Tag: north korea

  • شمالی کوریا کی امریکا کو صدر ٹرمپ سے ملاقات منسوخ کرنے کی دھمکی

    شمالی کوریا کی امریکا کو صدر ٹرمپ سے ملاقات منسوخ کرنے کی دھمکی

    پیانگ یانگ : شمالی کوریا نے دھمکی دی ہے کہ اگر امریکا نے شمالی کوریا پر ایٹمی تنصیبات کو تلف کرنے کے حوالے غیر ضروری دباؤ ڈالا کو ڈونلڈ ٹرمپ سے طے شدہ ملاقات منسوخ ہوسکتی ہے۔

    تفصیلات کے مطابق امریکا کی جانب سے شمالی کوریا کے حکام پر ایٹمی ہتھیاروں کے تلفی کے لیے غیر ضروری دباؤ ڈالے جانے پر شمالی کوریا نے امریکا کو خبردار کیا ہے کہ اگر رویہ تبدیل نہ کیا تو ڈونلڈ ٹرمپ ساتھ طے شدہ ملاقات منسوخ بھی ہوسکتی ہے۔

    خیال رہے کہ آئندہ ماہ 12 جون کو شمالی کوریا کے صدر کم جونگ اُن اور امریکی صدر ڈونلڈ ٹرمپ کے مابین انتہائی اہم ملاقات طے ہے۔

    غیر ملکی خبر رساں اداروں کا کہنا تھا کہ شمالی کوریا کے نائب وزیر خارجہ کی جانب سے جارحانہ بیان جاری ہوا ہے جس میں امریکا پر الزام لگایا گیا ہے کہ امریکا غیر سنجیدہ بیانات دے رہا ہے۔

    نائب وزیر خارجہ کم کی گوان نے امریکا کے قومی سلامتی کے مشیر جان بولٹن کی جانب اشارہ کرتے ہوئے کہا کہ ہم ماضی میں بولٹن کی شخصیت پر روشنی ڈال چکے ہیں اور جان بولٹن سے ہماری بیزاری چھپی ہوئی نہیں ہے۔

    غیر ملکی خبر رساں ادارے کا کہنا تھا کہ شمالی کوریا کے حکام اپنے ایٹمی منصوبوں کو ختم کرنے کے لیے تیار ہیں۔

    شمالی کوریا کے سرکاری خبر رساں ادارے کے مطابق شمالی کوریا کے صدر کم جونگ اُن کی جانب سے بدھ کے روز بیان جاری کیا گیا تھا کہ ’امریکا یک طرفہ طور پر ہم سے مطالبہ کررہا ہے کہ شمالی کوریا اپنے ایٹمی ہتھیار ختم کردے، اب ہمیں امریکا سے بات کرنے میں کوئی دلچسپی نہیں ہے‘۔

    کم جونگ اُن کا بیان میں کہنا تھا کہ’12 جون کو امریکی صدر ڈونلڈ ٹرمپ کے ساتھ ہونے والی ملاقات کے حوالے سے نظر ثانی کرنی پڑے گی‘۔


    شمالی کوریا نے جوہری تنصیبات تباہ کرنے کی تاریخوں کا اعلان کردیا


    ان کا کہنا تھا کہ ’شمالی کوریا کو اس ملاقات سے ’بہت امیدیں تھیں‘ لیکن امریکا نے مضحکہ خیز بیانات دے کر ہمیں حیرت میں مبتلا کردیا ہے۔

    یاد رہے کہ شمالی کوریا نے امریکی صدر کو ملاقات کی دعوت دی جیسے قبول کرکے ڈونلڈ ٹرمپ نے پوری دنیا کو ورطہ حیرت میں ڈال دیا تھا۔

    خیال رہے کہ چند روز قبل شمالی کوریا کے حکام نے اعلان کیا تھا کہ شمالی کوریا اپنی جوہری تنصیبات کو 23 اور 25 مئی کے درمیان تباہ کردے گا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شمالی کوریا نے جوہری تنصیبات تباہ کرنے کی تاریخوں کا اعلان کردیا

    شمالی کوریا نے جوہری تنصیبات تباہ کرنے کی تاریخوں کا اعلان کردیا

    پیانگ یانگ : شمالی کوریا نے اپنی جوہری تنصیبات کو ختم کرنے کا عندیہ دے دیا، شمالی کوریائی حکام نے اعلان کیا ہے کہ 23 اور 25 مئی درمیان میں ایٹمی تنصیبات کو تباہ کردیا جائے گا۔

    تفصیلات کے مطابق شمالی کوریا کی جانب سے عالمی جوہری پروگرام قوانین کی ہمیشہ خلاف ورزی کی جاتی رہی ہے، جس کے نتیجے میں امریکا نے ان پر مختلف پابندیاں بھی عائد کر رکھی ہیں اس کے باجود امریکی حکام نے دعویٰ کیا تھا کہ شمالی کوریا جوہری پروگرام سے متعلق بات چیت کرنے پر آمادہ ہے۔

    غیر ملکی خبر رساں کا کہنا ہے کہ شمالی کوریا نے امریکا کی خواہشات پر عمل کرتے ہوئے اپنی ایٹمی تنصیبات کو ختم کرنے کا فیصلہ کرلیا ہے، شمالی کوریا کے حکام جوہری تنصیبات کو ختم کرنے کے آپریشن کے دوران ایٹمی سرنگوں، ریسرچ عمارتوں اور چیک پوسٹوں کو دھماکوں سے اڑائے گا۔

    شمالی کوریائی حکام کا کہنا تھا کہ شمالی کوریا نے جوہری تنصیبات کو تباہ کرنے کے حوالے سے 23 مئی اور 25 مئی کے درمیان تمام ایٹمی تنصیبات تباہ کردیا جائے گا۔

    غیر ملکی خبر رساں ادارے کا کہنا تھا شمالی کوریا اپنی تنصیبات مئی کی آخری تاریخوں میں جب تباہ کرے کا اس دروان امریکا، جنوبی کوریا اور دیگر ممالک کے صحافیوں کو بھی موقع پر مدعو کیا جائے گا۔

    غیر ملکی خبر رساں ادارے کا کہنا تھا کہ امریکی صدر ڈونلڈ ٹرمپ دونوں ممالک کے سربراہوں کے درمیان ہونے والی ملاقات سے قبل شمالی کوریا کی جانب سے ایٹمی تنصیبات کو ختم کرنے کے سلسلے میں کیے جانے والے اقدامات کا خیر مقدم کیا ہے۔

    واضح رہے کہ امریکی صدر ڈونلڈ ٹرمپ اور شمالی کوریا کے سربراہ کم جونگ ان کے درمیان ملاقات 12 جون کو سنگاپور میں ہوگی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کم جونگ اُن سے ملاقات سنگاپور میں ہوگی، امریکی صدر کا ٹوئٹ

    کم جونگ اُن سے ملاقات سنگاپور میں ہوگی، امریکی صدر کا ٹوئٹ

    واشنگٹن: امریکی صدر ڈونلڈ ٹرمپ نے اپنے ٹوئٹ میں سربراہ شمالی کوریا سے ملاقات کی تاریخ و مقام کا اعلان کردیا، انھوں نے کہا ہے کہ ہم سنگاپور میں ملیں گے۔

    تفصیلات کے مطابق ڈونلڈ ٹرمپ نے کہا ہے کہ کم جونگ اُن سے ملاقات 12 جون کو ہوگی۔ ہم دونوں کوشش کریں گے کہ اس ملاقات کو عالمی امن کے لیے ایک خصوصی لمحہ بنادیں۔

    خیال رہے کہ پانچ مئی کو امریکی صدر نے وائٹ ہاؤس میں صحافیوں سے گفتگو کرتے ہوئے کہا تھا کہ شمالی کوریا کے رہنما کے ساتھ ملاقات کی تاریخ طے ہوگئی ہے، یہ خیال کیا جارہا تھا کہ ملاقات سنگاپور میں ہوگی۔

    امریکی صدر ڈونلڈ ٹرمپ ملاقات میں شمالی کوریا پر ایٹمی ہتھیار ختم کرنے کے لیے دباؤ ڈالیں گے، دوسری طرف آج ہی انھوں نے ٹوئٹ کے ذریعے شمالی کوریا میں قید تین امریکیوں کی رہائی کی خبر بھی دی ہے جس سے دونوں ممالک کے درمیان مزید برف پگھلنے کا اشارہ ملتا ہے۔

    واضح رہے امریکی وزیر دفاع مائک پومپیو پہلے سے طے شدہ مذکرات کے سلسلے میں شمالی کوریا میں موجود ہیں جو دونوں ممالک کے درمیان جوہری ہتھیاروں کے حوالے سے ممکنہ معاہدے میں اپنا کردار ادا کر رہے ہیں۔

    یہ بھی پڑھیں:  شمالی کوریا کے سربراہ کا دورہ چین، شی جن پنگ سے ملاقات

    دوسری طرف شمالی کوریا کے سربراہ کم جونگ اُن نے چین کا دورہ کرتے ہوئے چینی صدر شی جن پنگ سے ملاقات کی، جس میں دونوں رہنماؤں نے دوطرفہ تعلقات کو مزید مضبوط بنانے پر روز دیا، امریکی صدر سے ملاقات سے قبل اس دورے کو اہم قرار دیا جا رہا ہے۔

    یہ بھی پڑھیں:  امریکی صدر ٹرمپ کا ایران سے جوہری معاہدہ ختم کرنے کا اعلان

    دریں اثنا امریکی صدر نے ایران کے ساتھ جوہری معاہدہ یک طرفہ قرار دیتے ہوئے ایک روز قبل ختم کردیا ہے، ان کا کہنا تھا کہ ایران نے معاہدے کے باوجود جوہری پروگرام جاری رکھا، ایران اور اس کے ساتھ جوہری تعاون کرنے والی ریاست پر پابندیاں لگائی جائیں گی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شمالی کوریا کے سربراہ کا دورہ چین، شی جن پنگ سے ملاقات

    شمالی کوریا کے سربراہ کا دورہ چین، شی جن پنگ سے ملاقات

    بیجنگ: شمالی کوریا کے سربراہ کم جونگ ان نے چین کا دورہ کیا اور چینی صدر شی جن پنگ سے ملاقات کی اس دوران دونوں رہنماؤں نے دوطرفہ تعلقات کو مزید مضبوط بنانے پر روز دیا۔

    تفصلات کے مطابق شمالی کوریا کے لیڈر کِم جونگ اْن نے چین کا غیر اعلانیہ دورہ کیا اور میزبان ملک کے شمال مشرقی شہر ڈالیان میں چینی صدر شی جن پنگ سے ملاقات کی، ملاقات کے دوران دونوں رہنما خوشگوار موڈ میں نظر آئے اور ایک دوسرے کے کردار کو سراہا۔

    ملاقات کے بعد جاری کردہ بیان میں چینی صدر شی جن پنگ کا کہنا تھا کہ میرے اور کم جونگ ان کے درمیان پہلی ملاقات کے بعد سے چین اور کوریا کے درمیان تعلقات اور جزیرہ نما کوریا کی صورت حال میں مثبت پیش رفت ہوئی ہے، مجھے اس ملاقات سے بہت خوشی ہوئی۔

    شمالی کوریا کے صدر کم جونگ ان چین پہنچ گئے

    خیال رہے کہ کِم جونگ اْن کا مارچ کے بعد چین کا یہ دوسرا دورہ ہے اور وہ سرد جنگ کے دور کے اپنے ملک کے اہم اتحادی ملک چین کے ساتھ اختلافات کے خاتمے کے لیے کوشاں ہیں۔

    یاد رہے کہ چین نے شمالی کوریا کے خلاف جوہری تجربات کے ردعمل میں اقوام متحدہ کی عائد کردہ مختلف پابندیوں کی حمایت کی تھی، اس کے بعد دونوں ملکوں کے تعلقات میں سرد مہری آ گئی تھی۔

    شمالی کوریا میں قید تین امریکی رہا

    واضح رہے کہ شمالی کوریا کے سربراہ کم جونگ ان کی جانب سے چین کا یہ دوسرا دورہ ہے اس سے قبل گذشتہ ماہ انہوں نے اعلی سطح وفد کے ہمرا چین کے دار الحکومت بیجنگ کا دوراہ کیا تھا اور اس دورن چینی صدر سے ملاقات کی تھی، بعد ازاں عالمی ماہرین نے بھی اس ملاقات کو مثبت قرار دیا تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شمالی کوریا نے اپنا وقت جنوبی کوریا سے ملا دیا

    شمالی کوریا نے اپنا وقت جنوبی کوریا سے ملا دیا

    سیئول : کم جونگ ان نے جنوبی کوریا کے صدر مون جے ان سے ملاقات کے بعد شمالی کوریا کا وقت جنوبی کوریا سے ملادیا۔

    تفصیلات کے مطابق گذشتہ ہفتے شمالی اور جنوبی کوریا کے صدور کے مابین ہونے والی اہم ملاقات کے نتائج آنا شروع ہوگئے، کم جونگ نے شمالی کوریا کا وقت جنوبی کوریا سے ملا دیا ہے۔

    شمالی کوریا کے سرکاری خبر رساں کا کہنا تھا کہ حکومت نے اعلامیہ جاری کیا ہے کہ ہفتے کے روز سے شمالی کوریا آدھا گھنٹا آگے چلے گا۔

    یاد رہے کہ سنہ 2015 میں شمالی کوریائی حکام نے یہ کہتے ہوئے کہ ’دوسری جنگ عظیم کے بعد جاپانی سامراج شمالی کوریا پر قبضہ کرکے ملک کا وقت تبدیل کردیا تھا، تاکہ شمالی کوریا ٹوکیو کے ساتھ چلے‘۔

    دونوں رہنماؤں کی تاریخی ملاقات سے قبل شمالی کوریا جاپان اور جنوبی کوریا سے 30 منٹ پیچھے چل رہا تھا۔

    خیال رہے کہ دوسری جنگ عظیم کے بعد سنہ 1950 میں جنوبی کوریا نے ٹائم زون جاپان سے علیحدہ کردیا تھا تاہم دس سال بعد ہی جنوبی کوریا نے واپس اپنا وقت جاپان کے ساتھ ملا دیا تھا۔

    واضح رہے کہ پانمن جوم غیر فوجی علاقے پر دونوں ملکوں کے سربراہوں کی ملاقات ہوئی تھی وہاں دو گھڑیاں آویزاں تھیں جو شمالی اور جنوبی کوریا کا وقت بتارہی تھی۔

    سربراہان مملکت کی ملاقات کے بعد جنوبی کوریا کے صدراتی آفس نے سماجی رابطے کی ویب سائٹ ٹویٹر پر ٹویٹ کیا تھا کہ ’کم جونگ ان دونوں ملکوں کی گھڑیاں دیکھ کر غمزدہ ہوگئے تھے‘۔

    اسی دوران امریکی صدر نے وائٹ ہاوس میں میڈیا سے بات کرتے ہوئے کہا تھا کہ کم جونگ ان سے ملاقات کی تاریخ اور جگہ کے حوالے سے معلومات آگئی ہے جس کا اعلان جلد ہی کردیا جائے گا، امید ہے اس ملاقات سے اچھے نتائج سامنے آئے گے۔


    شمالی اور جنوبی کوریا نے باہمی جنگ کے خاتمے کا اعلان کر دیا


    یاد رہے کہ گذشتہ روز شمالی کوریا کے رہنما کم جونگ ان نے جنوبی کوریا کا تاریخی دورہ کیا اور صدر مون جے ان سے ملاقات کی بعد ازاں دونوں رہنماؤں نے مشترکہ پریس کانفرنس کرتے ہوئے باہمی جنگ کے خاتمے کے اعلان کے ساتھ ساتھ جوہری ہتھیاروں کے عدم پھیلاؤ پر بھی اتفاق کیا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شمالی کوریا مئی میں جوہری تجربے کےمقام  بند کردے گا

    شمالی کوریا مئی میں جوہری تجربے کےمقام بند کردے گا

    سیئول : جنوبی کوریا کے صدراتی دفتر کا کہنا ہے کہ ینگیئی ری سائٹ کو مئی میں باضابطہ طور پربند کردیا جائے گا اور جنوبی کوریا اور امریکی ماہرین کو اس کے معائنے کے لیے مدعوکیا جائے گا۔

    تفصیلات کے مطابق جنوبی کوریا کے صدارتی دفتر کا کہنا ہے کہ شمالی کوریا اپنے جوہری تجربات کی سائٹ کو مئی میں بند کردے گا۔

    جنوبی کوریا کے صدراتی ترجمان یون ینگ چان کا کہنا ہے کہ کم جونگ ان نے کہا ہے کہ وہ مئی میں جوہری سائٹ کو بند کریں گے۔

    ینگیئی ری سائٹ ملک کے شمال مشرقی پہاڑی علاقے میں قائم ہے اور یہ شمالی کوریا کی اہم ترین جوہری تنصیب کہی جاتی ہے اور اس کے پاس مینٹاپ پہاڑ کے اندر سرنگوں میں بنے نظام میں جوہری تجربات کیے گئے ہیں۔

    خیال رہے کہ شمالی کوریا 2006ء سے اب تک چھ بار جوہری تجربات کرچکا ہے۔

    شمالی کوریا سے تین سے چار ہفتوں میں بات چیت ہوگی‘ ڈونلڈ ٹرمپ

    واضح رہے کہ گزشتہ روز واشنگٹن میں ریلی سے خطاب کرتے ہوئے امریکی صدر ڈونلڈ ٹرمپ کا کہنا تھا کہ میرے خیال سے آنے والے تین سے چار ہفتوں میں شمالی کوریا کے رہنما سے ملاقات ہوگی۔

    امریکی صدر کا کہنا تھا کہ شمالی کوریا کے رہنما سے ملاقات بہت اہم ہوگی جس میں جزیرہ نما کوریا کو جوہری ہتھیاروں سے پاک کرنے پر بات ہوگی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شمالی کوریا سے تین سے چار ہفتوں میں بات چیت ہوگی‘ ڈونلڈ ٹرمپ

    شمالی کوریا سے تین سے چار ہفتوں میں بات چیت ہوگی‘ ڈونلڈ ٹرمپ

    واشنگٹن: امریکی صدر ڈونلڈ ٹرمپ کا کہنا ہے کہ شمالی کوریا کے ساتھ آئندہ تین سے چار ہفتوں مین بات چیت ہوسکتی ہے جبکہ انہوں نے امید ظاہر کی ہے کہ وہ کوریائی خطے کوجوہری ہتھیاروں سے پاک کرنے پرکامیاب مذاکرات کریں گے۔

    تفصیلات کے مطابق واشنگٹن میں ریلی سے خطاب کرتے ہوئے امریکی صدر ڈونلڈ ٹرمپ کا کہنا ہے کہ میرے خیال سے آنے والے تین سے چار ہفتوں میں شمالی کوریا کے رہنما سے ملاقات ہوگی۔

    امریکی صدر نے کہا کہ شمالی کوریا کے رہنما سے ملاقات بہت اہم ہوگی جس میں جزیرہ نما کوریا کو جوہری ہتھیاروں سے پاک کرنے پر بات ہوگی۔

    خیال رہے کہ گزشتہ روز امریکی صدر ڈونلڈ ٹرمپ کا کہنا تھا کہ شمالی کوریا کے رہنما کم جونگ ان سے ملاقات کے دوران معاہدہ ہوسکتا ہے۔

    ڈونلڈ ٹرمپ کا کہنا تھا کہ وہ پرامید ہیں کہ ایک دن تمام کوریائی افراد جوہری ہتھیاروں سے پاک جزیرہ نما خطے میں مل کر رہیں گے۔

    امریکی صدر ڈونلڈ ٹرمپ کا کہنا تھا کہ وہ شمالی کوریا اور جنوبی کوریا کے درمیان ہونے والے کامیاب مذاکرات کے باوجود شمالی کوریا پر دباؤ برقرار رکھیں گے۔


    شمالی اور جنوبی کوریا نے باہمی جنگ کے خاتمے کا اعلان کر دیا

    یاد رہے کہ دو روز قبل شمالی کوریا اور جنوبی کوریا کے رہنماؤں نے تاریخی ملاقات کے بعد جزیرہ نما کوریا کو جوہری ہتھیاروں سے پاک کرنے کے لیے مل کرکام کرنے پراتفاق کیا تھا۔


    کم جونگ ان سے ملاقات ایک بڑی کامیابی ہوگی‘ ڈونلڈ ٹرمپ

    واضح رہے کہ گزشتہ ہفتے فلوریڈا میں امریکی صدر ڈونلڈ ٹرمپ کا کہنا تھا کہ کم جونگ ان سے ملاقات کامیاب ثابت ہوگی لیکن اگرایسا نہیں ہوا تو وہ بات چیت ادھوری چھوڑ کرچلیں جائیں گے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شمالی کوریا میں بس حادثہ ‘36 افراد ہلاک

    شمالی کوریا میں بس حادثہ ‘36 افراد ہلاک

    پیانگ یانگ : شمالی کوریا کے جنوبی صوبے میں بس حادثے کے نتیجے میں چینی سیاحوں سمیت 36 افراد ہلاک ہوگئے۔

    تفصیلات کے مطابق شمالی کوریا میں بس حادثے میں چین سے تعلق رکھنے والے 32 سیاحوں اور 4 مقامی افراد سمیت 36 افراد جان کی بازی ہار گئے جبکہ 2 چینی شہری زخمی ہوگئے۔

    چینی وزارت خارجہ کے ترجمان لوکانگ کے مطابق بس حادثہ شمالی کوریا کے جنوبی صوبے ہوانگہائے میں پیش آیا جس میں چینی سیاحوں سمیت 36 افراد ہلاک ہوگئے۔

    ترجمان چینی وزارت خارجہ کا کہنا ہے کہ شمالی کوریا میں ان کے سفارت خانے کو رات گئے حادثے کی اطلاع دی گئی تھی جس کے بعد فوری طور پرامدادی کام شروع کردیا گیا تھا۔

    ترجمان لوکانگ نے اپنے بیان میں مزید کہا کہ ہم واقعے کی تفتیش کررہے ہیں تاہم فی الحال حادثے کی وجوہات نہیں بتائی گئیں۔

    خیال رہے کہ شمالی کوریا میں غیرملکی سیاحوں میں سب سے زیادہ تعداد چینی سیاحوں کی ہوتی ہے، ہزاروں کی تعداد میں سیاح ریل کے ذریعے با آسانی ڈینڈونگ شہرسے شمالی کوریا پہنچ جاتے ہیں۔


    کم جونگ ان کے قریبی معاون کار حادثے میں ہلاک

    یاد رہے کہ 30 دسمبر 2015 کو شمالی کوریا کے رہنما کم جونگ ان کے اہم معاون کم یانگ گون کار حادثے میں ہلاک ہوگئے تھے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شمالی کوریا کا میزائل تجربات روکنے کا اعلان بڑی خبر ہے‘ ڈونلڈ ٹرمپ

    شمالی کوریا کا میزائل تجربات روکنے کا اعلان بڑی خبر ہے‘ ڈونلڈ ٹرمپ

    واشنگٹن : امریکی صدر ڈونلڈ ٹرمپ نے شمالی کوریا کے رہنما کم جونگ ان کی جانب سے جوہری اور میزائل تجربات روکنے کے فیصلے کا خیرمقدم کرتے ہوئے کہا کہ یہ دنیا کے لیے ایک بڑی خبر ہے۔

    تفصیلات کے مطابق شمالی کوریا کی جانب سے جوہری اورمیزائل تجربات بند کرنے کے اعلان پر امریکی صدر ڈونلڈ ٹرمپ نے کہا ہے کہ یہ شمالی کوریا اور دنیا کے لیے ایک بہت اچھی خبر ہے۔

    امریکی صدر ڈونلڈ ٹرمپ نے سماجی رابطے کی ویب سائٹ ٹویٹرپراپنے پیغام میں کہا کہ شمالی کوریا کے سربراہ کی جانب سے میزائل تجربات بند کرنے کا اعلان بڑی پیش رفت ہے جس کے بعد کم جونگ ان کے ساتھ ملاقات کے لیے ماحول خوشگوار ہوگیا ہے۔

    شمالی کوریا کا جوہری اورمیزائل تجربات روکنےکا اعلان

    خیال رہے کہ شمالی کوریا کے سربراہ کم جونگ ان نے میزائل تجربات کو فوری طور پربند کرنے کا اعلان کرتے ہوئے کہا ہے کہ اس فیصلے کا مقصد معاشی ترقی کا حصول اور شمالی کوریا میں امن لانا ہے۔

    شمالی کوریا کے سرکاری ذرائع ابلاغ کے مطابق کم جونگ ان آئندہ ہفتے جنوبی کوریا کے صدر مون جے ان سے بھی ملاقات کررہے ہیں۔

    یاد رہے کہ دو روز قبل جنوبی کوریا کے صدر مون جے ان کا کہنا تھا کہ شمالی کوریا مکمل جوہری تخفیف کے لیے تیار ہے. ان کا کہنا تھا کہ امریکی صدر اور کم جونگ ان کی ملاقات کی کامیابی کے لیے تخلیقی حل کی ضرورت ہے۔

    کم جونگ ان سے ملاقات ایک بڑی کامیابی ہوگی‘ ڈونلڈ ٹرمپ

    واضح رہے کہ دو روز قبل فلوریڈا میں امریکی صدر ڈونلڈ ٹرمپ کا کہنا تھا کہ کم جونگ ان سے ملاقات کامیاب ثابت ہوگی لیکن اگرایسا نہیں ہوا تو وہ بات چیت ادھوری چھوڑ کرچلیں جائیں گے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شمالی کوریا کا جوہری اورمیزائل تجربات روکنےکا اعلان

    شمالی کوریا کا جوہری اورمیزائل تجربات روکنےکا اعلان

    پیانگ یانگ : شمالی کوریا کے رہنما کم جونگ ان نے جوہری اور بین البراعظمی میزائل تجربات کو بند کرنے کا اعلان کیا ہے۔

    تفصیلات کے مطابق شمالی کوریا کے سربراہ کم جونگ ان نے میزائل تجربات کو فوری طور پربند کرنے کا اعلان کرتے ہوئے کہا ہے کہ اس فیصلے کا مقصد معاشی ترقی کا حصول اور شمالی کوریا میں امن لانا ہے۔

    شمالی کوریا کے سرکاری ذرائع ابلاغ کے مطابق کم جونگ ان آئندہ ہفتے جنوبی کوریا کے صدر مون جے ان سے بھی ملاقات کررہے ہیں۔

    خیال رہے کہ دو روز قبل فلوریڈا میں امریکی صدر ڈونلڈ ٹرمپ کا کہنا تھا کہ کم جونگ ان سے ملاقات کامیاب ثابت ہوگی لیکن اگرایسا نہیں ہوا تو وہ بات چیت ادھوری چھوڑ کرچلیں جائیں گے۔

    سی آئی اے ڈائریکٹر کی شمالی کوریا کے سربراہ سے خفیہ ملاقات

    یاد رہے کہ تین روز قبل سی آئی اے ڈائریکٹر مائیک پومپیو نے شمالی کوریا کے سربراہ کم جونگ ان سے پیانگ یانگ میں ملاقات کی تھی۔

    امریکی صدر ڈونلڈ ٹرمپ نے ڈائریکٹر سی آئی اے اور شمالی کوریا کے رہنما کی ملاقات کی تصدیق کرتے ہوئے کہا تھا کہ سی آئی اے کے ڈائریکٹر اور کم جونگ ان کے ملاقات خوشگوار رہی ہے۔

    ڈونلڈ ٹرمپ نے کم جونگ ان سےملاقات پر رضامندی ظاہرکردی

    واضح رہے کہ گزشتہ ماہ 9 مارچ کو وائٹ ہاؤس کا کہنا تھا کہ شمالی کوریا کے سربراہ کم جونگ ان نے ڈونلڈ ٹرمپ کو ملاقات کا دعوت نامہ بھیجا تھا جسے امریکی صدر نے قبول کیا تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔