Tag: okara

اوکاڑہ: پنجاب کے شہر اوکاڑہ میں ون فائیو پر اطلاع ملنے کے بعد پولیس نے ناکہ لگائے ڈاکوؤں کو گھیر لیا، فائرنگ کے تبادلے میں 3 ہلاک اور تین فرار ہو گئے۔

تفصیلات کے مطابق اوکاڑہ میں صدر کے علاقے میں مبینہ پولیس مقابلے کے دوران 3 ڈاکو ہلاک ہو گئے، ایک شہری نے ون فائیو پر اطلاع دی تھی کہ 6 ڈاکو یونیورسٹی روڈ پر ناکہ لگا کر لوٹ مار کر رہے ہیں۔

پولیس حکام کے مطابق شہری کی اطلاع پر جب پولیس اہل کار جائے واردات پر پہنچے تو ڈاکوؤں نے پولیس پر فائرنگ کر دی، جوابی فائرنگ میں تین ڈاکو ہلاک ہو گئے، جب کہ ان کے تین ساتھی فرار ہونے میں کام یاب ہو گئے۔

پولیس اہل کاروں کو دو افراد بندھے ہوئے ملے، معلوم ہوا کہ ڈاکوؤں نے جائے وقوع پر 2 شہریوں کو لوٹ مار کے بعد باندھ رکھا تھا۔ موقع سے 2 موٹر سائیکلیں، مال مسروقہ، نقدی اور غیر قانونی بھی اسلحہ برآمد ہوا۔

اوکاڑہ: پنجاب کے شہر اوکاڑہ میں پٹاخے چلانے سے منع کرنے پر برہم ہونے والے بااثر افراد نے گھر میں گھس کر بیوہ خاتون پر تشدد کے اسے شدید زخمی کر دیا۔

تفصیلات کے مطابق اوکاڑہ میں تھانہ صدر کی حدود میں کچھ با اثر افراد نے گھر کے باہر پٹاخے چلانے سے منع کرنے پر ایک بیوہ خاتون کو تشدد کا نشانہ بنا دیا۔

ملزمان زاہد، اشفاق، کامران اور عباس نے پٹاخے چلانے سے منع کیے جانے پر بیوہ خاتون کو گھر میں گھس کر تشدد کیا، ملزمان کے تشدد سے بیوہ خاتون کی آنکھ ضائع ہو گئی، اور ناک کی ہڈی بھی ٹوٹ گئی۔

متاثرہ خاتون کا کہنا ہے کہ تھانہ صدر پولیس نے بااثر افراد کے خلاف اب تک کوئی کارروائی نہیں کی، جس پر متاثرہ بیوہ نے اعلیٰ حکام سے واقعے کا نوٹس لینے کی اپیل کی ہے۔