Tag: Oman

مسقط: سلطنت عمان نے کرونا وائرس کی وبا کے خلاف جنگ میں ایک نئی حکمت عملی اختیار کر لی ہے۔

غیر ملکی میڈیا کے مطابق سلطنت میں کرونا وائرس کے خاتمے کے سلسلے میں عمان نے ایک نیا پلیٹ فارم متعارف کرا دیا ہے۔

اس نئے پلیٹ فارم کو ‘عمان بحالی کی سمت’ کا نام دیا گیا ہے، جس سے مملکت میں کو وِڈ 19 سے بحالی کے ہدف کے حصول کے لیے کی جانے والی تمام کوششوں کی عکاسی ہوتی ہے۔

ایک بیان میں بتایا گیا کہ اب تک عمان میں کرونا وائرس کی وبا کے خاتمے کے لیے جتنی کوششیں بروئے کار لائی گئی ہیں، ان کی عکاسی کے لیے ‘عمان بحالی کی سمت’ نامی پلیٹ فارم متعارف کرایا گیا ہے۔

گورنمنٹ کمیونی کیشن سینٹر عمان کی جانب سے جاری آن لائن بیان میں کہا گیا کہ یہ پلیٹ فارم سلطان ہیثم بن طارق کی ہدایات کی روشنی میں متعارف کرایا گیا ہے، جس سے موجودہ حالات میں بقائے باہمی کی اہمیت کا اندازہ ہوتا ہے، اور بحالی کے ہدف تک پہنچنے کے لیے عزم کے ایک نئے مرحلے میں داخل ہونے کا اشارہ ملتا ہے۔

سلطنت عمان میں لاک ڈاؤن ختم کرنے کا اعلان

بیان میں یہ بھی کہا گیا کہ عمان بحالی کی سمت کا یہ پلیٹ فارم ہفتے کو لانچ کیا گیا ہے جو ہدف کے حصول کی کوششوں کا ایک عکس ہے۔

واضح رہے کہ عمان میں کرونا وائرس کے اب تک 24,524 کیسز سامنے آ چکے ہیں، جن میں 108 مریض جاں بحق جب کہ 9,533 مریض صحت یاب ہوئے۔ عمان میں زیر علاج مریضوں کی تعداد 14,883 ہے، جب کہ مملکت میں اب تک 1 لاکھ 43 ہزار کرونا ٹیسٹ کیے جا چکے ہیں۔

مسقط: عمان میں حکومتی احکامات کی خلاف ورزی کرتے ہوئے ایک شخص نے سماجی روابط جاری رکھے جس کے بعد اس نے کرونا وائرس کو خاندان کے مزید 5 افراد میں منتقل کردیا۔

عمان کے وزیر صحت نے عمانی ٹی وی کو انٹرویو دیتے ہوئے بتایا کہ اکثر مقامات پر لوگوں کے درمیان سماجی رابطہ دیکھنے میں آرہا ہے، ان کے مطابق کرونا وائرس کے ایک مشتبہ مریض نے سماجی میل جول کے باعث اپنے خاندان کے 5 افراد میں یہ وائرس منتقل کردیا۔

انہوں نے کہا کہ بظاہر ایسا نہیں لگتا کہ یہ وائرس انسانوں کا پیدا کردہ ہے۔

عمانی وزیر صحت نے بتایا کہ ملک میں کرونا وائرس سے نمٹنے کے لیے کچھ طبی سامان کی کمی ہے تاہم ہم اس پر قابو پانے کی کوشش کر رہے ہیں، ہم قومی فنڈ میں بھی عوام کی طرف سے حصہ ڈالے جانے کے منتظر ہیں۔

خیال رہے کہ سلطنت عمان کے فرمانروا سلطان ہیثم بن طارق آل سعید نے کرونا وائرس سے نمٹنے کی تدابیر کے تحت 376 غیر ملکیوں سمیت 599 قیدیوں کی رہائی کا فرمان جاری کیا ہے۔

عمان میں اب تک کرونا وائرس کے 419 کیسز کی تصدیق ہوچکی ہے جبکہ وائرس سے 2 افراد ہلاک ہوچکے ہیں۔

وزارت صحت کے مطابق سلطنت میں جان لیوا وبا میں مبتلا مزید 34 مریض صحت یاب ہوئے ہیں جس کے بعد صحت یاب ہونے والے افراد کی تعداد 72 ہوگئی ہے۔