لندن : وزیراعظم عمران خان کو کورونا سے نمٹنے والے کامیاب سیاستدانوں میں نمبر ون قرار دے دیا گیا، جبکہ وزیراعظم کے معاون خصوصی زلفی بخاری بھی ٹاپ 10 میں شامل ہیں۔
تفصیلات کے مطابق برطانوی جریدے ایشین ورلڈ نے ٹاپ ٹین10 سیاستدانوں کی فہرست جاری کر دی، جس میں وزیراعظم عمران خان بڑے بڑے عالمی رہنماؤں کو پیچھے چھوڑ دیا۔
وزیراعظم کورونا سے نمٹنے والے کامیاب سیاستدانوں کی فہرست میں سرفہرست ہیں جبکہ وزیراعظم کے معاون خصوصی زلفی بخاری بھی ٹاپ 10 میں شامل ہیں۔
برطانوی جریدے کا کہنا ہے کہ ٹاپ10سیاستدانوں نے وائرس کے اثرات دور کرنے کیلئے سخت محنت کی، عمران خان نے کورونا کے دوران امدادی فنڈ شروع کیا اور بیروزگارافرادتک حکومت کی بروقت مدد پہنچائی گئی۔
برطانوی اخبار کے مطابق کانگرس وومین برائے نیویارک الیگزینڈریا دوسرے ، نیوزی لینڈ کی وزیراعظم جسنڈا آرڈن تیسرے اور کینیڈا کے وزیراعظم جسٹن ٹروڈو فہرست میں چھٹے نمبر پر ہیں۔
ایشین ورلڈ کا کہنا ہے کہ معاون خصوصی زلفی بخاری کا فہرست میں ساتواں نمبر ہے، زلفی بخاری نے بیرون ملک پاکستانیوں کیلئے مشن کی قیادت کی، انھوں نے بیرون ملک پھنسےپاکستانیوں کی واپسی پربہترین کام کیا۔
برطانوی جریدے کے مطابق فہرست میں فن لینڈ کی وزیراعظم ثنا میرن چوتھےنمبرپر ہیں جبکہ چین، بھارت، ایران، عراق، افغانستان اور بنگلادیش کا کوئی سیاستدان شامل نہیں۔
