اسلام آباد : اسپیکر قومی اسمبلی کی ہدایت پر قومی اسمبلی سیکرٹریٹ کے لیگل برانچ نے ایم کیو ایم کے مستعفی راکین قومی اسمبلی کا نوٹیفیکیشن تیار کر لیا۔
وفاقی وزراء استعفوں کی منظوری رو کنے کے لیئے سرگرم ہو گئے، ایم کیو ایم کے 23اراکین قومی اسمبلی نے اپنے استعفے اسپیکر قومی اسمبلی کو ان کے چیمبر میں جمع کرائے تھے۔
اسپیکر قومی اسمبلی نے اراکین سے استعفوں کی تصدیق کا بھی الگ الگ عمل مکمل کرلیا تھا، جس کے بعد نوٹیفیکشن کے اجراء کی ہدایت جاری کر دی تھی۔
ذرائع کے مطابق ایم کیو ایم کے 23اراکین کی نشستیں 12اگست سے ائین کے ارٹیکل 64(1) کے تحت خالی قرار دینے کا نوٹیفیکیشن لیگل برانچ نے تیار کیا۔
ذرائع کے مطابق اسپیکر قومی اسمبلی پر وفاقی وزراء کی جانب سے ایم کیو ایم کے استعفے منظور نہ کر نے کا دباؤ بڑھ گیا تھا جس کی وجہ سے سپیکر نے نوٹیفیکیشن جاری کر نے کی ہدایت دے کر روک لیا۔
بعض وفاقی وزراء نے استعفوں کی منظوری رو کنے کے لیئے اسپیکر قومی اسمبلی سے ملاقاتیں بھی کیں ان وزراء کا مؤقف تھا کہ یہ استعفے منظور کیئے گئے تو حکومت پر دباو بڑھ جائے گا۔
ذرائع کے مطابق وزراء نے اسپیکر کو وزیراعظم کی وطن واپسی تک انتظار کر نے کا مشورہ دیا جس کے باعث استعفوں کی منظوری اور نوٹیفیکیشن کے اجراء کا عمل روک دیا گیا۔
