کراچی : انٹربینک مارکیٹ میں پاکستانی روپے کے مقابلے میں ڈالر کی قدر میں چار پیسے جبکہ اوپن کرنسی مارکیٹ میں ڈالر کی قیمت میں1.00پیسے کا مزید اضافہ ریکارڈ کیا گیا۔
فاریکس ایسوسی ایشن آف پاکستان کے جاری کردہ اعداد وشمار کے مطابق پیر کو انٹربینک مارکیٹ میں ڈالر کی قیمت میں چار پیسے کا اضافہ ریکارڈ کیا گیا،جس کے نتیجے میں ڈالر کی قیمت خرید141.36روپے سے بڑھ کر141.40روپے اور قیمت فروخت141.46روپے سے بڑھ کر141.50روپے ہوگئی۔
اوپن کرنسی مارکیٹ میں پاکستانی روپے کے مقابلے میں امریکی ڈالر کی قیمت میں1.00روپے کا اضافہ ریکارڈ کیا گیا، جس کے نتیجے میں امریکی ڈالر کی قیمت خرید142.00روپے سے بڑھ کر143.00روپے اور قیمت فروخت142.50روپے سے بڑھ کر143.50روپے ہوگئی۔یوروکی قیمت میں80پیسے جبکہ برطانوی پاﺅنڈ کی قیمت میں بھی80پیسے کا اضافہ ریکارڈ کیا گیا۔
فاریکس رپورٹ کے مطابق سعودی ریال کی قیمت میں10پیسے اور یو اے ای درہم کی قیمت میں25پیسے کا اضافہ ریکارڈ کیا گیا، جس کے نتیجے میں باالترتیب سعودی ریال کی قیمت خرید38.00روپے سے بڑھ کر38.10روپے اورقیمت فروخت38.40روپے سے بڑھ کر38.50روپے جبکہ یواے ای درہم کی قیمت خرید38.60روپے سے بڑھ کر38.85روپے اورقیمت فروخت39.00روپے سے بڑھ کر39.25روپے ہوگئی۔
