نیویارک:عالمی منڈی میں خام تیل کی قیمت ایک ماہ کی کم ترین سطح پر پہنچ گئی، عالمی سطح پر خام تیل کی قیمت تینتالیس ڈالر سے نیچے ٹریڈ کر رہی ہے۔
عالمی منڈی میں خام تیل کی قیمتوں میں ایک بار پھر سے کمی ہونے لگی ہے۔ عالمی منڈی میں خام تیل کی قیمت میں گزشتہ چھ روز سے مسلسل کمی ریکارڈ کی جارہی ہے، ایشیائی منڈیوں میں امریکی خام تیل کی قیمت ساڑھے تین فیصد کمی کے بعد 46ڈالر 21 سینٹ فی بیرل ہوگئی ہے۔
دوسری جانب نارتھ برینٹ خام تیل کی قیمت میں ایک ڈالر اسی سینٹ کی کمی ریکارڈ کی گئی ہے۔ عالمی خام تیل ذخیرہ اندوزی اور امریکی پیداوار میں کمی کے باعث خام تیل کی قیمت میں کمی ہوئی ہے۔
معاشی ماہرین کے مطابق تیل کی گرتی ہوئی قیمتیں پاکستانی معیشت کے لیے فائدہ مند ثابت ہورہی ہیں اور ان سے پاکستانی معیشت کا سہارا مل رہا ہے، قیمتیں کمم ہونے کا پاکستان بھرپور فائدہ اٹھائے۔
