Tag: officer suspended

  • اےآر وائی کی خبرپرسرکاری رقم لٹانے والا پی آئی اے افسرمعطل

    اےآر وائی کی خبرپرسرکاری رقم لٹانے والا پی آئی اے افسرمعطل

    کراچی: سیلز کی رقم ایک افسر پر لٹانے کی فوٹیج اے آر وائی نیوز پر نشر ہونے کے بعد افسران بوکھلاہٹ کا شکار ہوگئے، بغیر تحقیق کے اپنے ہی افسر کو معطل کردیا۔

    تفصیلات کے مطابق پی آئی اے میں سیلز کی رقم ایک افسر پر لٹانے کی فوٹیج اے آر وائی نیوز پرنشر ہونے کے بعد ڈسٹرکٹ منیجر اسلام آباد فواد بنوری کو پہلے شوکاز نوٹس جاری کیا گیا بعد ازاں بغیر تحقیق کیے معطل بھی کر دیا گیا۔

    باکمال لوگوں کے لاجواب کارنامے سامنے آگئے، واضح رہے کہ اے آروائی نیوز نے فویٹیج کے ساتھ رقم لٹانے کی خبر گزشتہ سال بارہ دسمبر2017 کو نشر کی تھی جس کا اثر انتظامیہ پر تین ماہ بعد ہوا۔

    انتظامیہ نے سخت ایکشن لیتے ہوئے اپنا نزلہ ڈسٹرکٹ منیجر اسلام آباد پر گرادیا، انتظامیہ نے شو کاز نوٹس میں واضح کیا کہ یہ وڈیو کلپ اے آروائی نیوز کو فراہم کرکے قواعد و ضوابط کی سنگین خلاف ورزی کی گئی ہے جبکہ نوٹ لٹانے والے افسران کا تعلق سیلز ڈیپارٹمنٹ سے تھا۔


    مزید پٖڑھیں: پی آئی اے افسران، سرکاری رقوم، موج مستیاں، انتظامیہ کا نوٹس


    خیال رہے کہ اے آر وائی نیوز نے تین ماہ قبل پی آئی اے کے سیلز افسران کی دفتری اوقات میں ریزرویشن کی مد میں جمع ہونے والی رقوم کو ادارے کے بینک اکاؤنٹ میں جمع کرانے کے بجائے ایک دوسرے پر نچھاور کرنے اور ان رقوم سے موج مستی کرنے کی خبر ویڈیو کے ساتھ نشر کی تھی۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

     

  • اسلام آباد : اعلیٰ افسران کی عجب منطق، بچی کو انسدادپولیو کے قطرے پلانے والا افسر برطرف

    اسلام آباد : اعلیٰ افسران کی عجب منطق، بچی کو انسدادپولیو کے قطرے پلانے والا افسر برطرف

    اسلام آباد : اعلیٰ افسران کی عجب منطق انسداد پولیو کے قطرے پلانے والے افسر کو برطرف کردیا، اسسٹنٹ کمشنر نے ڈائریکٹر ایکسائز کے خاوند کے منع کرنے کے باوجود انکی بیٹی کو انسدادپولیو کے قطرے پلائے تھے۔

    اسلام آباد میں پولیو کے قطرے پلانے کے معاملے پر اسلام آباد انتظامیہ کے اعلی افسران میں ٹھن گئی، پولیو کے قطرے پلانے سے انکار والے کے خلاف قانونی کارروائی کی بجائے چیف کمشنر نے اپنے ہی آفیسر کو برطرف کردیا۔

    اے آر وائی نیوز کو موصول دستاویز کے مطابق اسلام آباد میں ڈائریکٹرایکسائز مریم ممتاز کے خاوند نے اپنی بچی کو انسداد پولیو کے قطرے پلانے سے انکار کیا لیکن اسسٹنٹ کمشنر سٹی علی اصغر نے انسدادپولیو کے قطرےپلا دیے، بات نہ مانی گئی تو مریم ممتاز کے خاوند کو غصہ آگیا اور اسسٹنٹ کمشنر پر چڑھائی کردی اور کہا تمہاری جرات کیسے ہوئے میری بیٹی کو قطرے پلاؤ،تم جانتے ہو میں کون ہوں؟

    واقعہ کا علم مریم ممتاز کو ہوا تو انہوں نے اسسٹنٹ کمشنر کو فون پر کھری کھری سنائی اور پھر چیف کمشنر کو شکایت لگادی۔

    چیف کمشنر کے جواب طلب کرنے پر اسسٹنٹ کمشنر نے تحریری جواب میں کہا غلطی نہ ہونے کے باوجود معافی مانگنے کو تیار ہوں، چیف کمشنر ذوالفقار حیدر نے ایک نہ سنی اور علی اصغر کو عہدے سے فارغ کرکے انکی خدمات اسٹیبلشمنٹ ڈویژن کے سپرد کردیں۔

    مریم ممتاز ڈائریکٹر ایکسائز چیف کمشنر کے فیصلے سے انتظامیہ کے افسران میں شدید بے چینی پھیل گئ پولیو کے قطرے پلانے سے انکار کرنے والوں کے خلاف مقدمات درج کرنے کا فیصلہ بھی ہوا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔