شمالی کوریا : شمالی کوریا نے ہائیڈروجن بم کا کامیاب تجربہ کرنے کا دعویٰ کر دیا، ہائیڈروجن بم کے تجربے کے باعث شمالی کوریا میں زلزلہ بھی آیا ۔
شمالی کوریا نے طاقتور ہائیڈروجن بم کا کامیاب تجربہ کرلیا، جوہری تجربات کے مقام کے قریب زلزلے کے شدید جھٹکے بھی محسوس کیے گئے۔
امریکی جیولوجیکل سروے کے مطابق زلزلے کی شدت پانچ عشاریہ ایک تھی اور یہ پنجی ری نامی مقام سے پچاس کلو میٹر کے فاصلے پر دس کلو میٹر کی گہرائی میں آیا ۔
چین ،جاپان اور جنوبی کوریا کا کہنا ہے کہ یہ زلزلہ دھماکے کی وجہ سے آیا ہے، پنجی ری کے مقام پر دو ہزار چھ سے اب تک شمالی کوریا تین مرتبہ زیرِ زمین جوہری بم کے تجربات کر چکا ہے ۔
غیر ملکی میڈیا کے مطابق شمالی کوریا کے صدر کم جونگ آن نے تین جنوری کو دھماکے کی منظوری دی تھی۔ امریکا اور اقوام متحدہ کی جانب سے شمالی کوریا کے ایٹمی اور میزائل پروگرام کے باعث پابندیاں عائد ہیں۔
