اسلام آباد: رمضان میں سرکاری دفاتر صبح 9 بجے سے سہ پہر ساڑھے3 بجے جبکہ جمعہ کے روز دورانیہ صبح 9بجے سے دوپہر ایک بجے تک ہو گا، اوقات کار میں تبدیلی کا نوٹیفکیشن جاری کر دیا ہے۔
تفصیلات کے مطابق وفاقی حکومت نےرمضان میں سرکاری دفاترکےاوقات کانیاشیڈول جاری کر دیا، جس کے مطابق ہفتے میں 5 روز کام کرنیوالے دفاتر صبح 9 بجے سے سہ پہر ساڑھے 3 بجے جبکہ ہفتے میں 6 روز کام کرنے والے دفاتر صبح 9 سے دوپہر 2 بجے تک کھلے رہیں گے۔
شیڈول کے مطابق جمعہ کے روز دورانیہ صبح 9 بجے سےدوپہر ایک بجے تک ہوگا۔
کابینہ ڈویژن نے اوقات کار میں تبدیلی کا نوٹیفکیشن جاری کر دیا ہے اور نوٹیفکیشن کی کاپی متعلقہ وفاقی اداروں کو بھجوا دی گئی ہے۔
مزید پڑھیں : رمضان المبارک میں دفتری اوقات کا شیڈول تبدیل کرنے کی سمری وزیراعظم آفس کو موصول
واضح رہے کہ رمضان کے مقدس مہینے میں ملازمین کو سہولت فراہم کرنے کے لیے نجی اداروں نے بھی روزانہ اوقات کار میں دو گھنٹے کمی کردی ہے۔
خیال رہےمحکمہ موسمیات نےپیشگوئی کی ہے کہ رمضان کا چاند تیس شعبان یعنی 6 مئی کو نظر آنے کا امکان ہے اور پہلا روزہ سات مئی بروز منگل ہوگا جبکہ رمضان المبارک 1440 ہجری کا چاند دیکھنے کے لیے رویت ہلاک کمیٹی نے 5 مئی بروز اتوار اجلاس طلب کیا گیا ہے۔
