Tag: one killed

سعودی عرب: پولیس کی کارروائی میں منشیات فروش ہلاک 4 گرفتار، 1 اہلکار جاں بحق

ریاض : سعودی عرب میں منشیات فروشوں کے ٹھکانے پر سیکیورٹی اداروں کی چھاپہ مار کارروائی کے دوران ایک منشیات فروش ہلاک 4 گرفتار، جبکہ فائرنگ کے تبادلے میں ایک اہلکار شہید ہوگیا۔

تفصیلات کے مطابق سعودی عرب کے شہر عسیر میں منشیات فروشوں کی موجودگی کی خفیہ اطلاعات موصول ہونے پر سیکیورٹی اداروں نے چھاپہ مارا تو منشیات فروشوں نے پولیس اہلکاروں کو دیکھ کر فائرنگ شروع کردی جس کے نتیجے میں ایک سیکیورٹی اہلکار جاں بحق ہوگیا۔

غیر ملکی خبر رساں ادارے کا کہنا تھا کہ چھاپہ مار کارروائی کے دوران ملزمان کی فائرنگ سے پولیس سارجنٹ عبداللہ عسیری شدید زخمی ہوگیا تھا جسے انتہائی تشویش ناک حالت میں اسپتال منتقل کیا گیا تاہم وہ جانبر نہ ہوسکا۔

غیر ملکی خبر رساں ادارے کے مطابق سعودی عرب کے جنوبی شہر عسیر کے سیکیورٹی اداروں کے ترجمان کا کہنا تھا کہ پولیس اہلکاروں نے خفیہ اطلاعات پر غیر ملکی منشیات فروشوں کے خلاف چھاپہ مار کارروائی کی تھی۔

جنرل سیکیورٹی کے ترجمان کا کہنا تھا کہ پولیس کی چھاپہ مار کارروائی کے دوران پولیس ملزمان نے اہلکاروں پر فائرنگ کرکے موقع سے فرار ہونے کی کوشش کی تاہم پولیس کی جوابی فائرنگ کے نتیجے میں ایک غیر ملکی منشیات فروش ہلاک جبکہ سعودی ڈرگ ڈیلر زخمی ہوگیا۔

جنرل سیکیورٹی کے ترجمان نے غیر ملکی میڈیا کو بتایا کہ سیکیورٹی اہلکاروں کی فائرنگ سے ہلاک ہونے والے منشیات فروش کا تعلق ایتھوپیا سے تھا، جبکہ موقع سے فرار کی کوشش کرنے والے دیگر 4 ایتھوپیائی منشیات فروشوں کو حراست میں لے کر مزید تفتیش کے لیے نا معلوم مقام پر منتقل کردیا گیا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جون 20, 2018
کراچی میں مقابلہ، ایک رینجرز اہلکار شہید، دو شدید زخمی

کراچی: شہر قائد میں رینجرز اور دہشت گردوں کے درمیان مقابلہ ہوا جس کے نتیجے میں ایک اہلکار شہید جبکہ دو شدید زخمی ہوگئے تاہم ملزمان کو گرفتار کرلیا گیا۔

تفصیلات کے مطابق رینجرز کی جانب سے کراچی کے علاقے کورنگی الیاس گوٹھ میں خطرناک ٹارگٹ کلر کی اطلاع پر کارروائی کی گئ اس دوران دہشت گردوں نے اہلکاروں پر فائرنگ کردی جس کے باعث ایک اہلکار شہید اور دو شدید زخمی ہوگئے جبکہ جوابی کارروائی میں تین دہشت گرد زخمی حالت میں گرفتار کر لیے گئے۔

ترجمان رینجرز کا کہنا ہے کہ کراچی کے علاقے کورنگی الیاس گوٹھ میں ٹارگٹ کلر شفیق کالا اور اس کے ساتھیوں کی موجودگی کی اطلاع پر کارروائی کی گئی اس موقع پر ملزمان نے رینجرز کی ریکی پارٹی کو دیکھتے ہی فائرنگ کر دی اور فائرنگ کے تبادلے میں رینجرز حوالدار الیاس شہید جبکہ سپاہی ابراہیم اور امیر زخمی ہوگئے۔

لیاری میں مقابلہ: رینجرزاہلکار شہید، 3 زخمی، 5 دہشت گرد ہلاک

ترجمان کے مطابق زخمی رینجرز اہلکاروں کو سی ایم ایچ ملیر منتقل کر دیا گیا ہے جبکہ ٹارگٹ کلر شفیق کالا اور اس کے ساتھی علیم الدین گرفتارہیں اور رینجرز پر فائرنگ کرنے والا ملزم شہباز عرف اسامہ کو زخمی حالت میں گرفتار کرلیا گیا ہے۔

علاوہ ازیں رینجرز کا یہ بھی کہنا تھا کہ اس واقعے کے بعد علاقے میں سیکیورٹی سخت کردی گئی، رینجرز اور پولیس کا علاقے میں مشترکہ سرچ آپریشن بھی جاری ہے۔

کراچی :لانڈھی خرم آباد میں مقابلہ، 2رینجرز اہلکار شہید

خیال رہے کہ گذشتہ ماہ کراچی کے علاقے لیاری میں رینجرز اہلکاروں اور گینگ وار کے کارندوں میں مقابلہ ہوا تھا جس کے باعث پانچ دہشت گرد ہلاک جبکہ ایک اہلکار شہید بھی ہوا تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جون 7, 2018
جنوبی افریقہ: چاقو بردار افراد کا مسجد پر حملہ، امام جاں بحق، تین زخمی

کیپ ٹاؤن: جنوبی افریقہ میں چاقو بردار افراد نے مسجد پر حملہ کر دیا جس کے نتیجے میں مسجد کے امام جاں بحق اور تین نمازی زخمی ہوگئے۔

تفصیلات کے مطابق یہ واقعہ جنوبی افریقہ کے شہر ڈربن میں پیش آیا جہاں چاقو بردار تین افراد نے اچانک عبادت میں مشغول نمازیوں پر حملہ کر دیا، حملہ آور نے چاکو کے وار سے مسجد کے امام کو موقع پر ہی شہید کر دیا جبکہ تین افراد اس حملے کے نتیجے میں شدید زخمی ہیں جن کی حالت تشویش ناک بتائی جاتی ہے۔

ڈربن کی ایمرجنسی سروسز کے مطابق اس حملے کے نتیجے میں مسجد کے امام خون سے لہو لہان ہوگئے تھے، بعد ازاں انہیں اسپتال منتقل کیا گیا تو وہ جانبر نہیں ہوسکے، علاوہ ازیں اس حملے میں تین افراد زخمی ہیں جنہیں بچانے کی بھرپور کوشش کی جاری ہے تاہم حالت غیر ہے۔

برلن میں انتہاپسندوں نےمسجد پرحملہ کرکےآگ لگادی

مقامی میڈیا کے مطابق حملہ آور تینوں افراد کے گلے کاٹ کر فرار ہونے میں کامیاب ہوگئے، جبکہ فرار ہونے سے قبل ملزمان نے آتش گیر مادہ چھڑک کر مسجد کو شہید کرنے کی کوشش بھی کی جس کے باعث مسجد کا بڑا حصہ متاثر ہوا۔

دوسری جانب پولیس حکام کا کہنا ہے کہ یہ حملہ کیوں کیا گیا اور اس کے پیچھے کیا محرکات ہیں یہ کہنا قبل ازوقت ہوگا البتہ تحقیقات کر رہے ہیں جلد حقائق سامنے آئیں گے اور ملزمان کو بھی جلد گرفتار کر لیا جائے گا۔

امریکہ میں نمازفجر کےدوران مسجد پر بم حملہ

واقعے سے متعلق عینی شاہدین کا کہنا تھا کہ حملہ آور بندوقوں اور چاقوؤں سے لیس تھے، جنہوں نے اچانک نمازیوں پر حملہ کر دیا، جس کے باعث زخمی افراد کے چہرے اور لباس خون سے تر ہوگئے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 11, 2018
مالا کنڈ: لوڈشیڈنگ کیخلاف مظاہرہ، فائرنگ سے ایک ہلاک متعدد زخمی

مالاکنڈ: درگئی میں لوڈشیڈنگ کے خلاف احتجاج کرنے والے افراد پر فائرنگ سے ایک شخص ہلاک اور دس زخمی ہوگئے۔ مشتعل مظاہرین نے پیسکو آفس اور لیویز تھانے کو آگ لگا دی۔

تفصیلات کے مطابق بجلی کی عدم فراہمی اورغیراعلانیہ لوڈ شیڈنگ کیخلاف مالا کنڈ کےدرگئی میں مشتعل افراد نے پیسکو کے دفتر پرحملہ کرکے توڑپھوڑ کی اوردفتر کاریکارڈ جلادیا۔ مشتعل مظاہرین دروازہ پھلانگ کر پیسکو دفترمیں گھسے۔

مشتعل مظاہرین حکومت کےخلاف نعرے بازی کررہے تھے۔ جس پر عملہ دفتر چھوڑ کر فرار ہو گیا۔ مظاہرین کو منتشر کرنےلیویز پہنچی، مشتعل افراد کو منشترکرنے کےلیے ایف سی اہلکاروں نے فائرنگ کردی۔

فائرنگ سے پانچ افراد زخمی ہو گئے۔ جنہیں طبی امداد کے لئے ہسپتال منتقل کیا گیا، دوران علاج ایک شخص ہلاک ہوگیا۔ جس کے بعد صورتحال مزید کشیدہ ہوگئی۔

مشتعل مظاہرین نے لیویز تھانے پر دھاوا بولا اور آگ لگا دی۔ جس کے بعد مظاہرین نے تھانے کے کمروں کے شیشے اور گاڑیاں توڑ دیں۔ مشتعل مظاہرین نے لاش سڑک پر رکھ کر مظاہرہ کیا۔

مظاہرین نے تھانےکا بورڈ گرادیا،جبکہ اندر کھڑی ایک موٹرسائیکل اورگاڑی کو بھی نقصان پہنچایا۔ فائرنگ میں ہلاک شخص پی ٹی آئی کی طلبہ تنظیم انصاف اسٹوڈنٹ فیڈریشن کاکارکن بتایا جاتا ہے۔

مئی 29, 2017
ایف سی ایریا میں دستی بم حملہ،ایک بچہ جاں بحق، 21 افراد زخمی

کراچی: شہر قائد کے علاقے ایف سی ایریا لیاقت آباد میں‌ امام بارگاہ پر دستی بم حملے کے نتجے میں ایک بچہ ہلاک جب کہ 21 افراد زخمی ہوگئے جن میں 11 خواتین بھی شامل ہیں۔

اے آر وائی نیوز کے رپورٹر شاہنواز شاہ کے مطابق لیاقت آباد چار نمبر ایف سی ایریا میں واقع امام بارگاہ میں مجلس جاری تھی کہ موٹر سائیکل سوار نامعلوم افراد نے دستی بم پھینکا اور فرار ہوگئے۔

حملے کے نتیجے میں‌ ایک بچہ موقع پر ہی جاں بحق ہوگیا جب کہ 21 افراد زخمی ہوگئے جنہیں‌امدادی اداروں‌ نے فوری طور پر عباسی شہید اسپتال منتقل کیا جہاں انہیں‌ طبی امداد دی جارہی ہے۔

اسپتال ذرائع کا کہنا ہے کہ زخمیوں‌ میں‌ دوسے تین افراد کی حالت تشویش ناک ہے جس کے سبب ہلاکتوں میں اضافے کا خدشہ ہے، زخمیوں‌ میں‌ گیارہ خواتین بھی شامل ہیں۔

گورنر سندھ کا نوٹس، تحقیقات اور زخمیوں کے علاج کا حکم

گورنر سندھ ڈاکٹر عشرت العباد خان نے دستی بم حملے کا نوٹس لیتے ہوئے آئی جی سندھ سے رپورٹ طلب کرلی اور کہا کہ زخمیوں کو علاج کی بہترین سہولتیں فراہم کی جائیں۔

ہدایت ملنے کے بعد آئی جی سندھ اے ڈی خواجہ نے ایڈیشنل آئی جی مشتاق مہر کو جائے وقوع پر پہنچنے کی ہدایت کردی۔

جائے وقوع پہنچنے کے بعد مشتاق مہر نے کہا کہ سیکیورٹی انتظامات کا جائزہ لے رہے ہیں اگر پولیس کی کوتاہی ہوئی تو کارروائی کی جائے گی۔

آصف زرداری کا نوٹس

سابق صدر آصف زرداری نے بھی حملے کا نوٹس لیتے ہوئے کہا ہے کہ ملوث مجرموں کو قانون کی گرفت میں لایا جائے۔

اکتوبر 17, 2016
سری نگر: بھارتی فوجیوں‌ پرفائرنگ، ایک ہلاک، آٹھ زخمی

سری نگر: مقبوضہ کشمیر میں فائرنگ سے ایک بھارتی فوجی ہلاک اور آٹھ زخمی ہوگئے، العمر مجاہدین نامی تنظیم نے حملے کی ذمہ داری قبول کرلی۔

برطانوی نشریاتی ادارے بی بی سے کے مطابق سری نگر میں جمعے کی شام مسلح افراد نے انڈین سیما سشستر بل یا ایس ایس بی کے ایک گشتی دستے پر فائرنگ کی۔پولیس کے مطابق حملے میں ایک اہلکار ہلاک اور آٹھ اہلکار زخمی ہوگئے جن میں سے پانچ کی حالت تشویش ناک ہے۔

پولیس کا کہنا ہے کہ حملہ آور اندھیرے کا فائدہ اُٹھاتے ہوئے فرار ہوگئے۔

یہ حملہ سرینگر کے مشرقی علاقہ زکورہ میں ہوا، جس کے فوراً بعد فورسز اور پولیس نے وسیع علاقے کا محاصرہ کر کے حملہ آوروں کی تلاش شروع کر دی۔

بی بی سے کے مطابق العمر مجاہدین کے سربراہ مشتاق زرگر نے انہیں فون کرکے حملے کی ذمہ داری قبول کرلی اور کہاکہ یہ حملہ ان کی تنظیم نے کیا ہے، ہمارےساتھی صحیح سلامت اپنی کمین گاہ پر پہنچ گئے ہیں،ہم بھارتی فوج اور فورسز کے خلاف ایسے مزید حملوں کی منصوبہ بندی کررہے ہیں۔

واضح رہے کہ صرف دو روز قبل سری نگر کے جنوبی علاقہ پام پور میں واقع ایک سرکاری عمارت میں چھپے دو مسلح شدت پسندوں اور فوج کے درمیان تین روز تک تصادم جاری رہا۔

عمارت پر سیکڑوں مارٹر گولے اور راکٹ فائر کرنے کے بعد فوج نے اس تصادم میں دو حملہ آوروں کو ہلاک کرنے کا دعویٰ کیا تھا۔

اکتوبر 15, 2016
کراچی:عمارت کی دوسرے منزل منہدم، 2 ہلاک، 8 زخمی

کراچی: شہر قائد میں آئی آئی چندریگر روڈ پر شاہین کمپلیکس کے نزدیک واقع عمارت کی دوسری منزل گرنے سے 2 شخص ہلاک اور متعدد ملبے تلے دب گئے، لوگوں نے اپنی مدد آپ کے تحت امدادی کام شروع کردیا۔

امدادی ادارے کے مطابق عمارت گرنے سے ایک خاتون اورایک مرد ہلاک شخص جب کہ دس سے زائد افراد زخمی ہوگئے، ملبے تلے متعدد افراد کے دبے ہونے کا خدشہ تھا تاہم امدادی اداروں اور لوگوں نے ملبے تلے دبے افراد کو نکال لیا۔

اطلاعات کے مطابق عمارت انتہائی قدیم تھی جسے مخدوش قرار دیا جاچکا تھا لیکن پھر بھی لوگ کئی برس سے اس میں مقیم تھے۔ عمارت گرائونڈ پلس ون تھی جس کے اوپر مزید کمرے بنالیے گئے، گرائونڈ پلس ون کی چھت گرنے کے ساتھ اوپر بنے کمرے بھی گرگئے جس کے سبب لوگ دبے تھے جنہیں نکال لیا گیا۔

اطلاعات ہیں کہ مذکورہ عمارت ان عمارتوں میں سے ایک ہے جو انتہائی قدیم ہیں اور انہیں رہائش کے لیے مخدوش قرار دے دیا جاچکا۔

جولائی 17, 2016
کوئٹہ میں دوگروپوں میں تصادم، ایک ہلاک،5زخمی

کوئٹہ:کوئٹہ کے علاقے مسلم آباد میں دو گروپوں میں تصادم کےد وران ایک شخص ہلاک اور پانچ افراد زخمی ہوگئے، مقتول کے ورثا نے ہنگامہ آرائی کرتے ہوئے اسپتال کے باہر کھڑی گاڑی کو آگ لگادی۔

اطلاعات کے مطابق کوئٹہ کے علاقے مسلم آباد میں دو گروپوں میں کسی بات پر جھگڑا ہوا جس میں دونوں اطراف سے مارکٹائی کے سبب ایک شخص ہلاک اور پانچ افراد زخمی ہوگئے۔

امدادی اداروں نے لاش اور زخمیوں کو فوری طور پر سول اسپتال منتقل کردیا جہاں زخمیوں کو طبی امداد دی گئی۔

مشتعل افراد نے ہنگامہ آرائی کرتے ہوئے اور سول اسپتال کے باہر گاڑی کو آگ لگادی، ، مقتول کے ورثا نے الزام عائد کیا کہ حملہ آور افغان مہاجرین ہیں ان کے خلاف فوری کارروائی کی جائے، گرفتار کرکے سخت ترین سزا دی جائے۔

پولیس واقعے کا جائزہ لے رہے ہی، مقتول کے ورثا کی جانب سے قتل میں نامزدگی کے بعد گرفتاری کا سلسلہ شروع کیا جائے گا۔

جون 16, 2016