Tag: one killed

جرمنی : تیز رفتار کار سے کچل کر 2 افراد ہلاک، 80 زخمی ہوگئے

میگڈےبرگ : تیز رفتار کار سے کچل کر دو افراد ہلاک جبکہ 80زخمی ہوگئے، پولیس نے کرسمس مارکیٹ میں ہونے والے حادثے میں ذمہ دار ملزم کو گرفتار کرلیا، مزید ہلاکتوں کا خدشہ ظاہر کیا جارہا ہے۔

غیر ملکی خبر رساں ادارے رائٹرز کی رپورٹ کے مطابق میگڈے برگ کی کرسمس مارکیٹ میں تیز رفتار کار نے سینکڑوں لوگوں کو کچل دیا جس سے دوافراد ہلاک اور 80 زخمی ہوگئے۔

میڈیا رپورٹ میں کہا گیا ہے کہ مذکورہ افسوسناک حادثہ کرسمس کی خریداری کے حوالے سے لگی میگڈے برگ کی ایک مارکیٹ میں شام ساڑھے سات بجے پیش آیا، یہ گاڑی ایک سیاہ بی ایم ڈبلیو تھی۔

واقعے کی اطلاع ملتے ہی پولیس اور امدادی اداروں کی ٹیمیں جائے وقوعہ پر پہنچ گئیں اور علاقے کو سیل کردیا گیا، میگڈے برگ کے اسپتالوں میں ایمرجنسی نافذ کردی گئی ہے، مزید ہلاکتوں کا خدشہ ظاہر کیا جارہا ہے۔

امدادی ٹیموں کے مطابق متاثرین کو فوری طبی امداد فراہم کرنے کے لیے عارضی خیمے لگائے گئے ہیں یہاں کئی زخمیوں کو علاج کیلیے لایا گیا تاہم کئی زخمیوں کی حالت تشویشناک بتائی جا رہی ہے۔

پولیس کے مطابق ڈرائیور نے کرسمس مارکیٹ کے ہجوم پر کار چڑھادی جس پر پولیس نے فوری کارروائی کرتے ہوئے کار میں سوار ملزم کو حراست میں لے لیا۔

جرمن چانسلر نے واقعے میں شہریوں کے ہلاک اور زخمی ہونے پر اپنے شدید رنج و غم کا اظہار کرتے ہوئے کہا کہ کرسمس مارکیٹ میں ہونے والے واقعے نےبدترین خدشات کو جنم دیا ہے۔ انہوں ںے کہا کہ میری نیک تمنائیں متاثرین اور ان کے خاندان والوں کے ساتھ ہیں۔

دسمبر 21, 2024
مانسہرہ: گاڑی پر فائرنگ سے باپ جاں بحق، 13 سالہ بیٹی اور بیٹا اغوا

مانسہرہ: موٹروے پولیس لائن کے قریب گاڑی پر فائرنگ سے باپ جاں بحق، ماں اور ایک بیٹا زخمی ہوگئے جبکہ ملزمان بیٹی اور بیٹے کو اغوا کر کے ساتھ لے گئے۔

تفصیلات کے مطابق مانسہری میں ایک افسوسناک واقعہ پیش آیا ہے، موٹروے پولیس لائن کے قریب گاڑی پر فائرنگ سے باپ جاں بحق، ماں اور ایک بیٹا زخمی ہوگئے جبکہ ملزمان مقتول کی 13 سالہ بیٹی اور بیٹے کو اغوا کر کے ساتھ لے گئے۔

پولیس کا کہنا ہے کہ واقعے میں زخمیوں کو کنگ عبداللہ اسپتال منتقل کر دیا گیا، ساتھ ہی شعیب فضل اور اس کے 2 ساتھیوں کیخلاف اغوا اور قتل کا مقدمہ درج کرلیا۔

ستمبر 17, 2024
ہائی ٹینشن تار کی زد میں آکر ایک شخص جاں بحق، دوسرا شدید زخمی

کانپور: بھارتی ریاست یوپی کے کانپور کے گوال ٹولی تھانے کے علاقے میں ایک افسوسناک واقعہ پیش آیا، ایک شخص ہائی ٹینشن تار کی زد میں آکر زندگی کی بازی ہار گیا جبکہ دوسرا شدید زخمی ہوگیا۔

بین الاقوامی خبر رساں ادارے کی رپورٹ کے مطابق ریاست اتر پر دیش کے کانپور کے گوال ٹولی تھانے کے علاقے میں محرم الحرام کے جلوس میں شرکت کے لئے جانے والے دو افراد ہائی ٹینشن تار کی زد میں آگئے۔

اس حادثے کے نتیجے میں ایک شخص زندگی کی بازی ہار گیا جبکہ دوسرے شخص کو تشوشناک حالت میں ہسپتال میں داخل کرایا گیا ہے۔ اس واقعے کے بعد علاقے میں سوگ کی فضا پیدا ہوگئی۔

رپورٹس کے مطابق دونوں افراد اپنے ہاتھوں میں جلوس میں اٹھائے جانے والے علم کو اوپر اٹھائے ہوئے تھے جو ہائی ٹینشن تار سے ٹکرا گیا، بجلی کے جھٹکے سے دونوں بری طرح سے جھلس گئے۔

مقامی تھانے کی پولیس نے جائے وقوع پر پہنچ کر تحقیقات کا آغاز کردیا ہے، جبکہ زخمی ہونے والوں کو اسپتال میں داخل کرادیا گیا ہے، جہاں ڈاکٹروں نے ایک شخص کی موت کی تصدیق کردی ہے، دوسرے شخص کی حالت تشویشناک بتائی جاتی ہے۔

سوٹ کیسوں میں بند لاشیں پل سے نیچے پھینکنے کے دوران پولیس کو دیکھ کر ملزم فرار

یاد رہے کہ کانپور کے بابو پرواہ علاقے میں تقریبا 15 سال قبل محرم کے ہی کے جلوس میں علم بجلی کے تار سے ٹکرا گیا تھا، جس کے سبب دو افراد جاں بحق ہوگئے تھے۔

جولائی 13, 2024
کورنگی میں کتا مار مہم: زہریلے لڈو بچوں نے کھالیے، ایک ہلاک

کراچی میں سرکاری ملازم کے مبینہ طور پر کتوں کو مارنے کیلئے بنائے گئے لڈو بچوں نے کھالیے، زہریلا لڈو کھانے سے ایک بچہ دم توڑ گیا۔

کراچی سمیت سندھ بھر میں آوارہ کتوں کی بھرمار ہے جس کے باعث آئے روز سگ گزیدی کے واقعات رونما ہوتے رہتے ہیں، سرکاری افسران و اہلکار اکثر کتا مار مہم چلاتے ہیں تاہم کچھ عرصے بعد دوبارہ علاقوں میں کتوں کی بھرمار ہوجاتی ہے۔

کراچی کے علاقے کورنگی کے ایریا میں بھی کتوں کی بھرمار کے باعث سرکاری افسر نے کتا مار مہم شروع کی تاہم یہ مہم علاقہ مکینوں کو مہنگی پڑگئی۔

سرکاری افسر نے کتوں کو مارنے کےلیے زہریلے لڈو بنائے لیکن وہ لڈو بچوں نے کھالیے جس کے باعث ایک بچہ جان کی بازی ہار گیا جب کہ پانچ کی حالت تشویشناک بتائی جارہی ہے۔

ایس ایس پی کورنگی کا کہنا ہے کہ سرکاری ملازم نے مبینہ طور پر لڈو میں دوا ملا کر رکھے تھے، واقعے کی اطلاع ملتے ہی ایس ایچ او کو جائے وقوع پر بھیج دیا ہے۔

دسمبر 14, 2021
امریکی یونیورسٹی میں فائرنگ، ایک شخص ہلاک 7 زخمی

واشنگٹن : امریکا کے ایک اور تعلیمی ادارے میں فائرنگ کا واقعہ پیش آیا ہے، گرامبلنگ اسٹیٹ یونیورسٹی میں فائرنگ سے ایک شخص ہلاک اور 7 زخمی ہوگئے۔

میڈیا رپورٹ کے مطابق اتوار کے روز فائرنگ میں ایک نوجوان ہلاک جبکہ 7 زخمی ہوئے ہیں, اس سے چار دن قبل لوزیانا کے ایک اسکول میں بھی فائرنگ کی واردات ہوئی تھی۔

فائرنگ اتوار کی سہ پہر کیمپس کواڈ پر ہوئی، واردات میں مرنے والے شخص کا داخلہ اسکول میں نہیں ہوا تھا، اور زخمیوں میں سے ایک اسکول کا طالب علم ہے، جس کو طبی امداد فراہم کی جارہی ہے، پولیس نے فی الحال متاثرین کی شناخت ظاہر نہیں کی ہے۔

امریکی میڈیا کے مطابق چند زخمیوں کی حالت تشویش ناک ہے، فائرنگ کے بعد سکیورٹی اہلکاروں نے علاقے کو گھیرے میں لے کر سرچ آپریشن بھی کیا جس کے بعد پولیس نے دو افراد کو شک کی بنیاد پر گرفتار کرلیا ہے۔

سانحے کے بعد یونیورسٹی انتظامیہ نے اتوار کی چھٹی کے علاوہ پیر اور منگل کی کلاسز بھی منسوخ کردی ہیں۔ یونیورسٹی میں رات 9:30 بجے سے صبح 6 بجے تک کا کرفیو نافذ کردیا گیا ہے۔

اکتوبر 18, 2021
راولپنڈی میں دھماکا، ایک شخص جاں بحق، 10 زخمی

راولپنڈی: صوبہ پنجاب کے شہر راولپنڈی کے علاقے صدر بڑا بازار کے قریب دھماکا ہوا جس کے نتیجے میں ایک شخص جاں بحق اور 10 زخمی ہوگئے۔

اے آر وائی نیوز کی رپورٹ کے مطابق راولپنڈی صدر بڑا بازار کوئلہ سینٹر کے قریب دھماکا ہوا جس کے نتیجے میں ایک شخص جاں بحق اور 10 زخمی ہوگئے، دھماکا خیز مواد الیکٹرک پول کے ساتھ نصب کیا گیا تھا۔

دھماکے میں جاں بحق ہونے والے شخص کی شناخت عارفین کے نام سے ہوئی ہے، مقتول سبزی اور فروٹ کی ریڑھی لگاتا تھا۔

دھماکے میں زخمی ہونے والے افراد کو فوری طور پر طبی امداد کے لیے اسپتال منتقل کیا گیا، زخمیوں میں تین کی حالت تشویشناک بتائی گئی ہے۔

زخمیوں میں 3 بچوں عباس، سفیان، ولی سمیت عمران ولد اقبال، شمریز ولد یعقوب، ناصر ولد افسر، شاہد ولد علی محمد، خدا بخش ولد فیض بخش، حماد ولد بلال، احمد دین ولد نور دین شامل ہیں۔

ایس ایس پی آپریشنز طارق ولایت کا کہنا ہے کہ دھماکے کی نوعیت سے متعلق بم ڈسپوزل اسکواڈ اور دیگر ماہرین تحقیقات کررہے ہیں۔

دوسری جانب سی ٹی ڈی نے دھماکے کی ابتدائی رپورٹ جاری کردی، ترجمان سی ٹی ڈی کا کہنا ہے کہ دھماکے میں کسی قسم کے بال بیرنگ استعمال نہیں ہوئے۔

سی ٹی ڈی کے مطابق دھماکے میں پھلوں کا ٹھیلا اور 2 موٹر سائیکلیں تباہ ہوئیں، دھماکے میں ایک شخص جاں بحق اور 10 افراد زخمی ہوئے۔

ترجمان سی ٹی ڈی کا کہنا ہے کہ ابتدائی اطلاعات کے مطابق لوکل ڈیوائس سے دھماکا خیز مواد تیار کیا گیا، دھماکے میں استعمال دیگر مواد سے متعلق لیب رپورٹ آنےکے بعد پتا چلے گا۔

جون 12, 2020
کابل : کوٹ سنگی میں دھماکا 1 شخص ہلاک، ایک زخمی

کابل: افغانستان کے دار الحکومت میں بم حملے میں ایک شخص ہلاک جبکہ ایک زخمی ہو گیا، حملہ کابل کے مصروف ترین علاقے میں ہوا۔

تفصیلات کے مطابق افغانستان کا دار الحکومت کابل ایک بار پھر دہشت گردوں کا نشانہ بن گیا، کابل کے مصروف ترین علاقے کوٹ سنگی میں بم حملے میں ایک فرد ہلاک جب کہ 1 زخمی ہو گیا۔

افغان خبر رساں ادارے کا کہنا ہے کہ پولیس نے ہفتے کی صبح دھماکے کے نتیجے میں ہونے والی ہلاکت کی تصدیق کردی ہے تاہم واقعے سے متعلق مزید تفصیلات سے آگاہ نہیں کیا۔

اس سے قبل رواں برس 15 جنوری کو بھی افغان دار الحکومت کابل میں ایک قلعہ بند غیر ملکی کمپاؤنڈ کے قریب کار بم حملے میں 4 افراد ہلاک جب کہ 44 زخمی ہو ئے تھے۔

خیال رہے کہ یہ حملہ ایک ایسے وقت میں کیا گیا ہے جب کہ طالبان کے ساتھ سترہ سالہ جنگ کے خاتمے کے لیے جاری سفارتی کوششوں میں تیزی آ گئی ہے۔

میڈیا رپورٹس کے مطابق کار بم حملے میں زخمی ہونے والوں میں دس بچے بھی شامل تھے، دھماکا اتنا زوردار تھا کہ قریب موجود رہائشی علاقے کو بھی شدید نقصان پہنچا تھا۔

یہ بھی پڑھیں: کابل: امریکی فضائی حملہ، ملا عبدالمنان سمیت 29 طالبان ہلاک

دہشت گردوں کا نشانہ بننے والے انتہائی محفوظ کمپاؤنڈ میں اقوام متحدہ کا عملہ رہائش پذیر تھا تاہم وزارت داخلہ کے ترجمان کے مطابق علاقہ اب خالی کیا جا چکا ہے اور وہاں صرف چند گارڈز ہی موجود تھے۔

یاد رہے کہ 21 نومبر کو بھی افغانستان کا دار الحکومت کابل بڑے دہشت گرد حملے کا نشانہ بنا تھا، جس میں 50 افراد اپنی زندگی کی بازی ہار گئے تھے۔

مارچ 16, 2019
کراچی : کورنگی میں فائرنگ، ایک شخص جاں بحق

کراچی : شہر قائد پھر گولیوں کی تڑتڑاہٹ سے گونج اٹھا، کورنگی میں نامعلوم افراد کی فائرنگ سے ایک شخص جاں بحق ہوگیا۔

تفصیلات کے مطابق کراچی کے علاقے کورنگی 48 بی میں نامعلوم نقاب پوش موٹر سائیکل سواروں نے میڈیکل اسٹور کے مالک فدا حسین پر اندھا دھند فائرنگ کردی، جس کے نتیجے میں میڈیکل اسٹور کا مالک شدید زخمی ہوگیا۔

ذرائع کا کہنا ہے کہ زخمی شہری کو فوری طبی امداد کے لیے تشویش ناک حالت میں قریبی اسپتال منتقل کیا گیا تاہم وہ زخموں کی تاب نہ لاتے ہوئے دوران علاج چل بسا۔

پولیس کا کہنا ہے کہ مقتول کی شناخت فدا حسین کے نام سے ہوئی ہے جو میڈیکل اسٹور کا مالک تھا اور واقعہ ذاتی دشمنی کا معلوم ہوتا ہے۔

پولیس نے ابتدائی قانونی کارروائی کے بعد مقتول کی لاش لواحقین کے حوالے کردی۔

مصدقہ ذرائع کے مطابق مقتول فدا حسین کی کسی سے کوئی ذاتی دشمنی نہیں تھی، اہل خانہ کا مؤقف ہے کہ فدا حسین کو ٹارگٹ کلنگ کا نشانہ بنایا گیا ہے۔

ذرائع کا کہنا ہے کہ مقتول کے اہل خانہ نے متعلقہ حکام سے واقعے میں ملوث ملزمان کے خلاف سخت کارروائی کا مطالبہ کرتے ہوئے انصاف کی اپیل کی ہے۔

مزید پڑھیں : کراچی: سابق رکن قومی اسمبلی علی رضا عابدی قاتلانہ حملے میں جاں بحق

یاد رہے کہ کچھ روز قبل 25 دسمبر کو متحدہ قومی موومنٹ پاکستان کے سابق رہنما علی رضا عابدی قاتلانہ حملے میں شدید زخمی ہوگئے تھے، انھیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔

جنوری 3, 2019
کراچی اور لاہور میں پولیس مقابلے، ایک ڈاکو ہلاک دوسرا گرفتار

لاہور/کراچی: سندھ اور پنجاب کے دارالحکومتوں میں پولیس مقابلوں کے نتیجے میں ایک ڈاکو ہلاک جبکہ دوسرا زخمی حالت میں گرفتار ہوگیا۔

تفصیلات کے مطابق کراچی اور لاہور میں پولیس مقابلے ہوئے جس کے باعث ایک ڈاکو کی ہلاکت ہوئی جبکہ کارروائی کے دوران ملزمان سے اسلحہ بھی برآمد ہوا۔

لاہور کے علاقے سندر میں مبینہ پولیس مقابلے میں ایک ڈاکو ہلاک ہوا جبکہ موقع پر موجود دوسرا ڈاکو فرار ہونے میں کامیاب ہوگیا۔

پولیس کا کہنا ہے کہ 2 موٹر سائیکل سوار ڈاکو شہریوں سے لوٹ مار کررہے تھے۔

دوسری جانب کراچی کے علاقے کورنگی زمان ٹاؤن میں پولیس نے کارروائی کی، پولیس کو دیکھتے ہی ملزمان نے فائرنگ شروع کردی۔

کراچی میں سیکیورٹی اداروں کی کارروائی‘ 3 دہشت گرد ہلاک

پولیس حکام کا کہنا تھا کہ ملزمان کی فائرنگ کے تناظر میں پولیس نے بھی جوابی فائرنگ کی بعد ازاں ملزم زخمی حالت میں گرفتار ہوگیا جبکہ دوسرا موقع سے بھاگ نکلا۔

خیال رہے کہ گذشتہ روز کراچی میں اتحاد ٹاؤن کے علاقے رئیس آمروہی گوٹھ میں اے وی سی سی اورحساس اداروں نے مشترکہ کارروائی کرتے ہوئے تین دہشت گردوں کو ہلاک کردیا تھا۔

یاد رہے کہ دو روز قبل کراچی کے علاقے ناظم آباد میں پولیس اہلکاروں اور ڈاکوؤں میں فائرنگ کا تبادلہ ہوا تھا جس کے نتیجے میں ایک ڈاکو ہلاک جبکہ دوسرے کو زخمی حالت میں گرفتار کرلیا گیا تھا۔

ستمبر 6, 2018
غزہ: اسرائیلی فوج کی فائرنگ، ایک فلسطینی شہید، درجنوں زخمی

غزہ: فلسطین میں اسرائیلی فوج کی جارحیت تھم نہ سکی، فائرنگ سے ایک اور فلسطینی شہید اور سینکڑوں مظاہرین زخمی ہوگئے۔

تفصیلات کے مطابق غزہ میں قابض صہیونی فوج نے ایک بار پھر پُر امن نہتے فلسطینیوں کو پر اندھا دھند فائرنگ اور آنسو گیس کے شیل فائر کیے جس کے نتیجے میں ایک پچیس سالہ نوجوان موقع پر شہید ہوگیا۔

فلسطینی وزارت صحت کے مطابق فائرنگ کے نتیجے میں دوسو بیس سے زائد افراد زخمی بھی ہوئے، اس سے قبل بھی اسرائیلی فوج نے ایک فلسطینی نوجوان کو شہید کیا تھا۔

وزارت صحت کا کہنا ہے کہ غزہ کی پٹی میں کچھ ماہ سے جاری فلسطینی احتجاج میں اسرائیلی فورسز کے ہاتھوں ایک سو چھپن فلسطینی شہید ہو چکے ہیں۔

اسرائیل اور حماس کے درمیان جنگ بندی کے معاہدے پر مشاورت

دوسری جانب فلسطین میں قابض اسرائیلی فوج اور غزہ کی جہادی تنظیم حماس کے درمیان جنگ بندی کے معاہدے پر مشاورت کا امکان ہے، اسی لیے حماس کی اعلیٰ قیادت غزہ میں موجود ہے۔

خیال رہے کہ ایسا پہلی بار ہورہا ہے کہ حماس کی تمام اعلیٰ قیادت غزہ میں موجود ہے، تاہم اسرائیلی نے کسی بھی قسم کا حملہ نہ کرنے کی یقین دہانی کرائی ہے۔

یاد رہے کہ گذشتہ دنوں قابض اسرائیلی فورسز نے نماز جمعہ کے بعد مسجد اقصیٰ پر دھاوا بولا، اسرائیل فورسز اور نمازیوں میں جھڑپوں کے دوران 15 افراد زخمی ہوئے تھے، نمازیوں پر آنسو گیس کی شیلنگ، پیلٹ گن کا استعمال کیا گیا تھا۔

اگست 4, 2018