، زائرین کیلئے 5 دن قرنطینہ ختم کرانے کی کوشش کریں گے۔

اسلام آباد : وفاقی وزیر مذہبی امور نور الحق قادری کا کہنا ہے کہ سعودی عرب نے اہل تشیع اور دیگر کے مطالبے کے بعد خواتین کو بغیرمحرم حج کی اجازت دے دی، رواں سال سعودی عرب میں مقیم افرادہی فریضہ حج ادا کرسکیں گے۔

تفصیلات کے مطابق وفاقی وزیر مذہبی امور نور الحق قادری نے اے آر وائی نیوز کے پروگرام باخبر سویرا میں گفتگو کرتے ہوئے کہا خواتین کوبغیرمحرم حج کی اجازت دی گئی ہے، یہ اقدام اہل تشیع اوردیگرکےمطالبےکےبعدکیاگیا۔

رواں سال صرف سعودی عرب میں مقیم60ہزارافرادحج اداکرسکیں گے، حج کےلئےرجسٹریش کاآغازکردیاگیاہے، سعودی حکام نےحج کے3پیکجزکااعلان کیاہے، سعودی عرب میں مقیم افرادہی فریضہ حج ادا کرسکیں گے۔

گذشتہ روز سعودی وزارت حج وعمرہ نے اعلان کیا تھا کہ محرم کے بغیرخواتین بھی حج کیلئےدرخواست جمع کرا سکتی ہیں، محرم کے بغیر خاتون کو خواتین کےگروپ میں شامل کیا جائے گا۔

وزیر حج و عمرہ کا کہنا تھا کہ ایک خیمے میں عازمین کی تعداد 4 سےزیادہ نہیں ہوگی اور ہر جگہ2عازمین کےدرمیان 2.5 میٹرکا فاصلہ ہو گا جبکہ مشاعر مقدسہ میں قرنطینہ کا بھی الگ انتظام کیا گیا ہے۔

سعودی وزیر نے مزید کہا تھا کہ حج درخواست قبول ہونےپر3گھنٹے میں پیکیج کی فیس اداکرنی ہوگی، حج پیکج فیس ادانہ کرنےپردرخواست سےنام نکال دیا جائے گا۔

اسلام آباد : وفاقی وزیربرائے مذہبی امور نور الحق قادری کا کہنا ہے کہ مساجدمیں نمازاورپابندی کےحوالےسے مختلف تجاویز زیر غورہیں، کوشش ہےکہ رمضان میں مساجدکی رونقیں بحال ہوں۔

تفصیلات کے مطابق وفاقی وزیربرائے مذہبی امورنورالحق قادری نے اے آر وائی کے پروگرام باخبر سویرا میں گفتگو کرتے ہوئے کہا ہے کہ حتمی رائے پر ابھی تک نہیں پہنچے، علمائےاکرام نےجلدی میں بیان جاری کیا ہے، پھربھی علماسےرابطہ جاری رکھیں گے.

وزیرمذہبی امور کا کہنا تھا کہ کوشش کررہےہیں پورے ملک کیلئے متفقہ پالیسی لیکرآئیں، کوشش ہےکہ رمضان میں مساجدکی رونقیں بحال ہوں، مساجدمیں نمازاورپابندی کےحوالےسے مختلف تجاویز زیر غورہیں۔

نورالحق قادری کا کہنا تھا کہ کوشش ہےکہ ایسی پالیسی لائیں جس میں عوام کوراحت بھی ہواورجان کاتحفظ بھی ہو۔

گذشتہ روز وفاقی وزیربرائے مذہبی امور نے کہا تھا کہ جماعت نماز،تراویح،اعتکاف پرملک کیلئےمتفقہ فیصلہ کیا جائے گا، فیصلہ 18اپریل کو علما سے مشاورت اورمفاہمت سےکیاجائےگا۔

حکومت کوروناسےمحفوظ رمضان کیلئےاقدامات کرےگی اور تمام مسالک کےعلمااوردینی سیاسی قیادت کواعتمادمیں لیاجائے گا، حکومت روحانی ماحول،نمازیوں کی زندگی کواہمیت دےرہی ہے۔