ARYNews.tv | Urdu – Har Lamha Bakhabar

Tag: November

  • نومبر 2019 میں بیرونی سرمایہ کاری کا حجم 90 کروڑ41 لاکھ ڈالر رہا

    نومبر 2019 میں بیرونی سرمایہ کاری کا حجم 90 کروڑ41 لاکھ ڈالر رہا

    کراچی : اسٹیٹ بینک نے کہا ہے کہ نومبر2019میں بیرونی سرمایہ کاری کا حجم90کروڑ41لاکھ ڈالر رہا، اسٹیٹ بینک نے فارن کرنسی قرضہ رجسٹریشن کی ذمہ داری بینکوں کوسونپ دی۔

    تفصیلات کے مطابق ترجمان اسٹیٹ بینک نے کہا ہے کہ نومبر2019میں بیرونی سرمایہ کاری کا حجم90 کروڑ41لاکھ ڈالر رہا، نومبر میں براہ راست سرمایہ کاری کا حجم20کروڑ ڈالر رہا۔

    نومبر میں حکومتی ٹی بلز، انویسمنٹ بانڈز میں70کروڑ ڈالرکی سرمایہ کاری ہوئی، رواں مالی اسٹیٹ بینک کے مطابق سال میں جولائی سے نومبر کے دوران2ارب ڈالر کی بیرونی سرمایہ کاری ہوئی۔

    جولائی سے نومبر کے دوران ایک ارب13کروڑ ڈالرکی سرمایہ کاری ریکارڈ ہوئی، رواں مالی سال5ماہ میں85کروڑڈالرکی براہ راست سرمایہ کاری ہوئی، اسٹاک مارکیٹ میں ایک کروڑ95لاکھ ڈالرکی سرمایہ کاری ہوئی۔

    علاوہ ازیں اسٹیٹ بینک نے فارن کرنسی قرضہ رجسٹریشن کی ذمہ داری بینکوں کوسونپ دی، ذمہ داری کا مقصد فارن کرنسی قرضوں میں سہولت اور کاروباری ماحول میں بہتری ہے۔

    ایک ملین ڈالر سے زائد کے قرضوں کو اسٹیٹ بینک کے پاس رجسٹر کرانا ضروری ہوتا تھا، ایک اسٹیٹ بینک کے مطابق ملین ڈالر تک کے قرضوں سے متعلقہ بینک خود نمٹتے تھے،۔

    نئی ہدایات کے تحت مالیت سے قطع نظر متعلقہ بینک قرضوں کی رجسٹریشن کریں گے، بینکوں کو یہ یقینی بنانا ہوگا کہ فارن کرنسی قرضے متعلقہ قوانین کے مطابق ہیں۔

  • کراچی میں جرائم تھم نہ سکے، سی پی ایل سی کی رپورٹ جاری

    کراچی میں جرائم تھم نہ سکے، سی پی ایل سی کی رپورٹ جاری

    کراچی : شہر قائد میں گزشتہ ماہ جرائم کی وارداتوں کی شرح میں اضافہ دیکھنے میں آیا، مختلف واقعات میں 138 گاڑیاں چھینی اور چوری کی گئیں، بھتہ خوری کے6مقدمات درج ہوئے۔

    تفصیلات کے مطابق سی پی ایل سی کی جانب سے جاری ہونے والی رپورٹ میں بتایا گیا ہے کہ کراچی میں جرائم کی شرح میں اضافہ ہوا، پولیس چوری و رہزنی کی وارداتوں کو کنٹرول کرنے میں مکمل طور پر ناکام نظر آرہی ہے۔

    گزشتہ ماہ نومبر میں جرائم کی وارداتوں میں اضافہ دیکھنے میں آیا، سی پی ایل سی نے 1ماہ کے دوران جرائم کے اعداد و شمار جاری کیے جس کے مطابق رواں سال 23 گاڑیاں چھینی اور 115چوری ہوئیں۔

    کراچی میں جرائم تھم نہ سکے اس حوالے سے سی پی ایل سی نے گزشتہ ماہ نومبر کے اعدادو شمار جاری کردیئے ہیں۔

    رپورٹ کے مطابق ماہ نومبر میں شہریوں کی 23گاڑیاں چھینی گئیں اور 115گاڑیاں مختلف مقامات سے چوری ہوئیں جن میں سے اب تک صرف50برآمد کی جاسکی ہیں۔

    اس کے علاوہ گزشتہ ماہ2715 موبائل فونز چوری ہوئے اور 2144موبائل فون چہریوں سے چھینے گئے ان میں سے پولیس صرف255برآمد کرسکی۔

    سی پی ایل سی رپورٹ کے مطابق ماہ نومبر میں شہریوں سے187موٹرسائیکلیں چھینی گئیں،2711موٹرسائیکلیں چوری ہوئی اور صرف414برآمد کی جاسکیں۔

    گزشتہ ماہ بھتہ خوری کے6کیسزدرج ہوئے، جبکہ گزشتہ ماہ اغواء برائے تاوان کا ایک کیس سامنے آیا۔

  • نومبرکا دوسرا ہفتہ: مہنگا ئی کی شرح میں اضافہ

    نومبرکا دوسرا ہفتہ: مہنگا ئی کی شرح میں اضافہ

    کراچی : نئے مالی سال 2018-19ء کے پانچویں ماہ ( نومبر2018 ) کے دوسرے ہفتے میں مہنگائی کی شرح میں 0.42 فیصد اضافہ ریکارڈ کیا گیا جبکہ کم آمدنی والے طبقے کے لئے قیمتوں کے حساس اشاریئے میں 0.41فیصد کا اضافہ ریکارڈ کیا گیا۔

    پاکستان بیور و شماریات کے اعداد و شمار کے مطابق 15نومبر کو ختم ہونے والے ہفتے کے دوران زندہ مرغی،انڈے، پیاز ، آلو،کیلے، لہسن ،آٹا ، گندم، چینی ،مٹن ، بیف، دال ماش، دال مسور ،دال مونگ ،چنے کی دال ،ملک پاؤڈر، اری چاول، باسمتی چاول ،کپڑے، ویجی ٹیبل گھی ،سمیت 25 اشیائے ضروریہ کی قیمتوں میں اضافہ ہوا ۔

    ایل پی جی ،ٹماٹر، گڑ ،سرخ مرچ ،مسٹرڈ آئل ،سمیت 5اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق پیٹرول ،ہائی سپیڈ ڈیزل، مٹی کاتیل ،گیس نرخ ،بجلی کے نرخ ،سگریٹ ، چائے،تازہ دودھ ، دھی، نمک ،صابن ، خوردنی تیل، سمیت 23 اشیائے کی قیمتوں میں استحکام رہا۔

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.42، 0.43 ،0.43 اور 0.41 فیصد اضافہ ریکارڈ کیا گیا۔

  • آئیڈیاز2018:عظیم الشان دفاعی نمائش کی تاریخوں کا اعلان ہوگیا

    آئیڈیاز2018:عظیم الشان دفاعی نمائش کی تاریخوں کا اعلان ہوگیا

    کراچی: شہر قائد ہر دو سال بعد منعقد ہونے وا لی دفاعی نمائش آئیڈیاز 2018 ، 27 سے 30 نومبر تک کراچی ایکسپو سینٹر میں منعقد ہوگی۔ سنہ 2000 سے شروع ہونے والی یہ نمائش اپنے سلسلے کی دسویں نمائش ہے، وزیراعظم عمران خان دفاعی نمائش کا افتتاح کریں گے۔

    آئیڈیاز 2018 ، ڈیفنس ایکسپورٹ پروموشن آرگنائیزیشن (ڈیپو) کے زیرِ اہتمام 27 کراچی ایکسپو سنٹر میں منعقد کی جائے گی۔ اس موقع پر دفاع کی صنعت سے وابستہ جدید ٹیکنالوجی کی حامل مصنوعات پیش کی جائیں گی ۔ پاکستان اپنی تمام دفاعی مصنوعات اس نمائش میں پیش کرتا ہے۔

    آئیڈیاز نامی اس عظیم الشان نمائشن کے موقع پرانٹرنیشنل ڈیفنس ایگزیبیشن اور سیمینارز بھی منعقد کیے جائیں گے، دنیا کے کئی ممالک کے فوجی وفود اس نمائش میں شرکت ہیں اور پاکستان سے دفاعی معاہدے کرتے ہیں۔

    دفاعی نمائش آئیڈیاز 2018 کے موقع پر آنے والے مہمانوں کو خوش آمدید کہنے کے لیے سندھ حکومت کے ایم سی کی مدد سے شہر تزئین و آرائش کرے گی۔

    آئیڈیاز 2000 میں پہلی بار منعقد ہونے کے بعد سے اب تک یہ نمائش مینوفیکچرز، مالیاتی ماہرین اوراعلیٰ سطحی پالیسی سازوں کے لیے اہم ہوگئی ہے ، اس نمائش سے پاکستان کے اسٹریٹجک تعلقات کو مزید استحکام ملے گا۔

    ہر دو سال بعد منعقد ہونے والی اس نمائش کے انعقاد سے پاک فوج کے تینوں شعبہ جات کو اپنی عسکری قوت نمایاں کرنے کا موقع ملتا ہے۔ اس موقع پر ثقافتی پروگرام بھی منعقد کیے جاتے ہیں ۔ حکومت اور نجی اداروں کے درمیان بھی کئی طرح کے معاہدے تشکیل دیے جاتے ہیں۔

    سولہ سال قبل شہر قائد کے ایکسپو سنٹر میں ’آئیڈیاز‘ کے نام سے اک سفر کا آغاز کیا گیا تھا‘ آج یہ نمائش دنیا کی بڑی اور اہم دفاعی نمائشوں میں شمار ہوتی ہے، دوسال قبل ہونے والی اس سلسلے کی نویں نمائش میں 418 مندوبین نے شرکت کی تھی اور 9 نئے ممالک نے حصہ لیا تھا ۔ نمائش میں دو ہالز محض چین کی مصنوعات کے لیے مختص کیے گئے تھے۔

  • نیوزی لینڈ کرکٹ ٹیم کا دورہ پاکستان سیکیورٹی کلیئرنس سے مشروط

    نیوزی لینڈ کرکٹ ٹیم کا دورہ پاکستان سیکیورٹی کلیئرنس سے مشروط

    ویلنگٹن: نیوزی لینڈ کرکٹ ٹیم نے دورہ پاکستان کے لیے غور شروع کردیا ہے، نیوزلینڈ کرکٹ بورڈ کا کہنا ہے کہ سیکیورٹی کلیئرنس کے بعد پاکستان میں ٹی ٹوئنٹی میچز کھیلیں گے۔

    تفصیلات کے مطابق رواں سال نومبر میں پاکستان اور نیوزی لینڈ کے درمیان ون ڈے اور ٹیسٹ سیریز متحدہ عرب امارات میں کھیلی جائے گی، تاہم سیریز کی تاریخوں کا اعلان نہیں کیا گیا ہے۔

    نیوزی لینڈ کرکٹ بورڈ گورننگ باڈی کا کہنا ہے کہ کیویز نے سیکیورٹی خدشات کے باعث 2003 سے پاکستان کا دورہ نہیں کیا ہے، تاہم اب رواں سال نومبر میں ٹی ٹوئنٹی سیریز کھیلنے کی درخواست کی گئی ہے۔

    ترجمان نیوزی کرکٹ بورڈ کا کہنا ہے کہ پی سی پی کی درخواست پر مذکورہ طریقہ کار مکمل ہونے کے بعد جواب دیا جائے گا، دورہ پاکستان کے لیے حکومت، کھلاڑیوں اور سیکیورٹی فراہم کرنے والے اداروں سے بات چیت کی جائے گی۔

    دوسری جانب آسٹریلوی کرکٹ بورڈ نے دورہ پاکستان کے لیے پی سی بی سے رابطہ کرنے کی خبروں کی تصدیق سے انکار کردیا ہے۔

    واضح رہے کہ خبریں گردش کررہی تھیں کہ آسٹریلوی بورڈ نے دورہ پاکستان کے لیے پی سی بی سے رابطہ کیا ہے اور درخواست کی ہے کہ ٹی ٹوئنٹی سیریز متحدہ عرب امارات سے پاکستان منتقل کی جائے۔

    پاکستان اور آسٹریلیا کے درمیان ٹیسٹ اور ٹی ٹوئنٹی سیریز رواں سال ستمبر میں شیڈول ہے، پاکستان کو مہمان کینگروز ٹیم کی میزبانی متحدہ عرب امارات میں کرنا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • ایس ای سی پی میں کمپنیوں کی رجسٹریشن، ماہ نومبرمیں چالیس فیصد اضافہ

    اسلام آباد: سکیورٹیز اینڈ ایکس چینج کمیشن ( ایس ای سی پی ) نے نومبر میں کل881 نئی کمپنیاں رجسٹرڈ کیں جو کہ گزشتہ سال نومبر کے مہینے میں ہونے والی رجسٹریشن سے چالیس فیصد زائد ہیں۔

    ایس ای سی پی کی جانب سے کمپنی رجسٹریشن کے طریقہ کار میں آسانی، رجسٹریشن فیس میں کمی، کمپنی رجسٹریشن دفاتر میں سہولت مراکز کا قیام کمپنیوں کی رجسٹریشن میں اضافہ کے رجحان کا باعث رہا۔

    ترجمان کے مطابق نئی رجسٹریشن کے بعد ایس ای سی میں میں کل رجسٹرڈ کمپنیوں کی تعداد چوراسی ہزار دو سو ایک ہو گئی ہے، رجسٹر ہونے والی کمپنیوں میں بیاسی فی صد پرائیویٹ لمیٹڈ، سولہ فی صد کمپنیاں بطور سنگل ممبر کمپنی اور دو فی صد کمپنیاں پبلک ان لسٹڈ کمپنیوں، ٹریڈ آرگنائزیشن اورغیر ملکی کمپنیوں کے طور پر رجسٹرڈ ہوئیں۔

    سب سے زیادہ کمپنیاں خدمات کے شعبے میں رجسٹرڈ ہوئیں جن کی تعداد134ہے، جبکہ تجارتی شعبے میں 118، انفارمیشن ٹیکنالوجی میں91، سیر و سیاحت میں52، انجینئرنگ میں38، تعلیم میں 29،خوراک و مشروبات میں28، کارپوریٹ ایگریکلچرل فارمنگ اور رئیل اسٹیٹ میں22 کمپنیاں رجسٹرڈ ہوئیں۔

    اس کے علاوہ ٹیکسٹائل میں20‘ ہیلتھ کئیر میں18، دوا سازی اور ٹرانسپورٹ میں16، آٹو الائیڈ، کیبل اور الیکٹرک کے سامان ہر ایک میں11جبکہ148کمپنیاں دیگر مختلف شعبوں میں رجسٹر ہوئیں۔

    نومبر کے مہینے میں کراچی اور لاہور میں پانچ غیر ملکی کمپنیاں بھی رجسٹرڈ ہوئیں، اس ماہ 47کمپنیوں میں افغانستان، آسٹریلیا، کینیڈا، چین، اٹلی، ساوتھ کوریا، لبنان، میکڈونیا، مراکش، میکسیکو، پولینڈ، ساؤتھ افریقہ، سوئٹزر لینڈ، برطانیہ اور امریکہ سے غیر ملکی سرمایہ کاری کی گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نومبر کےآغازمیں مہنگائی کی شرح میں 0.97 فیصد اضافہ

    نومبر کےآغازمیں مہنگائی کی شرح میں 0.97 فیصد اضافہ

    اسلام آباد : نئے مالی سال 2017-18ء کے پانچویں ماہ (نومبر2017ء ) کے آغاز میں مہنگائی کی شرح میں 0.97 فیصد اضافہ ریکارڈ کیا گیا جبکہ کم آمدنی والے طبقے کے لئے قیمتوں کے حساس اعشاریئے میں 0.93 فیصد اضافہ دیکھنے میں آیا.

    پاکستان بیورو شماریات کے اعداد و شمار کے مطابق 3 نومبر کو ختم ہونے والے ہفتے کے دوران پیٹرول ،ہائی سپیڈ ڈیزل، مٹی کاتیل ،زندہ مرغی ،انڈے، پیاز ،ٹماٹر، آلو ، دال مسور ، چنے کی دال ، چینی ، خوردنی تیل، گندم، آٹا ،اری چاول، سرخ مرچ ،باسمتی چاول ،مٹن ،بیف، ویجی ٹیبل گھی ،سمیت 21اشیائے ضروریہ کی قیمتوں میں اضافہ ہوا.

    ایل پی جی، لہسن ،دال ماش، دال مونگ ،کیلے،گڑ ،سمیت 6اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق بجلی کے نرخ ،مسٹرڈ آئل ،ملک پاؤڈ، چائے، تازہ دودھ ،دھی ،نمک ،کپڑے، گیس نرخ ،سمیت 26 اشیائے کی قیمتوں میں استحکام رہا،۔

    مزید پڑھیں: ستمبر کے پہلے ہفتے میں مہنگائی کی شرح میں اضافہ

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.90، 0.93 ،0.94 اور 1.03 فیصد اضافہ ریکارڈ کیا گیا۔

    مزید پڑھیں: مہنگائی، بیروزگاری نواز شریف کا تحفہ ہیں، سراج الحق

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نومبرکا چوتھا ہفتہ، مہنگائی کی شرح میں 0.06 فیصد کمی

    نومبرکا چوتھا ہفتہ، مہنگائی کی شرح میں 0.06 فیصد کمی

    اسلام آباد : مالی سال 2015-16ء کے پانچویں ماہ (نومبر 2016ء ) کے چوتھے ہفتے کے دوران مہنگائی کی شرح میں 0.06 فیصد اضافہ ریکارڈ کیا گیا جبکہ کم آمدنی والے طبقے کے لئے قیمتوں کے حساس اعشاریئے میں 0.15 فیصد کمی دیکھنے میں آئی۔

    پاکستان بیورو شماریات کے اعداد و شمار کے مطابق 25 نومبر کو ختم ہونے والے ہفتے کے دوران انڈے، ٹماٹر، گندم ، آٹا،ویجی ٹیبل گھی ،لہسن ،کیلے، دال مونگ ،چائے ، سمیت 11 اشیائے ضروریہ کی قیمتوں میں اضافہ ہوا۔

    ایل پی جی ،پیاز ،زندہ مرغی ،آلو ،دال مسور ،چنے کی دال ،دال ماش، مسٹرڈ آئل ، چینی ،گڑ ،سرخ مرچ ، سمیت12 اشیائے ضروریہ کی قیمتوں میں کمی ریکارڈ کی گئی۔

    ادارہ شماریات کے مطابق پٹرول ،ہائی سپیڈ ڈیزل ،مٹی کاتیل ، بجلی کے نرخ ،تازہ دودھ ، ملک پاؤڈ، دھی ،کپڑے، باسمتی چاول ،اری چاول، خوردنی تیل، بیف ، مٹن ، نمک ، گیس نرخ ، اورکھلا گھی سمیت 30 اشیائے کی قیمتوں میں استحکام رہا۔

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.12، 0.09 ،0.06 اور 0.01 فیصد کمی ریکارڈ کی گئی۔

  • ٹیکس و پیٹرول کی قیمتیں آسمان پر۔ مہنگائی میں اضافے کا امکان

    ٹیکس و پیٹرول کی قیمتیں آسمان پر۔ مہنگائی میں اضافے کا امکان

    اسلام آباد : گزشتہ ماہ نو مبر میں مہنگائی کی شرح میں نمایاں اضافہ ریکارڈ کیا گیا۔

    تفصیلات کے مطابق موبائل فون ہو یا ٹائرز۔ جینریٹرز ہوں یا سگریٹس۔ ہر سال ان اشیاء کی اسمگلنگ سے حکومتی خزانے کو اربوں روپے کانقصان اٹھاناپڑتاہے۔

    نومبر میں مہنگائی کی شرح میں نمایاں اضافہ ریکارڈ کیا گیا ہے۔ نومبر میں مہنگائی میں اضافے کی شرح دو اعشاریہ سات فیصد رہی ۔

    ٹیکس اور پیٹرولیم مصنوعات کی قیمتوں میں کمی نہ ہونے کے باعث مہنگائی میں مزید اضافے کا امکان ہے۔درآمدی اشیاء پر ٹیکس میں اضافے سے اسمگلنگ بڑھ جانے کا خدشہ ہے۔

    اسمگلنگ کےباعث حکومتی خزانے کو سالانہ اربوں روپے کا نقصان اٹھاناپڑتاہے۔ ایک اندازے کے مطابق صرف گیارہ اشیاء کی اسمگلنگ سے حکومت کو سالانہ دو سو ارب روپے کا نقصان ہوتاہے ۔

    تجزیہ کاروں کاکہناہےکہ حکومت نے ٹیکسوں میں اضافہ تو کر دیا۔ مگر اسمگنگ کی روک تھام کیلئے کوئی اقدامات کئے نہیں گئے ہیں ۔

  • افغان صدر نے نئی کابینہ کیلئے نامزد وزراء کے ناموں کا اعلان کردیا

    افغان صدر نے نئی کابینہ کیلئے نامزد وزراء کے ناموں کا اعلان کردیا

    کابل: تین ماہ بعد بالآخر افغان صدر اشرف غنی نے نئی کابینہ کیلئے نامزد وزراء کے ناموں کا اعلان کردیا،وزارت خارجہ کیلئے سابق افغان صدر برھان الدین ربانی کے بیٹے صلاح الدین ربانی کو نامزد کیا گیا ہے۔

    رپورٹس کے مطابق نئی کابینہ میں شامل پچیس وزرا کے ناموں کا اعلان افغان صدر کے چیف آف اسٹاف عبدلسلام رحیمی نے کیا جبکہ تقریب میں شریک افغان صدرنے اس موقع پرکوئی بات نہیں کی۔

     افغان صدر کے چیف آف اسٹاف عبدلسلام رحیمی کی جانب سے وزرا کیلئے جن ناموں کا اعلان کیا گیا ان میں افغانستان کے انتہائی اہم منصب وزارت داخلہ کیلئے نور الحق علومی،وزارت دفاع کیلئے شیر محمد کریمی جبکہ وزارتے تجارت کیلئے غلام جیلانی پوپل کے نام شامل ہیں

    اس موقع پرافغان صدر کے چیف آف اسٹاف عبدلسلام رحیمی کا کہنا تھا کہ افغان حکومت ان ناموں پر اتفاق کیلئے پارلیمان سے رجوع کرے گی۔