کراچی :ایم کیو ایم کے مرکز نائن زیرو سے گرفتار ہونے والےملزم عبید عرف کے ٹو کو عدالت میں شناختی پریڈ کے دوران گواہ نے پہلے شناخت کیا اور پھر منحرف ہوگیا۔
فیڈرل بی ایریا تھانے کی پولیس نے رینجرز کی سخت سیکیورٹی حصار میں ملزم کو عدالت لایا گیا، ملزم کو جوڈیشل مجسٹریٹ سینٹرل علی سلیمان کی عدالت میں پیش کیا گیا۔
عبید عرف کے ٹو پر الزام تھا کہ اس نے پولیس اہلکار کامل مرتضیٰ کو یوسف پلازہ کے سامنے ٹارگٹ کلنگ کا نشانہ بنایا تھا۔
ملزم عبید عرف کے ٹوکو عدالت میں شناختی پریڈ کے دوران گواہ نے شناخت کرلیا لیکن پھر منحرف ہوگیا، گواہ نے دوسری بار غلط شخص پر ہاتھ رکھا۔
ملزم کو یوسف پلازہ پر پولیس اہلکار کے قتل کے الزام میں گرفتار کیا گیا تھا۔
اس سے قبل ملزم عبید کے ٹو کو پیشی کے دوران عدالت نے آٹھ روزہ جسمانی ریمانڈ پر پولیس کے حوالے کیا تھا، جہاں عدالت کی ہدایت پر ملزم سے اہلیہ ، بہن اور بچے کی احاطہ عدالت میں ملاقات بھی کرائی گئی تھی۔
