ماسکو : روس کے صدر ولادیمیر پیوٹن نے کہا ہے کہ ایٹمی جنگ میں کوئی فریق کامیابی حاصل نہیں کرسکتا اور ایسی جنگ کبھی نہیں چھڑنی چاہیے۔
برطانوی خبر رساں ایجنسی کے مطابق معاہدہ جوہری عدم پھیلاؤ کانفرنس کے شرکاء کو لکھے گئے خط میں پیوٹن کا کہنا تھا کہ ایٹمی جنگ کوئی جیت نہیں سکتا۔
روسی صدر کا مزید کہنا تھا کہ ایسی جنگ کبھی نہیں چھڑنی چاہیے، ہم عالمی برادری کے تمام ارکان کے مکمل اور غیر منقسم سکیورٹی کے لیے پرعزم ہیں۔
واشنگٹن : کشمیرکواندرونی معاملہ قراردینے والوں کوامریکی تھنک ٹینک نے وارننگ دیتے ہوئے کہا ہے کہ ہیروشیما اور ناگاساکی کے بعدکشمیر پر جوہری جنگ چھڑ سکتی ہے، جوہری جنگ ہوئی تولاکھوں افرادجان سےجائیں گے۔
تفصیلات کے مطابق امریکی تھنک ٹینک نے کشمیرکواندرون معاملہ قرار دینے والوں کو وارننگ دیتے ہوئے کہا مسئلہ کشمیرپرجنوبی ایشیا میں جوہری جنگ کا خطرہ ہے، جوہری جنگ ہوئی تولاکھوں افرادجان سےجائیں گے۔
تھنک ٹینک اسٹرٹ فورکی رپورٹ میں کہا گیا ہیروشیماناگاساکی کےبعدکشمیرپرجوہری جنگ چھڑسکتی ہے ، بعض بین الاقوامی قوتیں مسئلہ کشمیرکواندرونی معاملہ قراردے رہی ہیں۔ یہ اندرونی معاملہ نہیں، دنیا کے امن واستحکام کا معاملہ ہے۔
رپورٹ کے مطابق بھارتی وزیردفاع راج ناتھ سنگھ کے ایٹمی ہتھیاروں کے استعمال میں پہل نہ کرنے کی پالیسی ترک کرنے کے بیان کے بعد ایٹمی جنگ کا خطرہ مزید بڑھ گیا ہے ، کئی دہائیوں پہلے کشمیر کے عوام کو انکا حق استصواب رائے دینے کا وعدہ کیا گیا تھا جو آج تک پورا نہیں کیا گیا۔
امریکی تھنک ٹینک کا مزید کہنا تھا کہ بھارت نے انیس اٹھانوے میں جوہری تجربہ کیا تھا توپاکستان نے جواب دیا تھا۔
مزید پڑھیں : کشمیر پر پاک بھارت جنگ کا خطرہ ہے
رپورٹ کے مطابق بھارتی وزیردفاع راج ناتھ سنگھ کے ایٹمی ہتھیاروں کے استعمال میں پہل نہ کرنے کی پالیسی ترک کرنے کے بیان کے بعد ایٹمی جنگ کا خطرہ مزید بڑھ گیا ہے ، کئی دہائیوں پہلے کشمیر کے عوام کو انکا حق استصواب رائے دینے کا وعدہ کیا گیا تھا جو آج تک پورا نہیں کیا گیا۔
امریکی تھنک ٹینک کی رپورٹ میں اس بات کی نشاندہی کی گئی ہے کہ فروری میں پاکستان نے بھارت کا ایک لڑاکا طیارہ مار گرایا اور طیارے کے پائلٹ کو واپس بھارت کے حوالے کیا تھا۔
خیال رہے بھارت کی جانب سے مقبوضہ کشمیر کی خصوصی حیثیت ختم کرنے کے بعد دونوں ممالک میں کشیدگی برقرار ہے، پاکستان نے بھارت کے ساتھ سفارتی تعلقات محدود اور دو طرفہ تجارت بھی معطل کردی ہے۔
واشنگٹن : عالمی ادارہ انسداد ہتھیار ڈائریکٹر کا کہنا ہے کہ جوہری ہتھیار رکھنے والے تمام ممالک میں نیوکلیئر ماڈرانائزیشن پروگرام جاری ہے۔
تفصیلات کے مطابق امریکا اور اس کے روایتی حریف ایران کے درمیان گذشتہ برس جوہری عالمی طاقتوں کے ساتھ طے ہونے والے جوہری معاہدے سے امریکا کی علیحدگی کے بعد سے دونوں ممالک کے درمیان شدید کشیدگی جاری ہے جس نے دنیا میں جوہری جنگ کا خطرہ مزید بڑھا دیا ہے۔
عالمی ادارہ تحقیق برائے انسداد ہتھیار نے کہا ہے کہ جوہری جنگ کا خطرہ بڑھ گیا ہے، اس اہم اور فوری نوعیت کے معاملے سے نمٹنے کیلئے دنیا سنجیدگی سے غور کرے۔
غیرملکی خبررساں ادارے کے مطابق عالمی ادارے کی ڈائریکٹر برائے عدم ہتھیار تحقیق رینا ٹاڈان نے انتباہی بیان دیتے ہوئے کہا کہ دوسری عالمی جنگ سے ابتک کے مقابلے میں اب جوہری جنگ کاخطرہ بہت بڑھ گیا ہے۔
انہوں نے کہا کہ جوہری ہتھیاروں کے استعمال سمیت متعدد عناصراس کی وجوہات میں شامل ہیں اور ان کا خطرہ اب زیادہ ہے اور ان سے متعلق سوچنا، ان سے نمٹنے کیلئے انتظامات انتہائی جواب طلب سوالات ہیں۔
ریناٹاڈان کا کہنا تھا کہ جوہری ہتھیار رکھنے والے تمام ممالک میں نیوکلیئر ماڈرانائزیشن پروگرام جاری ہے ہتھیاروں پر پابندی سے متعلق بھی منظر نامہ تبدیل ہو رہاہے،ان معاملات کے پیچھے کسی حد تک امریکا چین کے درمیان اسٹریٹیجک مسابقت بھی کار فرما ہے۔
نیویاک: عالمی ادارہ تحقیق برائے انسداد ہتھیار نے خبردار کیا ہے موجودہ صورت حال میں جوہری جنگ کا خطرہ بڑھ چکا ہے۔
تفصیلات کے مطابق عالمی ادارہ تحقیق برائے انسداد ہتھیار نے کہا ہے کہ جوہری جنگ کا خطرہ بڑھ گیا ہے، اس اہم اور فوری نوعیت کے معاملے سے نمٹنے کیلئے دنیا سنجیدگی سے غور کرے۔
غیرملکی خبررساں ادارے کے مطابق عالمی ادارے کی ڈائریکٹر برائے عدم ہتھیار تحقیق ریناٹاڈان نے انتباہی بیان دیتے ہوئے کہا کہ دوسری عالمی جنگ سے ابتک کے مقابلے میں اب جوہری جنگ کا خطرہ بہت بڑھ گیا ہے۔
انہوں نے کہا کہ جوہری ہتھیاروں کے استعمال سمیت متعدد عناصر اس کی وجوہات میں شامل ہیں اور ان کا خطرہ اب زیادہ ہے اور ان سے متعلق سوچنا، ان سے نمٹنے کیلئے انتظامات انتہائی جواب طلب سوالات ہیں۔
ریناٹاڈان کا کہنا تھا کہ جوہری ہتھیار رکھنے والے تمام ممالک میں نیوکلیئر ماڈرانائزیشن پروگرام جاری ہے ہتھیاروں پر پابندی سے متعلق بھی منظر نامہ تبدیل ہو رہا ہے، ان معاملات کے پیچھے کسی حد تک امریکا چین کے درمیان اسٹریٹیجک مسابقت بھی کار فرما ہے۔
امریکا ایک بار پھر ایران سے مذاکرات کے لیے تیار ہوگیا
دوسری خانب امریکا اور ایران کے درمیان شدید تنازعہ چل رہا ہے، ایک دوسرے پر سنگین الزامات عائد کیے جارہے ہیں، اپنے حالیہ بیان میں صدر ٹرمپ نے ایران کو دھمکی دیتے ہوئے کہا تھا کہ اگر ایران لڑنا چاہتا ہے تو بتا دے وہ اس کا آخری دن ہوگا، ہم ایران کو صفحہ ہستی سے مٹادیں گے۔
نیویارک : امریکی اخبار نے خبردار کیا ہے کہ اگر اب ایٹمی جنگ ہوئی تو شمالی کوریا میں نہیں بلکہ پاکستان اور بھارت میں ہوگی، سرحدوں پردونوں ملکوں کی افواج تیارکھڑی ہیں۔
تفصیلات کے مطابق امریکی اخبار نیو یارک ٹائمز کا کہنا ہےکہ پاکستان اور بھارت کے درمیان ایٹمی جنگ چھڑ سکتی ہے، افواج سرحدوں پر تیار کھڑی ہیں اورروایتی حریفوں کے درمیان مذاکرات کا بھی کوئی امکان نہیں۔
امریکی اخبارکے اداریئے میں کہا گیا ہے کہ جنگ چھڑ جانےکی صورت میں دونوں ممالک جوہری ہتھیاروں کا استعمال کرسکتے ہیں، پاکستان اور بھارت کے درمیان ایٹمی جنگ چھڑنے سے ہونے والے نقصانات کاحجم سوچ سےزیادہ رہےگا۔
نیویارک ٹائمز کے مطابق مودی پاکستان کے خلاف ہندو انتہا پسندی کو ہوا دے رہےہیں اور بھارتی میڈیا جلتی آگ پرتیل کاکام کررہا ہے جبکہ پاکستانی وزیراعظم عمران خان نے بھارتی پائلٹ کو واپس کرکے خیرسگالی کے جذبے کا مظاہرہ کیا۔
بھارت کا پاکستان پر حملے میں بڑی تعداد میں ہلاکتوں کا دعوے مشکوک قرار
امریکی اخبار نے بھی بھارت کے پاکستان پر حملے میں بڑی تعداد میں ہلاکتوں کے دعوے کومشکوک قراردیا ہے۔
نیویارک ٹائمز کا کہنا ہے جب تک کشمیر کا فیصلہ نہیں ہوتا، ایسی ہی کشیدہ صورتحال کا سامنا رہے گا، پلوامہ حملے کے بعد سے اب تک پاک بھارت کشیدگی میں کمی آئی ہے لیکن جنگ کےبادل چھٹیں نہیں ہے۔
خیال رہے پاک بھارت کےدرمیان اہم تنازعہ کشمیر کا ہے،جس کےمستقبل کافیصلہ کیے بغیرخوفناک صورتحال کاسامنارہےگا، اس سے پہلے سابق امریکی صدورکلٹن،بش اور اوباما پاک بھارت کشیدگی کم کرانے میں اہم کردار اداکرچکے ہیں ۔
مزید پڑھیں : پاکستان نے بھارت کوفضائی جنگ میں شکست دے دی ، امریکی اخبار
یاد رہے چند روز قبل بھی امریکی اخبار نیویارک ٹائمز نے کہا تھا کہ بھارت پاکستان سےفضائی جنگ ہارگیا، پاکستان کیساتھ فضائی تصادم میں شکست کے بعد بھارت کی بوسیدہ فوج پرسوالات اٹھنے لگے ہیں، جنگ کی صورت میں بھارتی فوج کے پاس صرف10دن کاگولہ بارودہے۔
امریکی اخبار کا کہنا تھا کہ جنوبی ایشیاکی 2جوہری طاقتوں میں فضائی تصادم بھارتی فوج کا امتحان ثابت ہوا، بھارتی طیارہ اس ملک کی فوج نے تباہ کیا جواس سے تعداد میں آدھی ہے۔
واضح رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔
ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔
اس سے قبل 26 فروری کو بھارتی طیاروں نے پاکستانی حدود کی خلاف ورزی کی ، تاہم پاک فضائیہ کی بروقت ایکشن پر بھاگنے پر مجبور ہوگئے تھے، بعد ازاں بھارتی میڈیا نے دعویٰ کیا تھا کہ حملے میں دہشت گردوں کے ٹھکانوں کو نشانہ بنایا گیا ، جس میں 300 دہشت گرد مارے گئے ۔
نیویارک: بین الاقوامی تحقیقاتی اداروں نے خبردار کیا ہے کہ پاک بھارت جنگ پوری دنیا کو اپنی لپیٹ میں لے گی جس کی وجہ سے دنیا کی آبادی کا بڑا حصہ بھوک سے مرجائے گا۔
بین الاقوامی تحقیقاتی اداروں کے مطابق اگر پاکستان اور بھارت کے درمیان جارحیت مزید بڑی اور جنگ چھڑ گئی تو اس سے صرف خطہ نہیں بلکہ پوری دنیا بری طریقے سے متاثر ہوگی۔
تحقیقاتی اداروں کے مطابق اگر پاکستان اور بھارت کے پاس موجود ایٹمی ہتھیاروں کا استعمال ہوا تو دنیا کی 90 فیصد آبادی بھوک سے مرنے کا خدشہ ہے۔
امریکی ادارے کا یہ بھی کہنا ہے کہ پاک بھارت ایٹمی حملے کی صورت میں اٹھنے والا دھواں دو ہفتے تک پوری دنیا کو اپنی لپیٹ میں لے گا، یہ دھواں آسمان پر بیس سے پچاس میل بلندی پر جمع ہوجائے گا جس کے اثرات کئی سالوں تک سامنے آتے رہیں گے۔
مزید پڑھیں: پاک بھارت جنگ کی صورت میں خطے اور دنیا کی ہار ہوگی ،فوادچوہدری
یہ بھی پڑھیں: پاک بھارت جنگ ہوئی توبھارت کو زیادہ نقصان ہوگا، امریکی اخبار
تحقیقاتی ادارے نے خبردار کیا ہے کہ آسمان کی خاص بلندی پر دھواں جمع ہونے سے خطے میں بارشیں نہیں ہوں گی جبکہ دھوپ اور روشنی بھی نہیں ہوگی جس کی وجہ سے گندم، مکئی سمیت دیگر اجناس کی فصلیں تیار نہیں ہوسکیں گی۔
رپورٹ کے مطابق جنگ میں ایٹمی ہتھیارچلنے سےاٹھنے والےدھوئیں سےکرہ ارض کادرجہ حرارت انتہائی کم منفی ڈگری سینٹی گریڈ تک پہنچ جائے گا اور اس کا آئس ایج ہونے کا خدشہ بھی ہے۔
امریکی ادارے نے خبردار کیا ہے کہ دنیا کے پاس صرف 60 روز کے استعمال کی غذائی اجناس موجود ہیں، حملے کی صورت میں 2 ارب لوگوں کی موت واقع ہوسکتی ہے۔
اسلام آباد : کیپٹن ریٹائرڈ صفدر کا کہنا ہے کہ مولانا صاحب کا کوئی ایجنڈا نہیں ۔ یہ ایک دنیاوی مولوی ہے، جلد دودھ کا دودھ ،پانی کا پانی ہوجائے گا۔
تفصیلات کے مطابق احتساب عدالت کے باہر میڈیا سے گفتگو کرتے ہوئے کیپٹن ریٹائرڈ صفدر نے علامہ طاہر القادری پر تنقید کرتے ہوئے کہا کہ مولانا صاحب کا کوئی ایجنڈا نہیں ۔ یہ ایک دنیاوی مولوی ہے۔
کیپٹن ریٹائرڈ صفدر کا کہنا تھا کہ طاہرالقادری کتنا بھی احتجاج کرلیں پھر ایڑیاں رگڑیں ، لائن وہیں سے شروع ہوگی جہاں نوازشریف کھڑے ہونگے، جلد دودھ کا دودھ ،پانی کا پانی ہوجائے گا۔
انہوں نے کہا کہ مولانا صاحب کا زمانہ طالب علمی سے ایک ایجنڈا تھا کہ لینڈکروزر اور بڑا بنگلہ ہو، وہ پورا ہو گیا ہے۔ وہ چاہتے تھے کہ ان کا ایک نام ہو وہ انہیں اللہ نے دے دیا، طاہر القادری ملک کو غیر مستحکم کرنا چاہتے ہیں ۔
گذشتہ سماعت میں احتساب عدالت میں پیشی کے موقع پر میڈیا سے گفتگو کرتے ہوئے کیپٹن(ر)صفدر کا کہنا تھا کہ ڈاکٹر طاہر القادری صاحب شوق سے آئیں ، طاہرالقادری سےکیامناظرہ کیاجائے، جن کاجھوٹ ثابت ہوگیا۔
انکا کہنا تھا کہ عمران خان کی شادی ان کاذاتی مسئلہ ہے، اسلام میں 4شادیوں کی اجازت ہے، طاہر القادری ان کا نکاح پڑھانے آئے ہیں۔
چلی : پوپ فرانسس نے خبردار کیا ہے کہ دنیا ایٹمی جنگ سے صرف ایک قدم پیچھے ہے، کوئی بھی ایک حادثہ اس کی شروعات کرسکتا ہے۔
تفصیلات کے مطابق پوپ فرانس جنوبی امریکا کے دورے پر ہیں، چلی پہنچنے پر ان کیخلاف مظاہرے کئے گئے، صحافیوں سے گفتگو کرتے ہوئے پوپ فرانسیس نے کہا کہ دنیا تیزی سے ایٹمی جنگ کی جاب بڑھ رہی ہے، دنیا ایٹمی جنگ سے صرف ایک قدم پیچھے ہے۔
پوپ فرانسس کا کہنا تھا کہ میں اس بات سے بے حد خوفزدہ ہوں کیونکہ ایک حادثہ اس کی شروعات کرسکتا ہے، جوہری اسلحے کے ڈھیر لگانا حماقت ہے در اصل جوہری اسلحہ رکھنا ہی غلط ہے۔
اس سے قبل بھی فرانسس نے ایک اور بڑی جنگ کا خدشہ ظاہر کرتے ہوئے کہا تھا کہ دنیا ایک بار پھر جنگ کے دہانے پر ہے اور ہم تیزی سے ایک بڑی جنگ کی بڑھتے دکھائی دے رہے ہیں۔
انکا کہنا تھا کہ ہمیں یاد رکھنا چاہیے جنگ عظیم دوئم میں لاکھوں افراد کی زندگیاں چلی گئی تھیں، ایسے بموں کا دوبارہ استعال بڑے پیمانے پر انسانی اور ماحولیاتی تباہی پھیلائے گا۔
یاد رہے کہ مسیحوں کے مبارک دن کے موقع پوپ فرانسس کا کہنا تھا کہ جنگ کا طوفان ہماری دنیا کو لپیٹ میں لیے ہوئے ہے جس کے باعث اللہ کی سب سے اعلیٰ مخلوق کو انسانیت کی تذلیل، سماجی گٹھن اور معاشی بد حالی کا سامنا کرنا پڑ رہا ہے۔
تفصیلات کے مطابق اقوام متحدہ کی جنرل اسمبلی میں شمالی کوریا کے نائب سفیر کم ان ریونگ نے کہا کہ 1970 سے لے کر اب تک شمالی کوریا کو امریکی کی جانب سے براہ راست خطرات کا سامنا رہا ہے۔
شمالی کوریا کےسفیر نے کہا کہ ان کے ملک کو قومی اور ملکی دفاع کے لیے ایٹمی ہتھیار رکھنے کا حق ہے۔
کم ان ریونگ نے کہا کہ امریکی صدر ڈونلڈ ٹرمپ اقوام متحدہ کی جنرل اسمبلی میں اپنے خطاب میں شمالی کوریا کو تباہ کرنے کی دھمکی دے چکے ہیں لہذا امریکہ کی جانب سے خطرات کے پیش نظر شمالی کوریا کواپنے دفاع کے لیے ایٹمی ہتھیاروں سے مسلح ہونا ضروری ہے۔
شمالی کوریا کے سفیر نے اقوام متحدہ کی جنرل اسمبلی میں امریکہ اور جنوبی کوریا کی فوجی مشقوں کو اشتعال انگیزقرار دیتے ہوئے وارننگ دی ہے کہ ایٹمی جنگ کسی بھی وقت چھڑ سکتی ہے۔
یاد رہے کہ 29 ستمبر کو برطانوی تھنک ٹینک نے اپنی رپورٹ جاری کی تھی جس میں کہا گیا تھا کہ شمالی کوریااورامریکا کی جنگ کاامکان بہت زیادہ ہے۔
واضح رہے کہ گزشتہ ماہ شمالی کوریا نے دھمکی دیتے ہوئے کہا تھا کہ جاپان کو غرق اور امریکا کو راکھ و تاریکی میں بدل دیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔