Tag: عمان

مسقط: سلطنت عمان نے غیر ملکی اساتذہ کی تعداد کم کرنے کا فیصلہ کر لیا ہے۔

تفصیلات کے مطابق عمان نے غیر ملکی اساتذہ کی جگہ مقامی شہری بھرتی کرنے کا فیصلہ کیا ہے، وزارت برائے افرادی قوت نے عمان میں ملازمت کے تقریباً ایک ہزار مواقع فراہم کر دیے۔

وزارت برائے افرادی قوت کے ایک آن لائن جاری کردہ بیان میں کہا گیا ہے کہ وزارت برائے افرادی قوت، وزارت تعلیم کے تعاون سے مختلف شعبوں میں 997 تدریسی ملازمتوں کے موقع فراہم کر رہی ہے۔

ان مواقع میں 68 عربی زبان کے اساتذہ، 203 ریاضی کے اساتذہ، 26 کیمسٹری اساتذہ، 34 طبیعیات کے اساتذہ، 67 حیاتیات کے اساتذہ، 107 موسیقی کے ماہر اساتذہ اور 492 فرسٹ فیلڈ اساتذہ کی سیٹیں شامل ہیں۔

وزارت برائے افرادی قوت کے مطابق یہ ملازمتیں عمانی شہریوں کے لیے فراہم کی جا رہی ہیں، وزارت کے منصوبے کے تحت عمانی اساتذہ کو غیر ملکی اساتذہ کی جگہ بھرتی کیا جائے گا۔

واضح رہے کہ کرونا وبا کے پیش نظر تمام خلیجی ممالک نے سرکاری، نیم سرکاری اور نجی شعبوں میں غیر ملکیوں کی جگہ اپنے شہریوں کو کھپانے کو ترجیح دی ہے۔

خلیجی ممالک کی اس نئی پالیسی کی وجہ سے ان ممالک میں مقیم ہزاروں غیر ملکی اب تک اپنی نوکریوں سے ہاتھ دھو چکے ہیں، خدشہ ہے مزید غیر ملکی خلیجی ممالک میں نوکریوں سے محروم ہوں گے۔

مسقط: سلطنت عمان میں جزوی لاک ڈاؤن ہفتے سے ختم کر دیا گیا۔

تفصیلات کے مطابق سلطنت عمان نے کاروباری سرگرمیوں، افراد اور گاڑیوں کی نقل و حرکت پر پابندی اٹھانے کا فیصلہ کر لیا ہے جس پر عمل درآمد ہفتے سے ہوگا۔

عمان میں انسداد کرونا وبا سے متعلق اعلیٰ کمیٹی کا کہنا ہے تمام سرکاری اور نجی اداروں کو بھی یکم ستمبر سے معمول کے مطابق کام کرنے کی اجازت دے دی گئی ہے۔

عمانی ٹی وی کے مطابق تجارتی مراکز، ریستوران، ثقافتی و تجارتی سرگرمیوں والے ادارے، اجتماعی پروگرامز اور کھیلوں پر سے بھی پابندی اٹھانے کا فیصلہ کیا گیا ہے۔

عمان نے جزوی میں لاک ڈاؤن میں تاحکم ثانی توسیع کردی

اعلیٰ کمیٹی نے نئے تعلیمی سال کی آمد پر سلطنت عمان میں اسکول مقررہ طریقہ کار کے مطابق کھولنے کا فیصلہ بھی کیا ہے، وزارت تعلیم و تربیت جلد ہی اس حوالے سے اسکول کھولنے کی حکمت عملی جاری کرے گی۔

سلطنت عمان نے کرونا پابندیاں اٹھانے کے ساتھ یہ تاکید بھی کی ہے کہ کرونا ایس او پیز کی پابندی برقرار رہے گی، اس حوالے سے مقامی شہری اور مقیم غیر ملکی غفلت نہ برتیں۔

مسقط: سلطنت عمان میں 32 ہزار شہریوں کو روزگار فراہم کیا جائے گا۔

تفصیلات کے مطابق سلطنت عمان کے فرماں روا سلطان ہیثم بن طارق نے رواں برس 32 ہزار سے زیادہ شہریوں کو روزگار فراہم کرنے کی ہدایت جاری کر دی ہے۔

فرماں رواں کی جانب سے روزگار کی فراہمی کے سلسلے میں متعلقہ اداروں کو حکم جاری کیا گیا ہے کہ وہ فوری طور پر روزگار اسکیمیں عمل میں لائیں، جس کے بعد مقامی نوجوانوں کو روزگار دلانے کے حوالے سے قومی پروگرام میں تیزی لائی جا رہی ہے۔

ایوان سلطانی سے جاری بیان میں کہا گیا کہ نوجوان کسی بھی قوم کا اَن مول سرمایہ ہیں، انھیں روزگار فراہم کرنا اہم ترین قومی ترجیحات میں سے ایک ہے، اس لیے سلطان ہیثم نے مقامی نوجوانوں کو سرکاری اور نجی اداروں میں ترجیحی بنیادوں پر روزگار فراہم کرنے کرنے کے لیے کہا ہے۔

#عاجل

جلالة السلطان المعظم – حفظه الله ورعاه – يسدي توجيهاته الكريمة للجهات المعنيّة بسرعة تنفيذ المبادرات التشغيليّة بتوظيف ما يزيد عن (32) إثنين وثلاثين ألف فرصة عمل خلال هذا العام. pic.twitter.com/CAYXSEN4lI

— وكالة الأنباء العمانية (@OmanNewsAgency) May 25, 2021

سلطان ہیثم کی ہدایت کے مطابق 12 ہزار نوجوانوں کی تقرری سرکاری سول اور عسکری اداروں میں ہوگی۔

ایوان سلطانی کی جانب سے نجی کاروبار کرنے والوں کی سرپرستی کی ہدایت بھی کی گئی ہے۔ ہدایات پر عمان کی حکومت نے روزگار پروگرام پر عمل درآمد کے تمام طریقوں کا جائزہ لینا شروع کر دیا ہے، اور متعدد اقدامات بھی اٹھائے گئے ہیں۔

واضح رہے کہ کرونا وبا کی وجہ سے عمان کی لیبر مارکیٹ سے نوجوان بھی متاثر ہوئے، جن کی بحالی کے لیے مختلف سرکاری محکموں میں جز وقتی روزگار کے مواقع بھی دیے جائیں گے۔

مسقط: سلطنت عمان نے سرکاری اور نجی شعبوں میں متعدد اسامیاں مقامی شہریوں کے لیے مخصوص کرنے کا اعلان کیا ہے۔

عمانی میڈیا رپورٹ کے مطابق سلطنت عمان نے سرکاری اور نجی شعبوں میں متعدد پیشے مقامی شہریوں کے لیے مخصوص کرنے کا پروگرام بنایا ہے۔

عمانی وزارت محنت بدھ کو پریس کانفرنس میں مقامی شہریوں کو آگاہ کرے گی کہ وہ کن سرکاری محکموں، اداروں، وزارتوں اور نجی کمپنیوں و اداروں میں کن ملازمتوں کے لیے درخواستیں دے سکتے ہیں۔

حکومت نے سرکاری اور نجی دونوں اداروں میں بیشتر اسامیاں مقامی شہریوں کے لیے مخصوص کرنے کا فیصلہ کیا ہے۔

وزارت محنت مقامی لیبر مارکیٹ کے بگڑے ہوئے توازن کو ٹھیک کرنے اور مقامی شہریوں کے لیے روزگار کے زیادہ سے زیادہ مواقع مہیا کرنے کے لیے کئی نئی اسکیموں کا اعلان کرے گی۔

عمانی وزارت محنت کا کہنا ہے کہ پریس کانفرنس کے دوران یہ بھی بتایا جائے گا کہ سنہ 2020 میں حکومت نے مقامی شہریوں کو روزگار فراہم کرنے کے حوالے سے کیا اقدامات کیے تھے اور کس حد تک کامیابی حاصل کی جاسکی ہے۔

مسقط: عمان میں ملازمین کے سر پر لٹکتی تلوار ہٹ گئی، وزارت محنت نے انھیں نوکریوں سے فارغ نہ کرنے کا فیصلہ کر لیا ہے۔

ٹائمز آف عمان کے مطابق وزارت محنت نے یقین دلایا ہے کہ ایک ہزار سے زیادہ عمانی کارکنان کام جاری رکھیں گے، انھیں ملازمت سے برطرف نہیں کیا جائے گا۔

وزارت محنت نے آن لائن جاری کر دہ اپنے بیان میں کہا ہے کہ قومی افرادی قوت کی ملازمتوں سے برطرفی کے لیے مسقط ورک ٹیم کی جانب سے پیش کردہ شرائط حل کرنے والی کمیٹی نے یقین دلایا ہے کہ ملازمین اپنا کام جاری رکھیں گے۔

بیان کے مطابق یہ ورک فورس 10 اداروں سے وابستہ ہے اور ان کی تعداد 1 ہزار 315 ہے، ان میں سے بیش تر ملازمین تیل اور گیس کے سیکٹر میں کام کر رہے ہیں۔

بیان میں کہا گیا ہے کہ اس کے لیے ملازمین کو ادارے کے پروجیکٹس یا اس کے دیگر شاخوں میں کھپایا گیا، یا ان کی تنخواہوں میں کمی کی گئی تاہم اس حد تک کہ کم سے کم اجرت سے تجاوز نہ ہو، اور اس کے بدلے کام کے وقت میں کمی کی گئی۔

یہ بھی بتایا گیا کہ مزید تحقیق اور سلوشنز کے لیے کچھ امور پر فیصلوں کو ملتوی کر دیا گیا ہے۔