ARYNews.tv | Urdu – Har Lamha Bakhabar

Tag: عمان

ملک عمان، جو خلیج فارس کے جنوب مشرقی ساحل پر واقع ہے، ایک امیر اور ترقی پذیر ملک ہے۔ یہاں تیل اور گیس کے بڑے ذخائر ہیں جن کی وجہ سے اس کی معیشت مضبوط ہے۔ عمان کی آبادی تقریباً 5.5 ملین ہے، جن میں سے تقریباً 40% غیر ملکی مزدور ہیں۔

پاکستان عمان میں سب سے بڑا غیر ملکی مزدور گروہ ہے۔ 2024 کے اندازے کے مطابق، عمان میں تقریباً 1.5 ملین پاکستانی مزدور موجود ہیں۔ یہ مزدور مختلف شعبوں میں کام کرتے ہیں، بشمول تعمیرات، خدمات، مینوفیکچرنگ اور زراعت۔

Oman

  • عمان نے مفت ویزا دینے کا اعلان کردیا

    عمان نے مفت ویزا دینے کا اعلان کردیا

    مسقط: عمان کی جانب سے مفت ویزا دینے کا اعلان کردیا گیا، جس کی مدت 10 دن ہوگی اور اس سے مسافر اور کریو ممبرز دونوں مستفید ہوسکیں گے۔

    ویزا کی مفت سہولت سے سلطنت عمان کا سفر کرنے والے بحری جہازوں کے مسافروں اور عملے کے ارکان کو 10 دن کا مفت وزٹ ویزا دیا جائے گا، یہ فیصلہ عمان میں سیاحت کی صنعت کو فروغ دینے کے لیے کیا گیا ہے تاکہ مزید سیاحوں کو یہاں آنے کے لیے راغب کیا جاسکے۔

    انسپکٹر جنرل آف پولیس اینڈ کسٹمز لیفٹیننٹ جنرل حسن بن محسن الشورائقی نے اس بات کا اعلان کیا، اس سہولت کے تحت غیر ملکیوں کے رہائشی قانون کے ایگزیکٹیو قواعد کی کچھ شقوں میں ترمیم کی گئی۔

    اس فیصلے کے تناظر میں غیر ملکیوں کے رہائش کے قانون کے ایگزیکٹیو قواعد کی کچھ دفعات میں درج ذیل ترامیم کی گئی ہیں:

    بحری جہازوں کے مسافروں اور عملے کے لیے وزٹ ویزا:

    10 دن کا ویزا: سیاحتی مقاصد کے لیے عمان جانے کے خواہشمند مسافروں اور عملے کے لیے سیاحتی جہاز کے ایجنٹ کی درخواست پر مجاز اتھارٹی کی طرف سے دیا جاتا ہے۔ ویزا جاری ہونے کے 30 دنوں کے اندر اندراج مکمل کرنا ضروری ہے۔

    ایک ماہ کا ویزا: سیاحتی مقاصد کے لیے عمان جانے کے خواہشمند مسافروں اور عملے کے لیے سیاحتی جہاز کے ایجنٹ کی درخواست پر مجاز اتھارٹی کی طرف سے دیا جاتا ہے۔ ویزا جاری ہونے کے 30 دنوں کے اندر اندراج مکمل کرنا ضروری ہے۔

  • عمان میں غیر ملکیوں پر بڑی پابندی عائد

    عمان میں غیر ملکیوں پر بڑی پابندی عائد

    مسقط: سلطنت عمان کی وزارت محنت کی جانب سے 13 مخصوص پیشوں میں غیر ملکیوں کے لیے ورک پرمٹ جاری کرنے پر چھ ماہ کی پابندی نافذ کر دی گئی ہے۔ اس فیصلے کا مقصد عمانی شہریوں کے لیے روزگار کے مواقعوں کو فروغ دینا ہے۔

    غیر ملکی ذرائع ابلاغ کے مطابق لیبر قانون کی بنیاد پر، اور وزارتی فیصلہ نمبر (180/2022) کے تحت جاری کردہ تجارتی اجازت ناموں کے لیے وزارت محنت کی طرف سے فراہم کردہ سروس گائیڈ لائنز کی بنیاد پریہ فیصلہ کیا گیا ہے۔

    آرٹیکل 1:

    منسلک ضمیمہ میں درج پیشوں کے لیے پرائیویٹ سیکٹر کے اداروں میں غیر ملکی کارکنوں کی عارضی ملازمت کے لیے تجارتی اجازت نامے کا اجراء چھ ماہ کی مدت کے لیے معطل ہے۔

    آرٹیکل 2:

    آرٹیکل 1 کی دفعات کے باوجود، ضمیمہ میں درج پیشوں میں غیر ملکی کارکنوں کی ملازمت کے لیے اجازت نامے جاری کیے جا سکتے ہیں، بشرطیکہ خدمات کی تجدید یا منتقلی کی درخواست سلطنت عمان کے اندر سے پیش کی گئی ہو۔

    آرٹیکل 3:

    یہ فیصلہ یکم ستمبر 2024 سے نافذ العمل ہوگا، اور متعلقہ حکام اس کی دفعات کو نافذ کرنے کے ذمہ دار ہیں۔

    سعودی ولی عہد نے اپنے قتل کا خدشہ ظاہر کر دیا

    یہ فیصلہ بنیادی طور پر تعمیرات، خدمات اور تجارتی شعبوں میں اپنے کردار کا احاطہ کرتا ہے، بشمول:

    تعمیراتی کارکن (مستری، مزدور)، صفائی کرنے والے، لوڈرز، برکلیئرز، اسٹیل فکسرز، درزی (خواتین کا لباس)، درزی (مردوں کا لباس/جنرل)، الیکٹریشنز/ جنرل الیکٹریکل انسٹالیشنز، ویٹرس، پینٹرز، باورچی، الیکٹریشن اور حجام۔

  • مسقط میں مسجد امام علی پر فائرنگ، داعش نے ذمے داری قبول کر لی

    مسقط میں مسجد امام علی پر فائرنگ، داعش نے ذمے داری قبول کر لی

    مسقط: داعش نے عمان کے دارالحکومت مسقط میں وادی کبیر کے علاقے میں مسجد پر حملے کی ذمہ داری قبول کر لی۔

    تفصیلات کے مطابق بین الاقوامی دہشت گرد تنظیم داعش نے خلیجی ریاست عمان میں پیر کو وادی کبیر میں مسجد امام علی پر حملے کی ذمے داری قبول کر لی ہے، واقعے میں کم از کم 6 افراد جاں بحق اور 30 ​سے زائد پاکستانی ​زخمی ہوئے تھے، جب کہ 3 حملہ آور بھی مارے گئے۔

    اس افسوس ناک واقعے میں جاں بحق افراد میں 4 پاکستانی، ایک بھارتی اور ایک مقامی شخص شامل تھے، جب کہ زخمی پاکستانی مختلف اسپتالوں میں زیر علاج ہیں۔

    عمان میں مسجد کے قریب فائرنگ، 4 پاکستانیوں سمیت 6 افراد جاں بحق

    عرب میڈیا کا کہنا ہے کہ حملہ آوروں کا ہدف اہل تشیع کا اجتماع تھا، داعش نے حملے کی ذمہ داری قبول کرتے ہوئے کہا کہ اس کے تین خود کش حملہ آوروں نے پیر کی شام مسجد میں نمازیوں پر فائرنگ کی اور صبح تک عمانی سیکیورٹی فورسز کے ساتھ فائرنگ کا تبادلہ کیا۔ اس گروپ نے اپنی ٹیلیگرام سائٹ پر حملے کی ویڈیو بھی جاری کی۔

    دفتر خارجہ کے مطابق پاکستانی سفارت خانے کا عملہ اپنے شہریوں کی لاشوں کی شناخت اور ان کی وطن واپسی کے لیے مقامی حکام سے رابطے میں ہے، وزیر اعظم شہباز شریف نے عُمانی حکام کو اس گھناؤنے جرم کی تحقیقات اور ذمے داروں کو انصاف کے کٹہرے میں لانے میں ہر ممکن مدد کی پیش کش کی ہے۔ خیال رہے کہ عُمان میں 4 لاکھ پاکستانی شہری مقیم ہیں۔

  • عمان : ای پیمنٹ سہولت فراہم نہ کرنیوالے دکانداروں کیخلاف کارروائی

    عمان : ای پیمنٹ سہولت فراہم نہ کرنیوالے دکانداروں کیخلاف کارروائی

    مسقط : عمان میں ڈیجیٹل طریقے (ای پیمنٹ) کے ذریعے لین دین کی خدمات فراہم نہ کرنے والے دکانداروں کو نوٹس جاری کردیے گئے۔

    عمان کی تجارت، صنعت اور سرمایہ کاری کے فروغ کی وزارت (MoCIIP) نے سلطنت میں متعدد تجارتی اسٹورز پر معائنہ مہم جاری رکھی ہوئی ہے۔

    غیر ملکی خبر رساں ادارے کی رپورٹ کے مطابق عمان کی وزارت تجارت کے عملے کی جانب سے ای پیمنٹ سے متعلق حکومتی ہدایات کی خلاف ورزیوں کے مرتکب 18دکان داروں کو نوٹس جاری کیے گئے ہیں کیونکہ وہ اپنے صارفین کو ای پیمنٹ خدمات فراہم نہیں کر رہے تھے۔

    واضح رہے کہ عمان میں حکومت نے تمام تجارتی اداروں کے لئے ای پیمنٹ کی سہولت فراہم کرنا ضروری قرار دیا ہے تاکہ خریداروں کو بہتر خدمات کی فراہمی اور ملکی معیشت میں ڈیجیٹل لین دین کو فروغ دیا جاسکے۔

    مختلف دکانوں کے معائنے کے دوران 18 دکانیں ایسی پائی گئیں جو اپنے گاہکوں کو ای پیمنٹ کی سہولت فراہم نہیں کر رہی تھیں جن کیخلاف فوری کارروائی کی گئی۔

  • آسٹریلیا کا ٹی 20 ورلڈکپ میں فاتحانہ آغاز، عمان کو 39 رنز سے شکست

    آسٹریلیا کا ٹی 20 ورلڈکپ میں فاتحانہ آغاز، عمان کو 39 رنز سے شکست

    آسٹریلیا نے ٹی 20 ورلڈکپ میں فاتحانہ آغاز کرتے ہوئے دسویں میچ میں عمان کو 39 رنز سے شکست دیدی۔

    ٹی ٹوئنٹی ورلڈ کپ کے دسویں میچ میں عمان نے آسٹریلیا کے خلاف ٹاس جیت کر پہلے فیلڈنگ کا فیصلہ کیا۔

    دونوں ٹیموں نے بین الاقوامی کرکٹ میں پہلی مرتبہ ایک دوسرے کا سامنا کیا، ٹی ٹوئنٹی ورلڈ کپ کے گروپ بی کی دونوں ٹیمیں بارباڈوس کے شہر برج ٹاؤن میں آمنے سامنے تھیں۔

    آسٹریلیا نے عمان کے خلاف پہلے بلے بازی کرتے ہوئے مقررہ 20 اوورز میں 5 وکٹوں کے نقصان پر 164 رنز بنائے۔

    آسٹریلیا کی جانب سے مارکس اسٹونیس نے 66 اور ڈیوڈ وارنر نے 56 رنز کی نمایاں اننگز کھیلی، عمان کی جانب سے مہران خان نے 2 جبکہ بلال خان اور کلیم اللّٰہ نے ایک ایک کھلاڑی کو پویلین کی راہ دکھائی۔

    آسٹریلیا کے 164 رنز کے جواب میں عمان کی ٹیم 125 رنز بناسکی، آیان خان 36 اور مہران خان 27 رنز بنا کر نمایاں رہے۔

    ٹورمامنٹ جیتنے آئے ہیں،کوشش ہوگی ہر میچ جیتیں، محمد عامر

    واضح رہے کہ آج ہونے والے تیسرے میچ میں پاکستان ٹیم امریکا کے خلاف ورلڈ کپ میں اپنی مہم کا آغاز کرے گی، میچ پاکستانی وقت کے مطابق رات ساڑھے 8 بجے شروع ہوگا۔

  • ٹی ٹوئنٹی ورلڈکپ، آسٹریلیا کا عمان کو جیت کیلئے 165 رنز کا ہدف

    ٹی ٹوئنٹی ورلڈکپ، آسٹریلیا کا عمان کو جیت کیلئے 165 رنز کا ہدف

    آسٹریلیا نے ٹی ٹوئنٹی ورلڈ کپ 2024 کے دسویں میچ میں عمان کے خلاف پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 164 رنز بنائے۔

    آسٹریلیا کی جانب سے مارکس اسٹونیس نے 66 اور ڈیوڈ وارنر نے 56 رنز کی نمایاں اننگز کھیلی، عمان کی جانب سے مہران خان نے 2 جبکہ بلال خان اور کلیم اللّٰہ نے ایک ایک کھلاڑی کو پویلین کی راہ دکھائی۔

    اس سے قبل عمان نے آسٹریلیا کے خلاف ٹی ٹوئنٹی ورلڈ کپ کے دسویں میچ میں ٹاس جیت کر پہلے فیلڈنگ کا فیصلہ کیا ہے۔

    ورلڈ کپ کے گروپ بی کی دونوں ٹیمیں بارباڈوس کے شہر برج ٹاؤن میں کنسنگٹن اوول اسٹیڈیم میں زور آزمائی میں مصروف ہیں۔

    واضح رہے کہ آج آئی سی سی ٹی ٹوئنٹی ورلڈ کپ کے تین میچز کھیلے جا رہے ہیں، پہلا میچ یوگنڈا نے پاپوا نیوگینی کو 3وکٹوں سے شکست دیدی ہے۔

    ٹی ٹوئنٹی ورلڈکپ، یوگنڈا نے پاپوا نیو گنی کو 3 وکٹوں سے ہرا دیا

    تیسرے میچ میں پاکستان ٹیم امریکا کے خلاف ورلڈ کپ میں اپنی مہم کا آغاز کرے گی، میچ پاکستانی وقت کے مطابق رات ساڑھے 8 بجے شروع ہوگا۔

  • ٹی 20 ورلڈ کپ، عمان کا نمیبیا کو جیت کیلئے 110 رنز کا ہدف

    ٹی 20 ورلڈ کپ، عمان کا نمیبیا کو جیت کیلئے 110 رنز کا ہدف

    برج ٹاؤن: آئی سی سی ٹی 20 ورلڈ کپ 2024 کے تیسرے میچ میں عمان کی ٹیم پہلے بیٹنگ کرتے ہوئے 109 رنز بناکر پویلین لوٹ گئی۔

    نمیبیا نے ٹاس جیت کر فیلڈنگ کا فیصلہ کیا، گروپ بی میں شامل دونوں ٹیمیں برج ٹاؤن میں ایک دوسرے کے مد مقام ہیں۔

    نمیبیا کے بالرز کے سامنے عمان کے بیٹرز لڑکھڑا گئے اور پوری ٹیم 19.4 اوورز میں 109 رنز پر پویلین لوٹ گئی۔

    عمان کو پہلے ہی اوور میں بڑا نقصان اٹھانا پڑا، نمیبیا کے ٹرمپلن نے عمدہ بالنگ کرتے ہوئے میچ کی پہلی گیند پر اوپننگ بیٹر کیشپ پرجاپتی اور دوسری گیند پر کپتان عاقب الیاس کی وکٹ حاصل کرلی۔

    عمان کی جانب سے ذیشان مقصود 22، آیان خان 15 اور شکیل احمد 11 رنز بناکر آؤٹ ہوئے جبکہ خالد کائل 34 رنز بناکر نمایاں رہے۔

    نمیبیا کے روبن ٹرمپلن نے 4، ڈیوڈ ویزے3، گرہارڈ ایراسمس نے 2 اور برنارڈ شولز نے ایک کھلاڑی کو پویلین کی راہ دکھائی۔

    بہترین اوپنرز کون؟ عمران اور احمدشہزاد نے نام بتا دیے

    گزشتہ روز ورلڈکپ کے پہلے میچ میں امریکا نے کینیڈا اور دوسرے میچ میں ویسٹ انڈیز نے پاپوا نیو گنی کو 5 وکٹوں سے شکست دی تھی۔

  • سلام ایئرلائن کا اہم اعلان

    سلام ایئرلائن کا اہم اعلان

    سلام ایئر جو کہ عمان کی تیزی سے ترقی کرتی ہوئی ایئرلائن ہے اس نے اپنے نئے روٹ کے حوالے سے اعلان کیا ہے۔

    ایئرلائن کی جانب سے اپنے ایک بیان میں کہا گیا ہے کہا کہ وہ دہلی، انڈیا سے اپنے نئے روٹ کا آغاز کرنے کے لیے پرجوش ہے۔ 2 جولائی 2024 سے، سلام ایئر بھارت سے ہفتے میں دو بار منگل اور جمعرات کو اپنی پروازیں آپریٹ کریگا۔

    سلام ایئر چوںکہ سستی اور آسان سفری سہولیات کی مانگ کو پورا کرنے اور اپنے نیٹ ورک کو بڑھانے کے لیے کوشاں ہے اس لیے دہلی سے مسقط کے لیے پروازیں متعارف کروانے کا فیصلہ کیا ہے۔

    قائم مقام سی ای او کیپٹن احمد الشیدانی کا کہنا تھا کہ ہم بھارت میں اپنے بڑھتے ہوئے سفری روٹ کی فہرست میں دہلی کو شامل کرنے پر کافی خوش ہیں۔

    انھوں نے کہا کہ دہلی عظیم تاریخی اور اقتصادی اہمیت کا حامل شہر ہے اور یہ ہمارے نیٹ ورک میں ایک مثالی اضافہ ہے۔ ہم اپنے مسافروں کو اس شہر کی سیر کرنے کے مواقع فراہم کرنے کے منتظر ہیں۔

    ہم مسافروں کو اعلیٰ درجے کی سہولیات فراہم کرنے کے لیے پُرعزم ہیں جبکہ مسابقتی قیمتوں پر انھیں معیاری سفر کا تجربہ فراہم کیا جائے گا۔

  • یو اے ای میں طوفانی بارش سے نظام زندگی ٹھپ، عمان میں 17 افراد جاں بحق

    یو اے ای میں طوفانی بارش سے نظام زندگی ٹھپ، عمان میں 17 افراد جاں بحق

    دبئی: متحدہ عرب امارات میں طوفانی بارش سے نظام زندگی ٹھپ ہو گیا ہے، سلطنتِ عمان میں مختلف حادثات میں 17 افراد جاں بحق ہو گئے۔

    عرب میڈیا رپورٹس کے مطابق دبئی اور ابوظبی سمیت متحدہ عرب امارات کی مختلف ریاستوں میں گرج چمک کے ساتھ طوفانی بارش سے نظام زندگی ٹھپ ہو گیا، 70 کلومیٹر فی گھنٹہ کی رفتار سے چلنے والی ہواؤں کے ساتھ گرج چمک، بارش اور ژالہ باری سے جل تھل ایک ہو گیا ہے۔

    ہر سو سیلابی صورت حال کے سبب پانی جمع ہو نے سے ٹریفک کی روانی متاثر رہی، مزید تیز بارشوں کی پیش گوئی کے سبب تعلیمی ادارے بند کر دیے گئے، دفاتر کو بھی ورک فرام ہوم کی ہدایات جاری کر دی گئیں۔

    سلطنتِ عمان میں موسلادھار بارشوں کے بعد مختلف حادثات میں 17 افراد جاں بحق ہو گئے، بارش کا پانی رہائشی علاقوں میں جمع ہو گیا، گلیاں اور سڑکیں پانی میں ڈوب گئیں، سیلاب کاروں، درختوں اور راستے میں موجود ہر چیز کو بہا لے گیا۔

    بحرین میں بھی تیز ہواؤں کے ساتھ موسلادھار بارش سے جل تھل ایک ہو گیا، منامہ کی سڑکیں تالاب کا منظر پیش کرنے لگیں، محکمہ موسمیات نے آج بھی تیز بارش کی پیشگوئی کی ہے، حکام نے سیلابی صورت حال کے پیش نظر سیاحوں کو ہوٹلوں میں مقیم رہنے کی ہدایت کی ہے۔

    دوسری جانب افغانستان میں بھی بارشوں نے تباہی مچا دی، 33 افراد جاں بحق اور 27 زخمی ہو گئے، ننگرہار میں بارشوں سے سیلابی پانی سے فصلیں تباہ اور مواصلاتی نظام درہم برہم ہو گیا۔

  • عمان: حجاج کرام کے لئے ضروری ہدایت جاری

    عمان: حجاج کرام کے لئے ضروری ہدایت جاری

    عمان کی وزارت صحت (MoH) کا کہنا ہے کہ اس سال حج پر جانے والے تمام شہریوں اور رہائشیوں کو ضروری ویکسین حاصل کرنے کے لیے اپنے متعلقہ گورنریٹ میں نامزد صحت اداروں میں جانا ہوگا۔

    غیر ملکی ذرائع ابلاغ کے مطابق MoH کی جانب سے وضاحت کی گئی کہ حجاج کو میننگو کوکل میننجائٹس (ACYW135) کے خلاف چوکور ٹیکے لگوانے کی ضرورت ہے۔

    وزارت صحت کے مطابق اس کی ایک خوراک پانچ سال کی مدت کے لیے تحفظ فراہم کرتی ہے، اور موسمی فلو ویکسین، جو مدافعت فراہم کرتی ہے اور ممکنہ پیچیدگیوں سے تحفظ فراہم کرتی ہے۔

    عمان کی وزارت صحت نے تمام شہریوں، رہائشیوں اور حجام کرام جو اس سال حج کا ارادہ رکھتے ہیں، انہیں تاکید کی گئی ہے کہ سفر کرنے سے تقریباً 10دن پہلے یہ ویکسین ضرور لگوائیں۔

    شاہی مہمانوں کا چوتھا گروپ عمرہ ادا کرنے کیلئے مدینہ پہنچ گیا

    وزارت اوقاف اور مذہبی امور کی جانب سے اعلان سامنے آیا ہے کہ اس سال 33,536 افراد بشمول 3,606 غیر ملکیوں نے حج کے لیے آن لائن رجسٹریشن کرائی ہے۔ جو حج کی سعادف حاصل کریں گے۔