Tag: north korea

  • شمالی کوریا امریکا سے اپنے جوہری پروگرام پر مزاکرات کے لیے راضی ہے: امریکی وعویٰ

    شمالی کوریا امریکا سے اپنے جوہری پروگرام پر مزاکرات کے لیے راضی ہے: امریکی وعویٰ

    واشنگٹن: امریکی حکام کے ایک اعلیٰ افسر نے یہ دعویٰ کیا ہے کہ شمالی کوریا امریکا سے اپنے جوہری پروگرام پر بات چیت کرنے کے لیے راضی ہے۔

    تفصیلات کے مطابق شمالی کوریا کی جانب سے عالمی جوہری پروگرام قوانین کی ہمیشہ خلاف ورزی کی جاتی رہی ہے جس کے نتیجے میں امریکا نے ان پر مختلف پابندیاں بھی عائد کر رکھی ہیں اس کے باجود امریکی حکام نے دعویٰ کیا ہے کہ شمالی کوریا جوہری پروگرام سے متعلق بات چیت پر آمادہ ہے۔

    عالمی میڈیا کے مطابق ٹرمپ انتظامیہ کے ایک اعلیٰ اہلکار نے نام ظاہر نہ کرنے کی شرط پر بتایا ہے کہ شمالی کوریا کی حکومت نے امریکہ کو باضابطہ طور پر مطلع کیا ہے کہ اس کے سربراہ کم جونگ ان صدر ڈونلڈ ٹرمپ کے ساتھ اپنی متوقع ملاقات میں پیانگ یانگ کے جوہری ہتھیاروں پر بات کرنے کے لیے تیار ہیں۔

    مذاکرات سے قبل شمالی کوریا پر پابندیاں جاری رہیں گی، ڈونلڈ ٹرمپ

    دوسری جانب امریکی حکام کا کہنا ہے کہ شمالی کوریا کی جانب سے پیغام ملا ہے جس میں انہوں نے اپنے جوہری پروگرام پر بات چیت کرنے پر رضا مندی ظاہر کی ہے جس سے صدر ٹرمپ اور کم جونگ ان کی مستقبل میں ہونے والی ملاقات کے نتیجہ خیز ہونے سے متعلق امریکی حکومت کی توقعات میں اضافہ ہوا ہے۔

    شمالی کوریا نےامریکہ سےمذاکرات پررضامندی کا اظہار کردیا

    خیال رہے کہ تاحال شمالی کوریا حکام یا کسی اعلیٰ عہدیدار نے صدر ٹرمپ اور کم جونگ ان کی ملاقات کے بارے میں کوئی بیان نہیں دیا ہے جبکہ دونوں ملکوں کے درمیان براہِ راست سفارتی تعلقات نہ ہونے کے باعث ملاقات کی اس پیشکش اور اس کے پیچھے کار فرما مقاصد کے بارے میں قیاس آرائیاں بدستور جاری ہیں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مذاکرات سے قبل شمالی کوریا پر پابندیاں جاری رہیں گی، ڈونلڈ ٹرمپ

    مذاکرات سے قبل شمالی کوریا پر پابندیاں جاری رہیں گی، ڈونلڈ ٹرمپ

    واشنگٹن: چین اور شمالی کوریا کے سربراہوں کے بیجنگ میں ہونے والے مذاکرات کا خیر مقدم کرتے ہوئے امریکی صدر ڈونلڈ ٹرمپ کا کہنا ہے کہ کم جونگ آن سے مئی میں ہونے والی مُلاقات سے قبل شمالی کوریا پر پابندی اور دباؤ جاری رہے گا۔

    تفصیلات کے مطابق شمالی کوریا کے صدر کم جونگ ان کے دوراہ چین اور صدر شی جن پنگ سے ہونے والی ملاقات پر امریکی صدر ڈونلڈ ٹرمپ نے اپنی سماجی رابطے کی ویب سائٹ ٹویٹر پرٹویٹ کیا ہے کہ سربراہ شمالی کوریا کا دوراہ چین ’بہت اچھا رہا‘ اب وہ بھی ان سے ملنا چاہتے ہیں۔

    امریکی صدر ڈونلڈ ٹرمپ کا ساتھ ہی ساتھ یہ بھی کہنا تھا کہ مئی میں ہونے والی ملاقات سے قبل شمالی کوریا پر پابندی اور دباؤ جاری رہے گا، اور اب شمالی کوریا کے جوہری ہیتھاروں میں بھی تخفیف کی جاسکتی ہے۔

    بدھ کے روز کیے گئے ٹویٹ میں صدر ڈونلڈ ٹرمپ نے دونوں ممالک کے سربراہوں کے درمیان بیجنگ میں ہونے والے مذاکرات کے حوالے سے آنے والی خبروں کا خیر مقدم کیا ہے۔

     

    صدر ٹرمپ کا ٹویٹ میں کہنا تھا کہ ’یہ اچھا موقع ہے کہ کم جونگ ان وہ کریں جو شمالی کوریا کے شہریوں اور انسانیت کے لیے درست ہے۔ ’مسٹر کم جونگ میرے ساتھ ملاقات کے بھی منتظر ہیں‘۔

    امریکی صدر ٹرمپ کہہ چکے ہیں کہ ‘شمالی کوریا کے ساتھ ہونے والے معاہدے پر کام جاری ہے، اس معاہدے کی تکمیل دنیا کے لیے بہت اچھی ثابت ہوگی۔ ملاقات کے وقت اور جگہ کا انتخاب بعد میں ہوگا۔

    یاد رہے کہ امریکی صدر ڈونلڈ ٹرمپ نے گذشتہ دنوں شمالی کوریا کے صدر کم جونگ ان کی جانب سے ملاقات کی پیش کش کو قبول کیا ہے اور دونوں رہنما اگلے مہینے مئی میں ملاقات کریں گے۔

    امریکی صدر کا یہ بیان ایک ایسے وقت میں سامنے آیا ہے جب شمالی کوریا کے صدر کم جونگ ان نے 2011 میں اقتدار سنبھالنے کے بعد اپنے پہلے غیر ملکی دورے پر چین گئے اور چینی صدر شی جن پنگ سے ملاقات بھی کی ہے۔

    امریکا اور شمالی کوریا کے سربراہان کی ملاقات کے حوالے سے سیاسی ماہرین کا کہنا ہے کہ امید ہے امریکا اور کوریا کے مذاکرات کامیاب ہوں وگرنہ دونوں ممالک کے باہمی تعلقات مزید خراب ہوجائے گے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • شمالی کوریا نےامریکہ سےمذاکرات پررضامندی کا اظہار کردیا

    شمالی کوریا نےامریکہ سےمذاکرات پررضامندی کا اظہار کردیا

    واشنگٹن : کم جونگ ان نے امریکہ سے مذاکرات پررضامندی کا اظہارکرتے ہوئے کہا کہ شمالی کوریا جوہری پروگرام پر بھی امریکہ سے بات چیت کے لیے تیار ہے۔

    تفصیلات کے مطابق شمالی کوریا نے جوہری پروگرام سمیت تمام متنازعہ امور پرامریکہ سے بات چیت کے لیے اپنی رضامندی کا پیغام جنوبی کوریا کے صدرکوبھجوا دیا۔

    شمالی کوریا کی مذاکرات کی پیشکش پرامریکی صدرڈونلڈ ٹرمپ نے ردعمل کا اظہار کرتے ہوئے کہا کہ کوریائی خطے کو جوہری ہتھیاروں سے پاک کرنے کے لیے پرعزم ہیں۔

    انہوں نے کہا کہ امریکہ شمالی کوریا سے گفتگوکا نتیجہ جوہری ہتھیاروں کے خاتمے کی صورت میں چاہتا ہے۔

    دوسری جانب چین نے امریکہ سے مطالبہ کیا ہے کہ وہ شمالی کوریا پرسے نئی پابندیاں فوری طور پر ہٹائے۔

    چینی وزارت خارجہ کا کہنا ہے کہ شمالی کوریا پر یکطرفہ عائد کی گئی پابندیوں کی مخالفت کرتے ہیں۔


    امریکہ شمالی کوریا کےجوہری ہتھیاروں کےنشانے پرہے‘ کم جونگ ان


    خیال رہے کہ گزشتہ ماہ شمالی کوریا کے رہنما کم جونگ ان نے سال نو پرامریکہ کو دھمکی دیتے ہوئے کہا تھا کہ امریکہ شمالی کوریا کے جوہری ہتھیاروں کے نشانے پرہے۔

    بعدازاں امریکی صدر ڈونلڈ ٹرمپ نے 3 جنوری 2018 کو شمالی کوریا کو دھمکی دیتے ہوئے کہا تھا کہ میرے پاس ان سے بڑا طاقتور نیو کلیئربٹن ہے اوربٹن وقت پڑنے پر کام بھی کرے گا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • چین کا شمالی کوریا کو جوہری ہتھیاروں کی فروخت نہ کرنے کا فیصلہ

    چین کا شمالی کوریا کو جوہری ہتھیاروں کی فروخت نہ کرنے کا فیصلہ

    بیجنگ: شمالی کوریا کی جانب سے مسلسل جوہری ہتھیاروں کی بناوٹ اور عالمی ایٹمی قوانین کی خلاف ورزی کو مدد نظر رکھتے ہوئے چین نے شمالی کوریا سے جوہری ہتھیاروں میں استعمال ہونے والی اشیاء کی تجارت نہ کرنے کا فیصلہ کرلیا ہے۔

    تفصیلات کےمطابق چین کی جانب سے شمالی کوریا کو برآمدات کے سامان میں ان اشیاء پر پابندی عائد کردی گئی ہے جن کا استعمال جوہری ٹیکنالوجی میں ہوسکتا ہے۔

    اس حوالے سے چینی حکام کا کہنا ہے کہ شمالی کوریا مسلسل جوہری ہتھیار تیار کر رہا ہے جو اقوام متحدہ کے عالمی قوانین کی کھلی خلاف ورزی ہے، چین نے عالمی قوانین کی پاسداری کرتے ہوئے شمالی کوریا پر پابندی عائد کی ہے۔

    چینی حکام کے مطابق پابندی کا مقصد شمالی کوریا کو ایٹمی پروگراموں سے باز رکھنا اور مذاکرات کی میز پر لانا ہے۔

    امریکہ شمالی کوریا کےجوہری ہتھیاروں کےنشانے پرہے‘ کم جونگ ان

    واضح رہے ماضی میں شمالی کوریا نے دو سو ملین ڈالر کی مد میں غیر قانونی اشیاء کی درآمدات کی جس پر عالمی پابندی عائد تھی۔

    ماہرین کے مطابق ماضی میں چین اور شمالی کوریا کے درمیان بڑے پیمانے پر باہمی تجارت کی گئی جس کی مد میں کروڑوں ڈالر کمائے گئے۔

    اقوام متحدہ کی شمالی کوریا پر نئی اقتصادی پابندیاں

    خیال رہے کہ 23 دسمبرکواقوام متحدہ کی سلامتی کونسل نے شمالی کوریا کے حالیہ بیلسٹک میزائل تجربے کے جواب میں اس پرنئی پابندیاں عائد کی تھیں۔

    یاد رہے رواں برس شمالی کوریا کے رہنما کم جونگ ان نے سال نو پرامریکا کو دھمکی دیتے ہوئے کہا تھا کہ امریکا شمالی کوریا کے جوہری ہتھیاروں کے نشانے پرہے جس پر ردعمل دیتے ہوئے امریکی صدرڈونلڈ ٹرمپ نے شمالی کوریا کو دہشت گرد ریاست قرار دیا تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کم جونگ ان سےبات چیت کےلیےتیار ہوں‘ ڈونلڈ ٹرمپ

    کم جونگ ان سےبات چیت کےلیےتیار ہوں‘ ڈونلڈ ٹرمپ

    واشنگٹن : امریکی صدر ڈونلڈ ٹرمپ کا کہنا ہے کہ وہ شمالی کوریا کی حکومت سے بات چیت کے لیے تیار ہیں اور اس کے لیے وہ کم جونگ ان کو فون بھی کرسکتے ہیں۔

    تفصیلات کے مطابق کیمپ ڈیوڈ میں نیوزکانفرنس کے دوران امریکی صدر نے صحافی نے سوال کیا کہ ایٹمی پروگرام کے حوالے آپ شمالی کوریا کی حکومت سے بات چیت کرسکتے ہیں؟ ۔

    امریکی صدر ڈونلڈٹرمپ نے صحافی کے سوال پر جواب دیا کہ میں ہمیشہ بات چیت پریقین رکھتا ہوں۔

    ڈونلڈٹرمپ نے کہا کہ مذاکرات کے لیے شمالی کوریا کے سربراہ کم جونگ ان سے بھی بات کرسکتا ہوں، انہوں نے کہا کہ اگر ہم مذاکرات سے پرامن حل کی طرف چلے جائیں تو یہ پوری دنیا کے لیے بہتراقدام ہوگا۔

    خیال رہے کہ یکم جنوری کو سالِ نو کے موقع پر شمالی کوریا کے رہنما کم جونگ نے ٹرمپ دھمکی دیتے ہوئے کہا تھا کہ جوہری ہتھیاروں کا بٹن ہروقت میری میزپررہتا ہے، امریکہ کوپتا ہونا چاہیے یہ صرف دھمکی نہیں حقیقت ہے۔


    شمالی کوریا سے بڑا،طاقتور نیو کلیئر بٹن میرے پاس ہے،ٹرمپ


    بعدازاں امریکی صدر ڈونلڈ ٹرمپ نے شمالی کوریا کو دھمکی دیتے ہوئے کہا تھا کہ میرے پاس ان سے بڑا، طاقتورنیو کلیئر بٹن ہے اور بٹن وقت پڑنے پر کام بھی کرے گا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی کوریا  سے بڑا،طاقتور نیو کلیئر بٹن میرے پاس ہے،ٹرمپ

    شمالی کوریا سے بڑا،طاقتور نیو کلیئر بٹن میرے پاس ہے،ٹرمپ

    واشنگٹن: امریکی صدر ڈونلڈ ٹرمپ نے شمالی کوریا کو دھمکی دیتے ہوئے کہا ہے کہ میرے پاس ان سے بڑا،طاقتور نیو کلیئر بٹن ہے اور بٹن وقت پڑنے پر کام بھی کرے گا۔

    تفصیلات کے مطابق امریکی صدر ڈونلڈ ٹرمپ نے شمالی کوریا کے سربراہ کم جونگ کے بیان پر ردعمل کا اظہار کرتے ہوئے سماجی رابطے کی ویب سائٹ ٹوئٹر اپنے بیان میں کہا کہ شمالی کوریا کے صدر نے کہا نیوکلیئر ہتھیاروں کا بٹن انکی میز پر ہوتا ہے تو میں شمالی کوریا کو کہتا ہوں ان سے بڑا، طاقتور نیوکلیئر بٹن میرے پاس ہے۔

    ٹرمپ کا کہنا تھا کہ میرے پاس موجود نیوکلیئرہتھیاروں کا بٹن وقت پڑنے پر کام بھی کرے گا۔


    مزید پڑھیں : جوہری ہتھیاروں کا بٹن ہروقت میری میزپررہتا ہے، کم جونگ


    یاد رہے کہ یکم جنوری کو سالِ نو کے موقع پر شمالی کوریا کے رہنما کم جونگ نے ٹرمپ دھمکی دیتے ہوئے کہا کہ جوہری ہتھیاروں کا بٹن ہروقت میری میزپررہتا ہے، امریکہ کوپتا ہونا چاہیے یہ صرف دھمکی نہیں حقیقت ہے۔

    انہوں نے کہا کہ شمالی کوریا امن پسند اور ذمہ دارملک ہے، امریکہ شمالی کوریا کے جوہری ہتھیاروں کے نشانے پرہے۔

    خیال رہے کہ حالیہ کچھ دنوں میں امریکی صدر ڈونلڈ ٹرمپ اور شمالی کوریا کے سربراہ کم جانگ ان کی جانب سے دھمکی آمیز بیان کے بعد دونوں ممالک کے درمیان جنگ کی سی صورتحال پیدا ہوگئی ہے۔

    گذشتہ برس 29 نومبر کو شمالی کوریا نے ایک ایسے بین البراعظمی بیلسٹک میزائل کے کامیاب تجربہ کا دعویٰ کیا تھا کہ جو امریکا کے کسی بھی مقام کو نشانہ بنانے کی صلاحیت رکھتا ہے۔

    جس کے بعد 23 دسمبر کو اقوام متحدہ کی سلامتی کونسل نے بین البراعظمی میزائل تجربات کے بعد شمالی کوریا پر نئی پابندیاں عائد کردی تھیں۔

    یاد رہے کہ اس سے قبل بھی شمالی کوریا نے امریکہ کو دھمکی دیتے ہوئے کہا تھا کہ جاپان کو غرق اور امریکا کو راکھ و تاریکی میں بدل دیں گے۔


    امریکا کو راکھ اور تاریکی میں بدل دیں گے،شمالی کوریا


    واضح رہے ے اقوام متحدہ میں خطاب کے دوران ڈونلڈ ٹرمپ نے خبردار کیا تھا کہ اگر شمالی کوریا نے امریکہ کو اپنے دفاع پرمجبور کیا تو امریکہ اسے تباہ کردے گا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اقوام متحدہ کی شمالی کوریا پر نئی اقتصادی پابندیاں

    اقوام متحدہ کی شمالی کوریا پر نئی اقتصادی پابندیاں

    نیویارک : اقوام متحدہ کی سلامتی کونسل نے شمالی کوریا کے حالیہ بیلسٹک میزائل تجربے کے جواب میں اس پرنئی پابندیاں عائد کردیں۔

    تفصیلات کے مطابق امریکہ نے شمالی کوریا پراقتصادی پابندیاں عائد کرنے کی قرارداد کو سلا متی کونسل میں پیش کیا، جسے متفقہ طورپرمنظورکرلیا گیا۔

    سلامتی کونسل میں شمالی کوریا کے خلاف قراداد کے حق میں15 اور مخالفت میں کوئی ووٹ نہیں ڈالا گیا۔

    قرارداد کے متن کے مطابق شمالی کوریا کوبیلسٹک میزائل تجربات سے روکنے کے لیے پٹرولیم مصنوعات کی برآمد پر نوے فیصد پابندی عائد کردی گئی ہے۔

    امریکی قرارداد کے مسودے کے مطابق دنیا بھر میں کام کرنے والے شمالی کوریائی باشندوں کو واپس اپنے ملک جانا ہوگا۔

    امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں شمالی کوریا پر پابندیوں کے فیصلے کا خیرمقدم کیا ہے۔

    دوسری جانب اقوام متحدہ میں امریکی سفیر کا کہنا ہے کہ اگرشمالی کوریا اب بھی ہٹ دھرمی سے باز نہ آیا توعالمی برداری میں تنہا رہ جائےگا۔


    شمالی کوریا نے بین البراعظمی میزائل فائرکیا‘ جنوبی کوریا


    یاد رہے کہ رواں برس 15 ستمبر کو شمالی کوریا نے بین البراعظمی بیلسٹک میزائل کا کامیاب تجربہ کیا تھا اور کہا تھا کہ امریکہ اب اس کے میزائل کی رینج میں ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی کوریا دنیا کو جنگ کی طرف دھکیل رہا ہے‘ نکی ہیلی

    شمالی کوریا دنیا کو جنگ کی طرف دھکیل رہا ہے‘ نکی ہیلی

    نیویارک : اقوام متحدہ میں امریکی سفیر نکی ہیلی کا کہنا ہےکہ شمالی کوریا دنیا کے امن کو تہہ وبالا کرنے کہ درپر ہے، اگرجنگ ہوئی تو تمام ترذمہ داری شمالی کوریا پرعائد ہوگی۔

    تفصیلات کے مطابق شمالی کوریا کےمسئلے پر سلامتی کونسل کےاجلاس سے خطاب میں اقوام متحدہ میں امریکی مندوب نکی ہیلی کا کہنا تھا کہ عالمی برادری کوشمالی کوریا سے تجارتی تعلقات منقطع کرلینے چاہیے۔

    امریکی سفیرنکی ہیلی کا کہنا ہے کہ شمالی کوریا دنیا کو جنگ کی طرف دھکیل رہا ہے۔

    نکی ہیلی کا مزید کہنا تھا کہ امریکی صدر ڈونلڈ ٹرمپ نے چین پر زور دیا ہے کہ شمالی کوریا کو تیل کی فراہمی معطل کردے اور شمالی کوریا کی بڑھتی ہوئی جارحیت کے خاتمے میں امریکہ کا ساتھ دے۔


    شمالی کوریا کی جانب سے بیلسٹک میزائل کا ایک اور تجربہ


    خیال رہے کہ گزشتہ روز شمالی کوریا کے بلیسٹک میزائل تجربے کے بعد امر یکہ اور جاپان کی درخواست پر سلامتی کونسل اجلاس طلب کیا گیا تھا۔

    یاد رہے کہ گزشتہ ہفتے امریکی صدرڈونلڈ ٹرمپ نے شمالی کوریا کو دہشت گرد ریاست قرار دیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی کوریا کی جانب سے بیلسٹک میزائل کا ایک اور تجربہ

    شمالی کوریا کی جانب سے بیلسٹک میزائل کا ایک اور تجربہ

    پیانگ ینگ: شمالی کوریا نے ایک اور بیلسٹک میزائل کا تجربہ کیا ہے جس پر غور کے لیے اقوام متحدہ کی سلامتی کونسل کا اجلاس طلب کر لیا گیا ہے۔ امریکی صدر ڈونلڈ ٹرمپ کا کہنا ہے کہ وہ شمالی کوریا سے نمٹ لیں گے۔

    شمالی کوریا نے ایک اور بیلسٹک میزائل کا تجربہ کیا ہے۔ یہ بیلسٹک میزائل 1 ہزار کلو میٹر دور بحیرہ جاپان میں گرا اور یہ شمالی کوریا کا اب تک سب سے اونچی پرواز کرنے والا میزائل ہے۔

    جاپانی حکام کا دعویٰ ہے کہ شمالی کوریا کا بیلسٹک میزائل اس کے خصوصی اقتصادی زون میں گرا۔

    شمالی کوریا کی جانب سے پابندی کے باوجود میزائل تجربہ کا نوٹس لیتے ہوئے اقوام متحدہ کی سلامتی کونسل کا اجلاس طلب کرلیا گیا ہے۔ وائٹ ہاؤس کے ترجمان کا کہنا ہے کہ صدر ڈونلڈ ٹرمپ نے کہا کہ شمالی کوریا سے نمٹ لیں گے۔

    مزید پڑھیں: شمالی کوریا میں ایٹمی تجربے کے لیے کھودی جانے والی سرنگ گر گئی

    یاد رہے کہ شمالی کوریا کے حکمران کم جونگ ین کے جنگی جنون کی وجہ سے گزشتہ کچھ عرصے میں شمالی کوریا نے بے شمار جوہری اور میزائل تجربے کیے ہیں۔

    حالیہ کچھ دنوں میں امریکی صدر ڈونلڈ ٹرمپ اور کم جونگ ین کی جانب سے دھمکی آمیز بیان کے بعد دونوں ممالک کے درمیان جنگ کی سی صورتحال پیدا ہوگئی ہے۔

    چند روز قبل شمالی کوریا کے چھٹے جوہری تجربے کے بعد اقوام متحدہ نے متفقہ طور پر شمالی کوریا پر نئی پابندیاں عائد کرنے کی منظوری دی تھی۔

    نئی پابندیوں میں شمالی کوریا کی توانائی اور ٹیکسٹائل انڈسٹری کو نشانہ بنایا گیا۔ اس پابندی سے شمالی کوریا کو سالانہ 80 کروڑ ڈالرز کا نقصان ہوگا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکی صدرٹرمپ نےشمالی کوریا کو دہشت گردریاست قراردےدیا

    امریکی صدرٹرمپ نےشمالی کوریا کو دہشت گردریاست قراردےدیا

    واشنگٹن : امریکی صدرٹرمپ نے شمالی کوریا کو دہشت گردریاست قراردے دیا اور کہا کہ شمالی کوریا پربڑے پیمانے پرپابندیاں عائد کی جائیں گی، جنکا اعلان آج کیا جائے گا۔

    تفصیلات کے مطابق امریکی صدرڈونلڈ ٹرمپ نے شمالی کوریا کو دہشتگردوں کو تعاون فراہم کرنے والی ریاست قراردے دیا، شمالی کوریا کے خلاف امریکا پابندیوں کا اعلان آج کرے گا۔

    ڈونلڈٹرمپ کا کہنا ہے کہ شمالی کوریا دنیا میں دہشت گردی کوفروغ دے رہا ہے، ایسا بہت پہلے ہو جانا چاہیے تھا۔

    امریکی صدر نے شمالی کوریا کے جوہری پروگرام کو تنقید کا نشانہ بناتے ہوئے اسے بین الاقوامی دہشت گرد عمل قرار دیا اور کہا کہ شمالی کوریا نے متعدد بار بین الاقوامی سطح پر دہشت گردی کی حمایت کی، اسے فوری طور پر اپنے جوہری پروگرام کو بند کرنا چاہیے۔

    دوسری جانب شمالی کوریا کے رہنما کم جانگ تمام پابندیوں کے باوجود جوہری پروگرام اور میزائل تجربات کا سلسلہ جاری رکھنے کے لئے پرعزم ہیں۔

    خیال رہے کہ شمالی کوریا کو9 سال قبل 2008میں امریکی صدر جارج ڈبلیو بش کے دور میں اس لسٹ سے ہٹایا گیا تھا۔

    اس سے قبل امریکی صدر نے شمالی کوریا کا تنازع حل کرنے کے لیے چین کو اقدامات تیز کرنے کی ضرورت پر زور دیا تھا۔


    مزید پڑھیں :  کم جونگ کی شان میں گستاخی‘ امریکی صدر ٹرمپ کو سزائے موت


    چند روز قبل شمالی کوریا نے سربراہ’ کم جونگ ان‘ کی شان میں گستاخی کرنے پر امریکی صدر ڈونلڈ ٹرمپ کے لیے موت کی سزا تجویز کی تھی اور کہا تھا کہ امریکی صدر نے ایسا جرم کیا ہے جس کی معافی کسی صورت ممکن نہیں ہے۔

    یاد رہے کہ شمالی کوریا کے چھٹے جوہری تجربے کے بعد امریکہ سمیت عالمی برادری سخت تشویش میں مبتلا ہے ، اسی تشویش کے پیش نظر امریکہ نے اقوام متحدہ کی سلامتی کونسل میں شمالی کوریا پر نئی پابندیوں کی تجویز پیش کی تھی۔

    اقوام متحدہ نے متفقہ طور پر شمالی کوریا پر نئی پابندیاں عائد کرنے کی منظوری دی تھی، نئی پابندیوں میں شمالی کوریا کی توانائی اور ٹیکسٹائل انڈسٹری کو نشانہ بنایا گیاتھا۔

    جس کے بعد اقوام متحدہ میں شمالی کوریا کے سفیر نے اقوام متحدہ کی نئی پابندیوں کے جواب میں اپنے بیان میں کہا تھا کہ پابندیوں کی غیر قانونی قرارداد کو مسترد کرتے ہیں، شمالی کوریا کے آئندہ اقدامات سے امریکا کو اتنی تکلیف پہنچے گی، جو اس نے پہلے کبھی نہیں سہی ہوگی۔

    واضح رہے کہ گزشتہ روز شمالی کوریا نے ہائیڈروجن بم کا کامیاب تجربہ کیا تھا جس کے بعد شمالی کوریا میں زلزلے کے جھٹکے محسوس کیے گئے تھے جن کی شدت ریکٹر اسکیل پر 6.3 ریکارڈ کی گئی تھی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔