ARYNews.tv | Urdu – Har Lamha Bakhabar

Tag: OGDCL

  • ملک میں تیل کی پیداوار کے حوالے سے اچھی خبر

    ملک میں تیل کی پیداوار کے حوالے سے اچھی خبر

    کراچی: آئل اینڈ گیس ڈیولپمنٹ کمپنی لمیٹڈ نے خام تیل ذخائر کی پیداوار میں اضافے کا اعلان کر دیا۔

    تفصیلات کے مطابق او جی ڈی سی ایل نے کنر 12 اور 6 آئل فیلڈ سے تیل کی پیداوار میں اضافے کا اعلان کیا ہے، دونوں آئل فیلڈز سے تقریباً یومیہ 1160 بیرل اضافی خام تیل ملے گا۔

    کمپنی اعلامیہ میں کہا گیا ہے کہ کنر12 حیدر آباد میں پمپ کو تبدیل کرنے سے پروڈکشن میں اضافہ ہوا ہے، اور اب کنر 12 کنویں سے 1060 کی بجائے یومیہ 1820 بیرل خام تیل ملے گا۔

    جیٹ پمپ کی جگہ الیکٹریکل پمپ لگائے جانے سے پیداوار میں یومیہ 760 بیرل خام تیل کا اضافہ ہوا ہے۔

    ریکوڈک سرمایہ کاری، سعودی کمپنی کی جانب سے بڑی خبر

    اسی طرح کنر 6 حیدر آباد کنویں سے یومیہ 400 بیرل خام تیل اضافی مل سکے گا، کنر آئل فیلڈ 6 میں خام تیل کے کنوئیں کو پانی کی زیادہ مقدار کی وجہ سے بند کر دیا گیا تھا، جسے دوبارہ آرٹیفیشل لفٹ سسٹم کے ذریعے بحال کر دیا گیا ہے۔

    اعلامیے کے مطابق ان دونوں آئل فیلڈ کے 100 فی صد حصص کمپنی کے پاس ہیں۔

  • موسم سرما میں گیس کی فراہمی، شہریوں کے لیے اچھی خبر

    موسم سرما میں گیس کی فراہمی، شہریوں کے لیے اچھی خبر

    کراچی: موسم سرما میں قدرتی گیس کی کمی کے شکار شہریوں کے لیے اچھی خبر ہے کہ آئل اینڈ گیس ڈیولپمنٹ کمپنی نے تیل و گیس کے ذخائر سے پیداوار کا عمل شروع کر دیا ہے۔

    تفصیلات کے مطابق او جی ڈی سی ایل نے پاکستان اسٹاک ایکسچیبج کو ایک خط لکھ کر آگاہ کیا ہے کہ قدرتی گیس، ایل پی جی اور خام تیل کے ذخائر کی پیدوار کا عمل شروع ہو گیا ہے۔

    کمپنی کے خط میں بتایا گیا ہے کہ حیدرآباد میں کُنر ویل تھری سے حاصل ہونے والے گیس ذخائر کی مقدار یومیہ 3.5 ایم ایم ایس سی ایف ڈی ہے، اور کنوئیں سے حاصل ہونے والی گیس کی پیداوار کا عمل 1200 فلوئنگ پریشر سے شروع ہو گیا ہے۔

    خط کے مطابق کنوئیں سے ایل پی جی کے 3.8 میٹرک ٹن ذخائر کی پیداوار کا عمل بھی شروع ہو گیا ہے، کُنر مائننگ سے حاصل ہونے والے گیس ذخائر کو سوئی سدرن گیس کمپنی کے سسٹم میں شامل کر دیا گیا ہے۔

    خط میں مزید کہا گیا ہے کہ مائننگ سے ہلکے تیل کے ذخائر یومیہ 30 بیرل کی مقدار میں حاصل ہوئے ہیں۔ واضح رہے کہ کنوئیں سے ملنے والے قدرتی ذخائر کا سو فی صد آپریشنل کنٹرول او جی ڈی سی ایل کے پاس ہے۔

  • تیل و گیس کے حوالے سے بڑی کامیابی، چندا کنویں سے 2.5 ملین معکب فٹ گیس کے ذخائر مل گئے

    تیل و گیس کے حوالے سے بڑی کامیابی، چندا کنویں سے 2.5 ملین معکب فٹ گیس کے ذخائر مل گئے

    ملکی معیشت کے لیے اچھی خبر آئی ہے، تیل و گیس کے حوالے سے آئل اینڈ گیس ڈیولپمنٹ کمپنی کو بڑی کامیابی ملی ہے، چندا کنویں سے 2.5 ملین معکب فٹ گیس کے ذخائر مل گئے ہیں۔

    کے پی کے ضلع کوہاٹ میں چندا کنویں پر پیش رفت کے حوالے سے آئل اینڈ گیس ڈیولپمنٹ کمپنی نے پاکستان اسٹاک ایکسچینج کو خط لکھ کر کہا ہے کہ کنویں سے پیداوار میں کامیابی ملی ہے۔

    او جی ڈی سی ایل کے مطابق چندا کنویں کی گہرائی 5492 میٹر ہے، جس سے 305 بیرل یومیہ خام تیل، اور 2.5 ملین معکب فٹ گیس کے ذخائر ملے ہیں، جب کہ اسی کنویں سے 3 میٹرک ٹن ایل پی جی بھی ملے گی۔

    کنویں کو چندا پلانٹ سے 1.3 کلومیٹر فلو لائن سے منسلک کر دیا گیا ہے، اور سوئی ناردرن گیس کمپنی کو 2.50 ملین معکب فٹ گیس سپلائی شروع ہو گئی ہے۔

    او جی ڈی سی ایل کے مطابق حیدر آباد میں بھی دوسری اہم پیش رفت ہوئی ہے، سندھ میں کنار 8 کنویں سے بھی پیداوار کی بحالی کی گئی ہے، کنویں پر نئے جدید پمپس کی تنصیب کی گئی ہے، کنویں سے یومیہ 540 بیرل خام تیل کے ذخائر کی پیداوار ملنا شروع ہو گئی ہے۔

    او جی ڈی سی ایل کا کہنا ہے کہ تیل و گیس کے ذخائر سسٹم میں آنے سے درآمدی بل میں نمایاں کمی ہوگی۔

  • نئے ذخائر دریافت : او جی ڈی سی ایل نے قوم کو خوشخبری سنادی

    نئے ذخائر دریافت : او جی ڈی سی ایل نے قوم کو خوشخبری سنادی

    اسلام آباد : آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے صوبہ پنجاب کے ضلع رحیم یار خان میں واقع چک 214-1 ایکسپلوریٹری کنویں سے گیس کے بڑے ذخائر دریافت کرنے کا اعلان کیا ہے۔

    او جی ڈی سی ایل سے جاری بیان کے مطابق او جی ڈی سی ایل کے ماہرین نے اپنی مہارت کا استعمال کرتے ہوئے 29جون 2023 کو چک 214-1کنویں کی 1851میٹرز تک گہری کھدائی کی۔

    ۔وائر لائن لاگز کے نتائج کی بنیاد پر ڈونگان فارمیشن میں ڈرل سٹم ٹیسٹ1 کے ذریعے 230پاؤنڈز فی اسکوائر انچ کے ویل ہیڈ فلوئنگ پریشر پر 32/64 چوک سائز پر 1.1ملین اسٹینڈرڈ کیوبک فٹ یومیہ (ایم ایم ایس سی ایف ڈی) اور سوئی مین لائم سٹون (ایس ایم ایل) میں ڈرل سٹم ٹیسٹ2 کے ذریعے 230پاؤنڈز فی سکوائر انچ کے ویل ہیڈ فلوئنگ پریشر پر 32/64 چوک سائز پر 1.31ملین اسٹینڈرڈ کیوبک فٹ یومیہ (ایم ایم ایس سی ایف ڈی) گیس کی پیداوار کا تجربہ کیا گیا۔

    گیس کی یہ نئی دریافت ماڑی ایسٹ بلاک میں اپنی نوعیت کی پہلی دریافت ہے جو او جی ڈی سی ایل کے بلاک کی ہائیڈروکاربن کی صلاحیت کو بروئے کارلانے اور دریافت کی جارحانہ حکمت عملی پر عمل پیرا ہونے کے غیر متزلزل عزم کی عکاسی کرتی ہے۔

    یہ دریافت مقامی وسائل کے ذریعے توانائی کی طلب اور سپلائی میں فرق کو ختم کرنے میں نمایاں کردارادا کرے گی۔

    اس دریافت سے او جی ڈی سی ایل اور پاکستان کے ہائیڈرو کاربن کے ذخائر کو تقویت ملے گی اور ملک کی انرجی سیکورٹی میں بھی اضافہ ہوگا۔

    او جی ڈی سی ایل تیل و گیس کی دریافت اور پاکستان کی توانائی کے شعبہ کی ترقی میں اپنا ذمہ دارانہ کردار اداکرتی رہے گی۔

    کمپنی ملک کی توانائی کی ضروریات کو پورا کرنے کیلئے انتھک کوششیں کرتے ہوئے اعلیٰ کارکردگی اور جدت کے حصول کیلئے ہمہ وقت پرعزم ہے۔

  • تیل و گیس کی پیداوار میں کمی ریکارڈ

    تیل و گیس کی پیداوار میں کمی ریکارڈ

    ملک میں تیل و گیس کی پیداوار میں ہفتہ وار بنیادوں پر کمی سامنے آئی ہے، گزشتہ ہفتہ گیس کی اوسط یومیہ پیداوار3260 ایم ایم سی ایف ڈی ریکارڈ کی گئی تھی۔

    پی پی آئی ایس اور انڈسٹری کے اعداد و شمارکے مطابق 8 ستمبر کو ختم ہونے والے ہفتہ میں ملک میں خام تیل کی اوسط یومیہ پیداوار69552 بیرل ریکارڈکی گئی جوپیوستہ ہفتہ کے مقابلہ میں 0.6 فیصدکم ہے، پیوستہ ہفتہ میں ملک میں خام تیل کی اوسط یومیہ پیداوار69938 بیرل ریکارڈکی گئی تھی۔

    اسی طرح 8 ستمبرکوختم ہونے والے ہفتہ میں ملک میں گیس کی اوسط یومیہ پیداوار3249 ایم ایم سی ایف ڈی ریکارڈکی گئی ہے جو پیوستہ ہفتہ کے مقابلہ میں 0.3 فیصدکم ہے، پیوستہ ہفتہ میں ملک میں گیس کی اوسط یومیہ پیداوار3260 ایم ایم سی ایف ڈی ریکارڈ کی گئی تھی۔

    اعدادوشمارکے مطابق گزشتہ ہفتہ میں اوجی ڈی سی ایل کی خام تیل کی اوسط یومیہ پیداوار33821 بیرل، پی پی ایل 10667 بیرل، پی اوایل 4636 بیرل اورماڑی گیس کی خام تیل کی اوسط یومیہ پیداوار1000 بیرل ریکارڈکی گئی۔

    اسی طرح او جی ڈی سی ایل کی گیس کی اوسط یومیہ پیداوار740 ایم ایم سی ایف ڈی ،پی پی ایل 602ایم ایم سی ایف ڈی، پی اوایل 53ایم ایم سی ایف ڈی اورماڑی گیس کی گیس کی اوسط یومیہ پیداوار911 ایم ایم سی ایف ڈی ریکارڈ کی گئی۔

  • پاکستان میں تیل و گیس کے نئے ذخائر دریافت

    پاکستان میں تیل و گیس کے نئے ذخائر دریافت

    اسلام آباد: او جی ڈی سی ایل نے ضلع کوہاٹ میں تیل و گیس کے نئے ذخائر دریافت کر لیے۔

    تفصیلات کے مطابق ذرایع نے کہا ہے کہ آئل اینڈ گیس ڈیولپمنٹ کمپنی (OGDCL) نے خیبر پختون خوا کے ضلع کوہاٹ میں تیل و گیس کے نئے ذخائر دریافت کر لیے۔

    ذرایع کا کہنا ہے کہ توغ بالا کنواں نمبر 1 سے یومیہ 9 ایم ایم ایس سی ایف ڈی گیس مل سکے گی، جب کہ توغ بالا کنواں نمبر 1 سے یومیہ 125 بیرل تیل حاصل کیا گیا ہے.

    یہ کوہاٹ بلاک میں تیل و گیس دریافت کرنے کے سلسلے کی مسلسل دوسری کامیابی ہے، حکام کا کہنا ہے کہ توغ بالا کنواں نمبر1 کی کامیابی ایکسپلوریشن کی شان دار حکمت عملی کا نتیجہ ہے۔

    تیل وگیس کی تلاش ،پاکستان کو ایک اور بڑی کامیابی مل گئی

    نئی دریافت سے ملکی زر مبادلہ میں خاطر خواہ بچت جب کہ او جی ڈی سی ایل کے تیل و گیس کے ذخائر میں اضافہ ہوگا۔

    یاد رہے کہ گزشتہ برس 27 اگست کو او جی ڈی سی ایل نے کہا تھا کہ کوہاٹ میں تیل و گیس کے نئے ذخائر دریافت ہوئے ہیں، جانچ میں کنوئیں سے یومیہ 1 کروڑ 27 لاکھ معکب فٹ گیس اور 240 بیرل یومیہ خام تیل کے ذخائر ملے، ستمبر کے مہینے میں بھی کوہاٹ میں وارگل فیلڈ سے یومیہ 76 بیرل تیل اور 5 لاکھ ایم ایم سی ایف ڈی گیس کے ذخائر ملے تھے۔

    رواں سال 17 جولائی کو بھی ماڑی پٹرولیم نے سندھ کے ضلع گھوٹکی میں گیس کے ذخائر دریافت کیے تھے، ان ذخائر سے 11 ملین مکعب فٹ روزانہ گیس دستیاب ہو سکے گی، ماڑی پٹرولیم کی اس علاقے میں یہ مسلسل پانچویں کامیابی تھی، منصوبے پر 60 ملین ڈالر سے زائد کی سرمایہ کاری کی گئی تھی۔

  • تیل اور گیس کے ذخائر کی تلاش ، پاکستان کو بڑی کامیابیاں ملنے لگیں

    تیل اور گیس کے ذخائر کی تلاش ، پاکستان کو بڑی کامیابیاں ملنے لگیں

    اسلام آباد : پاکستان میں تیل اور گیس تلاش کرنے والی کمپنیوں کو اہم کامیابیاں ملنے لگیں، ایک ماہ میں 5 مختلف مقامات سے نئے ذخائر دریافت کر لئے، نئے ذخائر سے 1040 بیرل خام تیل اور 47 ملین مکعب فٹ گیس یومیہ حاصل کی گئی۔

    تفصیلات کے مطابق پاکستان میں تیل اور گیس کے نئے ذخائر کی تلاش کا مشن جاری ہے ، مشن میں تیل تلاش کرنے والی کمپنیوں کو اہم کامیابیاں ملنے لگیں۔

    او جی ڈی سی ایل نے ایک ماہ میں 5 مختلف مقامات سے نئے ذخائر دریافت کر لئے، نئے ذخائر کوہاٹ،شکردرہ اور سکھر کے قریبی علاقوں سے دریافت ہوئے، اے آر وائی نیوز کی ٹیم حقائق جاننے تیل کے نئے ذخائر تک پہنچی۔

    نئےذخائرسے1040 بیرل خام تیل،47 ملین مکعب فٹ گیس یومیہ حاصل کی گئی اور دریافت ہونے والے نئے ذخائر کو قومی سپلائی نیٹ ورک میں شامل کر دیا گیا ہے۔

    ماہرین کو مختلف علاقوں سے مزید تیل اور گیس کے ذخائرکی ممکنہ دریافت کے آثارمل گئے، جس کے بعد او جی ڈی سی ایل نے سروے مکمل کر کے ڈرلنگ کا کام تیز کر دیا ہے۔

    گذشتہ روز خیبرپختونخوا کے ضلع کوہاٹ میں تیل وگیس کےنئے ذخائردریافت ہوئے تھے ، نئی دریافت سے 16.12ایم ایم سی ایف ڈی گیس کی پیداوار اور بیرل 3240یومیہ کنڈنسیٹ تیل حاصل ہوگا۔

    یاد رہے رواں ماہ کے آغاز میں او جی ڈی سی ایل کا کہنا تھا کہ تھل ایسٹ ویل نمبر1 اور بھمبرا کنواں نمبر1 سے دریافت گیس کی کمرشل پیداوارکا آغاز کردیا گیا ہے، جس سے ملک میں گیس پیداوار میں اضافہ ہوگا۔

  • بڑی کامیابی، دریافت گیس کی کمرشل پیداوار کا آغاز

    بڑی کامیابی، دریافت گیس کی کمرشل پیداوار کا آغاز

    اسلام آباد : او جی ڈی سی ایل کا کہنا ہے کہ تھل ایسٹ ویل نمبر1 اور بھمبرا کنواں نمبر1 سے دریافت گیس کی کمرشل پیداوارکا آغاز کردیا گیا ہے، جس سے ملک میں گیس پیداوار میں اضافہ ہوگا۔

    تفصیلات کے مطابق او جی ڈی سی ایل نے ایک اور شاندار کامیابی حاصل کرلی، تھل ایسٹ ویل نمبر1 اور بھمبرا کنواں نمبر1 سے دریافت گیس کی کمرشل پیداوارکا آغاز ہوگیا۔

    اوجی ڈی سی ایل کی جانب سے اعلامیے میں کہا گیا کہ تھل ایسٹ کنواں نمبر1چھبیس جون سے گیس فراہم کررہاہے، اس سے 10ایم ایم ایس سی ایف ڈی یومیہ گیس دی جارہی ہے۔

    اعلامیے کے مطابق بھمبرا کنواں نمبر1سے بھی 2.25 ایم ایم ایس سی ایف ڈی گیس دی جارہی ہے، کنواں نمبر1اٹھائیس جون2020 سےنیشنل گرڈ کوگیس فراہم کررہاہے، گیس کی کمرشل پیداوار کے آغاز سے ملک میں گیس پیداوار میں اضافہ ہوگا۔

    اوجی ڈی سی ایل کا کہنا ہے کہ دونوں دریافتوں سے ملکی زرمبادلہ میں خاطر خواہ بچت ہوگی ، صارفین ،صنعت کی بڑھتی طلب کو بھی پورا کرنے میں معاون ثابت ہوگی۔

    مزید پڑھیں : خیبرپختونخوا میں دریافت گیس کا منصوبہ مکمل، بڑا مسئلہ حل ہوگیا

    یاد رہے چند روز قبل کوہاٹ ڈھوک حسین کے مقام پر دریافت گیس کا منصوبہ مکمل کرلیا گیا تھا ، جس کے بعد 12 ایم ایم سی ایف ڈی کی14کلومیٹرطویل لائن ایس این جی پی ایل میں شامل ہوگئی تھی

    کنویں سےگیس کی پیداوار کے علاوہ 360 بیرل تیل بھی نکالاجائے گا اور گیس سےسالانہ 790 ملین کی رائلٹی کے پی حکومت کو وصول ہو گی جبکہ خیبر پختونخواہ او جی ڈی سی ایل کو سالانہ 131 ملین روپے کاریونیو حاصل ہوگا۔

    محمود خان کا کہنا تھا کہ خیبر پختونخوا حکومت کو رائلٹی کی مد میں سالانہ ایک ارب کی آمدن ہوگی اور رائلٹی علاقے کی تعمیر و ترقی پر خرچ کی جائے گی، علاقے کو گیس کی فراہمی کا دیرینہ مسئلہ بھی حل کر دیا گیا ،منصوبے کی تکمیل نہ صرف صوبے بلکہ ملک کے لیےاہم پیشرفت ہے۔

  • پاکستان کے لئے خوشخبری ، تیل اور گیس کا بڑا ذخیرہ دریافت

    پاکستان کے لئے خوشخبری ، تیل اور گیس کا بڑا ذخیرہ دریافت

    کراچی : خیبرپختونخواکےضلع کوہاٹ میں تیل وگیس کےنئےذخائردریافت ہوئے ، جانچ میں کنویں سے یومیہ 1 کروڑ 27 لاکھ معکب فٹ گیس کے زخائر ملے ہیں ، نئی دریافت سے پاکستان کو قیمتی زرمبادلہ کی بچت ہوگی۔

    تفصیلات کے مطابق پاکستان کے لئے خوشخبری ، تیل و گیس کے شعبے میں رواں ماہ ایک اور بڑی کامیاب دریافت ہوئی ، خیبرپختونخوا میں تیل اور اور گیس کا بڑا ذخیرہ دریافت ہو گیا۔

    او جی ڈی سی ایل اعلامیہ میں کہا گیا ضلع کوہاٹ میں تیل و گیس کے نئے ذخائر دریافت ہوئے ، جانچ کے دوران کنویں سے 240بیرل یومیہ خام تیل کےذخائر اور یومیہ 1کروڑ 27 لاکھ معکب فٹ گیس کے ذخائر ملے۔

    حکام کا کہنا ہے کہ ٹوف کنویں ون میں اوجی ڈی سی ایل کی50فیصد اور ماری پیٹرولیم کی33.33فیصدحصہ داری ہے ، آئل اینڈگیس ڈیویلپمنٹ کمپنی لمیٹڈ نے اسٹاک ایکسچینج کو آگاہ کردیا ہے۔

    اعلامیہ میں کہا گیا تیل وگیس کی نئی دریافت سےپاکستان کوقیمتی زرمبادلہ کی بچت ہوگی۔

    یاد رہے چند روز قبل خیبر پختونخوا کے ضلع کوہاٹ میں ٹل بلاک سے تیل و گیس کے ذخائر دریافت ہوئے تھے ، پاکستان آئل فیلڈ لمیٹڈ نے باضابطہ اعلامیے میں کہا تھا کہ جانچ میں مکوڑے ڈیپ 2 کنوے سے 18.25 ایم ایم سی ایف ڈی گیس کے ذخائر ملے ہیں۔

    مزید پڑھیں : ماڑی پٹرولیم نے تیل کے بڑے ذخائر ملنے کی خوشخبری سنادی

    حکام کا کہنا تھا کہ جانچ میں یومیہ 1844 بیرل خام تیل نکالا جا سکے گا، جس کے متعلق پاکستان اسٹاک ایکسچینج کو آگاہ کردیا گیا ہے۔

    ماہرین کا کہنا ہے کہ تیل اور گیس کے ذخائر کی دریافت سے پاکستان کے قیمتی زرمبادلہ کی بچت ہوگی اور آئل سیکٹر پر مثبت اثرات مرتب ہوں گے

    یاد رہے کہ رواں برس مئی میں آئل اینڈ گیس ڈیویلپمنٹ کمپنی لمیٹڈ (او جی ڈی سی ایل) نے صوبہ سندھ کے ضلع ٹنڈومحمد خان کے علاقہ منگریو میں تیل و گیس کے نئے ذخائر کی دریافت کا اعلان کیا تھا۔

    اپریل میں ماڑی پٹرولیم نے بھی پنجاب میں تیل کے بڑے ذخائر ملنے کی خوشخبری سنا ئی تھی، ترجمان پٹرولیم ڈویژن کی طرف سے جاری بیان میں کہا گیا تھا کہ غوری بلاک کےڈھاریاں 1معدنی کنویں سےتیل دریافت ہوا ہے، ڈھاریاں ون سے 372بیرل یومیہ خام تیل ملنے کی توقع ہے۔

  • جون تک 3 بڑے اداروں کی نجکاری مکمل کرلی جائے گی

    جون تک 3 بڑے اداروں کی نجکاری مکمل کرلی جائے گی

    اسلام آباد : حکومت رواں مالی سال تین بڑے اداروں کی نجکاری مکمل کرلے گی، وزیر نجکاری کا کہنا ہے کہ رواں سال نجکاری کیلئے بہت اہم سال ہوگا۔

    نجکاری کمیشن کے مطابق پاکستان اسٹیل کو نجی کمپنی کی تحویل میں دیا جائے گا جبکہ پی آئی اے کو دو کمپنیوں میں تقسیم کیا جائے گا جبکہ حکومت نے او جی ڈی سی ایل میں موجود حکومتی حصص فروخت کرنے کا فیصلہ کیا ہے۔

    اوجی ڈی سی ایل کے حصص اسٹاک مارکیٹ میں فروخت کیلئے پیش کئے جائیں گے اور یہ فروخت فاسٹ ٹریک بنیادوں پر کی جائے گی۔

    محمد زبیر کا کہنا تھا کہ نجی کمپنی جون میں پاکستان اسٹیل ملز کا انتظام سنبھال لے گی، اسٹیل ملز کو تیس سال کی لیز پر دیا جائے گا جبکہ پی آئی اے کی نجکاری کیلئے کمیٹی تشکیل دے دی گئی ہے، کابینہ کی نجکاری کمیٹی کا اجلاس آئندہ ہفتے ہوگا، جس میں ان فیصلوں کی منظوری متوقع ہے۔

    انھوں نے مزید کہا کہ نجکاری کی لسٹ میں فرسٹ وومن بینک، ایچ بی ایف سی اور نیشنل انشورنس کو بھی شامل کیا گیا ہے۔

    یاد رہے کہ چیئرمین نجکاری کمیشن زبیرعمر کی زیرصدارت نجکاری بورڈ کے اجلاس پاکستان اسٹیل ملز کو 30 سال کیلئےلیز پردینے کی تجویزمنظور کر لی گئی تھی۔