حیدرآباد: گستاخانہ کلمات ادا کرنے والی ملعونہ نوپور شرما سے متعلق بی جے پی نے اہم فیصلہ کرلیا ہے۔
غیر ملکی ذرائع ابلاغ کے مطابق آسام کے وزیر اعلیٰ کا اپنے ٹوئٹر بیان میں کہنا تھا کہ نوپورشرما رائے بریلی سے الیکشن لڑیں گی۔
نوپور شرما نے سال 2015 میں ایک ٹی وی شو کے دوران گستاخانہ جملے ادا کئے تھے، جس کے بعد مسلمانوں میں پائی جانے والی شدید برہمی کو دیکھتے ہوئے بی جے پی نے اسے پارٹی سے معطل کردیا تھا۔
اب تازہ ترین اطلاعات سامنے آرہی ہیں کہ نوپور شرما رائے بریلی سے انتخابات میں حصہ لے سکتی ہیں اورحکمراں جماعت بی جے پی اسے اپنا امیدواربنائے گی۔
واضح رہے کہ اس سے قبل بھارتی سپریم کورٹ نے بی جے پی کی سابق ترجمان نوپور شرما کے توہین آمیز بیانات پر برہمی کا اظہار کیا تھا۔
بھارت کی اعلیٰ عدلیہ کا کہنا تھا کہ توہین آمیز بیانات نے ملک کی سالمیت کو خطرے میں ڈال دیا ہے، نوپور شرما اور ان کی بد زبانی نے پورے ملک میں آگ لگا دی۔
سپریم کورٹ کا کہنا تھا کہ نوپور شرما نے سب کو مشکل میں ڈال دیا ہے، اس وقت ملک میں جو صورت حال ہے، اس کی ذمہ دار نوپور شرما ہیں۔
بھارت: مغربی بنگال کی اسمبلی نے نوپور شرما کے خلاف قرارداد منظور کرلی
عدالت کا کہنا تھا کہ اودھے پور میں جو واقعہ ہوا اس کی ذمہ دار بھی نوپور شرما ہیں، نوپور شرما کو توہین آمیز بیانات پر قوم سے ٹی وی پر آ کر معافی مانگنی چاہیے، وہ خود کو کیا سمجھتی ہیں؟ بطور پارٹی ترجمان ان کے پاس طاقت ہے تو وہ جو چاہیں کریں گی۔
