Tag: OIC meeting

اسلام آباد : او آئی سی اجلاس اور سیاسی صورتحال کے پیش نظراسلام آباد کا سیکیورٹی حصار انتہائی سخت کردیا گیا۔

تفصیلات کے مطابق اسلام آباد میں او آئی سی اجلاس ، تحریک عدم اعتماد ،حکومت اور اپوزیشن کے جلسے کے پیش نظر سیکیورٹی سخت کردی گئی۔

وفاقی دارلحکومت میں 2500رینجرز،2ہزار ایف سی ،8 ہزار پولیس اہلکار تعینات کردیئے ہیں تاہم ایف سی ہیڈ کوارٹرز نے اسلام آباد انتظامیہ کو مزید نفری دینے سے انکار کردیا۔

حکام کا کہنا ہے کہ دو ہزار کی مزید نفری نہیں دے سکتے ،وزارت داخلہ معذرت کرلے کیونکہ خیبرپختونخوا میں 30 مارچ کو بلدیاتی انتخابات بھی ہیں ،اگر اضافی اہلکار اس تاریخ سے قبل واپس ہوسکتے تو پھر دیکھا جاسکتا ہے۔

حکام نے بتایا کہ تمام سیکیورٹی اہلکاروں کو 2 اپریل تک ریڈ زون میں تعینات کیا گیا ہے۔

خیال رہے اسلامی تعاون تنظیم کی وزرائے خارجہ کونسل کے اہم ترین اور تاریخی اجلاس میں شرکت کیلئے معزز مہمانوں کی آمد کا سلسلہ جاری ہے، سیکریٹری جنرل اوآئی سی اجلاس میں شرکت کے لیے پاکستان پہنچ گئے ہیں۔

اسلام آباد : وزیر خارجہ شاہ محمود قریشی کا کہنا ہے کہ پاکستان سفارتی محاذپرایک بارپھردنیا کی توجہ کامرکزبننے جا رہا ہے اور وزرائےخارجہ کے48ویں اجلاس کی میزبانی کے منتظر ہیں۔

تفصیلات کے مطابق اوآئی سی وزرائےخارجہ اجلاس کے انتظامات کو حتمی شکل دینے کیلئے اجلاس ہوا ، وزیرخارجہ شاہ محمودقریشی نےاجلاس کی صدارت کی ، جس میں سیکریٹری خارجہ سہیل محمود، سیکریٹری داخلہ یوسف نسیم کھوکھر ، اسپیشل سیکریٹری خارجہ،چیئرمین سی ڈی اے، آئی جی اسلام آباد نے شرکت کی۔

اجلاس میں فول پروف سیکیورٹی انتظامات کے حوالے سے وزیر خارجہ کو بریفنگ دی ، شاہ محمود قریشی نے اجلاس کے انتظامات پر اطمینان کا اظہار کیا۔

وزیرخارجہ کا کہنا تھا کہ وزرائے خارجہ کے48ویں اجلاس کی میزبانی اور ممبر ممالک کے وزرائےخارجہ کی آمد کے منتظر ہیں۔

شاہ محمود قریشی نے مزید کہا کہ پاکستان اوآئی سی اجلاس کی میزبانی کوبہت بڑااعزازسمجھتاہے، پاکستان سفارتی محاذ پر ایک بار پھر دنیا کی توجہ کا مرکز بننے جا رہا ہے۔

یاد رہے اس سے قبل وزیر خارجہ کا کہنا تھا کہ اوآئی سی کانفرنس اسلام آباد میں ہونےجارہی ہے، او آئی سی کےاجلاس میں مداخلت نہیں ہونے دیں گے کیونکہ اجلاس کیلئے دعوت نامے بھیجے جا چکے ہیں۔

اسلام آباد :او آئی سی وزرائےخارجہ کے اجلاس میں شرکت کیلئے 159اہم شخصیات آج پاکستان پہنچیں گی، او آئی سی کا 17واں غیر معمولی اجلاس کل اسلام آباد میں ہوگا۔

تفصیلات کے مطابق اوآئی سی کے پاکستان میں غیرمعمولی اجلاس کیلئے اہم رہنماؤں کی آمد جاری ہے ، 159اہم شخصیات آج اسلام آباد پہنچیں گی۔

انڈونیشیا کی وزیرخارجہ اسلام آباد پہنچ گئیں ، وفاقی وزیر دفاعی پیداوارزبیدہ جلال نے مہمان کا استقبال کیا۔

اوآئی سی کے خصوصی اجلاس میں شرکت کیلئے بنگلہ دیش کےوزیرخارجہ شہریارعالم ، ترکی کےوزیرخارجہ،تاجکستان کےڈپٹی وزیرخارجہ اور افغان وزیرخارجہ آج اسلا م آباد پہنچیں گے۔

ترکی ڈپٹی چیف آف کیبنٹ اور سفیربھی آج وفد کیساتھ اسلام آباد آئے گا جبکہ سوڈان کاوفدعلی الصادق علی کی سربراہی میں کل اسلام آباد پہنچے گا۔

گلف کوآپریشن کونسل کےسیکرٹری جنرل نائف بن فلح ، کویت اورآذربائیجان کےوزیرخارجہ بھی آج اسلام آبادپہنچیں گے۔

خیال رہے او آئی سی وزرائےخارجہ کا 17واں غیر معمولی اجلاس 19 دسمبر کوہو گا، اجلاس بطور صدر سعودی عرب کی دعوت پر منعقد کیا جا رہا ہے۔

اجلاس میں افغانستان میں انسانی المیے کے حوالے اور افغانستان میں معاشی و اقتصادی بحران سے نمٹنے غور کیا جائے گا جبکہ خوراک و ادویات کی قلت اوربے گھر افراد کی مددکاجائزہ لیاجائے گا۔