Tag: Oman

مسقط: کیا عمان میں ایک اور لاک ڈاؤن ہونے جا رہا ہے؟ اس سلسلے میں عمان کے وزیر صحت کا اہم بیان جاری ہو گیا ہے۔

غیر ملکی میڈیا کے مطابق عمان کے وزیر صحت نے جمعرات کو ایک بیان میں کہا ہے کہ مکمل لاک ڈاؤن کے نفاذ سے ملک میں شدید اقتصادی اثر پڑے گا۔

میڈیا سے گفتگو کرتے ہوئے ڈاکٹر احمد السعیدی نے کہا ’مکمل لاک ڈاؤن سے معیشت بری طرح متاثر ہوگی، جب کہ سلطان کی ہدایات ہیں کہ ہر شخص کی زندگی محفوظ بنائی جائے، اس بات سے بالکل قطع نظر کہ دیگر قربانیاں دی جائیں۔‘

واضح رہے کہ عمان میں کرونا وائرس کیسز کو کم کرنے کے لیے سپریم کمیٹی نے 11 اکتوبر سے 24 اکتوبر تک رات کو ہر قسم کی نقل و حرکت پر پابندی عائد کر دی ہے۔

عمانی حکومت نے بڑا ریلیف دے دیا

اس پابندی کے تحت رات 8 بجے سے صبح 5 بجے تک شہریوں کے گھروں سے غیر ضروری طور پر نکلنے پر پابندی ہوگی اور ان کی آمد و رفت کو بھی ممنوع قرار دیا گیا ہے۔

بس اور فیری سروس کے اوقاتِ کار بھی تبدیل کر دیے گئے ہیں، مسقط میں بسیں شام 6 بجے تک آپریٹ ہوں گی جب کہ فیریز 6 بجے تک اپنے مقررہ منازل تک پہنچیں گی۔

مسقط: متحدہ عرب امارات اور بحرین کے بعد عمان نے بھی پانچ فی صد ویلیو ایڈڈ ٹیکس عائد کر دیا۔

تفصیلات کے مطابق سلطنت عمان میں چھ ماہ کے اندر پانچ فی صد ویلیو ایڈڈ ٹیکس عائد کرنے کا اعلان کر دیا گیا۔

اس سلسلے میں عمان کے سلطان کی جانب سے ایک حکم نامہ جاری کیا گیا ہے جس میں کہا گیا ہے کہ چھ ماہ کے اندر ویلیو ایڈڈ ٹیکس کے نفاذ کا عمل شروع کیا جائے۔

حکام کے حوالے سے عرب میڈیا کا کہنا ہے کہ ویلیو ایڈڈ ٹیکس کا قانون زیادہ تر اشیا اور خدمات پر نافذ کیا جائے گا تاہم کچھ پر استثنٰی بھی ہے، اس کے لیے فوجداری قانون کی کچھ دفعات میں ترمیم کی گئی ہے جب کہ ایک نیا قانون بھی جاری کیا گیا ہے۔

عمان کی حکومت نے کہا ہے کہ ویلیو ایڈڈ ٹیکس کے نفاذ سے روزمرہ کے اخراجات پر زیادہ اثر نہیں پڑے گا۔ اس کے تحت تمباکو اور اس کی مصنوعات پر سو فی صد ٹیکس لاگو کیا جائے گا جب کہ سوفٹ ڈرنکس پر ان کی قیمت خرید کی بنیاد پر پچاس فی صد ٹیکس لگے گا۔

خیال رہے کہ سطلنت عمان نے 2018 میں پانچ فی صد ویلیو ایڈڈ ٹیکس لگانے کا ارادہ کیا تھا تاہم پھر اسے 2020 تک کے لیے مؤخرکر دیا گیا تھا، یہ ٹیکس قانون خلیجی تعاون کونسل (جی سی سی) کے رکن ممالک کے درمیان وسیع تر معاہدے کا حصہ ہے۔

اس سے قبل متحدہ عرب امارات اور بحرین پہلے ہی پانچ فی صد ویلیو ایڈڈ ٹیکس کا قانون نافذ کر چکے ہیں۔

مسقط: سلطنت عمان میں سیاحتی مقامات پر کچرا پھینکنے کا انجام بہت برا بھی ہو سکتا ہے۔

تفصیلات کے مطابق عمان میں انوائرنمنٹ اتھارٹی نے ایسے چند سیاحوں کو گرفتار کر لیا ہے جنھوں نے جزائر دیمانیات میں کچرا پھینک کر چھوڑ دیا تھا۔

ماحولیاتی حکام کی جانب سے آن لائن جاری ہونے والے ایک بیان میں کہا گیا ہے کہ سیاحوں کے ایک گروپ نے جزائر دیمانیات میں غیر قانونی طور پر کیمپنگ کی اور کچرا چھوڑا، جس پر انھیں گرفتار کرنا پڑا۔

بیان میں کہا گیا کہ ’نقصان پہنچانے والوں کے ہاتھوں سے ماحولیات اور فطری مظاہر کے تحفظ کے لیے اتھارٹی کی طرف سے مسلسل کوششیں جاری ہیں، انھی کوششوں کے تحت البطینہ میں ماحولیات کے محکمے نے چند سیاحوں کو گرفتار کر لیا ہے جنھوں نے جزائر دیمانیات کے نیچر ریزرو میں بغیر اجازت کے کیمپنگ کی تھی۔‘

بیان میں یہ بھی کہا گیا کہ قانون کی خلاف ورزی کرنے والوں نے سائٹ پر کچرا بھی چھوڑا، جسے اٹھانے اور ٹھکانے لگانے کے لیے ماہرین کی ضرورت پڑتی ہے، تاکہ سیاحتی مقام کو صاف رکھا جا سکے۔

بیان میں مزید کہا گیا کہ ’ہم سب سے یہ مطالبہ کرتے ہیں کہ وہ جزائر دیمانیات کے سیاحتی مقام کے حوالے سے جاری کردہ قواعد و ضوابط پر عمل کریں اور یہاں کی فطرت کے حسن سے لطف اندوز ہونے کے لیے ریزرو کے وزٹ کے دوران ان کی پابندی کریں۔‘