ARYNews.tv | Urdu – Har Lamha Bakhabar

Tag: north korea

  • چین نےشمالی کوریا سے متعلق ہمارے لیےکچھ نہیں کیا ‘ڈونلڈ ٹرمپ

    چین نےشمالی کوریا سے متعلق ہمارے لیےکچھ نہیں کیا ‘ڈونلڈ ٹرمپ

    واشنگٹن : امریکی صدر ڈونلڈ ٹرمپ نے بیجنگ کے ردعمل پر اپنی مایوسی کا اظہار کرتے ہوئےشمالی کوریا کے متعلق پالیسی پرامریکی چینی تجارت کوخسارے کا سودا بتایا ہے۔

    تفصیلات کے مطابق امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں کہا کہ میں چین سے بہت مایوس ہوں۔ ہمارے بے وقوف سابق رہنماؤں نے انہیں کروڑوں ڈالر تجارت میں کمانے کا موقع دیا لیکن وہ پھر بھی شمالی کوریا کے سلسلے میں ہمارے لیے کچھ نہیں کر رہا ہے۔

    ڈونلڈ ٹرمپ نے کہا کہ وہ چین سے بہت مایوس ہیں کیونکہ وہ شمالی کوریا کے اسلحے کے پروگرام کو روکنے کے لیے زیادہ کوشش نہیں کر رہا ہے۔ انہوں نے کہا کہ ہم اس کی اب اجازت نہیں دیں گے۔ چین با آسانی اس مسئلے کو حل کر سکتا ہے۔

    یاد رہےکہ امریکی صدر ڈونلڈ ٹرمپ کا یہ ٹویٹ پیانگ یانگ کی جانب سے ایک ماہ میں دوسری بار بین براعظمی بیلسٹک میزائل کے تجربے کے ایک روز بعد آیا ہے۔

    واضح رہے کہ شمالی کوریا نے دعوی کیا کہ اب پورا کا پورا امریکہ اس کے نشانے کی زد پرآ چکا ہے۔

  • امریکی شہریوں کی شمالی کوریا جانے پرپابندی

    امریکی شہریوں کی شمالی کوریا جانے پرپابندی

    واشنگٹن: امریکی حکام کا کہناہےہےکہ امریکہ اپنے شہریوں کےشمالی کوریا جانے پر پابندی عائد کررہاہے۔

    تفصیلات کےمطابق امریکی اسٹیٹ ڈپارٹمنٹ کےترجمان کا کہناہےکہ امریکہ کی جانب سے ایسا امریکی شہریوں کی شمالی کوریا میں گرفتاری اور قید کےخطرے کو مدنظررکھتےہوئےکیا گیا ہے۔

    ترجمان امریکی اسٹیٹ ڈپارٹمنٹ کے ترجمان کا کہناتھاکہ امریکی شہریوں کےشمالی کوریا جانے پر پابندی کےفیصلےپر ایک ماہ میں عمل درآمد شروع ہوجائےگا۔

    خیال رہےکہ اس سے قبل امریکہ میں ٹور آپریٹ کرنے والی دو ایجنسیوں نے عندیہ دیا تھا کہ امریکہ اپنے شہریوں کے شمالی کوریا جانے پر پابندی عائد کرنے والا ہے۔

    یاد رہےکہ مبیر نامی امریکی طالب علم کو شمالی کوریا میں گرفتار کرکے15 سال کے لیے جیل بھیج دیا گیا تھا۔

    واضح رہےکہ امریکی طالب علم کو گزشتہ ماہ کومے کی حالت میں امریکہ واپس بھیجا گیا تھا جہاں چند دنوں بعد اس کا انتقال ہو گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شمالی کوریا کا بین البراعظمی بیلسٹک میزائل کے تجربہ کا دعویٰ

    شمالی کوریا کا بین البراعظمی بیلسٹک میزائل کے تجربہ کا دعویٰ

    پیانگ یانگ : شمالی کوریا نے بین البراعظمی بیلسٹک میزائل کے تجربہ کا دعویٰ کیا ہے جبکہ اقوام متحدہ نے شمالی کوریا کے تجربے کی مذمت کی ہے۔

    شمالی کوریا نے دعویٰ کیا ہے کہ بین البراعظمی بیلسٹک میزائل کا کامیاب تجربہ کیا، یہ میزائل دنیا کے کسی بھی حصے کو نشانہ بنا سکتا ہے۔ شمالی کوریا نے میزائل تجربے کواہم پیشرفت قراردے دیا ہے۔

    شمالی کوریا میڈیا کے مطابق میزائل نے 39 منٹ تک پرواز کی اور وہ 2800 کلومیٹر کی بلندی تک جانے کے بعد بحیرۂ جاپان میں گرکے تباہ ہوگیا۔

    مزید پڑھیں  : شمالی کوریا کا ایک اورمیزائل تجربہ

    دوسری جانب جنوبی کوریا کے صدر مون جائے ان کا کہنا ہے کہ ان کی حکومت کا خیال تھا کہ شمالی کوریا نے جس میزائل کا تجربہ کیا ہے وہ درمیانی فاصلے تک مار کرنے والا ایک بیلسٹک میزائل تھا، اگر شمالی کوریا کا بین البراعظمی میزائل کا تجربہ کرنے کا دعویٰ درست ہے تو جنوبی کوریا کو حفاظتی اقدامات کرنے ہوں گے۔

    دوسری جانب اقوام متحدہ نے شمالی کوریا کی جانب سے میزائل تجربے کی مذمت کی ہے، سیکریٹری جنرل اقوام متحدہ کا کہنا ہے کہ شمالی کوریا کا اقدام سلامتی کونسل قراردادوں کی خلاف ورزی ہے۔

    امریکی وزیر خارجہ ٹیلرسن نے شمالی کوریا کے تجربے کو امریکا کیلئے نیا خطرہ قرار دیا ہے ، ان کا کہنا ہے کہ عالمی خطرے کو روکنے کیلئے عالمی ایکشن کی ضرورت ہے۔

    خیال رہے کہ شمالی کوریا نے بین البراعظمی بیلسٹک میزائل کا تجربہ ایسے وقت کیا، جب دنیا کے 20 بڑی معاشی طاقتوں کی تنظیم ‘جی-20’ کا سربراہی اجلاس جرمنی میں شروع ہونے والا ہے، جس میں عالمی رہنما شمالی کوریا کی جانب سے بین الاقوامی پابندیوں کی مسلسل خلاف ورزیوں سمیت دیگر معاملات پر بھی غور کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شمالی کوریا کا ایک اورمیزائل تجربہ

    شمالی کوریا کا ایک اورمیزائل تجربہ

    سیول : جنوبی کوریا کی فوج کا کہناہےکہ شمالی کوریا نے ایک اور بیلسٹک میزائل کا تجربہ کیا ہے۔

    تفصیلات کےمطابق جنوبی کوریا کا کہناہےکہ شمالی کوریا کی جانب سے ایک اور بیلسٹک میزائل کا تجربہ کیاگیاہے۔جنوبی کوریا کا کہناہےکہ میزائل تجربہ مقامی وقت کےمطابق آج صبح نو بجکر چالیس منٹ پر کیاگیا۔

    خیال رہےکہ شمالی کوریا کی جانب سے آئے دن میزائل تجربات کی اطلاعات آتی رہتی ہیں جن سے خطے میں تناؤ کی کیفیت طاری رہتی ہے۔

    دوسری جانب امریکی صدر ڈونلڈٹرمپ نے سماجی رابطے کی ویب سائٹ ٹویٹر پر شمالی کوریا کے میزائل تجربےپر ردعمل ظاہرکرتے ہوئے کہاکہ شمالی کوریا کےسربراہ کےپاس کیا میزائل تجربات کے علاوہ کوئی کام نہیں۔

    یاد رہےکہ اس سے قبل گزشتہ دنوں امریکی حکام کا کہناتھا کہ شمالی کوریا نے اپنے ایک اور راکٹ انجن کا تجربہ کیا ہے،جس کا تعلق بین البراعظمی بیلسٹک میزائل کی تیاری سے ہو سکتا ہے۔

    شمالی کوریا اپنا قبلہ جلد ازجلد درست کرلے‘ ڈونلڈ ٹرمپ

    واضح رہےکہ تین روز قبل امریکی صدر ڈونلڈ ٹرمپ کا کہناتھاکہ شمالی کوریا کے معاملے پر ان کے صبر کا پیمانہ اب لبریز ہو گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • شمالی کوریا کا ایک اور بیلسٹک میزائل کا تجربہ

    شمالی کوریا کا ایک اور بیلسٹک میزائل کا تجربہ

    سیول : شمالی کوریا نے مختصر فاصلے تک مار کرنے والے ایک اور بیلسٹک میزائل کا تجربہ کرلیا۔

    شمالی کوریا کے جنگی جنون میں اضافہ ہوتا جارہا ہے، ایک ہفتے کے دوران بیلسٹک میزائیل کا دوسرا تجربہ کرلیا، امریکی پیسیفک کمانڈ کا کہنا ہے کہ یہ میزائل تجربہ شمالی کوریا کے مشرقی ساحلی علاقے وون سان کے قریب کیا گیا۔

    میزائل بحیرہ جاپان میں اس جگہ گرا جو جاپان کی خصوصی اقتصادی زون کے طور پر جانی جاتی ہے۔

    جاپان کے وزیراعظم نے میزائل تجربے پر برہمی کا اظہار کرتے ہوئے کہا ہے کہ امریکا کے ساتھ کام کرتے ہوئے، شمالی کوریا سے نمٹنے کے لیے ٹھوس اقدامات کئے جائیں گے۔

    خیال رہے کہ یہ ایک ہفتے کے دوران شمالی کوریا کی جانب سے دوسرا میزائل تجربہ ہے ، شمالی کوریا کے پاس مختلف رینج کے ایک ہزار میزائل ہیں جن میں طویل فاصلوں تک مار کرنے والے ایسے میزائل بھی شامل ہیں جو مستقبل میں امریکہ کو نشانہ بنانے کے قابل ہو سکیں گے۔

    مزید پڑھیں : شمالی کوریا کا ایک اور میزائل تجربہ

    یاد رہے اس سے قبل 22 مئی کو شمالی کوریا نے درمیانے فاصلے تک مار کرنے والے میزائل کا تجربہ کیا تھا، شمالی کوریا کی جانب سے داغے گئے میزائل نے 560 کلو میٹر تک بحیرہ جاپان میں سفر کیا۔

    جنوبی کوریا کے وزارت خارجہ نے میزائل تجربے پر رد عمل کا اظہارکرتے ہوئے کہا تھا کہ شمالی کوریا نے میزائل تجربہ کرکے غیرذمہ داری کا ثبوت دیا ہے۔

    واضح رہے کہ اقوام متحدہ کی سلامتی کونسل نے بھی شمالی کوریا سے مزید میزائل تجربے نہ کرنے کا مطالبہ کیا تھا لیکن اس کے باوجود شمالی کوریا نے میزائل تجربات جاری رکھنے کے عزم کا اظہار کیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • تاریخ کے سب سے بڑے سائبر حملوں کے پیچھے شمالی کوریا ملوث ہوسکتا ہے، ماہرین

    تاریخ کے سب سے بڑے سائبر حملوں کے پیچھے شمالی کوریا ملوث ہوسکتا ہے، ماہرین

    نیویارک : تاریخ کے سب سے بڑے سائبر حملے کے ذمہ داروں کو پکڑنے کیلئے دنیا بھر میں تلاش تیز کردی گئی، ماہرین نے دعوی کیا کہ حملوں کے پیچھے شمالی کوریا کا ہیکنگ گروپ ملوث ہے۔

    تاریخ کے سب سے بڑے سائبر حملے کے پس پشت کون ہے ؟ دنیا بھر کی تنظیموں نے تباہ کن حملے کے ذمہ دار افراد کی تلاش تیز کردی، ماہرین نے خدشہ ظاہر کیاہے کہ سائبر حملوں کے پیچھے شمالی کوریا کا گروپ لازارس ملوث ہوسکتا ہے۔

    123

    وانا کرائی وائرس کا کوڈ شمالی کوریا کے ماہرین نے تیار کیا ہے، سائمن ٹیک اور دوسری کمپنیاں شمالی کوریا کے لازارس گروپ کے سائبر حملوں میں ملوث ہونے کا جائزہ لے رہے ہیں۔

     لازارس گروپ کو2009 سے ہیکنگ میں ملوث قرار دیا جاتا رہا ہے جبکہ بنگلادیش کے مرکزی بینک سے 81ملین ڈالر چرانے میں بھی لازارس گروپ ملوث تھا۔

    مزید پڑھیں : دنیا بھرکے کمپیوٹرز کو ہولناک سائبر حملے کاخطرہ

    سائبر حملے سے بچنے کیلیے بھارت بھر میں سیکڑوں اے ٹی ایمز بند کردیئے گئے جبکہ ریزر بینک آف انڈیا نے بینکوں کو سافٹ ویئراپ ڈیٹ کرنے کے احکامات جاری کردئیے۔

    واضح رہے کہ چند روز قبل دنیا کے قریبا 100 ممالک پر سائبر حملہ ہوا تھا جس کے نتیجے میں ہزاروں کمپیوٹرز کو تاوان کے لئے ہیک کر لیا گیا تھا، وائرس حملے کی زد میں ایک سو پچاس ممالک کے تین لاکھ کمپیوٹر متاثر ہوئے، ایک برطانوی نوجوان نے اتفاق سے اس حملے کو روک دیا۔

    ماہرین کے مطابق اس وائرس کے دوسرے ورژن کئی کمپوٹروں میں موجود ہیں۔ خاص طور پر پرانے کمپویٹر اس کانشانہ ہیں۔ نیٹ سائبر سیکیورٹی سے وابستہ کمپنیاں ابھی تک کسی حتمی حل تک نہیں پہنچ سکیں۔

    ماہرین کا کہنا ہے کہ وائرس پھر سے وار کرسکتا ہے۔ اس مرتبہ یہ حملہ بہت خطرناک ثابت ہوسکتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی کوریا نے ایک اوربیلسٹک میزائل کا کامیاب تجربہ کرلیا

    شمالی کوریا نے ایک اوربیلسٹک میزائل کا کامیاب تجربہ کرلیا

    سیئول: شمالی کوریا نے ایک اور بلیسٹک میزائل کا تجربہ کرلیا‘ یہ میزائل سات سوکلومیٹر تک تک اپنے حدف کو نشانہ بنا سکتاہے۔

    تفصیلات کے مطابق جنوبی کورین فوجی حکام نے انکشاف کیا ہے کہ شمالی کوریا نے بیلسٹک میزائل کا تجربہ اپنے دارالحکومت پیانگ یانگ کے شمال مغرب میں واقع شہر کسونگ کے قریب کیا ہے،

    جنوبی کورین حکام کا کہنا ہے کہ میزائل سات سو کلو میٹر تک اپنے ہدف کو نشانہ بنانے کی صلاحیت رکھتا ہے‘ شمالی کوریا نے یہ میزائل تجربہ ایسے وقت میں کیا ہے ،جب جنوبی کوریا میں مون جے اُن نے صدر کا عہدہ سنبھالا ہے جبکہ چین میں پاکستان اور چین کے اشتراک سے ’ون بیلٹ ون روڈ‘ سمٹ جاری ہے۔

    ون بیلٹ ون روڈ منصوبہ 65 ممالک کے لیے کارگر ثابت ہوگا: وزیراعظم

     دوسری جانب امریکی صدر ڈونلڈ ٹرمپ نے جنوبی کوریا کے نئے صدر کی شمالی کوریا کے ساتھ مذاکرات کی تجویز پر ردِعمل کا اظہار کرتے ہوئے کہا ہے کہ وہ مذاکرات کے مخالف نہیں۔

    این بی سی ٹی وی کے مطابق ٹرمپ نے ساتھ ہی یہ بھی کہا کہ اس کے لیے موزوں حالات کا ہونا ضروری ہے۔ جنوبی کوریا کے صدر مون جائے اِن کی شمالی کوریا کے ساتھ مذاکرات کی تجویز اس معاملے پر امریکی نقطہ نظر کے خلاف ہے۔

    امریکا جوجنوبی کوریا کا اہم اتحادی ہے، مزید اقتصادی پابندیوں اور عالمی تنہائی کے ذریعے شمالی کوریا پر اس کے جوہری پروگرام کے حوالے سے دباؤ ڈالنا چاہتا ہے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • امریکا نے کم جونگ ان کو مارنے کی کوشش کی، شمالی کوریا کا دعوی

    امریکا نے کم جونگ ان کو مارنے کی کوشش کی، شمالی کوریا کا دعوی

    شمالی کوریا : شمالی کوریا نے دعوی کیا ہے کہ امریکا اورجنوبی کوریا نے شمالی کوریا کے سربراہ کم جونگ ان کو کیمیائی ہتھیاروں سے مارنے کی کوشش کی۔

    شمالی کوریا کے سرکاری ٹی وی کے مطابق سی آئی اے اورجنوبی کوریا کی خفیہ ایجنسی نے کم جونگ ان کو کیمیائی ہتھیاروں سے مارنے کی کوشش کی، ان دونوں دہشت گرد گروہ جسے امریکی خفیہ ادارے سی آئی اے اور جنوبی کوریا کے خفیہ ادارے کی پشت پناہی حاصل ہے وہ شمالی کوریا بھیجا گیا۔

    شمالی کوریا کی وزارت برائے ریاستی سلامتی کی جانب سے بیان میں کہا گیا کہ امریکہ اور جنوبہ کوریا کی خفیہ ایجنسیوں نے جون 2014 میں روس میں کام کرنے والے شمالی کوریا کے ایک شہری کو وطن واپس لوٹ کر کم جونگ اُن کو مبینہ طور پر دھوکے سے قتل کرنے کے لیے نظریاتی طور پر کرپٹ بنایا اور اسے رشوت دی۔

    ممکنہ طور پر کم جانگ ان کی جان لینے کے لئے تابکاری عنصر اور نینو پوائزن سبسٹینس استعمال نینو زہریلا مادہ بھی استعمال کرنے کا ارادہ رکھتا ہے۔

    مزید پڑھیں : شمالی کوریا کےسربراہ کم جونگ ان ہوشیار رہنماہیں‘ڈونلڈٹرمپ

    شمالی کورین حکام نے دھمکی دی کم جونگ پرمبینہ حملے کے جواب میں امریکی اورجنوبی کورین فورسز کے خلاف کارروائی کی جائیگی اور انھیں بے رحمی سے کیفر کردار تک پہنچا دیا جائے گا۔

    خیال رہے کہ یہ الزام ایک ایسے موقع پر عائد کیا گیا ہے جب امریکہ اور شمالی کوریا میں کشیدگی عروج پر ہے۔

    واضح رہے کہ حالیہ کچھ دنوں میں امریکی صدر ڈونلڈ ٹرمپ اور شمالی کوریا کے سربراہ کم جانگ ان کی جانب سے دھمکی آمیز بیان کے بعد دونوں ممالک کے درمیان جنگ کی سی صورتحال پیدا ہوگئی ہے۔

    امریکا اور شمالی کوریا میں کشیدگی میں اس وقت اضافہ ہوا جب صدر ڈونلڈ ٹرمپ نے فوجی بیڑا شمالی کوریا کے قریب تعینات کرنے کے احکامات جاری کیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

     

  • امریکہ میں سونے کی قیمتوں میں معمولی کمی

    امریکہ میں سونے کی قیمتوں میں معمولی کمی

    نیویارک: امریکی الیکشن اوراس کے بعد ڈونلڈ ٹرمپ کے فیصلوں کے سبب مسائل کا شکار امریکا میں سونے کی قیمتوں میں معمولی کمی ریکارڈ کی گئی ہے۔

    امریکی میڈیا کے مطابق نیویارک میں سپاٹ گولڈ کی قیمتوں میں 0.2 فیصد کی کمی ریکارڈ کی گئی اور مستقبل میں خریداری کے معاہدے 1265.46 ڈالر فی اونس میں طے پائے۔

    یو ایس گولڈ فیوچر کے تحت قیمتوں میں 0.1 فیصد کی کمی دیکھنے میں آئی اور مستقبل کیلئے معاہدے 1266.80 ڈالر فی اونس میں طے پائے۔

    دنیا میں کل کتنا سونا ہے؟

    یاد رہے کہ امریکی صدر ڈونلڈ ٹرمپ نے منتخب ہونے کے بعد سے مسلسل اس نوعیت کے فیصلے کیے ہیں جن کے سبب امریکی معیشت کو مشکلات کا سامنا ہے۔

    گزشتہ دنوں شام میں امریکی حملوں میں تیزی اورشمالی کوریا کے ساتھ بڑھتی ہوئی مخاصمت کے سبب امریکہ میں سونے کی قیمتوں میں اضافہ دیکھا گیا تھا تاہم اب معمولی مقدار میں صحیح لیکن قیمتوں میں بہتری دیکھنے میں آرہی ہے۔

  • شمالی کوریا کا ایک اور بیلسٹک میزائل تجربہ

    شمالی کوریا کا ایک اور بیلسٹک میزائل تجربہ

    پیانگ یانگ: امریکی حکام کےمطابق شمالی کوریا نےایک اوربیلسٹک میزائل تجربہ کیا اور وہ ناکام ہوگیا۔

    تفصیلات کےمطابق جنوبی کوریا کا کہناہےکہ شمالی کوریا کی جانب سے میزائل لانچ کےبعد سیکنڈ بعد ہی پھٹ گیا اور یہ تجربہ ناکام رہا۔

    جنوبی کوریا کےملٹری چیف آف اسٹاف کا کہنا ہے کہ یہ دارالحکومت پیانگ یانگ کے شمال میں واقع صوبہ جنوبی پیان گین سے مقامی وقت کے مطابق جمعرات کی علی الصبح فائر کیا گیا۔

    امریکہ شمالی کوریا کے میزائل خطرے سے نمٹنے کے لیےتیار

    خیال رہےکہ اس میزائل تجربے کی خبرایک ایسے وقت میں سامنے آئی ہے جب چند گھنٹے قبل ہی امریکی وزیر خارجہ ریکس ٹلرسن نے عالمی برادری سے شمالی کوریا کے جوہری پروگرام کو ختم کروانے میں مدد کرنے کا مطالبہ کیا تھا۔

    یاد رہےکہ شمالی کوریا نےحالیہ مہینوں میں کئی بار میزائل کے تجربات کیے ہیں اور چھٹا جوہری تجربہ کرنے کی بھی دھمکی دے رکھی ہے۔

    شمالی کوریا سےبڑی جنگ چھڑسکتی ہے‘ڈونلڈ ٹرمپ

    واضح رہےکہ شمالی کوریا نے گزشتہ چند ماہ میں کئی بار میزائل کے تجربات کیے ہیں اور چھٹا جوہری تجربہ کرنے کی بھی دھمکی دے رکھی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں