Tag: North wazirstan

  • شمالی وزیرستان میں بارودی سرنگ کا دھماکا، 3 جوان شہید، آئی ایس پی آر

    شمالی وزیرستان میں بارودی سرنگ کا دھماکا، 3 جوان شہید، آئی ایس پی آر

    راولپنڈی: شمالی وزیرستان میں دیستی ساختہ بارودی سرنگ کے دھماکے کے نتیجے میں پاک فوج کے 3 جوان شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں دیسی ساختہ بارودی سرنگ کا دھماکا ہوا جس کے نتیجے میں پیٹرولنگ ٹیم کے 3 جوان شہید اور ایک زخمی ہوگیا۔

    آئی ایس پی آر کے مطابق شہدا میں سپاہی ساجد، ریاست اور بابر شامل ہیں۔

    آئی ایس پی آر کا کہنا ہے کہ سیکیورٹی فورسز نے علاقے کا محاصرہ کرکے سرچ آپریشن شروع کردیا ہے۔

    واضح رہے کہ رواں سال جولائی میں بھی شمالی وزیرستان میں پاک افغان سرحد پر پاک فوج کے جوانوں پر سرحد پار سے فائرنگ کی گئی تھی جس کے نتیجے میں پاک فوج کے 6 جوان شہید ہوگئے تھے۔

    مزید پڑھیں: شمالی وزیرستان میں پاک فوج کے جوانوں پر سرحد پار سے فائرنگ، 6 جوان شہید

    آئی ایس پی آر کا کہنا تھا کہ فائرنگ پیٹرولنگ کرنے والے پاک فوج کے جوانوں پر کی گئی، شہدا میں حوالدار خالد، سپاہی نوید، سپاہی بچل، سپاہی علی رضا، سپاہی ایم بابر اور سپاہی احسن شامل تھے۔

    اس سے قبل رواں برس یکم مئی کو شمالی وزیرستان میں سرحد پر باڑھ لگانے والی پاک فوج کی ٹیم پر سرحد پار سے حملہ کیا گیا تھا، الوڑہ کے مقام پر 60 سے 70 دہشت گردوں نے افغانستان کی حدود سے حملہ کیا تھا۔

    آئی ایس پی آر کا کہنا تھا کہ پاک فوج کی جوابی کارروائی میں کئی دہشت گرد مارے گئے جبکہ دہشت گردوں کی فائرنگ سے پاک فوج کے 3 جوان شہید اور 7 زخمی ہوگئے تھے۔ شہدا میں لانس نائیک علی، لانس نائیک نذیر اور سپاہی امداد اللہ شامل تھے۔

  • آرمی چیف کا دہشت گردوں‌ کے خلاف کارروائیاں جاری رکھنے کا حکم

    آرمی چیف کا دہشت گردوں‌ کے خلاف کارروائیاں جاری رکھنے کا حکم

    اسلام آباد: آرمی چیف جنرل قمر جاوید باجوہ نے کور ہیڈ کوارٹر پشاور اور شمالی وزیرستان کا دورہ کیا اور دہشت گردوں کے خلاف کارروائیاں جاری رکھنے کا حکم جاری کرتے ہوئے کہا کہ دہشت گردوں کے سہولت کاروں کے خلا ف بھی بھرپور کارروائیاں کی جائیں گی۔

    نمائندہ اے آر وائی نیوز لئیق الرحمان کے مطابق آرمی چیف جنرل قمر باجوہ نےعہدہ سنبھالتے ہی پہلا دن کا آغاز شمالی وزیرستان اور کور ہیڈ کوارٹر پشاور کے دورے سے کیا جہاں پر انہیں خیر پختوں خوا میں سیکیورٹی کی صورتحال اور فاٹا و مالاکنڈڈویژن کے کومبنگ آپریشنز اور ترقیاتی امور پر بریفنگ دی گئی۔

    انہوں نے بریفنگ پر اطمینان کا اظہار کیا اور ہدایات جاری کیں کہ کومبنگ آپریشنز کو جلد مکمل کرکے متاثرین کی بحالی کے اقدامات جاری رکھے جائیں اور مقاص کے حصول کے لیے تمام وسائل استعمال کیے جائیں۔

    انہوں نے مقامی کمانڈر سے بات چیت کرتے ہوئے یقین دہانی کرائی کہ دہشت گردی کے خلاف جنگ کو منطقی انجام تک پہنچایا جائے گا، دہشت گردی کے خلاف جنگ میں حاصل کامیابیوں کے ساتھ آگے بڑھیں گے، پوری توجہ کے ساتھ جنگ کو آگے بڑھایاجائے تاکہ ملک کو دہشت گردی سے پاک کیا جاسکے، دہشت گردوں کے سہولت کاروں کے خلاف بھی کارروائیاں کی جائیں گی۔

    یہ پڑھیں:آرمی چیف جنرل قمر جاوید باجوہ کی یادگار شہدا پر حاضری

    قبل ازیں انہوں نے اپنی ذمہ داری سنبھالتے ہی سب سے پہلے یادگار شہدا پر حاضری دی، انہیں جنرل ہیڈ کوارٹر میں گارڈ آف آنر بھی پیش کیا گیا۔

  • آئی ڈی پی کیمپ میں مہاجرین اورفوجیوں میں جھڑپ، دوجاں بحق

    آئی ڈی پی کیمپ میں مہاجرین اورفوجیوں میں جھڑپ، دوجاں بحق

    پشاور: طالبان کے خلاف آپریشن کے نتیجے دربدرہونے والے افراد کے کیمپ میں ایک افسوس ناک سانحہ پیش آیا جس میں فوجیوں نے آئی ڈی پیزپرفائرنگ کردی جس کے نتیجے میں ایک دوشہری جاں بحق جبکہ 10زخمی ہوگئے ہیں۔

    یہ واقعہ شمالی وزیرستان میں پیش آیا جہاں فوج کی جانب سے دہشت گردوں کے خلاف آپریشن کامیابی سے جاری ہے۔

    ایک سینئرسیکیورٹی اہلکارنے نام نا ظاہر کرنے کی شرط پر فرانسیسی خبر رساں ایجنسی کو بتایا کہ بنوں کے کیمپ میں ایک لڑکے کو رجسٹریشن کرانے کے لئے کہا گیا، رجسٹریشن کے عمل کے دوران اس کے والد نے آکر سیکورٹی اہلکاروں سے تلخ کلامی اور جھگڑا کیا۔

    جھگڑے کے بعد وہ شخص کیمپ کے اندر گیا اوروہاں سے کئی افراد کو ساتھ لے آیاجنہوں نے پہلے احتجاج کیا اور اس کے بعد سپاہیوں پر پھتراؤ بھی شروع کردیا۔

    سیکورٹی اہلکار نےاس بات کی تصدیق کی کہ 2 مہاجرین اس جھگڑے میں اپنی جان سے گئے اور 10 زخمی ہیں جبکہ چار فوجی اہلکار بھی اس واقعے میں زخمی ہوئے ہیں۔ جاں بحق افراد کی تعداد کی تصدیق تین سویلین اہلکاروں نے بھی کی ہے۔ اے ایف پی

  • شمالی وزیرستان: دتہ خیل میں امریکی ڈرون حملہ، 20 افراد ہلاک

    شمالی وزیرستان: دتہ خیل میں امریکی ڈرون حملہ، 20 افراد ہلاک

    شمالی وزیرستان: دتہ خیل میں امریکی جاسوس طیاروں کے ڈرون حملے میں بیس افراد مارے گئے، پانچ کے زخمی ہونے کی اطلاع بھی ہے۔

    امریکی ڈرون طیارے نے دتہ خیل کے ایک مکان اور گاڑی پر میزائل داغے، جاسوس طیاروں کے حملوں میں بیس افراد ہلاک ہونے کی اطلاع ہے جبکہ حملے میں پانچ افرادزخمی بھی ہوئے ہیں۔

    شمالی وزیرستان میں آپریشن ضرب عضب شروع ہونے کے بعد سے ایک ماہ کے دوران امریکی ڈرون طیاروں کا یہ دوسرا حملہ ہے جبکہ رواں سال ہونے والے ڈرون حملوں کی تعداد تین ہوگئی ہے، یہ حملہ ایسے وقت کیا گیا ہے جب پاک فوج تحصیل میرانشاہ کے شورش زدہ علاقوں میں فضائی حملوں کے بعد زمینی کارروائی شروع کرچکی ہے، جو کامیابی کے ساتھ جاری ہے۔

    شمالی وزیرستان کی تحصیل میر علی میں واقع خیسور دتہ خیل سمیت دیگر علاقوں میں بھی پاک فوج نے دہشتگردوں کے خلاف گھیرا تنگ کردیا ہے۔