لاہور : قومی احتساب بیورو نے تحریک انصاف کے رہنما علیم خان کو8اگست کو طلب کرلیا، نیب حکام آف شور کمپنیوں سے متعلق تحقیقات کریں گے۔
تفصیلات کے مطابق نیب لاہور نے 8اگست کو پی ٹی آئی کے رہنما عبد العلیم خان کو طلب کرلیا ہے ان سے آف شور کمپنیوں کی تحقیقات سے متعلق سوالات کیے جائیں گے۔
ذرائع کے مطابق علیم خان کے وکیل گزشتہ روز نیب میں پیش ہوئے تھے، وکیل نے جو مطلوبہ دستاویزات نیب میں جمع کرائی تھیں، علیم خان کو ان ہی دستاویزات کے حوالے سے طلب کیا گیا ہے۔
مزید پڑھیں: علیم خان کے کل اثاثوں کی مالیت 91 کروڑ82 لاکھ روپے سے زائد
واضح رہے کہ الیکشن 2018کے بعد پی ٹی آئی رہنما عبد العلیم خان کا نام بطور وزیر اعلیٰ پنجاب لیا جارہا ہے لیکن موجودہ صورتحال کے باعث علیم خان کو وزیر اعلیٰ پنجاب بنانے میں پی ٹی آئی ہچکچاہٹ کا شکار ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
