ARYNews.tv | Urdu – Har Lamha Bakhabar

Tag: Notification issued

  • پیٹرول کی قیمتوں سے متعلق اعلان کردیا گیا

    پیٹرول کی قیمتوں سے متعلق اعلان کردیا گیا

    اسلام آباد : حکومت نے آئندہ 15 روز کے لیے پیٹرولیم مصنوعات کی قیمتوں میں ردوبدل کردیا جس کے تحت پیٹرول کی قیمت برقرار رکھنے کا فیصلہ کیا گیا ہے ۔

    وزارت خزانہ کی جانب سے پٹرولیم مصنوعات کی قیمتوں میں ردوبدل کا نوٹیفکیشن جاری کردیا گیا ہے۔

    نوٹیفکیشن کے مطابق پٹرول کی قیمت264.61روپے برقرار جبکہ ہائی اسپیڈ ڈیزل کی قیمت میں3روپے فی لیٹر کمی کردی گئی۔

    ہائی اسپیڈ ڈیزل کی نئی قیمت269.99روپے ہوگئی، مٹی کا تیل 1.46روپے سستا ہونے کے بعد نئی قیمت176.81روپے فی لیٹر ہوگئی۔

    قیمتوں میں ردوبدل کے نوٹیفکیشن کے مطابق لائٹ ڈیزل2.40روپے فی لیٹر سستا کیا گیا ہے جس کی نئی قیمت159.76روپے ہوگئی

    وزارتِ خزانہ کےجاری کردہ نوٹیفکیشن کے مطابق آئندہ پندرہ روز کے لیے نئی قیمتوں کا اطلاق آج (یکم ستمبر) سے فوری طور پر کردیا گیا ہے۔

    مزید پڑھیں : ایل پی جی کے گھریلو سلنڈر کی قیمت میں کتنی کمی آئی؟

    واضح رہے کہ اس سے قبل اوگرا نے بھی ایل پی جی کی قیمت میں کمی کا نوٹیفکیشن جاری کیا ہے۔

    نوٹیفکیشن کے مطابق ستمبر کے لیے فی کلو ایل پی جی کی قیمت میں 1 روپے 17 پیسے کمی کی گئی ہے۔

    گھریلو استعمال کے لیے 11.8 کلو گرام والے سلنڈر کی قیمت میں 13 روپے 89 پیسے کمی آئی ہے جس کے بعد اس کی نئی قیمت 2527 روپے 47 پیسے ہو گئی ہے۔ نئی قیمتوں کا اطلاق آج رات بارہ بجے سے ہوگا۔

  • 10 روز کی تعطیلات کا اعلان، نوٹیفکیشن جاری

    10 روز کی تعطیلات کا اعلان، نوٹیفکیشن جاری

    شدید گرمی کے موسم میں بچوں کے لیے خوشخبری آگئی، 10 روز کی گرمیوں کی تعطیلات کا اعلان کر دیا۔

    تفصیلات کے مطابق آزاد کشمیر کے تمام مدارس میں گرمی کی تعطیلات کا اعلان کا اعلان کیا گیا ہے جس کا نوٹیفکیشن بھی جاری کردیا گیا ہے۔

    جاری کردہ نوٹیفکیشن  کے مطابق گرمی کی شدت کے باعث آزاد کشمیر کے تمام مدارس میں 10 روز کی تعطیلات ہوگی۔

    دوسری جانب محکمہ تعلیم پنجاب کی جانب سے بھی درجہ حرارت کو مدنظر رکھتے ہوئے گرمی کی چھٹی کا نوٹیفکیشن جاری کیا ہے۔

    محکمہ تعلیم پنجاب کی جانب سے جاری کردہ نوٹیفکیشن  کے مطابق اسکولوں میں یکم جون سے گرمیوں کی چھٹیاں دی جائیں گی۔

    سیکرٹری اسکول ایجوکیشن خالد نذیر وٹو نے میڈیا سے گفتگو کرتے ہوئے یہ بھی کہا کہ اگر گرمی کی شدت میں مزید اضافہ ہوا تو شیڈول میں تبدیلی کی جا سکتی ہے، اور چھٹیاں ممکنہ طور پر ایک ہفتہ پہلے شروع کی جا سکتی ہیں۔

    واضح رہے کہ عالمی سطح پر موسمیاتی تبدیلیوں کا اثر ہر جگہ محسوس کر رہا ہے اور پاکستان بھی ان خطرات سے محفوظ نہیں، گلوبل وارمنگ نے نہ صرف موسم کے معمولات کو درہم برہم کیا ہے بلکہ قدرتی آفات میں بھی اضافہ دیکھنے میں آ رہا ہے۔

    https://urdu.arynews.tv/rawalpindi-educational-public-holiday/

  • پٹرول کی قیمت میں کمی کردی گئی

    پٹرول کی قیمت میں کمی کردی گئی

    اسلام آباد : حکومت نے پٹرول کی قیمت میں ایک روپیہ فی لیٹر کمی کرکے عوام کو عید کا تحفہ دے دیا جبکہ ڈیزل کی قیمت برقرار رکھی گئی ہے۔

    اے آر وائی نیوز کی رپورٹ کے مطابق حکومت نے آئندہ 15 دن کیلئے پٹرولیم مصنوعات کی قیمتوں کا اعلان کردیا، جس میں پٹرول ایک روپیہ فی لٹر سستا کرنے کی نوید سنائی گئی ہے۔

    حکومت کی جانب سے پٹرول کی قیمت میں ایک روپیہ فی لیٹر کمی کردی گئی ہے جس کا باقاعدہ نوٹیفکیشن بھی جاری کردیا گیا ہے۔

    اس حوالے سے جاری نوٹیفکیشن کے مطابق پٹرول کی قیمت 254 روپے 63 پیسے فی لیٹر مقرر کی گئی ہے جبکہ حکومت کی جانب سے ڈیزل کی قیمت برقرار رکھی گئی ہے۔

    وزارت خزانہ کی جانب سے جاری نوٹیفکیشن کے مطابق پٹرولیم مصنوعات کی نئی قیمتوں کا اطلاق جمعے اور ہفتے کی درمیانی شب بارہ بجے سے ہوگا۔

    رپورٹ کے مطابق مٹی کے تیل اور لائٹ ڈیزل کی قیمت ڈی ریگولیٹڈ ہے اس لیے اس کی قیمتیں بعد میں جاری کی جائیں گی، اس کے علاوہ ہائی اوکٹین کی فی لیٹر قیمت کا اعلان بھی آج ہی ہوگا۔

    ہائی اوکٹین کے حوالے سے اس بات کا بھی قوی امکان ہے کہ اس پر جو 50 روپے کی لیوی ہے اس میں 20 روپے اضافہ کرکے 70 روپے کردیا جائے گا۔

    مزید پڑھیں : پٹرولیم مصنوعات کی نئی قیمتوں کا نوٹیفکیشن جاری 

    یاد رہے کہ حکومت نے 15 روز قبل پٹرولیم مصنوعات کی قیمتیں برقرار رکھنے کا فیصلہ کیا تھا، نوٹیفکیشن کے مطابق پٹرول کی قیمت 255 روپے 63 پیسے فی لیٹر برقرار رکھی گئی تھی۔

  • پٹرولیم مصنوعات کی نئی قیمتوں سے متعلق نوٹیفکیشن جاری

    پٹرولیم مصنوعات کی نئی قیمتوں سے متعلق نوٹیفکیشن جاری

    اسلام آباد : حکومت نے پٹرولیم مصنوعات کی قیمتیں حالیہ سطح پر برقرار رکھنے کا فیصلہ کیا ہے، اس حوالے سے حکم نامہ جاری کردیا گیا۔

    اے آر وائی نیوز کی رپورٹ کے مطابق پٹرولیم مصنوعات کی قیمتیں برقرار رکھنے کا نوٹیفکیشن جاری کردیا گیا ہے۔

    نوٹیفکیشن کے مطابق پٹرول کی قیمت 255 روپے 63 پیسے فی لیٹر برقرار رہے گی، ہائی اسپیڈ ڈیزل کیقیمت 258 روپے 64 پیسے رہے گی۔

    petrol

    وزارت پٹرولیم کی جانب سے جاری نوٹیفکیشن میں بتایا گیا ہے کہ مٹی کاتیل 168روپے 12پیسے فی لیٹر برقرار رہے گا۔

    اس کے علاوہ لائٹ ڈیزل آئل کی فی لیٹر قیمت 153 روپے 34پیسے رہے گی، نوٹیفکیشن کے مطابق پٹرولیم مصنوعات کی مذکورہ قیمتیں آئندہ 15روز کیلئے نافذالعمل رہیں گی۔

    واضح رہے کہ قبل ازیں وزیراعظم نے پٹرولیم مصنوعات کی قیمتیں برقرار رکھ کر بجلی صارفین کو ریلیف دینے کا اعلان کیا تھا۔

    شہباز شریف کا اپنے بیان میں کہنا تھا کہ وہ جلد بجلی کی قیمتوں میں عوام کو بڑا ریلیف دینے جارہے ہیں اور اس حوالے سے وہ خود قوم سے خطاب کریں گے۔

    مزید پڑھیں : وزیراعظم کا پیٹرولیم مصنوعات کی قیمتوں سے متعلق اہم فیصلہ

    وزیراعظم شہباز شریف کا کہنا ہے کہ پیٹرولیم مصنوعات کی قیمتیں برقرار رکھ کر فائدہ عوام کو بجلی کے بلوں میں دیا جائے گا، انہوں نے کہنا تھا کہ پیٹرولیم مصنوعات کی موجودہ قیمتیں برقرار رہیں گی۔

    شہباز شریف نے کہا کہ مالی فائدہ بجلی کی قیمتوں میں عوام کو منتقل کرنے کا فیصلہ کیا ہے۔ بجلی کے نرخوں میں کمی کے حوالے سے پیکیج کا اعلان آئندہ چند ہفتوں میں کیا جائے گا۔

  • نئے کابینہ ارکان کو قلمدان دے دیئے گئے، نوٹیفکیشن جاری

    نئے کابینہ ارکان کو قلمدان دے دیئے گئے، نوٹیفکیشن جاری

    اسلام آباد: نئے حلف اٹھانے والے وفاقی وزراء، معاونین خصوصی اور مشیران کو قلمدان دے دیئے گئے، کابینہ ڈویژن نے نوٹیفکیشن بھی جاری کردیا۔

    اے آر وائی نیوز کے مطابق متعدد وزرا کے قلمدان تبدیل کردیے گئے ہیں، طارق فضل کو پارلیمانی امورکا قلمدان سونپ دیا گیا جبکہ علی پرویزملک کو پیٹرولیم اور اورنگزیب کھچی کوقومی ورثے کا قلمدان دیا گیا ہے۔

    خالد مگسی سائنس وٹیکنالوجی جبکہ حنیف عباسی کو ریلوے کاقلمدان سونپا گیا ہے، اس کے علاوہ معین وٹو کو آبی وسائل، جنید انورکو میری ٹائم کا قلمدان دیا گیا ہے۔

    سردار یوسف کو مذہبی امور، رضا حیات کو دفاعی پیداوار کا قلمدان دیا گیا ہے، شزا فاطمہ انفارمیشن ٹیکنالوجی، رانا مبشر اقبال کو پبلک افیئر یونٹ کا قلمدان دیا گیا ہے۔ مصطفی کمال کو وزارت قومی صحت کا قلمدان دیا گیا ہے۔

    اس کے علاوہ وزیر اعظم نے مشیر اور معاونین خصوصی بھی مقررکردیے ہیں، سید توقیر شاہ وزیر اعظم آفس، محمد علی نجکاری کے مشیرمقرر کردیئے گئے۔

    سابق وزیراعلیٰ پرویز خٹک داخلہ امورکے مشیر ہوں گے، ہارون اخترصنعت و پیدوار کے معاون خصوصی مقرر کئے گئے ہیں۔

    عوام کیلیے زبردست خوشخبری، بجلی کی قیمت میں کمی

    حذیفہ رحمان قومی ثقافتی ورثہ کے معاون خصوصی مقرر کردیئے گئے، جبکہ مبارک زیب قبائلی امور پر وزیر اعظم کے معاون خصوصی ہونگے، اس کے علاوہ طلحہ برکی سیاسی امور پر وزیر اعظم کی معاونت کریں گے۔

  • بلوچستان میں دفعہ 144 فوری طور پر نافذ

    بلوچستان میں دفعہ 144 فوری طور پر نافذ

    کوئٹہ: امن و امان برقرار رکھنے کے پیش نظر صوبہ بلوچستان میں 8 فروری کو دفعہ 144 نافذ کر دی گئی ہے، جس کے بعد صوبے میں دھرنے، جلسے اور جلوسوں پر پابندی عائد ہوگی۔

    اے آر وائی نیوز کی رپورٹ کے مطابق محکمہ داخلہ حکومت بلوچستان نے صوبے میں اگلے 15دن کیلئے دفعہ 144 نافذ کردی ہے، جس کا باضابطہ نوٹیفکیشن جاری کردیا گیا ہے۔

    اس حوالے سے ترجمان بلوچستان حکومت کے مطابق اس موقع پر اسلحے کی نمائش اور استعمال پر مکمل پابندی عائد ہوگی۔

    بوٹیفکیشن کے مطابق مذکورہ حکم فوری طور پر نافذ العمل ہوگا، دھرنوں، جلوسوں اور 5 سے زائد افراد کے اجتماعات پر 15 دن کے لئے پابندی عائد کردی گئی ہے۔

    واضح رہے کہ دفعہ 144 ایسے وقت میں کیا گیا ہے جب کہ پاکستان تحریک انصاف نے آج (8 فروری) ملک بھر میں یوم احتجاج منانے کی کال دی ہوئی ہے۔

  • پنجاب میں 31 اگست تک لاک ڈاؤن نافذ، نوٹیفکیشن جاری

    پنجاب میں 31 اگست تک لاک ڈاؤن نافذ، نوٹیفکیشن جاری

    لاہور : محکمہ صحت پنجاب نے لاہور سمیت متعدد شہریوں میں 9 اگست سے 31 اگست تک لاک ڈاؤن نافذ کردیا۔

    تفصیلات کے مطابق پنجاب حکومت کی جانب سے تین اگست کے لاک ڈاؤن حکم نامے میں ترمیم کا نوٹیفکیشن جاری کردیا، نوٹیفکیشن کے تحت ترمیم شدہ لاک ڈاؤن آرڈر 9 اگست سے 31 اگست تک نافذ العمل رہے گا۔

    نوٹیفکیشن کا اطلاق لاہور، راولپنڈی، ملتان اور فیصل آباد کے علاقوں میں ہوگا، منتخب اضلاع میں 9 اگست سے ان ڈور شادی کی تقریبات پر مکمل پابندی عائد ہوگی۔

    نویفکیشن کے مطابق آؤٹ ڈور شادی کی تقریبات تین سو افراد کے ساتھ رات 10 بجے تک کرنے کی اجازت ہوگی۔

    نوٹیفکیشن میں کہا گیا ہے کہ مذہبی، ثقافتی اور دیگر تقریبات انڈور منعقد کرنے پر پابندی ہوگی جب کہ ضلعی انتظامیہ اور پولیس نئے ایس او پیز کا اطلاق یقینی بنائیں گے۔

  • سینیٹ انتخابات: کامیاب ہونے والے امیدواروں کا نوٹی فیکیشن جاری

    سینیٹ انتخابات: کامیاب ہونے والے امیدواروں کا نوٹی فیکیشن جاری

    اسلام آباد: الیکشن کمیشن نے یوسف رضاگیلانی کی کامیابی کا نوٹی فکیشن روکنے کی درخواست مسترد کرتے ہوئے ایوان بالا میں کامیاب ہونے والے سینیٹرز کی کامیابی کا نوٹی فیکیشن جاری کردیا ہے۔

    تفصیلات کے مطابق الیکشن کمیشن نے سینیٹ انتخابات میں کامیابی پر پیپلز پارٹی رہنما اور سابق وزیر اعظم یوسف رضا گیلانی، فیصل واوڈا سمیت 48 سینیٹرز کی کامیابی کا نوٹی فیکیشن جاری کردیا ہے۔

    سینیٹ انتخابات 2021 کے بعد پاکستان تحریک انصاف ایوان بالا کی سب سے بڑی جماعت بن کر سامنے آچکی ہے تاہم ایوان میں اپوزیشن اتحاد کو حکومتی اتحاد پر برتری حاصل ہے۔

    سینیٹ کی 48 نشستوں پر انتخاب ہونے تھے لیکن پنجاب کی11نشستوں پر تمام امیدوار پہلے ہی بلامقابلہ منتخب ہوئے تھے، جن میں سے تحریک انصاف نے 5، ن لیگ نے 5 اور ق لیگ نے ایک نشست حاصل کی تھی۔

    یہ بھی پڑھیں:  یوسف رضاگیلانی کی کامیابی کا نوٹی فکیشن روکنے کی درخواست مسترد

    37 نشستوں کے انتخاب کے غیر سرکاری نتائج کے مطابق 37 میں سے حکمران جماعت پاکستان تحریک انصاف نے 13 نشستیں جیتی ہیں، ان میں سے خیبر پختونخوا سے10، سندھ سے 2 اور اسلام آباد سے ایک نشست جیتی۔

    بلوچستان عوامی پارٹی (بی اے پی) نے 6 نشستیں جیتیں ہیں اور یہ تمام سیٹیں بلوچستان سے جیتی ہیں جس کے بعد 6 پرانی نشستوں کے ساتھ اس کی 12 نشستیں ہوگئی ہیں۔

    ایم کیو ایم نے 2 نشستیں جیتیں اور یہ دونوں نشستیں سندھ سے حاصل کی ہیں جب کہ پرانے ایک سینیٹرکے ساتھ اس کے3 ممبر ہوگئے ہیں۔

    مسلم لیگ ق کو سینیٹ کی ایک نشست ملی ہے اور اس کا ایک سینیٹر ہے، اس کے علاوہ جی ڈی اےکا ایک اور 4 آزاد ارکان شامل ہیں،اس طرح حکومتی اتحادکے ارکان کی تعداد 47 ہوگئی ہے۔

  • 15 ممالک کے شہریوں کی آمد این سی او سی کی اجازت سے مشروط، نوٹیفیکیشن جاری

    15 ممالک کے شہریوں کی آمد این سی او سی کی اجازت سے مشروط، نوٹیفیکیشن جاری

    کراچی : سول ایوی ایشن اتھارٹی نے ممالک کو تین کیٹگریز میں تقسیم کردیا، سی کیٹگری میں شامل ممالک کے مسافروں کی آمد این سی او سی کی اجازت سے مشروط ہوگی۔

    اے آر وائی نیوز کی رپورٹ کے مطابق سول ایوی ایشن اتھارٹی کی جانب سے کرونا وائرس کے پیش نظر ٹریول ایڈوائزری میں ایک مرتبہ پھر ردوبدل کیا گیا ہے، جس کے تحت پاکستان آنے والے ممالک سے متعلق نئی فہرست جاری کی گئی ہے۔

    سول ای ایویشن ڈائریکٹر ائیر ٹرانسپورٹ عرفان صابر نے نوٹیفکیشن جاری کردیا، نوٹی فیکیشن کے مطابق سی اے اے نے کرونا ایس او پیز کے تحت ممالک کو تین کٹیگریز میں تقسیم کیا ہے۔

    کٹیگری اے میں شامل ممالک کی تعداد کم کرکے 21 کردی گئی ہے جسمیں آئس لینڈ، سری لنکا اور سعودی عرب سمیت دیگر ممالک شامل ہیں اور اس کٹیگری کے مسافروں کو کرونا ٹیسٹ کروانا لازمی نہیں۔

    نمائندہ اے آر وائی نیوز کے مطابق کٹیگری بی کے مسافروں کا پی سی آر ٹیسٹ کا دورانیہ 72 گھنٹے ہوگا۔

    کٹیگری سی میں جنوبی افریقہ، برطانیہ، برازیل، آئیرلینڈ اور پرتگال سمیت 15 ممالک شامل ہیں، جن کے مسافروں کی آمد این سی او سی کی اجازت سے مشروط ہوگی۔

  • وفاقی دارالحکومت کے تمام اسکولز بند کردئیے گئے

    وفاقی دارالحکومت کے تمام اسکولز بند کردئیے گئے

    اسلام آباد: ملک بھر میں کرونا کی دوسری لہر کے باعث تعلیمی سلسلہ ایک بار پھر معطل ہونے لگا ہے، وفاقی دارالحکومت اسلام آباد میں بھی کرونا پھیلاؤ روکنے کے لئے تمام تعلیمی اداروں کو ایک ماہ کے لئے بند کردیا گیا ہے۔

    اے آر وائی نیوز کے مطابق اسلام آباد کی ضلعی انتظامیہ نے نجی اسکولز کے ساتھ مشاورت کے بعد تعطیلات کا اعلان کیا، نوٹی فیکیشن کے مطابق چھبیس نومبر سے چوبیس دسمبر تک وفاقی دارالحکومت کے تمام نجی و سرکاری تعلیمی ادارے بند رہیں گے، اس دوران ایک تہائی عملے اور اساتذہ کو اسکول آنے کی اجازت ہوگی، جبکہ طالبہ و طالبات کو آن لائن تعلیم دینے کا سلسلہ جاری رہے گا۔

    نوٹی فیکیشن کےمطابق پچیس دسمبر سے دس جنوری تک موسم سرما کی تعطیلات ہونگی۔

    دوسری جانب بلوچستان کی تمام سرکاری ونجی جامعات کو بھی ایک ماہ کے لئے بند کردیا گیا ہے، گورنر بلوچستان امان اللہ یاسین زئی نے بطور چانسلر جامعات میں تعطیل کرنے کا نوٹی فیکشن جاری کیا۔

    واضح رہے کہ ملک بھر میں کرونا وائرس کی دوسری لہر پر قابو پانے کےلیے حکومت کی جانب سے موثر اقدامات اٹھائے جارہے ہیں، اسی سلسلے میں وفاقی وزارت تعلیم نے ملک بھر میں تعلیمی ادارے بند کرنے کی تجویز قومی رابطہ کمیٹی میں پیش کی تھی جس کی این سی سی نے توثیق کردی ہے۔این سی سی نے فیصلوں کا نوٹیفکیشن بھی جاری کردیا گیا ہے، جس کے مطابق ریسٹورنٹس میں ان ڈورڈائننگ کی اجازت نہیں ہوگی جبکہ عوامی اجتماعات پر بھی پابندی کے فیصلے پر عمل درآمد کیا جائے گا۔

    یہ بھی پڑھیں:  ‘قوم کے بچے تباہ ہورہے ہیں’ اسکولوں کی بندش پر طلبہ ناخوش

    این سی سی نے ملک بھر میں ایس او پیز پر سختی سے عمل درآمد کرانے کی ہدایت کی ہے جبکہ مساجد میں ایس او پیز پر عملدرآمد کےلیے علمائے کرام سے تعاون لینے کی ہدایت کی گئی ہے۔

    اسلام آباد میں معاونِ خصوصی برائے صحت ڈاکٹر فیصل سلطان کے ہمراہ پریس کانفرنس کرتے ہوئے وفاقی وزیر منصوبہ بندی اسد عمر کا کہنا تھا کہ ہمارے لیے اسکول اور تعلیمی ادارے بند کرنے کا فیصلہ آسان نہیں تھا مگر بچوں کی حفاظت کے لیے یہ قدم اٹھایا، اُن کا کہنا تھا کہ ’11 جنوری کو صورت حال دیکھ کر اسکول کھولنے کا فیصلہ کریں گے۔