Tag: okara

اوکاڑہ: پنجاب کے شہر اوکاڑہ کے ایک علاقے میں بچہ پارک کا جنگلا عبور کرتے ہوئے اس میں بری طرح پھنس کر زخمی ہو گیا۔

تفصیلات کے مطابق آج اوکاڑہ کے علاقے فیصل کالونی میں دن کے وقت پارک کا حفاظتی جنگلا عبور کرتے ہوئے ایک 8 سالہ بچہ پھنس گیا۔

ریسکیو ذرائع نے بتایا کہ انھیں کال کے ذریعے اطلاع دی گئی تھی کہ پارک میں ایک بچہ جنگلے میں پھنسا ہوا ہے اور وہ زخمی ہے، جس پر ٹیم نے فوری رسپانس کیا۔

رپورٹ کے مطابق جنگلے کی راڈ بازو میں لگنے سے آٹھ سال کے بچے کا بازو شدید زخمی ہو گیا تھا۔

ریسکیو ٹیم موقع پر پہنچی تو بچہ جنگلے میں بدستور پھنسا ہوا تھا اور رو رہا تھا، ریسکیو عملے نے کٹنگ ٹول کی مدد سے راڈ کو کاٹ کر بچے کو آزاد کرایا۔

تاہم لوہے کی راڈ میں پھسنے کی وجہ سے بچے کے بازو پر گہرا زخم آیا تھا، جس پر ریسکیو عملے نے بچے کو ابتدائی طبی امداد دی، اور پھر ڈی ایچ کیو سٹی اسپتال منتقل کر دیا۔

اوکاڑہ: پنجاب کے شہر اوکاڑہ میں ڈاکوؤں کی فائرنگ سے ایلیٹ فورس کا ایک جوان شہید ہو گیا، جوابی فائرنگ سے 2 ڈاکو ہلاک ہو گئے۔

تفصیلات کے مطابق اوکاڑہ تھانہ صدر کے علاقے کورٹ باری کے قریب پولیس مقابلے کے دوران ڈاکوؤں کی فائرنگ سے ایلیٹ فورس کا جوان اسد جمیل شہید، جب کہ 2 ڈاکو ایلیٹ فورس اور پولیس کی جوابی فائرنگ سے ہلاک ہو گئے۔

کورٹ باری کے قریب ڈکیتی کی واردات کے بعد ڈاکو فرار ہو رہے تھے کہ پولیس اہل کار پہنچ گئے، ایلیٹ فورس کے جوانوں نے فرار ہوتے ڈاکوؤں کا تعاقب شروع کر دیا، جس پر ڈاکوؤں نے سیدھی فائرنگ شروع کر دی، جس سے ایک جوان موقع پر شہید ہو گیا۔

جوانوں کی جوابی فائرنگ سے فرار ہونے والے دونوں ڈاکو ہلاک ہو گئے۔

اوکاڑہ واقعہ: جاں بحق بچوں کی پوسٹ مارٹم رپورٹ آگئی

واضح رہے کہ ان دنوں اوکاڑہ میں دو بچوں کے لرزہ خیز قتل کا معاملہ بھی سرخیوں میں ہے، گزشتہ ہفتے اوکاڑہ کی رحمان کالونی میں دو معصوم بچوں کو پڑوسیوں نے اغوا کرنے کے بعد زیادتی کر کے قتل کر دیا تھا، اور ان کی لاشیں نہر میں پھینک دی تھیں۔