Tag: عمان

ملک عمان، جو خلیج فارس کے جنوب مشرقی ساحل پر واقع ہے، ایک امیر اور ترقی پذیر ملک ہے۔ یہاں تیل اور گیس کے بڑے ذخائر ہیں جن کی وجہ سے اس کی معیشت مضبوط ہے۔ عمان کی آبادی تقریباً 5.5 ملین ہے، جن میں سے تقریباً 40% غیر ملکی مزدور ہیں۔

پاکستان عمان میں سب سے بڑا غیر ملکی مزدور گروہ ہے۔ 2024 کے اندازے کے مطابق، عمان میں تقریباً 1.5 ملین پاکستانی مزدور موجود ہیں۔ یہ مزدور مختلف شعبوں میں کام کرتے ہیں، بشمول تعمیرات، خدمات، مینوفیکچرنگ اور زراعت۔

Oman

عمان: دوبارہ کھلنے والی دکانوں کی فہرست

مسقط: عمان کی سپریم کمیٹی نے بعض کاروباری سرگرمیاں دوبارہ کھولنے کی اجازت دے دی ہے، مذکورہ اجازت مشروط طور پر دی گئی ہے۔

مقامی میڈیا کے مطابق عمان کی سپریم کمیٹی نے زیادہ تر کاروباری شعبے کھولنے کی اجازت دے دی ہے، زیادہ تر شعبوں کو صرف وصولی اور ڈیلیوری کی شرط پر کھولنے کا فیصلہ کیا گیا ہے۔

سپریم کمیٹی نے مندرجہ ذیل شعبے کھولنے کی اجازت دی ہے۔

غذائی اشیا کی فروخت
فوڈ اسٹورز
ریستوران، کیفے اور موبائل کیفے (صرف ہوم ڈیلیوری کے لیے)
جانوروں کے کلینکس، عام کلینکس
فارمیسیز
چشموں کی دکانیں
فیول اسٹیشن
گیس اسٹورز اور ٹرانسپورٹ
بیکریز
واٹر فیکٹریز اور واٹر اسٹورز
حلوہ فیکٹریز اور حلوہ اسٹورز
فوڈ انڈسٹریز
جانوروں کے چارہ اور زراعت کے سامان کی دکانیں
گوشت کی دکانیں
مچھلی کی دکانیں
آئس کریم کی دکانیں
جوس کی دکانیں
پھل سبزی کی دکانیں
شہد کی دکانیں
کھجور کی دکانیں
جانوروں کے فارمز، پولٹری فارمز
شپنگ دفاتر، کسٹم کلیئرنس اور انشورنس دفاتر
سینیٹری اور الیکٹرک کی دکانیں
خوراک کے گودام
گاڑیاں اور کشتیاں مرمت کرنے کی ورکشاپس (صرف سامان لینے اور دینے کے لیے، گاہکوں کو اندر آنے کی اجازت نہیں)
گاڑیوں اور کشتیوں کے پرزے فروخت کرنے کی دکانیں
الیکٹرک سامان مرمت کرنے کی دکانیں
کمپیوٹرز کی خرید و فروخت اور مرمت کرنے کی دکانیں
لائبریریز (صرف کتابیں ڈیلیور کرنے کے لیے)
پرنٹنگ پریس
سند دفاتر
کرائے کی گاڑیوں کے دفاتر
منی ایکسچینج کمپنیاں اور اسٹور
لانڈری کی دکانیں
تعمیراتی سامان کی دکانیں اور سیمنٹ اسٹور
سیمنٹ فیکٹریاں
مکس کنکریٹ پلانٹس
سرامک، ٹائل، ماربل وغیرہ کی دکانیں اور ان کی ورکشاپس
کار واشنگ
کار شورومز
واٹر فلٹرز کی مرمت اور خرید و فروخت کی دکانیں
پالتو جانوروں کے کھانے کی دکانیں
نرسریز اور زراعتی سامان کی دکانیں
بڑھئی کی دکانیں
لوہار کی دکانیں
ویلڈنگ کی دکانیں
کنسلٹنگ، وکلا اور آڈٹنگ کے دفاتر
موبائل فون کی خرید و فروخت اور مرمت کی دکانیں
گھڑیوں کی خرید و فروخت اور مرمت کی دکانیں
ڈرائیونگ اسکول

مئی 19, 2020
عمان کے سرکاری ملازمین کے لیے بڑی خبر

مسقط: سلطنت عمان کی سول سروس کاؤنسل نے اعلان کیا ہے کہ مستقبل قریب میں عمان کے سرکاری اداروں میں نئے تعینات شدہ افراد کے لیے نیا سیلری اسٹرکچر طے کیا جائے گا۔

مقامی ذرائع ابلاغ کے مطابق سول سروس کاؤنسل کا کہنا ہے کہ سلطنت میں آئندہ تعینات کیے جانے والے سرکاری ملازمین کی تنخواہوں میں تبدیلی کی جارہی ہے۔

یہ تنخواہیں ملازمین کی ڈگری اور تعلیمی قابلیت کی بنیاد پر طے ہوں گی، علاوہ ازیں نیا سیلری اسٹرکچر پوری سلطنت کے سرکاری ملازمین کے لیے (ڈگری کے حساب سے) یکساں ہوگا۔

خیال رہے کہ عمان کی حکومت نے سنہ 2020 میں عمانائزیشن کی پالیسی شروع کی ہے جس کے تحت سرکاری ملازمتوں پر غیر ملکیوں کی جگہ عمانی شہریوں کو تعینات کیا جائے گا۔

عمان کی وزارت تجارت نے کچھ عرصہ قبل نوٹی فکیشن جاری کیا ہے جس کے مطابق جلد سرکاری ملازمتوں پر تعینات غیر ملکی ملازمین کی جگہ عمانی شہریوں کو رکھا جائے گا۔

نوٹی فکیشن میں کہا گیا کہ یہ فیصلہ اس لیے کیا جارہا ہے تاکہ عمانی شہری بھی سلطنت کی بہبود و ترقی میں حصہ لے سکیں۔

نوٹی فکیشن میں یہ بھی کہا گیا کہ اس کے اطلاق سے قبل عمانی شہریوں کو متعلقہ شعبوں کے حساب سے تربیت بھی دی جائے گی تاکہ وہ بہترین کارکردگی کا مظاہرہ کرسکیں۔

مئی 18, 2020
عمان میں کرونا اسکریننگ کرنے والی موبائل بسیں آ گئیں

مسقط: عمان کی وزارت صحت نے مواصلات کے اشتراک سے کرونا وائرس کی اسکریننگ کرنے والی موبائل بسیں چلا دی ہیں۔

تفصیلات کے مطابق کرونا وائرس کے پھیلاؤ کو روکنے کے لیے ہونے والی قومی کوششوں کو مزید سہارا دیتے ہوئے عمان کی وزارت صحت نے مواصلات کے تعاون سے ایسی بسیں لانچ کر دی ہیں جس میں لوگوں کی کو وِڈ نائنٹین کے لیے اسکریننگ کی جائے گی۔

یہ بسیں عمان کے دارالحکومت مسقط میں تین مقامات پر صبح 9 بجے سے دوپہر 1 بجے تک آپریٹ کی جا رہی ہیں۔

وزارت صحت کا کہنا تھا کہ مسقط محکمہ صحت نے عمان نیشنل ٹرانسپورٹ کمپنی مواصلات کے تعاون سے یہ بس سروس لانچ کی ہے، جس میں مفت اسکریننگ کی جاتی ہے اور یہ بسیں اس طرح ڈیزائن کی گئی ہیں کہ ان میں کو وِڈ نائنٹین کی تشخیص کے لیے مفت طبی معائنہ بھی کیا جاتا ہے۔

اس مہم میں ایسی بسیں بھی شروع کی گئی ہیں جو کرونا وائرس کی اسکریننگ کے لیے لوگوں کو مخصوص مراکز تک پہنچانے کا کام کریں گی، یہ ٹرانسپورٹیشن سروس الحمیرہ کے علاقے کو کور کرے گی۔

ایسی دو بسیں ڈیزائن کی گئی ہیں جو کرونا کے میڈیکل ٹیسٹ کرنے کے ساز و سامان سے لیس ہیں، یہ بسیں مخصوص علاقوں میں جا کر لوگوں کی مفت اسکریننگ کریں گی، وہ علاقے جہاں وائرس کے زیادہ کیسز ہوں۔

مئی 13, 2020
عمان سے جلد کرونا وائرس کا خاتمہ ممکن: رپورٹ

مسقط: بین الاقوامی ادارے کی ایک رپورٹ میں کہا گیا ہے کہ عمان میں 19 جون تک کرونا وائرس کا مکمل طور پر خاتمہ ہوجائے گا۔

سنگاپور ڈیٹا ڈرائیون انوویشن لیبارٹری کی جانب سے جاری کردہ ایک رپورٹ میں مختلف ممالک کے اقدامات کو دیکھتے ہوئے وہاں کرونا وائرس کے خاتمے کی مدت کے بارے میں بتایا گیا ہے۔

یہ ادارہ روزانہ کی بنیاد پر اپنی پیشگوئی کو نئے ڈیٹا اور حکومتی اقدامات کی روشنی میں اپ ڈیٹ کرتا ہے۔

رپورٹ میں کہا گیا ہے کہ عمان میں 25 مئی 2020 تک کرونا وائرس کا 99 فیصد خاتمہ ہوجائے گا، 19 جون 2020 تک یہ شرح 100 فیصد ہوجائے گی اور عمان اس موذی وائرس سے مکمل طور پر چھٹکارہ حاصل کرلے گا۔

تحقیق میں کہا گیا ہے کہ وائرس کا ایک لائف سائیکل ہے جس کی بنیاد پر وہ آہستہ آہستہ بعض ممالک میں بڑھ رہا ہے جبکہ بعض ممالک میں کم ہورہا ہے۔

خیال رہے کہ عمان میں اب تک کرونا وائرس کے 2 ہزار 637 کیسز سامنے آچکے ہیں جبکہ 12 افراد وائرس کے ہاتھوں زندگی کی بازی ہار چکے ہیں۔

عمان سمیت دنیا بھر میں کرونا وائرس سے متاثرہ افراد کی تعداد 35 لاکھ 82 ہزار 892 ہوچکی ہے جبکہ دنیا بھر میں اموات 2 لاکھ سے تجاوز کرچکی ہیں۔

مئی 4, 2020
عمان کا غیر ملکیوں کے حوالے سے بڑا فیصلہ

مسقط: سلطنت عمان میں غیر ملکیوں کے حوالے سے بڑا فیصلہ کرتے ہوئے سرکاری ملازمتوں پر عمانی شہریوں کو تعینات کرنے کا فیصلہ کرلیا گیا۔

عمان کی وزارت تجارت نے ایک باقاعدہ نوٹی فکیشن جاری کردیا ہے جس کے مطابق جلد سرکاری ملازمتوں پر تعینات غیر ملکی ملازمین کی جگہ عمانی شہریوں کو رکھا جائے گا۔

نوٹی فکیشن میں کہا گیا ہے کہ یہ فیصلہ اس لیے کیا جارہا ہے تاکہ عمانی شہری بھی سلطنت کی بہبود و ترقی میں حصہ لے سکیں۔

وزارت تجارت کا کہنا ہے کہ یہ عمل نہایت تیزی اور منظم طریقے سے انجام دینا ہوگا، ان کے مطابق یہ اقدام سنہ 2020 کی عمانائزیشن پالیسی کا حصہ ہے۔

نوٹی فکیشن میں یہ بھی کہا گیا ہے کہ اس کے اطلاق سے قبل عمانی شہریوں کو متعلقہ شعبوں کے حساب سے تربیت بھی دی جائے گی تاکہ وہ بہترین کارکردگی کا مظاہرہ کرسکیں۔

وزارت تجارت کے مطابق حال ہی میں ایک آڈٹ رپورٹ سے علم ہوا ہے کہ سلطنت عمان میں غیر ملکیوں کی ایک بڑی تعداد اہم شعبوں میں سربراہی اور قائدانہ پوزیشنز پر موجود ہے۔

وزارت کا کہنا ہے کہ اس صورتحال کو دیکھتے ہوئے عمانی شہریوں کی استعداد بڑھانا اور انہیں آگے لانا ضروری ہے۔

اپریل 30, 2020
کروناوائرس: عمان میں بڑا اعلان

مسقط: عمانی دارالحکومت میں کروناوائرس کے پیش نظر لاک داؤن میں توسیع کردی گئی۔

غیرملکی خبررساں ادارے کی رپورٹ کے مطابق عمان کی سپریم کمیٹی نے مسقط میں لاک ڈاؤن کی مدت 8 مئی تک بڑھانے کا اعلان کردیا ہے۔ عمانی حکومت نے یہ اقدام کرونا کی سنگینی کو دیکھتے ہوئے اٹھایا۔

رپورٹ میں کہا گیا ہے کہ عمانی حکومت نے بروز جمعہ 8 مئی 2020 تک لاک ڈاؤن میں توسیع کردی ہے۔

خیال رہے کہ عمان میں کرونا مریضوں کی تعداد 1410 ہوچکی ہے جبکہ وائرس میں مبتلا افراد کے اموات کی تعداد 7 ہے۔ عالمگیر وبا کے خلاف جاری جنگ میں حکومت کی جانب سے ہرممکن اقدامات اٹھائے جارہے ہیں۔

عمان: لاک ڈاؤن کی خلاف ورزی پر تاجروں کے خلاف بڑی کارروائی

حالیہ دنوں عمانی وزیر صحت نے کرونا وائرس کی وبا پر قابو پانے کے لیے ڈرون تکنیک کا آغاز کیا ہے جس کے ذریعے کرونا مریضوں کا دور سے ہی پتہ لگایا جاسکے گا۔

عمانی خبر رساں ادارے کی رپورٹ کے مطابق عمان بھی جان لیوا وبا کوویڈ 19 کے خلاف اپنی جدوجہد مسلسل جاری رکھے ہوئے ہیں یہی وجہ ہے کہ ریاست میں وائرس کا پھیلاؤ دیگر ممالک کی نسبت آہستہ ہے۔

اپریل 20, 2020
کرونا کی وجہ سے رہائی پانے والا قیدی کزن کی فائرنگ سے ہلاک

عمان: کرونا وائرس کے پھیلاؤ کو روکنے کے لیے متعدد ممالک میں قیدیوں کو عارضی طور پر رہا کیا گیا ہے، اردن میں ایک قیدی کو رہائی ملی تو اس کے دوستوں نے ہوائی فائرنگ کی جس کے نتیجے میں رہائی پانے والا قیدی ہلاک ہوگیا۔

غیرملکی خبررساں ادارے کی رپورٹ کے مطابق کرونا وائرس کی وجہ سے رہائی پانے والا قیدی پر اس کے کزن کی جانب سے خوشی میں ہوائی فائرنگ کی گئی لیکن اس دوران گولی رہائی پانے والے قیدی کو جالگی جس سے گھر میں خوشی کا سماں ماتم میں بدل گیا۔

الجزیرہ کی رپورٹ کے مطابق 46 سالہ ساری سلیم نامی شخص جب رہا ہو کر گھر پہنچا تو اسے خوش آمدید کہنے کے لیے اس کے گھر کے پاس رشتے دار اور پڑوسی موجود تھے جبکہ اس خوشی کے موقع پر اس کے کزن کی جانب سے ہوائی فائرنگ کی گئی جو غلطی سے رہا ہونے والے شخص کے سر پر لگی اور وہ موقع پر ہی دم توڑ گیا۔

پولیس اور مقتول کے گھر والوں کے مطابق ہوائی فائرنگ کرنے والا احمد سلامہ نامی شخص ہلاک ہونے والے قیدی کا دور کا کزن تھا۔

پولیس کا کہنا ہے کہ ہلاک ہونے والا قیدی منشیات فروش اور بغیر لائسنس اسلحہ رکھنے کے جرم میں پچھلے 8 مہینوں سے جیل میں تھا جسے سزا مکمل ہونے سے دو ہفتے قبل ہی کرونا کی وجہ سے رہا کیا گیا تھا۔

رشتہ داروں کا کہنا ہے کہ ہوائی فائرنگ کرنے والا اردن کی مسلح افواج کا ممبر ہے جبکہ اس سے قبل بھی اس نے ایک شادی کے موقع پر ہوائی فائرنگ کی تھی جس کے نتیجے میں 6 لوگ زخمی ہوگئے تھے۔

کزن کی جان لینے والے شخص کا موقف تھا کہ اس نے فائرنگ کرکے ساری گولیاں ختم کردی تھیں لیکن میگزین میں پھنسی ہوئی آخری گولی کا اسے علم نہیں تھا اور اس سے ہی وہ ہلاک ہوگیا۔

اپریل 18, 2020
عمان: کرونا کے مریض نے خاندان کے 5 افراد میں وائرس منتقل کردیا

مسقط: عمان میں حکومتی احکامات کی خلاف ورزی کرتے ہوئے ایک شخص نے سماجی روابط جاری رکھے جس کے بعد اس نے کرونا وائرس کو خاندان کے مزید 5 افراد میں منتقل کردیا۔

عمان کے وزیر صحت نے عمانی ٹی وی کو انٹرویو دیتے ہوئے بتایا کہ اکثر مقامات پر لوگوں کے درمیان سماجی رابطہ دیکھنے میں آرہا ہے، ان کے مطابق کرونا وائرس کے ایک مشتبہ مریض نے سماجی میل جول کے باعث اپنے خاندان کے 5 افراد میں یہ وائرس منتقل کردیا۔

انہوں نے کہا کہ بظاہر ایسا نہیں لگتا کہ یہ وائرس انسانوں کا پیدا کردہ ہے۔

عمانی وزیر صحت نے بتایا کہ ملک میں کرونا وائرس سے نمٹنے کے لیے کچھ طبی سامان کی کمی ہے تاہم ہم اس پر قابو پانے کی کوشش کر رہے ہیں، ہم قومی فنڈ میں بھی عوام کی طرف سے حصہ ڈالے جانے کے منتظر ہیں۔

خیال رہے کہ سلطنت عمان کے فرمانروا سلطان ہیثم بن طارق آل سعید نے کرونا وائرس سے نمٹنے کی تدابیر کے تحت 376 غیر ملکیوں سمیت 599 قیدیوں کی رہائی کا فرمان جاری کیا ہے۔

عمان میں اب تک کرونا وائرس کے 419 کیسز کی تصدیق ہوچکی ہے جبکہ وائرس سے 2 افراد ہلاک ہوچکے ہیں۔

وزارت صحت کے مطابق سلطنت میں جان لیوا وبا میں مبتلا مزید 34 مریض صحت یاب ہوئے ہیں جس کے بعد صحت یاب ہونے والے افراد کی تعداد 72 ہوگئی ہے۔

اپریل 9, 2020
عمان میں 500 سے زائد قیدیوں کی رہائی کا حکم

مسقط: سلطنت عمان میں 376 غیر ملکی قیدیوں سمیت 599 قیدیوں کی رہائی کا شاہی فرمان جاری کردیا گیا۔

بین الاقوامی ویب سائٹ کے مطابق سلطنت عمان کے فرمانروا سلطان ہیثم بن طارق آل سعید نے 376 غیر ملکیوں سمیت 599 قیدیوں کی رہائی کا فرمان جاری کیا ہے۔

یہ معلوم نہیں ہوسکا کہ سلطان عمان نے قیدیوں کی معافی کا فیصلہ کرونا وائرس کے پھیلاؤ کو روکنے کی تدبیر کے طور پر کیا ہے یا اس کا تعلق رمضان المبارک سے ہے۔

خیال رہے کہ سلطان عمان ہر سال رمضان المبارک کی آمد پر قیدیوں کی رہائی کا فرمان جاری کرتے ہیں، کہا جارہا ہے کہ اس فیصلے کا تعلق رمضان سے نہیں بلکہ کرونا وائرس کو پھیلنے سے روکنے کے متعلق ہے۔

عمان میں چند روز قبل عوامی مقامات پر ڈرون کے ذریعے جراثیم کش اسپرے مہم کا آغاز بھی کیا گیا ہے۔

خیال رہے کہ عمان میں اب تک کرونا وائرس کے 419 کیسز کی تصدیق ہوچکی ہے جبکہ وائرس سے 2 افراد ہلاک ہوچکے ہیں۔

عمان کی وزارت صحت کا کہنا ہے کہ سلطنت میں جان لیوا وبا میں مبتلا مزید 34 مریض صحت یاب ہوئے ہیں جس کے بعد صحت یاب ہونے والے افراد کی تعداد 72 ہوگئی ہے۔

اپریل 9, 2020
عمان میں کرونا وائرس سے پہلی موت

مسقط: سلطنت عمان میں کرونا وائرس کا 72 سالہ مریض زندگی کی بازی ہار گیا، یہ عمان میں کرونا وائرس سے ہونے والی پہلی موت ہے۔

عمان کی وزارت صحت کی جانب سے جاری کردہ بیان میں کہا گیا ہے کہ 72 سالہ کرونا وائرس کا مریض عمان کے اسپتال میں زیر علاج تھا جو منگل کے روز دم توڑ گیا۔

وزارت صحت کے مطابق یہ عمان میں کرونا وائرس سے ہونے والی پہلی موت ہے۔ ملک بھر میں اس وقت 210 افراد میں کرونا وائرس کی تصدیق ہوئی ہے جو مختلف اسپتالوں میں زیر علاج یا قرنطینہ میں ہیں۔

عمان میں ایک روز قبل 90 کے قریب ہوٹلز مالکان نے اپنے ہوٹلز وزارت صحت کے حوالے کیے ہیں تاکہ وہاں قرنطینہ سمیت دیگر طبی سہولیات قائم کی جاسکیں۔

فی الحال ان ہوٹلز کے کمرے اسکالر شپ پر موجود غیر ملکی طلبا کو رہائش کے لیے دیے جارہے ہیں جو ہاسٹلز بند ہوجانے کی وجہ سے مشکلات کا شکار ہیں، طلبا کو ان کمروں میں رہائش دینے کا فیصلہ وزارت سیاحت نے کیا ہے۔

عمان سمیت دنیا بھر میں کرونا وائرس کے متاثرہ افراد کی تعداد 8 لاکھ 58 ہزار سے تجاوز کر چکی ہے جبکہ وائرس سے متاثرہ 42 ہزار مریض جان کی بازی ہار گئے ہیں۔

اپریل 1, 2020