Tag: oil prices

دبئی : کل اوپیک کی اہم میٹنگ سے پہلے عالمی منڈی میں خام تیل کی قیمت میں معمولی اضافہ دیکھا جا رہا ہے۔ عالمی منڈی میں خام تیل کی قیمت چھ سال کی کم ترین سطح کے قریب ہے۔

تیل برآمد کرنے والے ممالک اس مندی کی وجہ سے زبردست نقصان کا سامنا کررہے ہیں، اس اہم اجلاس میں اوپیک کی جانب سے تیل کی پیداوار کم کئے جانے پر سنجیدگی سے غور کیا جائے گا۔

مستقبل قریب میں امریکہ کی جانب سے شرح سود میں ممکنہ اضافے کے پیش نظر خام تیل کی قدر میں کمی کا خدشہ موجود ہے۔

آئی ایم ایف کے مطابق مارکیٹ میں دیکھے جانے والا مندی کا یہ رجحان کئی دنوں تک جاری رہ سکتا ہے۔ ذرائع کے مطابق اس بات کا امکان موجود ہے کہ ان حالات میں تیل پیدا کرنے والے ممالک کی تنظیم کے ارکان اس تجویز پر متفق ہوجائیں.

نیویارک : لوم برگ کی رپورٹ کے مطابق فیڈرل ریزرو بینک کی جانب سے شرح سود برقرار رکھے جانے کے فیصلے سے تیل کی قیمت میں اضافہ ہونے کا امکان ہے اور جنھوں نے مندی پر سٹہ کرنا تھا وہ مارکیٹ سے غائب ہوگئے۔ جب کہ صرف نیویارک میں ہزاروں سرمایہ کاروں نے تیل خریدنا شروع کردیا، دوسری جانب گرتی ہوئی قیمت کی وجہ سے تیل کی پیداوار بھی متاثر ہوئی ہے۔

رپورٹ کے مطابق اگلے سال امریکہ میں تیل کی پیداوار میں چھ لاکھ بیرل روزانہ کی کمی کا امکان ہے، مجموعی طور غیر اوپیک ممالک کی تیل کی پیداوار ابتدائی اندازے سے دس لاکھ بیرل کم رہے گی۔

شاید وجہ ہے کہ تیل پیدا کرنے والے ممالک کی تنظیم اب دوہزار بیس تک ہر سال تیل کی قیمت میں پانچ ڈالر تک اضافے کی پیش گوئی کررہی ہے۔

اوپیک کے اندازے کو درست مان لیا جائے تو تیل کی فی بیرل قیمت ایک بار پھر اسی ڈالر تک پہنچتی نظر آرہی ہے، جس کا مطلب کیا یہ ہے کہ پاکستان میں فی لیٹر پیٹرول ایک بار پھر سو روپے تک پہنچ جائے گا۔