بیلجیم : اولمپک کوالیفائنگ راؤنڈ کے کوارٹر فائنل میں پاکستان ہاکی ٹیم کا مقابلہ آج برطانیہ سے ہوگا۔
پاکستان ہاکی ٹیم کیلئے اب مارو یا مرجاؤ کی صورتحال ہے، پولینڈ سے دو ایک سے کامیابی پھر آسٹریلیا سے چھ ایک کی شکست نے خامیوں کا پول کھول دیا، بھارت اور فرانس کیساتھ کانٹے دار مقابلے کے بعد نیتجہ برابری پر ختم ہوا۔
اب کٹھن مرحلہ آن پہنچا، جیتے تو بیڑا پار، ہار گئے تو ریو اولمپکس دوہزار سولہ تک رسائی کا امکانات وائلڈ کارڈ انٹری پر ہوگا، کپتان محمد عمران کا کہنا ہے کہ گزشتہ دو ایونٹس میں برطانیہ سے شکست کھا چکے ہیں، دو دن بھرپور ٹریننگ کیساتھ حریف ٹیم کی ویڈیوز دیکھ کر تیاری مکمل کریں گے۔
انھوں نے کہا کہ پوری کوشش ہے کہ سیمی فائنل تک رسائی حاصل کرنے میں کامیاب ہوجائیں۔
