Tag: one soldier

  • شمالی وزیرستان  میں چیک پوسٹ پرحملےمیں زخمی پاک فوج کاجوان  گل خان شہید

    شمالی وزیرستان میں چیک پوسٹ پرحملےمیں زخمی پاک فوج کاجوان گل خان شہید

      راولپنڈی : شمالی وزیرستان میں چیک پوسٹ پر حملے میں زخمی پاک فوج کا جوان شہید ہوگیا ، شرپسندوں کےحملےمیں پاک فوج کے 5 جوان زخمی ہوئے تھے، شہیدگل خان کا تعلق جمرود کو کی خیل ڈسٹرکٹ خیبر سے تھا۔

    پاک فوج کے شعبہ تعلقات عامہ(آئی ایس پی آر) کے مطابق شمالی وزیرستان میں محسن داوڑ اور ساتھیوں کی جانب سے پاک فوج کی چیک پوسٹ پر حملے میں زخمی پاک فوج کے سپاہی گل خان نے نےجام شہادت نوش کیا۔

    آئی ایس پی آر کا کہنا ہے کہ شہیدگل خان کاتعلق جمرودکوکی خیل ڈسٹرکٹ خیبرسےتھا، شہیدگل خان نےسوگواروں میں3بیٹے اورایک بیٹی چھوڑے۔

    گذشتہ روز محسن داوڑ اور علی وزیرنےمسلح ساتھیوں کے ساتھ مل کرمیران شاہ کے علاقےبویامیں پاک فوج کی چیک پوسٹ پرحملہ کردیا، فائرنگ میں گل خان سمیت پاک فوج کے5جوان زخمی ہوئے تھے جبکہ فائرنگ کےتبادلےمیں مزید تین افرادجان کی بازی ہارگئے تھے۔

    اکسا کرحملہ کرانے کے بعد محسن داوڑ معصوم لوگوں کو ڈھال بناتےہوئے فرارہوگیا جبکہ علی وزیرکوآٹھ ساتھیوں سمیت گرفتارکرلیا گیا تھا۔

    مزید پڑھیں : شمالی وزیرستان: دہشت گردوں کا چیک پوسٹ پر حملہ

    بویاچیک پوسٹ سےڈیڑھ کلومیٹردورپانچ لاشیں بھی برآمد ہوئی ہیں ، جو فوج کی پیڑولنگ ٹیم کو ایک نالے سے ملیں۔۔حکام کے مطابق گولیوں سےچھلنی لاشوں کی شنا خت کاعمل جاری ہے۔

    بعد ازاں ڈی جی آئی ایس پی آر میجر جنرل آصف غفور نے اپنے بیان میں کہا تھا پی ٹی ایم کےسپورٹراورورکرزکاخیال رکھنےکی ضرورت ہے، چندافرادمذموم مقاصدکیلئےپی ٹی ایم کارکنوں کواکسارہےہیں اور انہیں اداروں کے خلاف استعمال کررہے ہیں۔

    میجر جنرل آصف غفور کا کہنا تھا بہادرقبائلیوں کی قربانیوں کورائیگاں نہیں جانےدیاجائے گا، دہائیوں پرمشتمل جدوجہدکےثمرات ضائع کرنےکی اجازت نہیں دی جائے گی، مٹھی بھر افراد ریاست کیخلاف پروپیگنڈا کررہے ہیں۔

  • آواران میں فوجی آپریشن کے دوران 4 دہشت گرد ہلاک، 1 سپاہی شہید

    آواران میں فوجی آپریشن کے دوران 4 دہشت گرد ہلاک، 1 سپاہی شہید

    کوئٹہ : بلوچستان کے ضلع آواران میں آریشن کے ردالفساد کے دوران 4 دہشت گرد ہلاک ہوگئے، دہشت گردوں کے خلاف فائرنگ کے تبادلے میں ایک سپاہی رمز علی شہید جبکہ ایک زخمی ہوگیا۔

    تفصیلات کے مطابق دہشت گردوں کے خلاف ملک میں جاری آپریشن رد الفساد تحت بلوچستان کے ضلع آواران کے قریب جھاؤ میں کارروائی کی گئی ہے جس کے نتیجے میں 4 دہشت گرد ہلاک جبکہ فائرنگ کے تبادلے میں پاک فوج کا ایک جوان شہید ہوگیا۔

    پاک فوج کے شعبہ تعلقات عامہ کی جانب سے جاری بیان میں کہا گیا ہے کہ آپریشن کالعدم دہشت گرد تنظیم بی ایل ایف کے دہشت گردوں کے خلاف خفیہ معلومات پر کیا گیا تھا۔

    آئی ایس پی آر کا کہنا تھا کہ فائرنگ کے دوران بی ایل ایف کے 4 دہشت گرد ہلاک ہوئے جبکہ سیکیورٹی دہشت گردوں کے قبضے سے بڑی تعداد میں اسلحہ و گولہ بارود برآمد ہوا ہے۔

    دہشت گردوں کے خلاف جاری آپریشن کے فائرنگ کے تبادلے میں سپاہی رمز علی شہید،نائیک یعقوب زخمی ہوئے ہیں، 24 سالہ شہید رمز علی کا تعلق خیر پور میرس سے ہے۔

    آئی ایس پی آر نے جاری بیان میں بتایا کہ مذکورہ دہشت گرد رواں سال ماشکئی میں فوجی قافلے پر حملہ کرنے میں ملوث تھے, رواں برس ہونے والے حملے میں پاک فوج کے 5 شپاہی شہید ہوئے تھے۔

    یاد رہے کہ پاکستان آرمی کی جانب سے سال 2017 میں دہشت گردوں کے خلاف آپریشن ردالفساد کا آغاز کیا گیا تھا تاکہ ملک کو اسلحے سے پاک کیا جاسکے اور سرحدی سلامتی کو یقینی بنایا جاسکے۔

    خیال رہے کہ مختلف مواقعوں پر دہشت گردوں کی جانب سے پاک افواج پر حملے بھی کیے گئے ہیں