اسلام آباد: پی ٹی آئی رہنما شفقت محمود اور پیپلزپارٹی رہنما شازیہ مری نے کہا ہے کہ احسن اقبال پر حملہ ہوا نواز شریف نے ایک لفظ نہیں کہا مگر مریم نواز کا ذکر کرنا نہ بھولے۔
ان خیالات کا اظہار دونوں رہنماؤں نے اے آر وائی کے پروگرام ’آف دی ریکارڈ‘ میں گفتگو کرتے ہوئے کیا، شفقت محمود نے کہا کہ نواز شریف بادشاہ سلامت ہیں عوام کی پرواہ نہیں۔
پی ٹی آئی رہنما نے کہا کہ حکومت نے نیشنل ایکشن پلان پر من و عن عمل نہیں کیا، حکومت نے شدت پسند اور انتہا پسند جماعتوں سے رابطے رکھے، حکومتی ارکان کے انتہا پسند جماعتوں سے رابطے رہتے ہیں، ن لیگ کی کوشش رہی ہے ناراض نہ کریں ساتھ لے کر چلیں۔
نواز شریف سیاست نہیں سازش کررہے ہیں، شازیہ مری
پیپلزپارٹی کی رہنما شازیہ مری نے کہا ہے کہ ملک کے وزیر داخلہ احسن اقبال اپنے حلقے میں تھے جہاں ان پر حملہ ہوا، ن لیگ کھل کر بات نہیں کررہی کہ واقعے کی اصل وجہ کیا ہے، ان کی اپنی صفوں میں ایسے لوگ ہیں تو نشاندہی کرکے ختم کیا جائے۔
انہوں نے کہا کہ نواز شریف سیاست نہیں سازش کررہے ہیں، ن لیگ تمام گیم سیاسی طور پر خود کو اوپر لانے کے لیے کررہی ہے۔
شازیہ مری نے کہا کہ کیپٹن (ر) صفدر کو بیانات دینے سے کوئی نہیں روکتا، اسمبلی میں نفرت انگیز تقاریر کرتے ہیں، اسمبلی میں کہا تھا نفرت انگیز تقاریر کو کیوں نہیں روکا جاسکتا، کیپٹن (ر) صفدر جیسے لوگوں کے رویے میں اب بھی تلخی ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
اسلام آباد: پیپلزپارٹی کے رہنما قمر زمان کائرہ نے کہا ہے کہ میاں صاحب کا نظریہ بھی قطری خط ہی ہے، نواز شریف جیل گئے تو انہیں کوئی خاص سیاسی فائدہ نہیں پہنچے گا۔
ان خیالات کا اظہار انہوں نے اے آر وائی کے پروگرام ’آف دی ریکارڈ‘ میں گفتگو کرتے ہوئے کیا، قمر زمان کائرہ نے کہا کہ میاں صاحب کی کوشش ہے کہ کسی بھی طریقے سے عدالت سے بچ جائیں۔
پیپلزپارٹی کے رہنما نے کہا کہ نواز شریف خود کو بچانے کے لیے سیاسی بیانیہ بنا رہے ہیں، ن لیگ کی اپنی حکومت کے دوران کیس بنا سپریم کورٹ نے معاملہ آگے بڑھایا، پاکستان کے کسی ادارے نے نہیں بلکہ عالمی سطح پر پاناما کیس اٹھایا گیا ہے۔
قمر زمان کائرہ نے کہا کہ ادارے مضبوط کرنے والی حکومت آئے گی تو سیاسی نظام بھی ٹھیک ہوگا، دنیا میں کہیں بھی ادارے خود کام نہیں کرتے، ادارے معاشرے سے بنتے ہیں۔
انہوں نے کہا کہ سیاست دان کے ہاتھ میں جمہوری دور میں کتنا اختیار ہے سب کو معلوم ہے، اصل بات یہ ہے کہ سیاست دانوں کا چناؤ کس بنیاد پر ہورہا ہے، مفاد پرست سوسائٹی میں موجود ہوتے ہیں، صرف سیاست نہیں ہر معاشرے میں مفاد کی بات جہاں ہوگی لوگ وہاں جاتے ہیں۔
واضح رہے کہ قمر زمان کائرہ کا کہنا تھا کہ نواز شریف نے صرف جمہوریت کے ثمرات سمیٹے، وہ ہر آزمائش میں بزدل ثابت ہوئے، دوسرے پر تنقید کرنے سے قبل نواز شریف اپنے گریبان میں جھانکیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
اسلام آباد : لاہور میں دھرنے پر بیٹھے تحریک لبیک یارسول اللہ کے سربراہ ڈاکٹرآصف اشرف جلالی نے کہا ہے کہ ہمارا اسلام آباد دھرنے والوں سے کوئی تعلق نہیں، ان کی تنظیم الگ اور ہماری تنظیم بالکل الگ ہے، معاہدہ خادم حسین رضوی سے ہواہے ہم سے نہیں۔
ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے گفتگو کرتے ہوئے کیا۔
ڈاکٹرآصف اشرف جلالی کا کہنا تھا کہ انہوں نے جو معاہدہ کیا، اس پر ہم سے کوئی مشاورت نہیں کی گئی، زاہد حامد استعفٰی دے سکتے ہیں تو وزیر قانون پنجاب رانا ثناء کیوں نہیں دے سکتے۔
ان کا کہنا تھا کہ ہماری جماعت اورخادم حسین رضوی کی جماعت الگ الگ ہے، تحریک لبیک والے اسلام آباد میں لاشیں گرا کر آگئے، انہوں نے اپنے جاں بحق کارکنوں کا بھی نہیں پوچھا۔
ڈاکٹرآصف اشرف جلالی کا مزید کہنا تھا کہ معاہدے میں ہے کہ رانا ثناءاللہ پیش ہوں گے لیکن وہ اب تک پیش نہیں ہوئے، حکومت نے اب تک رانا ثناءاللہ سے متعلق کوئی وضاحت بھی نہیں دی۔
ہم وزیر قانون پنجاب کے استعفے تک دھرنے پر بیٹھے رہیں گے،انہوں نے کہا کہ پیرافضل قادری کو مناظرے کا چیلنج دیتا ہوں۔
اسلام آباد : نون لیگ کے باغی ایم پی اے نظام الدین سیالوی نے کہا ہے کہ رانا ثناء اللہ سے استعفیٰ نہ لیا گیا تو لیگی اراکین کے استعفوں کی لائن لگ جائے گی، سولہ ارکان استعفے لکھ کر حمید الدین سیالوی کے حوالے کر چکے ہیں۔
ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کیا۔
نظام الدین سیالوی نے کہا کہ یہ معاملہ سیاسی نہیں بلکہ مذہبی ہے، ن لیگ کےچار ارکان قومی اسمبلی بھی استعفےجمع کراچکےہیں، میرا اپنا استعفیٰ بھی جمع ہے۔
ان کا کہنا تھا کہ ہمارے استعفوں کا فیصلہ حمیدالدین سیالوی کریں گے، ہمارا مطالبہ رانا ثناءاللہ کے استعفے کا ہے، اگر رانا ثناءاللہ مستعفی نہ ہوئے تو16ارکان نواز لیگ کو چھوڑ دینگے، ہم نے پارٹی ترجمان زعیم قادری کو تین دسمبر تک ڈیڈ لائن دی ہے۔
پروگرام میں گفتگو کرتے ہوئے لیگی رہنما رضا حیات ہراج کا کہنا تھا کہ دھرنا ختم ہونا کسی کی جیت یا ہار نہیں، اچھی بات ہے کہ کوئی خونی تصادم نہیں ہوا۔
انہوں نے کہا کہ معاہدہ کرکے حکومت نے خون خرابہ ہونے سے بچایا، حکومت کی غلطی کی وجہ سےیہ دھرناہوا، بل میں ترمیم کی غلطی کی وجہ سےدھرنے والےاسلام آباد آئے، ورنہ وہ بھی نہ آتے۔
رکن قومی اسمبلی رضاحیات ہراج نے کہا کہ ایک دو یا تین وزیر کسی نہ کسی کی غلطی تو ہے، غلطی ہوئی یانہیں یہ راجہ ظفرالحق کمیٹی رپورٹ میں آجائے گی، رپورٹ کا انتظارکرنا چاہئے، جس کا نام آئےگا اسے بھی جانا ہوگا، ہمیں چیزوں کو الجھانے کےبجائے سلجھانا چاہئے۔
ایک سوال کے جواب میں انہوں نے کہا کہ مجھے کبیروالا کےعوام نے منتخب کیاہے، میں کیوں مستعفی ہوجاؤں، میرامستعفی ہونے کا کوئی ارادہ نہیں۔
اسلام آباد: پیپلزپارٹی کے رہنما قمر زمان کائرہ نے کہا ہے کہ نواز شریف نے پوری عمر اداروں کے ساتھ لڑائی کی ہے، نواز شریف کو جھوٹ بولنے پرنااہل کیا گیا۔
اے آر وائی نیوز کے پروگرام آف دی ریکارڈ میں گفتگو کرتے ہوئے انہوں نے کہا کہ حدیبیہ پیپر ملز کیس بھی کھلنے جارہا ہے، شریف برادران پر سانحہ ماڈل ٹاؤن کی تلوار بھی لٹک رہی ہے۔
قمر زمان کائرہ نے کہا کہ نواز شریف پارلیمان اور نظام پر عملی یقین نہیں رکھتے، میاں صاحب پارلیمانی نظام کو صرف اقتدار کا راستہ سمجھتے ہیں۔
رہنما پیپلزپارٹی نے کہا کہ سپریم کورٹ نے نواز شریف کے کرپشن کیسز ٹرائل کورٹ بھیج دئیے، سپریم کورٹ کے ججز نے جھوٹ اور غلط بیانی پر نواز شریف کو نااہل کیا ہے۔
انہوں نے کہا کہ سپریم کورٹ میں ثابت ہوا نواز شریف نے پارلیمنٹ اور قوم سے جھوٹ بولا، حکومت چلی بھی جائے تو حلقہ بندیاں ہونا ضروری ہیں۔
قمر زمان کائرہنے کہا کہ حکومت اسمبلیاں توڑنے کے موڈ میں نظر نہیں آرہی ہے، اگر اسمبلیاں توڑ دی گئیں تو نقصان انہی کو ہوگا، پیپلزپارٹی چاہتی ہے کہ الیکشن مقررہ وقت پر ہوں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
متحدہ قومی موومنٹ کے رہنما خواجہ اظہارالحسن نے کہا ہے کہ مشترکہ پریس کانفرنس ایم کیوایم، پی ایس پی ملاقات کا اعلامیہ تھا معاہدہ نہیں، اسٹیبلشمنٹ کاجس نے کہا اسی سے پوچھا جائے۔
ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کیا۔
خواجہ اظہارالحسن نے کہا کہ کراچی کی سیاسی مفاہمتی فضا سے فائدہ نہیں اٹھایا جاسکا، اسٹیبلشمنٹ کے بارے میں جس نےکہا اسی سے پوچھا جائے۔
کراچی کے امن کی خاطر پی ایس پی والوں سے مفاہمت کی، ان سے جب بھی ملے ہیں پارٹی وفد کے ساتھ ملے ہیں اور یہ کوئی انوکھی بات نہیں ایم کیوایم پاکستان دیگر سیاسی جماعتوں سے بھی ملتی ہے، متحدہ قومی موومنٹ کسی کے ساتھ بھی اتحاد کرسکتی ہے۔
خواجہ اظہارالحسن نے کہا کہ ملاقات میں پی ایس پی اور ایم کیوایم پاکستان ختم کرنے کا کوئی فیصلہ نہیں کیا گیا تھا، ایم کیوایم پاکستان اپنے نام اور نشان کو نہیں ختم کرےگی، ہم سیاسی فضا کو برقرار رکھنے کی کوشش کریں گے۔
ایک سوال کے جواب میں خواجہ اظہار نے کہا کہ مصطفیٰ کمال نے فاروق ستار کے ساتھ بیٹھ کراتنی بات کہہ دی کہ ایم کیوایم کو دفن کریں گے، مشترکہ پریس کانفرنس ایم کیوایم، پی ایس پی ملاقات کا اعلامیہ تھا معاہدہ نہیں، فاروق ستار نے پوری رابطہ کمیٹی کو پی ایس پی سے متعلق اعتماد میں لیاتھا۔
انہوں نے بتایا کہ پی ایس پی رہنماؤں سے ملاقات کے وقت ایم کیوایم کا وفد موجود تھا، نسرین جلیل اس دوران نہیں تھیں، فاروق ستار نے پارٹی کے دیگر رہنماؤں کو بھی اعتماد میں لیا، معاہدہ یہ تھا کہ اجلاس میں مزید بات کرکے دونوں جماعتوں کا انضمام ہوگا۔
پی ایس پی اور ایم کیوایم ملاقات میں کسی کا کردارنہیں، رضا ہارون
دوسری جانب پروگرام میں گفتگو کرتے ہوئے پی ایس پی رہنما رضا ہارون نے کہا کہ پی ایس پی اورایم کیوایم کامعاہدہ بھی سب کے سامنےموجود ہے، معاہدہ یہی ہوا تھا کہ ایک نئے نشان،نام اور منشورکے ساتھ الیکشن لڑیں گے، پی ایس پی اور ایم کیوایم پاکستان کا انضمام ہونے کامعاہدہ ہوا تھا۔
انہوں نے کہا کہ جو آواز پی ایس پی نے لگائی تھی وہ ہی اب ایم کیوایم کہہ رہی ہے، کراچی کےعوام کی خواہش تھی کہ دونوں جماعتیں ایک ہوجائیں۔
ایک سوال کے جواب میں رضا ہارون کا کہنا تھا کہ پی ایس پی اورایم کیوایم ملاقات میں کسی کا کردارنہیں تھا، پی ایس پی اپنے فیصلےاور پالیسیاں بنانے میں آزاد ہے۔
انہوں نے کہا کہ فاروق ستار بتائیں وہ کس انجینئرڈ سیاست کی بات کررہےتھے، بات یہ ہوئی تھی کہ ایک مدعے پر پہنچے بغیر دونوں جماعتیں قائم رہیں گی، ایم کیوایم پاکستان کسی سے بھی اتحاد کرےہمیں فرق نہیں پڑتا۔
رضا ہارون نے مزید کہا کہ ایم کیوایم پاکستان کو24گھنٹے بعد غلطی کیوں یاد آئی؟ فاروق ستاراسی دن بات کرلیتے تو اچھا ہوتا۔
کیا ایم کیوایم پاکستان لاڑکانہ کامینڈیٹ تقسیم ہونے سے بچارہی ہے؟ ہمارا مطالبہ ہے فاروق ستار کے اعلیٰ حکام کو لکھے گئے خط کو پبلک کردینا چاہیے۔
کراچی : پیپلز پارٹی کے رہنما مولابخش چانڈیو نے کہا ہے کہ عمران خان کو وہ بات قبول ہے جو ان کی مرضی کے مطابق ہو وہ کبھی وزیر اعظم نہیں بن سکتے، جو رعاییتیں شریف خاندان کو ملیں اتنی آج تک کسی کو نہیں ملیں، لیکن اس بارمیاں صاحب مظلوم نہیں بنیں گے۔
ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے گفتگو کرتے ہوئے کہی۔ مولابخش چانڈیو نے کہا کہ پی ٹی آئی کے چیئرمین عمران خان کو صرف وہ بات قبول ہوتی ہے جو ان کی مرضی کے مطابق ہو۔
خان صاحب جس پارلیمنٹ کو برا بھلا کہتے تھےاسی اسمبلی میں واپس بھی آئے، پیپلزپارٹی نے خان صاحب کے لانگ مارچ کی کبھی حمایت نہیں، ہم نےاس وقت بھی پارلیمنٹ کا ساتھ دیا تھا۔
انہوں نے کہا کہ عمران خان وزیر اعظم بن گئے تو کچھ نہیں ہوگا اور ویسے بھی عمران خان جیسی باتیں کرنے والا شخص وزیراعظم نہیں بن سکتا اور نہ بننا چاہیئے کیونکہ عمران خان کا رویہ وزیراعظم والانہیں۔
ایک سوال کے جواب میں ان کا کہنا تھا کہ آصف زرداری ٹھیک کہتے ہیں کہ نواز شریف نے ان کیخلاف انتقامی کارروائیاں کیں، میاں صاحب نے آصف زرداری پر کئی مقدمات بنائے لیکن ان کو عدالتوں نے باعزت بری کردیا۔
مولابخش چانڈیو کا کہنا تھا کہ کیا سرمایہ داروں نے سیاست میں آنےکا ٹھیکہ لے رکھا ہے؟ خورشید شاہ نے اگر کبھی نوکری کی ہے تو کون سا جرم کیا ہے۔
انہوں نے کہا کہ جس ملک کے ادارےخراب ہوں گے وہ کیسےترقی کرےگا، جہاں آئین ٹھیک نہ ہو وہاں ادارے کیسےکام کریں گے اور کس چیزکا استحکام آئے گا؟
کراچی : پیپلز پارٹی کے رہنما مولا بخش چانڈیو نے کہا ہے کہ ماڈل ٹاؤن رپورٹ سے نہیں بلکہ حکمرانوں کی باتوں سےفساد برپا ہوگا، عدالتی فیصلہ ہے کہ ماڈل ٹاؤن رپورٹ کومنظرعام پرلایاجائے۔
ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے گفتگو کرتے ہوئے کیا۔
مولا بخش چانڈیو نے کہا کہ پنجاب کے حکمرانوں کو کسی کی پرواہ نہیں وہ صرف اپنی مرضی کرتے ہیں، ان کو سپریم کورٹ، آئین اور قانون سے کوئی لینا دینا نہیں، ان کے پاس عجیب وغریب قوت ہے، یہ ضیاءالحق کے وارث ہیں جو فرقہ پرستی کو ہوا دیتے ہیں۔
بینظیرقتل کیس کےفیصلے کے حوالے سے ان کا کہنا تھا کہ بینظیرقتل کیس میں قاتل کی نشاندہی نہیں ہوئی، قتل کیس میں صرف فرائض میں غفلت برتنے کے ذمہ داروں کو سزا ہوئی ہے، غفلت کس کے کہنے پرہوئی اس کی نشاندہی نہیں ہوسکی۔
انہوں نے کہا کہ بے نظیر قتل کیس کےفیصلے کو پیپلزپارٹی نے تسلیم ہی نہیں کیا، پوری پیپلزپارٹی بی بی کے قتل کا ذمہ دارپرویز مشرف کوسمجھتی ہے۔
انہوں نے کہا کہ مشرف نے للکارنے پر آصف زرداری کا نام لیا ہے۔ ایک سوال کے جواب میں مولابخش چانڈیو کا کہنا تھا کہ تحریک انصاف کا بحران پیدا کرنے سواکوئی اور کام نہیں ہے۔
واضح رہے کہ ہائیکورٹ نے سانحہ ماڈل ٹاؤن کی رپورٹ کو منظر عام پر لانے کا حکم دے دیا ہے جس کے رد عمل میں صوبائی وزیر قانون رانا ثناءاللہ کا کہنا ہے کہ پوری رپورٹ منظر عام پر نہیں لاسکتے کیونکہ رپورٹ کے کچھ حصے ایسے ہیں کہ جس سے فرقہ وارانہ فسادات کا خدشہ پیدا ہو سکتا ہے۔
کراچی : ایم کیو ایم پاکستان کے رہنما فیصل سبزواری نے کہا ہے کہ کراچی میں آج بھی بدامنی ہے، عوام میں احساس محرومی بڑھ رہا ہے، انیس ایڈووکیٹ کا کہنا ہے کہ مہاجروں کا سب سے زیادہ استحصال بانی ایم کیو ایم نے کیا۔
ان خیالات کا اظہار ان رہنماؤں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کیا۔
فیصل سبزواری نے کہا کہ کراچی کے رہنے والوں کے مسائل حل ہونے چاہئیں، مسائل کے انبار اورعدم تحفظ کے باعث عوام میں احساس محرومی بڑھ رہا ہے۔
دیگرشہروں کی طرح کراچی کے مسائل پر بھی توجہ دینی چاہیئے، اس شہر کے مسائل کےحل کیلئے ہم تمام جماعتوں کے پاس گئے۔
ایم کیو ایم رہنما نے کہا کہ کراچی کے حالات اب ایک سال پہلےجیسے نہیں رہے، ہم پاکستان میں بیٹھ کرعدم تشدد کی سیاست نہیں کر رہے، 23اگست کی پالیسی کو آگےلیکر بڑھ رہے ہیں۔
ایک سوال کے جواب میں ان کا کہنا تھا کہ پی ایس پی سےاتحاد کیلئے ہمارے اوپر کسی قسم کا کوئی دباؤ نہیں ہے، ہر محب وطن پاکستانی کیلئے متحدہ پاکستان کے دروازےکھلے ہیں۔
مہاجروں کا استحصال خود بانی ایم کیوایم نے کیا، انیس ایڈووکیٹ
پروگرام میں گفتگو کرتے ہوئے پی ایس پی کے رہنما انیس ایڈووکیٹ نے کہا کہ مہاجروں کا سب سے زیادہ استحصال خود بانی ایم کیوایم نے کیا، ان کو اس حال تک پہنچانے کا ذمہ داربانی ایم کیوایم ہی ہے، اس نے اپنے مفادات کیلئے مہاجروں کو استعمال کیا۔
انیس ایڈووکیٹ کا کہنا تھا کہ ہم کافی حد تک بانی ایم کیوایم کو بےنقاب کرچکے ہیں، ضمنی الیکشن میں بانی متحدہ کیخلاف پی ایس پی گراؤنڈ میں موجود رہی لیکن اس کو کہیں نہ کہیں سے آکسیجن مل رہی ہے۔
ایک سوال کے جواب میں انیس ایڈووکیٹ نے کہا کہ سیاست میں کوئی چیزحرف آخرنہیں ہوتی، ایم کیوایم سے انضمام کی خبروں کی تصدیق ڈاکٹر فاروق ستار ہی کرسکتےہیں۔
انہوں نے کہا کہ پی ایس پی نے پہلی مرتبہ جامعہ کراچی کی آفیسرز کے انتخابات میں بھرپور کامیابی حاصل کی اور آئندہ آنے والے وقت میں پی ایس پی صرف کراچی ہی نہیں پورے سندھ کے عوام کی نمائندگی کرے گی۔
انہوں نے کہا کہ ہماری لڑائی بڑے بدمعاش کے خاتمے کی ہے اور ہم نے بڑی حد تک اس بڑے بدمعاش کو ڈھیر بھی کردیا ہے۔
لوگوں کو خوفزدہ کرکے انکے دل تبدیل نہیں ہو سکتے، مصطفیٰ عزیز آبادی
ایم کیو ایم لندن کے رہنما مصطفیٰ عزیز آبادی نے پروگرام میں گفتگو کرتے ہوئے کہا ایم کیو ایم اپنی ایک تاریخ ہے جو ان کے ساتھ ناانصافیاں ہوئیں جس کے بعد اس کی بنیاد رکھی گئی لیکن اسٹیبلشمنٹ نے ان کے مسائل حل کرنے کے بجائے ان کو طاقت کے زور پر دبایا۔
ایک سوال کے جواب میں ان کا کہناتھا کہ اگر مسائل صرف حکومتوں میں آنے سے حل ہوتے تو قیام پاکستان سے آج تک بلوچستان میں بلوچ وزیر اعلیٰ رہے ہیں لیکن بلوچ آج بھی اپنے جائز حقوق سے محروم ہیں۔
انہوں نے کہا کہ اگر نفرت اور تعصب کے عینک سے مسائل کو دیکھا جائے گا تو مسائل کا حل نکل نہیں سکتا، ایم کیو ایم کے ٹکڑے کرکے خوشیاں تو منائی جاسکتی ہیں لیکن لوگوں کو خوفزدہ کرکے وقتی طور پر خاموش تو کیا جا سکتا ہے ان کے دلوں کو تبدیل نہیں کیا جاسکتا۔
کراچی : پیپلز پارٹی کے مرکزی رہنما مولا بخش چانڈیو نے کہا ہے کہ وزیراعظم اوران کے ساتھی جےآئی ٹی کو متنازعہ بنارہےہیں، ہم اگر کچھ بھی بولیں تو ہمارے گریبان پر ہاتھ پڑجاتے ہیں۔
ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے گفتگو کرتے ہوئے کیا، مولا بخش چانڈیو نے کہا کہ پاناما لیکس کیس پاکستان کی سیاست میں بھونچال پیدا کرے گا۔
جےآئی ٹی متنازع نہیں ہے وزیراعظم اوران کے ساتھی جےآئی ٹی کو متنازعہ بنارہےہیں، جےآئی ٹی کی جانب سےدرخواست معنی خیزہے، انہوں نے کہا کہ ریکارڈ میں ہیراپھیری ہورہی ہے تو یہ صورتحال کسی طور بھی درست نہیں، ملک میں غریب کیلئے الگ اور امیر کیلئےالگ قانون ہے۔
ایک سوال کے جواب میں مولابخش چانڈیو نے کہا کہ ہم کچھ بھی بولیں تو ہمارے گریبان پر ہاتھ پڑجاتے ہیں، یہ لوگ براہ راست دھمکیاں دیتےہیں انہیں کچھ نہیں کہاجاتا، میاں صاحب ملک میں وفاقی سیاست نہیں بلکہ گلیوں کی سیاست چاہتے ہیں۔
ان کا کہنا تھا کہ وزیراعظم سےسوال کرنےمیں کیابرائی ہے، سابق وزیر اعظم یوسف رضا گیلانی کےمعاملے پرہم نے تو کسی کو دھمکیاں نہیں دی تھیں۔
شواہد میں تبدیلی پر عدالت ازخود نوٹس لے، علی زیدی
پروگرام آف دی ریکارڈ میں گفتگو کرتے ہوئے پی ٹی آئی کے رہنما علی زیدی نے کہا کہ شواہد میں تبدیلی کون کررہا ہے؟ جےآئی ٹی اس کی بھی نشاندہی کرے، اگر شواہد میں تبدیلی ہورہی ہے توسپریم کورٹ فوری طور پر ازخود نوٹس لے۔
ان کا کہنا تھا کہ ہم توشروع سے کہہ رہے تھے کہ وزیراعظم کے عہدے پر ہوتے ہوئے مسائل پیدا ہونگے،
وزیراعظم جے آئی ٹی پر اپنا اثر و رسوخ استعمال کریں گے، جے آئی ٹی تفتیش کررہی ہے، چاہے وہ کتنے گھنٹے ہی کیوں نہ بٹھائے۔
