ARYNews.tv | Urdu – Har Lamha Bakhabar

Tag: Omar Ayub

  • ‘پاکستان آئندہ دس سال میں 70 فیصد بجلی ملکی توانائی ذرائع سے پیدا کرے گا’

    ‘پاکستان آئندہ دس سال میں 70 فیصد بجلی ملکی توانائی ذرائع سے پیدا کرے گا’

    اسلام آباد : وزیر توانائی عمر ایوب کا کہنا ہے کہ پاکستان آئندہ دس سال میں 70 فیصد بجلی ملکی توانائی ذرائع سے پیدا کرے گا اور نئی توانائی پالیسی سے شمسی و ونڈ توانائی کی پیداواری شرح میں اضافہ ہوگا۔

    تفصیلات کے مطابق وزیر توانائی عمر ایوب سے ترکی کے سفیر کی ملاقات ہوئی ، ملاقات میں باہمی دلچسپی کے امور پر تبادلہ خیال کیا گیا اور توانائی کے شعبے میں پاک ترکی باہمی تعاون کو فروغ دینے پر گفتگو کی گئی۔

    وفاقی وزیر عمر ایوب نے نئی قابلِ تجدید توانائی پالیسی پر روشنی ڈالتے ہوئے کہا 2030 تک انرجی مکس میں قابل تجدید توانائی کا حصہ30 ہوگا اور پاکستان آئندہ دس سال میں 70 فیصد بجلی ملکی توانائی ذرائع سے پیدا کرے گا۔

    عمر ایوب کا کہنا تھا کہ نئی توانائی پالیسی سے شمسی و ونڈ توانائی کی پیداواری شرح میں اضافہ ہوگا۔

    اس موقع پر ترک سفیر نے کہا کہ ترکی اورپاکستان کے مابین توانائی کے شعبےمیں تعاون وشراکت جاری رہے گا اور دونوں ممالک کے برادرانہ تعلقات مزید مستحکم ہوں گے۔

    یاد رہے وفاقی وزیر توانائی عمر ایوب نے نیوز کانفرنس میں کہا تھا کہ آج انرجی سےمتعلق پالیسی منظور کی گئی ہے،2025 تک 20 فیصد بجلی قابل تجدیداور متبادل ذرائع سے حاصل کی جائےگی۔

    عمر ایوب نے بتایا تھا کہ قابل تجدید ذرائع سے بجلی کے حصول کے لیے بولی کا عمل ہو رہا ہے،سائنسدان اور انجینئرز ہوا سے بجلی پیدا کرنے کے آلات تیار کر رہے ہیں۔

    ان کا کہنا تھا کہ کہ تھر کے کوئلے کے ذخائر بھی مجموعی طلب کے 10 فیصدتک بجلی حاصل کریں گے، 2030 تک60 فیصد بجلی اندرونی ملکی ذخائر سے بنے گی۔

  • ‘ آئندہ سردیوں میں بھی گیس لوڈ شیڈنگ رہے گی’

    ‘ آئندہ سردیوں میں بھی گیس لوڈ شیڈنگ رہے گی’

    کراچی : وفاقی وزیر عمر ایوب کا کہنا ہے کہ آئندہ سردیوں میں بھی گیس لوڈ شیڈنگ رہے گی جبکہ آئندہ سال تک سندھ کے پاس کسی کو دینے کے لیے گیس نہیں ہوگی۔

    تفصیلات کے مطابق سینیٹ کی قائمہ کمیٹی پٹرولیم کا محسن عزیز کی زیر صدارت اجلاس ہوا، میرکبیرشاہی نے کہا کہ گیس تقسیم سے متعلق آرٹیکل 158اور 172پر عمل کیا جائے، بلوچستان اور سندھ سے گیس نکلے اور عوام کو نہ ملے تو احساس محرومی بڑھے گا ، گیس تقسیم سےمتعلق آئین کے آرٹیکلز پر عمل نہیں ہو رہا۔

    وفاقی وزیر عمر ایوب نے کہا کہ سندھ سے نکلنے والی ایک ارب 56کروڑ مکعب فٹ یومیہ گیس سندھ میں استعمال ہوتی ہے ، سندھ کی صرف 26کروڑ 10لاکھ مکعب فٹ یومیہ گیس پنجاب جاتی ہے۔

    عمر ایوب کا کہنا تھا کہ آئندہ سردیوں میں بھی گیس لوڈ شیڈنگ رہے گی ، گیس کی مقامی پیداوار کم جبکہ طلب بڑھ رہی ہے ، گیس قلت سےمتعلق تمام صوبوں نے مل کر فیصلہ کرنا ہے۔

    وفاقی وزیر نے کہا کہ گیس کی مکمل طلب ساڑھے 7ارب مکعب فٹ یومیہ تک ہے ، ملک میں ساڑھے تین ارب مکعب فٹ یومیہ تک گیس کی قلت ہے ، تمام صورتحال مشترکہ مفادات کونسل میں زیر بحث آچکی ہے۔

    ان کا کہنا تھا کہ آئندہ سال تک سندھ کے پاس کسی کو دینے کے لیے گیس نہیں ہوگی ، سندھ کی اپنی ضرورت بھی پوری نہیں ہو گی۔

  • عمر ایوب نے کراچی کو فراہم بجلی ملک میں سب سے زیادہ سستی قرار دے دی

    عمر ایوب نے کراچی کو فراہم بجلی ملک میں سب سے زیادہ سستی قرار دے دی

    اسلام آباد : وفاقی وزیر توانائی عمر ایوب نے کراچی کو فراہم بجلی ملک میں سب سے زیادہ سستی قرار دے دی اور کہا کےالیکٹرک کا ٹیرف ملک کے دیگر حصوں سے کم ہے، کےالیکٹرک کو اسوقت ساڑھے800میگاواٹ دے رہے ہیں۔

    تفصیلات کے مطابق قومی اسمبلی اجلاس میں شاہدہ رحمانی کے کے الیکٹرک سے متعلق سوال پر وفاقی وزیر توانائی عمر ایوب نے جواب میں کراچی کو فراہم بجلی ملک میں سب سے زیادہ سستی قراردے دی۔

    عمر ایوب نے کہا کہ کےالیکٹرک کا ٹیرف قومی ٹیرف سے ساڑھے 3روپے کم ہے، اس ٹیرف کو ہم نے ریشنلائز کرنا ہے ، نیپراکےمطابق کےالیکٹرک نے گرڈ نظام پرسرمایہ کاری نہیں کی۔

    وفاقی وزیر توانائی کا کہنا تھا کہ سندھ کے رکن نےسفارش کر کے کے الیکٹرک کے جرمانے کم کرائے، کے الیکٹرک کو 500 کے وی گرڈ بنانے کا کہا ہے اور ہم 850میگا واٹ کے الیکٹرک کو نیشنل گرڈ سے دے رہے ہیں۔

    انھوں نے کہا کہ پاورپلانٹ کیلئے40ہزارٹن آر ایف او کےالیکٹرک کو دیاگیا ہے ، کراچی کے شہریوں کا احساس ہے ، عمران خان کا حکم تھا کہ کراچی کے شہریوں کو سہولتیں دینی ہیں۔

    عمر ایوب کا کہنا تھا کہ کے الیکٹرک نے بروقت آئل نہ منگوایا ، ہم نے انہیں سہولت فراہم کی، کے الیکٹرک کا ایل این جی پلانٹ آئندہ سال آئےگا جس سے بہتری ہوگی، این ٹی ڈی سی کو مبارکباد کل 23 ہزار 300 میگاواٹ ترسیلی لائن میں گئے، 23ہزارمیگاواٹ ترسیلی لائن میں جانا تاریخ میں سب سے زیادہ ہے۔

    وفاقی وزیر نے مزید کہا کہ ہماری توجہ دیہی علاقوں اور شہروں میں ٹرانسفارمر مہیا کرنا ہے، گزشتہ اتنے ادوار میں نظام پر کسی نے کام نہ کیا، جس پراسپیکر اسد قیصر نے ہدایت کی کہ پورے پاکستان میں نظام کی بہتری کی فزیبلٹی بنائیں۔

  • عمران خان کی وجہ سے کار کے 1.6 ارب ڈالر ریورس ہوئے، عمر ایوب

    عمران خان کی وجہ سے کار کے 1.6 ارب ڈالر ریورس ہوئے، عمر ایوب

    اسلام آباد : وزیر توانائی عمر ایوب نے کہا ہے الیکشن سے پہلے سیاسی وجوہات پر ڈیڑھ سال قبل ٹیرف نہیں بڑھنے دیا گیا، اقتدار میں آئے تو فی یونٹ ساڑھے تین روپے اضافہ کرنا تھا لیکن ہم نے ساڑھے 3 روپے کے بجائے صرف ڈیڑھ روپے فی یونٹ اضافہ کیا۔

    وفاقی وزیر توانائی عمر ایوب خان نے گردشی قرضوں سے متعلق سینیٹ میں دئیے گئے اپنے پالیسی بیان میں کہا ہے کہ سابقہ حکومت نے بجلی کی چوری نہیں روکی، حکومت میں آئے تو 18 ہزار، اب 25 ہزار میگاواٹ ٹرانسمنٹ کرسکتے ہیں، بجلی کے مہنگے معاہدے ہم تو نہیں کئے؟ بلکہ ن لیگ حکومت نے شمسی اور وینڈ کے بجائے ایل این جی کا مہنگا معاہدہ کیا۔

    ان کا کہنا تھا کہ سابقہ حکومت نے بجلی کے غلط معاہدے کئے، پی پی اور ن لیگ غلط معاہدوں سے مکس انرجی 75 فیصد اپمورٹڈ بجلی پر چلی گئی، ن لیگ دور میں گردشی قرضہ 478 ارب سے زائد ہوا، ہمارازور ڈیم اور متبادل بجلی پر ہے۔

    وزیر توانائی نے کہا کہ ن لیگ نے ماہانہ 39ارب گردشی قرضہ دیا، کوورنا سے قبل گردشی قرضہ12 ارب روپے ماہانہ پر لے آئے تھے، جو گردشی قرضہ چھوڑ کرگئے اس میں 50 فیصد سبسڈی پر بجلی دی۔

    عمر ایوب کا کہنا تھا کہ متبادل بجلی کا پلان6 اگست کو سی سی آئی سے پاس ہوجائے گا، متبادل بجلی پالیسی سے سب سے زیادہ فائدہ سندھ اوربلوچستان کو ہوگا۔

    انہوں نے کہا کہ متبادل بجلی سے 2025 تک 8ہزار میگاواٹ بجلی پیدا ہوگی، تاریخ میں پہلی بار حکومت نے سنجیدگی سے دیامربھاشا ڈیم پر کام کیا، ہمارا ٹارگٹ ہے کہ2047 تک ایک لاکھ میگاواٹ بجلی پر جائیں، متبادل ذریعے سے بجلی حاصل کرنے سے فی یونٹ 5روپے تک آجائے گی۔

    عمر ایوب کا کہنا تھا کہ وزرات توانائی میں مفادات سے ٹکراؤ کی سختی سے تردید کرتا ہوں، عمران خان کی وجہ سے کار کے 1.6 ارب ڈالر ریورس کرایا، ن لیگ کی ناقص پالیسز سے گیس سیکٹر میں380ارب کا گردشی قرضہ چڑھ گیا، سابقہ حکومت کی پٹرولیم پالیسی غلط تھی، ہم نے توانائی ریونیو میں 121 ارب کا اضافہ کیا۔

  • عمر ایوب نے لوڈشیڈنگ سے پریشان کراچی کے شہریوں کو بڑی خوشخبری سنادی

    عمر ایوب نے لوڈشیڈنگ سے پریشان کراچی کے شہریوں کو بڑی خوشخبری سنادی

    اسلام آباد : وفاقی وزیر توانائی عمرایوب کا کہنا ہے کہ کے الیکٹرک کو آئندہ چند دنوں میں 200 میگا واٹ کے لیے 30ایم ایم سی ایف ڈی بجلی دیں گے، اس سے ہمارے کراچی کے شہریوں کو سہولت میسر ہوگی۔

    تفصیلات کے مطابق قومی اسمبلی اجلاس میں کراچی میں غیر اعلانیہ لوڈ شیڈنگ اور نیپرا سے متعلق توجہ دلاؤ نوٹس پر وفاقی وزیر توانائی عمرایوب نے اظہار خیال کرتے ہوئے کہا کہ کے الیکٹرک کامسئلہ آج کانہیں کافی سال سےہے، پی ٹی آئی حکومت کراچی میں بجلی سپلائی بہترکرنے کی کوشش کررہی ہے۔

    وفاقی وزیر توانائی کا کہنا تھا کہ کراچی کے عوام کی مشکلات دور کرنے کیلئے بجلی دے رہے ہیں، کےالیکٹرک کومزیدبجلی درکار ہے مگران کے پاس سسٹم موجود نہیں، نیپرا میں4 صوبائی ری پریزنٹو ہوتے ہیں، یہاں پر چیئرمین ہوتا ہے۔

    عمرایوب نے کہا کہ کرنٹ لگنے سے جن کی اموات ہوئی ان کومعاوضہ ملناچاہئے، آج کل ہم کےالیکٹرک پرہی کام کررہےہیں، کراچی کے عوام کا اژالہ کرنے کیلئے 30 ایم ایم سی ایف ڈی گیس دیں گے، اس سے ہمارے کراچی کے شہریوں کو سہولت میسر ہوگی۔

    ان کا کہنا تھا کہ معاہدے کے تحت کے الیکٹرک کو600 میگاواٹ دینےکے پابند ہیں، کے الیکٹرک کو اس وقت 100میگا واٹ اضافی دے رہے ہیں، ایک سو ایم ایم سی ایف ڈی گیس بھی اضافی دی جا رہی ہے، کے الیکٹرک کا نظام اضافی بجلی لینے کے قابل نہیں ، کے الیکٹرک کراچی میں دو کامن ڈیلیوری پوائنٹس بنائے گا۔

    وفاقی وزیر توانائی نے مزید کہا کراچی میں حالیہ اموات پر کارروائی سندھ حکومت کی ذمہ داری ہے، آئندہ چنددنوں میں 200میگا واٹ کےلیے30ایم ایم سی ایف ڈی بجلی دیں گے۔

  • کے الیکٹرک شہریوں کی شکایات کے بروقت ازالے کو یقینی بنائے، عمر ایوب

    کے الیکٹرک شہریوں کی شکایات کے بروقت ازالے کو یقینی بنائے، عمر ایوب

    کراچی: وفاقی وزیر توانائی عمر ایوب کا کہنا ہے کہ کے الیکٹرک شہریوں کی شکایات کے بروقت ازالے کو یقینی بنائے۔

    اے آر وائی نیوز کی رپورٹ کے مطابق گورنر سندھ عمران اسماعیل کی زیر صدارت کراچی میں بجلی فراہمی سے متعلق اعلیٰ سطح کا اجلاس ہوا جس میں وفاقی وزیر توانائی عمر ایوب، وفاقی سیکریٹری توانائی عمر رسول ویڈیو لنک پر شریک ہوئے۔

    اجلاس میں پی ٹی آئی، ایم کیو ایم پاکستان، جی ڈی اے کے اراکین صوبائی اسمبلی، کے الیکٹرک کے سی ای او مونس عبداللہ علوی بھی موجود تھے۔

    وفاقی وزیر توانائی عمر ایوب نے کہا کہ ہم کے الیکٹرک کو 650 کے بجائے 800 میگا واٹ بجلی دے رہے ہیں، 190 کے بجائے 250 سے 280 ایم ایم سی ایف ڈی گیس بھی دی جارہی ہے۔

    انہوں نے کہا کہ کے الیکٹر کو فرنس آئل فراہمی میں کوئی کمی نہیں ہے، شہریوں کی شکایات کے بروقت ازالے کو یقینی بنایا جائے۔

    یہ پڑھیں: کے الیکٹرک صارفین کیلئے بجلی مہنگی

    گورنر سندھ عمران اسماعیل کا کہنا تھا کہ کراچی میں بجلی کی مسلسل فراہمی کے الیکٹرک کی ذمہ داری ہے، اس میں کسی قسم کی کوتاہی برداشت نہیں کی جاسکتی۔

    انہوں نے کہا کہ کے الیکٹرک نے غیراعلانیہ لوڈشیڈنگ ختم کرنے کا دعویٰ کیا جو پورا نہ ہوا، غیراعلانیہ لوڈشیڈنگ شہریوں سے ناانصافی کے مترادف ہے فوری ختم کی جائے۔

    عمران اسماعیل نے کہاکہ وفاق کی جانب سے کے الیکٹرک کو اضافی گیس مہیا کی جارہی ہے اس کے باوجود ایسی صورتحال پیدا ہونا تشویش ناک ہے۔

    ذرائع کا کہنا ہے کہ کے الیکٹرک کی کارکردگی پر ایم کیو ایم پاکستان، تحریک انصاف اور جی ڈی اے کے ارکان اسمبلی نے بھی برہمی کا اظہار کیا۔

  • کینیڈین سرمایہ کاروں کا پاکستان میں سرمایہ کاری پر غور

    کینیڈین سرمایہ کاروں کا پاکستان میں سرمایہ کاری پر غور

    اسلام آباد : کینیڈین ہائی کمشنر نے وزیر توانائی عمرایوب سے ملاقات میں جنریشن ایکسپنشن پروگرام کو زبردست قرار دیتے ہوئے کہا کینیڈا کےسرمایہ کار پاکستان میں سرمایہ کاری پرغور کررہے ہیں۔

    تفصیلات کے مطابق وزیر توانائی عمرایوب سے کینیڈین ہائی کمشنر کی ملاقات ہوئی ، ملاقات میں توانائی شعبےسے متعلق امور پر تبادلہ خیال کیا گیا۔

    وزیر توانائی نے کہا کہ انٹگریٹڈجنریشن ایکسپنشن پروگرام کوحتمی شکل دی جارہی ہے، پروگرام سے بجلی کی طلب و رسدکی ضروریات کوریگولیٹ کرنےمیں مددملےگی۔

    عمرایوب کا کہنا تھا کہ مستقبل میں توانائی ضروریات کیلئےسستی بجلی کےپلانٹس لگائے جائیں گے، 2030تک متبادل ذرائع سے80فیصد بجلی پیدا کی جائے گی۔

    مزید پڑھیں : پاکستان اور روس کے درمیان توانائی کے شعبے میں تعاون پر اتفاق

    کینیڈین ہائی کمشنر نےانٹگریٹڈ جنریشن ایکسپنشن پروگرام کو زبردست قرار دیتے ہوئے کہا کینیڈا کےسرمایہ کار پاکستان میں سرمایہ کاری پرغور کررہے ہیں۔

    یاد رہے وفاقی وزیر توانائی عمر ایوب خان نے روسی وفد سے ملاقات کے دوران کہا تھا کہ سرمایہ کاری کے مواقع سے روسی سرمایہ کار بھرپور فائدہ اٹھا سکتے ہیں، پاکستان سرمایہ کاروں کو پرکشش مراعات دے رہا ہے۔

    عمر ایوب کا کہنا تھا کہ آسان کاروبار اقدامات سے پاکستان کی درجہ بندی میں 28 درجے بہتری آئی، سستی توانائی کے لیے قابل تجدید توانائی کے حصے کو بڑھانے پر کام جاری ہے۔

    روسی نائب وزیر نے کہا تھا کہ روسی کمپنیاں توانائی شعبے میں سرمایہ کاری بڑھانے کی خواہشمند ہیں، مستقبل میں پاکستان اور روس کا توانائی شعبے میں تعاون مزید مضبوط ہوگا۔

  • پاکستان اور روس کے درمیان توانائی کے شعبے میں تعاون پر اتفاق

    پاکستان اور روس کے درمیان توانائی کے شعبے میں تعاون پر اتفاق

    اسلام آباد: وفاقی وزیر توانائی عمر ایوب خان نے روسی وفد سے ملاقات کے دوران کہا کہ سرمایہ کاری کے مواقع سے روسی سرمایہ کار بھرپور فائدہ اٹھا سکتے ہیں، پاکستان سرمایہ کاروں کو پرکشش مراعات دے رہا ہے۔

    تفصیلات کے مطابق وفاقی وزیر توانائی عمر ایوب خان سے روسی وفد کی ملاقات ہوئی، روسی وفد کی قیادت نائب وزیر توانائی انا تولی تکونوو نے کی۔ ملاقات میں پاکستان اور روس کے درمیان توانائی سمیت مختلف شعبوں میں تعاون پر اتفاق ہوا۔

    وفاقی وزیر عمر ایوب کا کہنا تھا کہ پاکستان توانائی کے شعبے میں روسی تجربے اور مہارت سے مستفید ہوسکتا ہے، توانائی کے شعبے میں سرمایہ کاری کے خاطر خواہ مواقع موجود ہیں۔

    انہوں نے کہا کہ سرمایہ کاری کے مواقع سے روسی سرمایہ کار بھرپور فائدہ اٹھا سکتے ہیں، پاکستان سرمایہ کاروں کو پرکشش مراعات دے رہا ہے۔ پاکستان میں کاروبار کے لیے سازگار ماحول کی فراہمی کو یقینی بنایا جارہا ہے۔

    عمر ایوب کا کہنا تھا کہ آسان کاروبار اقدامات سے پاکستان کی درجہ بندی میں 28 درجے بہتری آئی، سستی توانائی کے لیے قابل تجدید توانائی کے حصے کو بڑھانے پر کام جاری ہے۔

    روسی نائب وزیر نے کہا کہ روسی کمپنیاں توانائی شعبے میں سرمایہ کاری بڑھانے کی خواہشمند ہیں۔ مستقبل میں پاکستان اور روس کا توانائی شعبے میں تعاون مزید مضبوط ہوگا۔

  • ‘پاکستانی اقدامات کی وجہ سے دنیا بھارت کی طرف انگلیاں اٹھارہی ہے’

    ‘پاکستانی اقدامات کی وجہ سے دنیا بھارت کی طرف انگلیاں اٹھارہی ہے’

    اسلام آباد : وزیر توانائی عمر ایوب نے کہا کہ دنیا کی سب سے بڑی فاشسٹ حکومت بھارت میں ہے، پاکستانی اقدامات کی وجہ سے دنیا بھارت کی طرف انگلیاں اٹھارہی ہے۔

    تفصیلات کے مطابق وفاقی وزیر توانائی عمر ایوب نے کہا کےپی اورپنجاب میں کارکردگی دیکھیں اور سندھ حکومت کا حال دیکھیں، کراچی سندھ کا حصہ نہیں جہاں کچرا کنڈی بنائی ہوئی ہے، کراچی کےشہریوں سے دہرا معیارکیوں ؟اس لیےکہ ووٹ نہیں دیے۔

    عمرایوب کا کہنا تھا کہ یہ کہتے ہیں کہ گیس پرہماری ساتھ زیادتی ہورہی ہے، ن لیگ اور پیپلزپارٹی دورمیں جوگیس پلانٹس کو جاتی ہے، وہی واپس ملتی ہے۔

    وفاقی وزیر توانائی نے مزید کہا کہ پاکستان ایک دارالامن ہے، یہاں پرہرشہری برابرہے، ہر پاکستانی شہری کی حفاظت کرناریاست پرلازم ہے، شہریت متنازع قانون پربھارت پرانگلیاں اٹھائی جارہی ہیں، وزیراعظم نے کامیاب سفارتکاری کرکے پاکستان کا نام روشن کیا۔

    ان کا کہنا تھا کہ پاکستانی اقدامات کی وجہ سےدنیابھارت کی طرف انگلیاں اٹھارہی ہے، بھارت میں آرایس ایس ہٹلرکےپیروکارہیں، دنیا کی سب سے بڑی فاشسٹ حکومت بھارت میں ہے۔

  • سی این جی سیکٹر کو گیس سپلائی کب بحال ہوگی ؟عمر ایوب کا اہم بیان سامنے آگیا

    سی این جی سیکٹر کو گیس سپلائی کب بحال ہوگی ؟عمر ایوب کا اہم بیان سامنے آگیا

    اسلام آباد : وزیر توانائی عمرایوب نے کہا ہے کہ سی این جی سیکٹر کو جنوری میں وقفے وقفے سے اور فروری میں مکمل طور پر گیس کی سپلائی شروع کردی جائے گی۔

    تفصیلات کے مطابق وزیرتوانائی عمرایوب نے سماجی رابطے کی ویب سائٹ ٹوئٹر پر اپنے بیان میں کہا کہ گزشتہ سال دسمبر کےمقابلے میں 12 فیصد زائد گیس فراہمی کی گئی ، دسمبر 2018 میں ایس این جی پی ایل نےگھریلوصارفین کو831 ایم ایم سی ایف ڈی گیس دی ، دسمبر کے15 دنوں میں 30فیصد زائد گیس فراہمی کی گئی ، گھریلو صارفین کو اس وقت47 فیصد اضافی گیس فراہم کی جارہی ہے۔

    عمر ایوب کا کہنا تھا کہ سوائے سی این جی سیکٹر کے تمام صارفین کو گیس کی فراہمی جارہی ہے، سی این جی سیکٹر کو جنوری میں وقفے وقفے سے گیس فراہم کی جائےگی، فروری میں مکمل طور پر گیس کی سپلائی شروع کردی جائےگی، ملک میں ریکارڈ توڑ سردی گیس کے دباؤمیں کمی کا باعث بنی ، سردی کا زور ایک ہفتےمیں ٹوٹنےسے صورت حال بہتر ہوگی۔

    وزیرتوانائی نے مزید کہا کہ ایس ایس جی سی کےنظام میں طلب20 فیصد بڑھ گئی ہے، ایل این جی سندھ کی صورتحال کےباعث سپلائی نہیں کی جا رہی، اضافی ایل این جی اور سپلائی میں بہتری سےصورتحال بہتر ہوگی۔