مسقط: سلطنت عمان میں سمندری طوفان شاہین نے تباہی مچا دی ہے، بارشوں کی وجہ سے حادثات میں 11 افراد جاں بحق ہو گئے۔
تفصیلات کے مطابق عمان میں بارشیں، سیلابی صورت حال، لینڈ سلائیڈنگ اور دیگر حادثات میں اب تک گیارہ افراد جاں بحق ہو چکے ہیں، سلطنت میں ٹریفک کا نظام درہم برہم ہو گیا ہے۔
طوفانی ہواؤں اور خراب موسم کے باعث فلائٹ آپریشن بھی معطل کر دیا گیا، وزارت تعلیم نے پیر کو عام تعطیل کا اعلان کر کے اسکولوں کو تین دن کے لیے بند کر دیا ہے۔
Scenes of the great destruction caused by Cyclone Shaheen in parts of the Sultanate of Oman. The Cyclone left a trail of destruction along its path damaging infrastructure and properties#shaheencyclone pic.twitter.com/S7vtZMM39h
— Gulf Today (@gulftoday) October 4, 2021
یو اے ای میں بھی طوفان شاہین سے نمٹنے کی تیاریاں کی جا رہی ہیں، حکام نے الرٹ جاری کر دیا۔
دوسری طرف سلطنت عمان نے کہا ہے کہ سمندری طوفان شاہین کا خطرہ ٹل چکا ہے، تاہم متعدد افراد لا پتا ہیں، محکمہ موسمیات کا کہنا تھا کہ الرسیل علاقے میں لینڈ سلائیڈنگ کے باعث پہاڑ کا ملبہ لیبر کیمپ پر گرا، جس کے باعث دو افراد موقع پر جاں بحق ہوئے۔
عمانی محکمہ موسمیات کا کہنا ہے کہ طوفان کی خطرناکی ٹل چکی ہے تاہم مابعد اثرات کے طور پر متعدد علاقوں میں تیز بارش کا سلسلہ جاری رہے گا۔
