ARYNews.tv | Urdu – Har Lamha Bakhabar

Tag: Offers

  • امریکا یورپی گاڑیوں پر عائد اضافی ٹیکس ختم کرنے کو تیار ہے، امریکی سفیر

    امریکا یورپی گاڑیوں پر عائد اضافی ٹیکس ختم کرنے کو تیار ہے، امریکی سفیر

    برلن/واشنگٹن : جرمنی میں تعینات امریکی سفیر نے جرمن کار ساز کمپنیوں کے سربراہوں کو پیشکش کی ہے کہ ’اگر یورپ امریکی گاڑیوں پر عائد محصولات ختم کردے تو امریکا یورپی گاڑیوں پر اضافی ٹیکس ختم کرنے کو تیار ہے‘۔

    تفصیلات کے مطابق یورپی یونین کے رکن ممالک جرمنی کی گاڑیاں بنانے والی کمپنیوں کے سربراہان کو جرمنی میں تعینات امریکی سفر رچرڈ گرینل نے ایک شرط کی بنیاد پر واشنگٹن کے ساتھ تجارتی تنازعہ ختم کرنے کی پیشکش کردی۔

    جرمن خبر رساں ادارے کا کہنا تھا کہ امریکی سفر نے جرمنی کے کار بنانے والی کمپنیاں فوکس ویگن، بی ایم ڈبلیو اور ڈائملر کے سربراہوں نے بدھ کے روز برلن میں امریکی سفر سے ملاقات کی۔

    برلن میں موجود امریکی سفارت خانے میں امریکی سفیر اور جرمن کارساز کمپنیوں کے سربراہوں کے درمیان ہونے والی ملاقات کے دوران امریکی سفیر نے کہا کہ یورپی ممالک امریکی ساختہ گاڑیوں پر عائد محصولات ختم کردیں تو امریکا بھی یورپی گاڑیوں پر عائد اضافی ٹیکس ختم کردے گا۔

    غیر ملکی خبر رساں ادارے کے مطابق امریکی سفیر رچرڈ گرینل کا کہنا تھا کہ یورپی یونین اور جرمنی کے ساتھ پیدا ہونے والے تجارتی تنازعے کو ختم کروانے کی ذمہ داری سونپی گئی ہیں، امریکی سفیر کی پیش کردہ پیشکش بی ایم ڈبلیو کے چیف ایگزیکیٹو ہارالڈ کروئگر، ڈائملر کے سیچے اور فوکس ویگن کے ہیربرٹ ڈیس کو پسند آئی۔

    خیال رہے کہ امریکی صدر ڈونلڈ ٹرمپ امریکا درآمد کی جانے والی یورپی ساز گاڑیوں پر 20 فیصد اضافی ٹیکسز عائد کرنے کی دھمکی بھی دی تھی۔

    غیر ملکی خبر رساں ادارے کا کہنا تھا کہ امریکی ساختہ گاڑیوں کو یورپ میں درآمد کرنے پر 10 فیصد ٹیکس ادا کرنا پڑتا ہے جبکہ امریکا میں یورپی گاڑیوں کی درآمدات پر صرف ڈھائی فیصد اور ٹرکوں پر 25 ٹیکس لیا جاتا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • بل گیٹس نے امریکی صدر کی پیش کش کو ٹھکرا دیا

    بل گیٹس نے امریکی صدر کی پیش کش کو ٹھکرا دیا

    واشنگٹن : مائیکرو سافٹ کے بانی بل گیٹس نے وائٹ ہاوس کا مشیر برائے سائنسی امور بننے کی پیشکش کو ٹھکراتے ہوئے کہا ہے کہ یہ میرے وقت کا بہتر استعمال نہیں ہے.

    تفصیلات کے مطابق دنیا کی معروف سافٹ ویئر کمپنی مائیکروسافٹ کے بانی بل گیٹس نے گذشتہ روز اپنے ایک بیان میں کہا ہے کہ امریکی صدر ڈونلڈ ٹرمپ نے انہیں وائٹ ہاوس کی ٹیم میں شمولیت کی پیش کش کی تھی جو انہوں نے ٹھکرا دی۔

    امریکی خبر رساں ادارے کا کہنا تھا کہ دنیا کے امیر ترین انسان بل گیٹس نے کہا ہے کہ انہوں نے امریکی صدر ڈونلڈ ٹرمپ کی جانب سے گذشتہ چھ ہفتے قبل سائنسی امور کے مشیر بننے کی پیش کش کو ٹھکرایا ہے۔

    بل گیٹس کا کہنا تھا کہ میں نے سائنسی امور کا مشیر بننے سے اس لیے انکار کیا ہے کہ ’یہ میرے وقت کا بہتر استعمال نہیں ہے‘۔

    مائیکروسافٹ کے بانی نے امریکی صدر کی پیش کش کا انکشاف دو روز قبل امریکا کے طبی جریدے کو خصوصی انٹرویو دیتے ہوئے کیا۔

    ان کا کہنا تھا کہ امریکی صدر کی جانب سے کی گئی مذکورہ پیش کش گذشتہ ہفتے وائٹ ہاوس میں ایک میٹینگ کے دوران کی گئی تھی جب میں دنیا میں ہزاروں انسانوں کو قتل کرنے والی بیماری پیڈامک(spainish flu)  کے حوالے سے بات کرنے گیا تھا۔

    بل گیٹس نے اعتراف کیا کہ امریکی صدر دوستانہ انداز میں بات کررہے تھے، مشیر برائے سائنسی امور کی پیش کش کرتے ہوئے ٹرمپ کا لہجہ سنجیدہ تھا نہیں یہ بات وہ خود بھی نہیں جانتے، وہ یقیناً دوستانہ لہجے میں پش کش کررہے تھے۔

    انہوں نے کہا کہ میں ڈونلڈ ٹرمپ کو منانے کی کوشش کررہا تھا کہ امریکا کو پوری دنیا میں پھیلنے والے ہسپانوی بخار کی روک تھام کے لیے کوشیش کرنی چاہیئے تاکہ لاکھوں انسانوں کی جانیں ضائع ہونے سے بچائی جاسکیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • حسینہ واجد کی پاکستان دشمنی، کرکٹ ٹیم پاکستان بھیجنے سے انکار

    حسینہ واجد کی پاکستان دشمنی، کرکٹ ٹیم پاکستان بھیجنے سے انکار

    لاہور : بنگلادیش کرکٹ بورڈ نے پاکستان کا دورہ کرنے سے انکار کردیا۔ پی سی بی نےبنگلادیش کو دو ٹی ٹوئنٹی میچز کھیلنے کی پیشکش کی تھی۔

    تفصیلات کے مطابق بنگلہ دیشی وزیراعظم حسینہ واجد نے پاکستان دشمنی کی ایک اورمثال قائم کردی۔ بھارت کیجانب سے سیریز کھیلنے سے انکار کے بعد بنگلادیش کرکٹ بورڈ نے پاکستان آکر کھیلنے کی آفر ٹھکرادی۔

    پاکستان کرکٹ بورڈ نے بی سی بی کو جولائی میں دو ٹی ٹوئنٹی سیریز کھیلنے کی پیشکش کی تھی، لیکن بنگلادیشی بورڈ کے آفیسر نے رپورٹ کو بہانہ بنا کر پاکستان آنے سے انکار کردیا۔

    ان کا کہنا ہے کہ رپورٹ اطمینان بخش نہیں، اس لئے ٹیم پاکستان نہیں بھیج سکتے۔ یاد رہے کہ پاکستان نے جولائی میں بنگلادیش کا دورہ کرنا ہے، جس کے بعد پی سی بی نےجوابی دورے کیلئے بی سی بی کو دعوت دی تھی، بنگلادیش نےآخری بار دو ہزار آٹھ میں پاکستان کا دورہ کیا تھا۔