امریکی صدر براک اوباما نےداعش کےخلاف کارروائی میں شامل اتحادی ممالک کےفوجی سربراہان سےملاقات کی،ملاقات میں عراق اورشام کی صورتحال پر تبادلہ خیال کیاگیا،امریکی صدر اوباما کا کہنا تھاکہ عالمی برادری عراق اور شام میں شدت پسندوں کے خاتمے کے لئے متحد ہے،اجلاس میں ترکی،سعودی عرب سمیت بیس ممالک کےفوجی سربراہان نے شرکت کی۔
امریکی حکومت نے کانگریس میں شام کے باغی گروپوں کومسلح کرنےاورتربیت دینےکامنصوبہ پیش کیاتھا، کانگریس نےبحث کےبعدایک سو چھپن کےمقابلے میں دوسو تہتر ووٹوں سےقرارداد منظورکرلی،کانگریس میں پیش کی گئی قراد کےمطابق امریکہ بشارالاسد کی حکومت کے مخالف اتحاد کو ٹینک شکن راکٹ اور طیارہ شکن میزائل فراہم کریگا۔
غیرملکی خبرایجنسی کے مطابق ایک شخص نے وائٹ ہاؤس کا جنگلہ پھلانگ کر اندر گھسنےکی کوشش کی تو سیکورٹی الارم بج اٹھے اور مشتبہ شخص کو حراست میں لے لیا گیا۔
اس وقت باراک اوباما وائٹ ہاؤس میں موجود نہیں تھے،حراست میں لئے گئے شخص سے پوچھ گچھ شروع کر دی گئی ہے۔
امریکی صدربراک اوباما نے روس کی جانب سےمشرقی یوکرین میں علیحدگی پسندوں کی حمایت کرنے پر تشویش کا اظہار کیا۔
امریکی صدر براک اوباما نے روسی صدر ولادیمیر پیوٹن سے ٹیلی فون پرگفتگو کرتے ہوئے یوکرین میں روس کےکرداراورباغیوں کو ہتھیاروں کی فراہمی پرتشویش کا اظہار کیا۔
اوباما کا کہنا تھا کہ روس ہتھیاروں کےحوالےسے انیس سو ستاسی میں ہونے والے معاہدے کی خلاف ورزی کر رہاہے، جبکہ روسی صدر پیوٹن کا کہنا تھا کہ روس کے خلاف عائد کی جانے والی پابندیوں سے ’باہمی تعاون اور بین الاقوامی استحکام کو سخت دھچکا پہنچ سکتا ہے۔
واشنگٹن: امریکی صدر براک اوباما نے موسیقی کے شعبے میں گراں قدر خدمات سرانجام دینے پر معروف گلوکارہ لنڈا رونسٹداٹ کو نیشنل میڈل آف آرٹس سے نوازدیا۔
وہائٹ ہاؤس میں منعقد ایک پروقار تقریب میں امریکی صدر براک اوباما نے لوک گلوکارہ لنڈا رونسڈاٹ کی خدمات کا اعتراف کرتے ہوئے انہیں قومی تمغہ برائے آرٹس دیا ۔ لنڈا اپنے مخصوص گائیکی انداز سے دنیا بھر میں جانی جاتی ہیں، وہ گیار مرتبہ گریمی ایوارڈ ،دو مرتبہ اکیڈیمی کنٹری میوزک اور ایمی ایوارڈ سمیت کئی عالمی ایوارڈ اپنے نام کرچکی ہیں ۔تقریب میں فلم میکر جیفری کیٹزینبرگ سمیت فن وثقافت کے دیگر شعبوں میں عمدہ کارکردگی کا مظاہرہ کرنے والوں کو نیشنل ایوارڈ آف آرٹس دیا گیا،اس موقع پر امریکی صدر کا کہنا تھا کہ آج جن افراد کی عزت افزائی کی گئی ہے انہوں نے امریکی ثقافت پر انمٹ نقوش چھوڑے ہیں۔
