Tag: north korea

  • میزائل تجربات، امریکہ سمیت کئی ممالک کی شمالی کوریا پر نئی پابندیوں کی تجویز

    میزائل تجربات، امریکہ سمیت کئی ممالک کی شمالی کوریا پر نئی پابندیوں کی تجویز

    نیویارک : شمالی کوریا کی جانب سے ہائیدڑوجن بم کے تجربے کے بعد امریکہ سمیت کئی ممالک نے شمالی کوریا پر نئی اقتصادی پابندیوں کی تجویز دی ہے، جس پر آئندہ ہفتے اقوام متحدہ میں رائے شماری کی جائے گی۔

    تفصیلات کے مطابق شمالی کوریا کے ہائیڈروجن بم کے تجربے کے بعد امریکہ سمیت کئی ممالک شمالی کوریا پر مزید سخت اقتصادی پابندیاں عائد کرنے کیلئے سلامتی کونسل میں آواز بلند کر رہے ہیں، جس پر آئندہ ہفتے اقوام متحدہ میں رائے شماری کی جائے گی۔

    قوام متحدہ میں امریکہ کی سفیر نکی ہیلی کہتی ہیں کہ شمالی کوریا کے سربراہ کم جونگ جنگ کی بھیک مانگ رہے ہیں، شمالی کوریا کی جانب سے میزائلوں کا بے دریغ استعمال اور جوہری حملے کی دھمکیاں ظاہر کرتی ہیں کہ وہ جنگ چاہتے ہیں۔

    اقوام متحدہ میں شمالی کوریا کے حوالے سے اجلاس میں روس اور چین شمالی کوریا پر مزید اقتصادی پابندیاں عائد کرنے کے حق میں نہیں۔


    مزید پڑھیں : میزائل تجربہ امریکا کے لئے تحفہ ہے، شمالی کوریا


    چین شمالی کوریا کا پڑوسی ملک اور واحد علاقائی اور تجارتی اتحادی ہے، چین کے مطابق اس بحران کا کوئی فوجی حل نہیں اور چین خطے میں جنگ کی کسی کو اجازت نہیں دے گا تاہم امریکہ اب ان ممالک پر پابندیاں لگانے پر غور کر رہا ہے، جو شمالی کوریا کے ساتھ تجاری روابط رکھے ہوئے ہیں۔

    جم میٹس امریکی وزیر دفاع شمالی کوریا کے حوالے سے پوری دنیا میں موجود کشیدگی کے باوجود اطلاعات ہیں کہ ہائیدڑوجن بم کے تجربے کے بعد شمالی کوریا تمام دھمکیوں کو نظر انداز کرتے ہوئے ایک اور تجربے کے تیاری کر رہا ہے۔

    خیال رہے کہ شمالی کوریا کی جانب سے اعلان بھی کیا گیا ہے کہ اس کیخلاف کسی بھی کاروائی کے نتیجے میں امریکہ اور اس کے اتحادیوں کو خوفناک نتائج کا سامنا کرنا پڑے گا۔

    گذشتہ روز شمالی کوریا نے امریکا کو مزید میزائل تجربوں کی دھمکی دیتے ہوئے کہا ہے کہ شمالی کوریا کا میزائل تجربہ امریکا کے لئے تحفہ ہے، مستقبل میں امریکا کو مزید ایسے تحفے دیں گے۔


    مزید پڑھیں : شمالی کوریا کا ہائیڈروجن بم کے کامیاب تجربے کا دعویٰ


    واضح رہے کہ گزشتہ روز شمالی کوریا نے ہائیڈروجن بم کا کامیاب تجربہ کیا تھا جس کے بعد شمالی کوریا میں زلزلے کے جھٹکے محسوس کیے گئے تھے جن کی شدت ریکٹر اسکیل پر 6.3 ریکارڈ کی گئی تھی۔

    خیال رہے کہ شمالی کوریا کے ہائیڈروجن بم تجربے کے بعدجزیرہ نما کوریا کی کشیدگی میں اضافہ ہوا ہے جبکہ عالمی برادری نے شمالی کوریا کے ہائیڈروجن بم تجربے کی مذمت کی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی کوریا کا میزائل تجربہ امریکا کے لئے تحفہ ہے، شمالی کورین مندوب

    شمالی کوریا کا میزائل تجربہ امریکا کے لئے تحفہ ہے، شمالی کورین مندوب

    پیانگ یانگ : شمالی کوریا نے امریکا کو مزید میزائل تجربوں کی دھمکی دیتے ہوئے کہا ہے کہ شمالی کوریا کا میزائل تجربہ امریکا کے لئے تحفہ ہے۔

    تفصیلات کے مطابق شمالی کورین مندوب ہین سونگ نے امریکہ کو مزید میزائل تجربوں کی دھمکی دیدی اور کہا کہ شمالی کوریا کا میزائل تجربہ امریکا کے لئے تحفہ ہے، مستقبل میں امریکا کو مزید ایسے تحفے دیں گے۔

    شمالی کورین مندوب نے مزید کہا کہ شمالی کوریا کا حالیہ میزائل تجربہ ملکی دفاع میں ہے۔

    اس سے قبل اقوام متحدہ میں امریکی مندوب نک ہیلی کا کہنا تھا کہ شمالی کوریا جنگ کی بھیک مانگ رہا ہے، شمالی کوریا پرمزید سخت پابندیاں عائد کی جائیں۔


    مزید پڑھیں : امریکہ نے شمالی کوریا کو ایٹمی حملے کی دھمکی دے دی


    ہنگامی اجلاس میں نکی ہیلی نے کہا کہ دیر ہونے سے پہلے سفارتی ذرائع استعمال کرکے شمالی کوریا کے خلاف سخت ترین اقدامات کئے جائیں، امریکہ اس سلسلے میں ایک مسودہ پیش کرے گا، جس پر اگلے ہفتے ووٹنگ ہوگی۔

    وائٹ ہاؤس کی جانب سے جاری بیان میں کہا گیا ہے کہ شمالی کوریا امریکہ اور اس کے اتحادیوں کو دھمکیاں دینے سے باز نہ آیا تو اس کے خلاف بھرپور طاقت کا استعمال کیا جائے۔

    امریکی وزیردفاع جیمز میٹس نے بھی دھمکی دیتے ہوئے کہا کہ اگر شمالی کوریا کی جانب سے جارحیت کا سلسلہ جاری رہا تو امریکہ فوجی طاقت سےاس کا جواب دے گا۔


    مزید پڑھیں : شمالی کوریا کا ہائیڈروجن بم کے کامیاب تجربے کا دعویٰ


    واضح رہے کہ گزشتہ روز شمالی کوریا نے ہائیڈروجن بم کا کامیاب تجربہ کیا تھا جس کے بعد شمالی کوریا میں زلزلے کے جھٹکے محسوس کیے گئے تھے جن کی شدت ریکٹر اسکیل پر 6.3 ریکارڈ کی گئی تھی۔

    خیال رہے کہ شمالی کوریا کے ہائیڈروجن بم تجربے کے بعدجزیرہ نما کوریا کی کشیدگی میں اضافہ ہوا ہے جبکہ عالمی برادری نے شمالی کوریا کے ہائیڈروجن بم تجربے کی مذمت کی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی کوریا کا ہائیڈروجن بم کے کامیاب تجربے کا دعویٰ

    شمالی کوریا کا ہائیڈروجن بم کے کامیاب تجربے کا دعویٰ

    پیانگ یانگ : کوریا اور امریکہ کے درمیان حالات مزید کشیدہ ہونے جا رہے ہیں، شمالی کوریا نے اعلان کیا ہے کہ اس نے ہائیڈروجن بم کا کامیاب تجربہ کرلیا ہے، جبکہ چھ اعشاریہ تین شدت کا زلزلہ ریکارڈ ہونے کے بعد جنوبی کوریا نے شمالی کوریا پر ایٹمی تجربے کا الزام عائد کردیا ہے۔

    تفصیلات کے مطابق جنگی جنون میں مبتلا شمالی کوریا کے سرکاری میڈیا کی جانب سے دعوی کیا گیا ہے کہ اس نے ایک ایسے ہائیڈروجن بم کا تجربہ کیا ہے، جو روایتی ایٹم بم سے کئی گنا زیادہ طاقتور ہے۔

    پیانگ یانگ کے مطابق یہ بم باآسانی بیلسٹیک میزائل پر نصب کیا جا سکتا ہے، جس کی پہنچ دیگر براعظموں تک ہے۔ ہائیڈروجن بم کا تجربہ کم جونگ ان کے احکامات کے بعد کیا گیا۔

    اس سے قبل شمالی کوریاکی جانب سےچھٹی بار ایٹمی تجربہ کیاگیا ہے، جس کے نتیجے میں شمالی کوریا میں زلزلے کے جھٹکے محسوس کیے گئے، شمالی کوریا کا بم تجربہ گزشتہ تجربات سے کئی گناہ طاقتورہے۔

    اتوار کو کوریائی خطے میں موجود امریکی جیولوجیکل سروے نے 6.3 کی شدت کا زلزلہ ریکارڈ کیا، جس کا مرکز شمالی کوریا کی جوہری تنصیبات کا قریبی علاقہ تھا۔

    جنوبی کوریا کے حکام کے مطابق یہ زلزلہ پیما پر ریکارڈ کیے گئے جھٹکے دراصل شمالی کوریا کی جانب سے ایٹمی تجربات کا نتیجہ تھے، اس میں کوئی شک نہیں کہ شمالی کوریا نے جوہری تجربہ کیا ہے۔

    اس سے قبل امریکی صدر نے شمالی کوریا کو خبردار کرتے ہوئے کہا تھا کہ امریکہ کو دھکانے پر اُسے بھی آگ اور غصہ کا سامنا کرنا پڑے گا۔

    شمالی کوریا کے پڑوسی ممالک نے اس صورتحال پر انتہائی تشویش کا اظہار کیا ہے جبکہ امریکی قومی سلامتی کے مشیر نے جنوبی کوریائی ہم منصب سے فون پر ہنگامی رابطہ کیا۔


    مزید پڑھیں :  شمالی کوریا کا پانچواں جوہری میزائل کا کامیاب تجربہ


    یاد رہے اس سے قبل گذشتہ سال ستمبر میں شمالی کوریا نے  پانچواں ایٹمی تجربہ کیا تھا،  جس کے نتیجے میں زلزلے کے شدید جھٹکے محسوس کئے گئے تھے، ایٹمی تجربہ کے بعد خطے میں صورتحال بھی کشیدہ ہوگئی تھی۔

    واضح رہے کہ شمالی کوریا کو اپنے جوہری اور میزائل پروگرام کی وجہ سے امریکا اور اقوام متحدہ کی سخت پابندیوں کا سامنا ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی کوریا کا ایک اوربیلسٹک میزائل کا تجربہ

    شمالی کوریا کا ایک اوربیلسٹک میزائل کا تجربہ

    سیئول : شمالی کوریا نےبیلسٹک میزائل کا تجربہ کیا ہے جو جاپان کی فضائی حدود سے گزرتے ہوئے سمندر میں گر کر تباہ ہوگیا۔

    تفصیلات کے مطابق شمالی کوریا نے آج صبح بیلسٹک میزائل کا تجربہ کیا جو جاپان کے مشرقی علاقے سے گزرتے ہوئے میں جا گرا۔ شمالی کوریا کا میزائل پہلی مرتبہ جاپانی فضائی حدود سے گزرا۔

    جاپان کی فضائی حدود سے شمالی کوریا کا میزائل گزرنے کی وجہ سے سائیرن بجنے لگے اور لوگوں سے کہا گیا کہ وہ تہہ خانوں میں چلے جائیں۔

    شمالی کوریا کے میزائل تجربے کے بعد جاپانی وزیراعظم شینزو ابے نے کہا کہ ان کا ملک اپنی عوام کی زندگیوں کو محفوظ بنانے کے لیے ہرممکن اقدامات کررہا ہے۔

    دوسری جانب امریکی محکمہ دفاع کا کہنا ہے کہ شمالی کوریا کا یہ بیلسٹک میزائل امریکہ کے لیے خطرہ نہیں ہے۔


    شمالی کوریا کا تین بیلسٹک میزائلوں کا تجربہ


    یاد رہے کہ دو روز قبل شمالی کوریا نےامریکہ اور جنوبی کوریا کی فوجی مشقوں کے جواب میں کم فاصلے تک مارکرنے والے تین بلیسٹک میزائل کا تجربہ کیا تھا۔


    امریکا کو اپنے کیے کی قیمت چکانی پڑے گی، شمالی کوریا


    واضح رہےکہ رواں ماہ شمالی کوریا کے وزیرِ خارجہ کا کہنا تھا کہ امریکہ کو اپنے کیے کی قیمت چکانی پڑے گی اور اقوام متحدہ کی پابندیاں شمالی کوریا کو جوہری ہتھیاروں کی تیاری سے نہیں روک سکتیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی کوریا کا تین بیلسٹک میزائلوں کا تجربہ

    شمالی کوریا کا تین بیلسٹک میزائلوں کا تجربہ

    سیئول : شمالی کوریا نےامریکہ اور جنوبی کوریا کی فوجی مشقوں کے جواب میں کم فاصلے تک مارکرنے والے تین بلیسٹک میزائل کا تجربہ کیا ہے۔

    جنوبی کوریا کے مطابق شمالی کوریا کی جانب سے صوبہ گانگ وون سے 3 بیلسٹک میزائل فائرکیے گئےجو250 کلو میٹر فاصلہ طےکرنے کے بعد جاپان کے قریب سمندر میں جاگرے۔

    دوسری جانب امریکہ کی جانب سے جاری بیان میں کہا گیا کہ شمالی کوریا کی جانب سے فائر کیے گئے2 میزائل کچھ دیر بعد ناکارہ ہوگئے جبکہ تیسرا میزائل فائر ہونے کےفوراً ناکارہ ہوگیا تھا۔

    امریکی حکام کا کہنا تھا کہ شمالی کوریا کی جانب سے داغے جانے والے میزائل گوام یا امریکہ کے لیے خطرہ نہیں ہے۔

    خیال رہے کہ شمالی کوریا نے امریکہ اور جنوبی کوریا کی فوجی مشقوں کو اشتعال انگیزی قرار دیا تھا اور ان میزائلوں کے ذریعے امریکہ کو پیغام دیا گیا ہے کہ وہ خطے میں کشیدگی بڑھانے سے باز رکھے۔


    امریکا کو اپنے کیے کی قیمت چکانی پڑے گی، شمالی کوریا


    واضح رہےکہ رواں ماہ شمالی کوریا کے وزیرِ خارجہ کا کہنا تھا کہ امریکہ کو اپنے کیے کی قیمت چکانی پڑے گی اور اقوام متحدہ کی پابندیاں شمالی کوریا کو جوہری ہتھیاروں کی تیاری سے نہیں روک سکتیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکی فوج شمالی کوریا سے نمٹنے کے لیے تیار ہے‘ ڈونلڈ ٹرمپ

    امریکی فوج شمالی کوریا سے نمٹنے کے لیے تیار ہے‘ ڈونلڈ ٹرمپ

    واشنگٹن : امریکی صدرڈونلڈ ٹرمپ نے ایک بار پھر شمالی کوریا کو دھمکی آمیز پیغام میں کہا ہے کہ امریکی فوج شمالی کوریا سے نمٹنے کےلیے تیار ہے۔

    تفصیلات کے مطابق سماجی رابطے کی ویب سائٹ ٹویٹر پرامریکی صدر ڈونلڈ ٹرمپ نے اپنے پیغام میں کہا کہ عسکری حل اب بالکل موجود ہے، ’لاکڈ اینڈ لوڈڈ‘، کیا شمالی کوریا دانشمندی کا مظاہرہ کرے گا۔ امید ہے کم جونگ ان کوئی اور راستہ اختیار کریں گے۔

    امریکی صدر کا یہ بیان ایسے وقت میں سامنے آیا ہے جب حال ہی میں شمالی کوریا نے بحر الکاہل میں واقع امریکی اڈے گوام کو پانچ میزائلوں سے نشانہ بنانے کا اعلان کیا تھا۔

    دوسری جانب ماسکو نے کہا ہے کہ واشنگٹن اور پیانگ یانگ کے درمیان دھمکیوں کا تبادلہ ہمارے لیے پریشانی کا باعث ہے۔


    شمالی کوریا کا امریکہ کے خلاف جنگ میں کوئی جوڑ نہیں‘ امریکی وزیردفاع


    واضح رہے کہ دو روز قبل امریکی وزیرِ دفاع جیمز میٹس نے شمالی کوریا سے کہا تھا کہ وہ ایسے اقدامات کرنے سے گریز کرے جو اسے اس کی حکومت کے خاتمے اور عوام کی تباہی کی جانب لے جائیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • صدر ٹرمپ کی دھمکی،  شمالی کوریا کا امریکہ پر میزائل داغنے کے منصوبے پرغور

    صدر ٹرمپ کی دھمکی، شمالی کوریا کا امریکہ پر میزائل داغنے کے منصوبے پرغور

    سیول : شمالی کوریا نے امریکی صدر ڈونلڈ ٹرمپ کی دھمکیوں کے بعد امریکا کے علاقے گوآم پر میزائل داغنے کے منصوبے پر غورشروع کردیا ہے۔

    شمالی کوریا کی فوج کے ترجمان کا کہنا ہے کہ امریکا نے کسی جارحیت کا مظاہرہ کیا تو موثر اور بھرپور جواب دیاجائیگا، شمالی کوریاکے سربراہ کم جانگ ان کی ہدایت ملنے پر امریکی علاقے گوآم کو نشانہ بنایا جائے گا۔

    شمالی کوریا کیجانب سے امریکا کو جوہری میزائل سے نشانہ بنانے کی رپورٹ سامنے آنے پر صدرٹرمپ نے دھمکی دی تھی کہ شمالی کوریا کو ایسے غیض و غضب کا نشانہ بنائیں گے جو دنیا نے کبھی نہیں دیکھا ہوگا۔

    گوام کے گورنر ایڈی کالوو نے شمالی کوریا کی دھمکی کو مسترد کرتے ہوئے کہا ہے کہ ان کا دفاع مضبوط ہاتھوں میں ہے اور وہ کسی بھی جارحیت کا مقابلہ کرنے کے لیے تیار ہے

    دوسری جانب جنوبی کوریا نے شمالی کوریا کی دھمکی کو سنجیدہ چیلنج قرار دیا ہے۔

    جاپان کا کہناہےکہ شمالی کوریا کیخلاف دفاعی نظام مضبوط بنانے کے لئے امریکا کے ساتھ کام کرتے رہیں گے۔

    واشنگٹن میں وائٹ ہاؤس کے باہر مظاہرہ کیا گیا، جس میں مظاہرین نے صدرٹرمپ سے شمالی کوریا سے جنگ کے بجائے مذاکرات کا مطالبہ کیا۔


    مزید پڑھیں : امریکا کو اپنے کیے کی قیمت چکانی پڑے گی، شمالی کوریا


    یاد رہے کہ اس سے قبل شمالی کوریا کے وزیر خارجہ ری یانگ نے منیلا میں منعقدہ تقریب خطاب کرتے ہوئے کہا تھا کہ اگر امریکا نے جارحیت دکھائی تو اسے اپنے کیے کی قیمت چکانی پڑے گی اور شمالی کوریا کسی صورت اپنے جوہری اثاثوں اور بیلسٹک میزائل کی تیاری سے پیچھے نہیں ہٹے گا

    خیال رہے کہ گوام، امریکہ کے زیرِ انتظام جزیرہ ہے، جو امریکہ کی سرزمین کے مقابلے میں مشرقی اور جنوب مشرقی ایشیائی ممالک سے زیادہ قریب ہے، یہ ایک معروف سیاحتی مقام ہے جہاں بطورِ خاص جنوبی کوریا اور جاپانی سیاح بڑی تعداد میں آتے ہیں۔

    گوام میں امریکی فوج کی ایک بڑی چھاؤنی بھی واقع ہے جہاں آبدوزوں کا ایک اسکواڈرن، ایک ہوائی اڈہ اور کوسٹ گارڈز کے دفاتر موجود ہیں۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • شمالی کوریا کا امریکہ کے خلاف جنگ میں کوئی جوڑ نہیں‘ امریکی وزیردفاع

    شمالی کوریا کا امریکہ کے خلاف جنگ میں کوئی جوڑ نہیں‘ امریکی وزیردفاع

    واشنگٹن : امریکی وزیرِ دفاع جیمز میٹس کا کہنا ہے کہ شمالی کوریا کا امریکہ اور اس کے اتحادیوں کے خلاف جنگ میں کوئی جوڑ نہیں ہے۔

    تفصیلات کے مطابق امریکی وزیرِ دفاع جیمز میٹس کا کہنا ہےکہ شمالی کوریا ایسے اقدامات کرنے سے گریز کرے جو اسے اس کی حکومت کے خاتمے اور عوام کی تباہی کی جانب لے جائیں۔

    امریکی محکمہ دفاع پینٹاگون کے سربراہ کا کہنا تھا کہ شمالی کوریا سے اپنے ہتھیاروں کا پروگرام بند کرنے کو کہا ہے۔

    خیال رہے کہ امریکی وزیردفاع کا یہ بیان امریکی صدر کے اس بیان کے بعد سامنےآیا ہےجس میں ڈونلڈ ٹرمپ نے کہا تھا کہ اگر جنوبی کوریا نے امریکہ کو مزید دھمکی دی تو اسے آگ اور غصےکا سامنا کرنا پڑے گا۔


    امریکہ شمالی کوریا کا دشمن نہیں ‘ریکس ٹیلرسن


    یاد رہے کہ اس سے قبل امریکی وزیرِ خارجہ ریکس ٹلرسن نے کہا تھا کہ امریکہ کو شمالی کوریا کی جانب سے فوری طور پر کوئی خطرہ نہیں ہے۔

    واضح رہے کہ شمالی کوریا نے بحرالکاہل میں امریکی جزیرے گوام پر حملہ کرنے کی دھمکی دی ہے جہاں امریکہ کے فوجی اڈے، اسٹریٹجک بمبار طیارے اور163،000 امریکی رہتے ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • چین نے شمالی کوریا کا ساتھ چھوڑ دیا

    چین نے شمالی کوریا کا ساتھ چھوڑ دیا

    نیویارک : اقوام متحدہ کی سلامتی کونسل نے شمالی کوریا کے میزائل پروگرام کےباعث اس پر نئی پابندیوں کی منظوری دے دی جس پر چین نے بھی اتفاق کیا ہے۔

    تفصیلات کے مطابق شمالی کوریا کی جانب سے حالیہ میزائل تجربے کے بعد اقوامِ متحدہ کی سلامتی کونسل میں شمالی کوریا کی برآمدات کو محدود کرنے سے متعلق قراردار تسلیم کرلی گئی۔

    خیال رہے کہ حال ہی میں جاپان، جنوبی کوریا اور امریکہ نے ان تجربات کی مذمت کی تھی جس کے بعد سلامتی کونسل نے نئی پابندیوں کے مسودے پر رائے شماری کی۔

    چین کے سفیر لیو جیائی نے کہا کہ یہ قرارداد ظاہر کرتی ہے کہ دنیا جزیرہ نما کوریا پر ایٹمی ہتھیاروں کے خلاف متحد ہے۔

    انہوں نے اس امریکی بیان کا خیرمقدم کیا کہ امریکہ شمالی کوریا کی حکومت تبدیل کرنا یا شمالی و جنوبی کوریا کے انضمام کو ترجیح دینا نہیں چاہتا۔

    چین کے سفیر لیو جیائی نے روسی سفیر کے ہمراہ جنوبی کوریا میں تھاڈ میزائل شکن نظام کی تنصیب پر تنقید کرتے ہوئے کہا کہ اسے فوری طور پر روک دیا جائے۔


    امریکہ شمالی کوریا کا دشمن نہیں ‘ریکس ٹیلرسن


    یاد رہے کہ تین روز قبل امریکی وزیر خارجہ ریکس ٹیلرسن کا کہنا تھا کہ ہم شمالی کوریا کے دشمن نہیں ہم نہیں چاہتے کہ وہاں حکومت کا تختہ الٹ جائے۔


    چین نےشمالی کوریا سے متعلق ہمارے لیےکچھ نہیں کیا ‘ڈونلڈ ٹرمپ


    واضح رہے کہ گزشتہ ماہ امریکی صدر ڈونلڈ ٹرمپ نے کہا تھا کہ وہ چین سے بہت مایوس ہیں کیونکہ وہ شمالی کوریا کے اسلحے کے پروگرام کو روکنے کے لیے زیادہ کوشش نہیں کر رہا ہے


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • امریکہ شمالی کوریا کا دشمن نہیں ‘ریکس ٹیلرسن

    امریکہ شمالی کوریا کا دشمن نہیں ‘ریکس ٹیلرسن

    واشنگٹن : امریکی وزیر خارجہ ریکس ٹیلرسن کا کہنا ہےکہ ہم شمالی کوریا کے دشمن نہیں ہم نہیں چاہتے کہ وہاں حکومت کا تختہ الٹ جائے۔

    تفصیلات کے مطابق واشنگٹن میں صحافیوں سے گفتگو کرتے ہوئے امریکی وزیر خارجہ ریکس ٹیلرسن نے کہا کہ ہم شمالی کوریا میں اقتدار کی تبدیلی نہیں چاہتے۔ انہوں نے کہا کہ امریکہ کچھ معاملات پر شمالی کوریا سے مذاکرات کرنا چاہتا ہے۔

    امریکی وزیر خارجہ نے شمالی کوریا کو مخاطب کرتےہوئے کہا کہ ہم آپ کے دشمن اور آپ کے لیے خطرہ کا باعث نہیں، لیکن آپ ہمارے لیے ایک ناقابل قبول خطرہ بنے ہوئے ہیں اور ہمیں مجبوراً اس کا جواب دینا ہوگا۔


    امریکہ شمالی کوریا کےخلاف فوجی طاقت استعمال کرسکتا ہے‘نکی ہیلی


    دوسری جانب سینیئر ریپبلکن رہنما گراہم لنزے نے کہا ہے کہ ڈونلڈ ٹرمپ نے مجھ سے کہا تھا کہ اگر شمالی کوریا نے امریکا کو میزائل سے نشانے بنانے کی کوششوں کو جاری رکھا تو اس سے جنگ ہوجائے گی۔

    گراہم لنزے کےمطابق امریکی صدر نے کہا تھا کہ اگر شمالی کوریا سے جنگ ہوئی تو اس کی سرزمین پر ہوگی، اگر ہزاروں لوگوں کو مرنا پڑا تو وہ وہیں مریں گے، یہاں امریکہ میں نہیں مریں گے۔


    ڈونلڈ ٹرمپ نےشمالی کوریاکودنیا کےلیےخطرہ قرار دے دیا


    واضح رہے کہ رواں ماہ امریکی صدر ڈونلڈ ٹرمپ نے کہا تھا کہ شمالی کوریا کے میزائل تجربات کے بعد امریکہ شمالی کوریا کو سخت جواب دےگا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔