ARYNews.tv | Urdu – Har Lamha Bakhabar

Tag: open market

  • اوپن مارکیٹ میں ڈالرکی قیمت میں80پیسےکی کمی

    اوپن مارکیٹ میں ڈالرکی قیمت میں80پیسےکی کمی

    کراچی:اوپن مارکیٹ میں ڈالرکی قیمت میں80پیسےکی کمی بعد 118.40 میں خریدا اور 118.70میں بیچا جارہا ہے جبکہ آج سے یومیہ بنیادوں پر ڈالر کا ریٹ دن میں 3 بار مقرر کیا جائے گا۔

    تفصیلات کے مطابق کرنسی ڈیلرز کا کہنا ہے کہ اوپن مارکیٹ میں ڈالر کی قیمت میں80پیسے کی کمی ریکارڈ کی گئی ، جس کے بعد ڈالر118.40روپےمیں خریدا اور 118.70میں بیچاجارہا ہے۔

    دوسری جانب آج سے یومیہ بنیادوں پر ڈالر کا ریٹ مقررکرنے کے فیصلے پرعملدرآمد شروع ہوگیا، ڈالر کا ریٹ دن میں 3بار ڈیمانڈ اینڈ سپلائی کو دیکھتے ہوئے مقرر ہوگا۔

    ملک بوستان کا کہنا ہے کہ ڈالرکے ریٹ کی مانیٹرنگ ایسوسی ایشن کی خصوصی کمیٹی کرے گی۔

    مزید پڑھیں : ڈالر کو پر لگ گئے، قیمت تاریخ کی بلند ترین سطح پر

    گزشتہ روزڈالرکی قیمت119.50روپےکی بلند ترین سطح پرپہنچی تھی، جس کے بعد فاریکس ایسوسی ایشن کے اجلاس میں ڈالرریٹ پر فیصلے کیے گئے تھے۔

    اجلاس مین اوپن مارکیٹ میں ڈالر کا ریٹ یومیہ بنیادوں پر طے کرنے کا فیصلہ کیا گیا تھا ، ڈالرکا ریٹ صبح دس بجے، دوپہر دو بجے اور پھر شام چار بجے طے ہوگا۔

    فاریکس ایسوسی ایشن نے خبردار کیا فیصلوں کی خلاف ورزی کرنے والےکرنسی ڈیلرزپربھاری جرمانےہوں گے۔

    ذرائع کے مطابق روپے کی قدر کو مستحکم اور ڈالر کے بھاؤ نیچے لانے کے لیے دبئی کی ایکسچینج کمپنیز سے ڈالرکی بڑی کھیپ پاکستان منگوائی جائے گی اور ان کمپنیوں کو ٹی ٹی کے عوض ڈالر کیش میں ادا کیے جائیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ڈالر آج بھی 116 روپے میں فروخت

    ڈالر آج بھی 116 روپے میں فروخت

    کراچی : روپے کی قدر میں کمی کاسلسلہ تھم نہ سکا، آج ٹریڈنگ کے آغاز پر ڈالر ایک سو سولہ روپے میں فروخت ہوا، روپے کی بے قدری سے غیر ملکی قرضوں میں پانچ سو ارب روپے کا اضافہ ہوگیا۔

    تفصیلات کے مطابق روپے کی قدر میں کمی کا سلسلہ جاری ہے اور ڈالر کی قیمت آسمان پر پہنچ گئی، آج بھی ٹریڈنگ کے آغاز پر ڈالر کی قیمت ایک سوسولہ روپے ہوگئی۔

    روپے کی قدر میں تین ماہ میں دس فیصد کمی ہوئی ہے، دسمبر میں بھی روپے کی قدر میں پانچ فیصد کمی ہوئی تھی جبکہ پانچ فیصد کمی گزشتہ روز ریکارڈ کی گئی۔

    ڈیلرز کے مطابق انٹر بینک مارکیٹ میں ڈالر115روپے میں خریدا اور115.25میں بیچا جارہا ہے جبکہ اوپن مارکیٹ میں ڈالر کی 116 روپے اور 116.50کے درمیان ٹریڈنگ ہورہا ہے۔

    ماہرین معاشیات کے مطابق روپے کی قدر میں کمی سے نہ صرف مہنگائی میں اضافہ ہوگا بلکہ ملک پر واجب الادا قرضوں کے حجم میں چار سو اسی ارب روپے کا اضافہ ہوگا۔

    ماہرین کے مطابق ایک روپے ڈالر مہنگا ہونے سے غیر ملکی قرضوں میں نوے ارب روپے کا اضافہ ہوتا ہے۔

    مزید پڑھیں : ڈالر کی قیمت تاریخ کی بلند ترین سطح پر پہنچ گئی

    گذشتہ روز کرنسی مارکیٹس میں بھونچال آگیا تھا اور ڈالر تاریخ کی بلند ترین سطح پر جا پہنچا، ڈالر ایک دن میں 4.50روپے مہنگا ہوکر115روپے کی ریکارڈ سطح پر پہنچ گیا تھا، جس کے بعد انٹربینک مارکیٹ میں بہت زیادہ اُتار چڑھاؤ اور غیر یقینی کی صورتحال کے باعث اوپن کرنسی مارکیٹ میں ڈالر کی خرید و فروخت معطل ہوگئی تھی۔

    کرنسی مارکیٹ ذرائع کا کہنا تھا کہ حکومت کی جانب سے روپے کی قدر گرانے کے اشارے کئی روز سے مل رہے تھےامکان ہے کہ حکومت نے متوقع ایمسنٹی اسکیم کامیاب کرانے کیلئے یہ دانہ ڈالا تاکہ بیرون ملک چھپائی گئی خفیہ دولت ظاہر کرنے والوں کو راغب کیا جائے۔

    ای کیپ کے صدر ملک بوستان نے دعویٰ کیا تھا کہ ڈکٹیشن نہ لینے کا دعویٰ کرنیوالی حکومت نے آئی ایم ایف کے آگے گھٹنے ٹیک دیئے، آئی ایم ایف نے روپے کی قدر میں کمی کرنے کا مطالبہ کیا تھا۔

    کرنسی ڈیلرز کے مطابق اسٹیٹ بینک کی جانب سے مداخلت نہ کرنے کے باعث بھی بینکوں کو من مانی کرنے کا موقع مل گیا۔

    یاد رہے کہ رواں سال کے آغاز میں اوپن مارکیٹ میں ڈالر کی قیمت تاریخ کی بلند ترین سطح 113 روپے پر پہنچ گئی تھی۔

    واضح رہے کہ ایسا پہلی بار ایسا نہیں ہوا، جولائی 2017 میں بھی ایسا ہوا تھا، روپے کی قدر میں ایک دن میں تین فیصد سے زائد کی کمی ریکارڈ کی گئی تھی اور ڈالر 109 روپے تک جا پہنچا تھا۔

    وزیر خزانہ اسحاق ڈار نے فوری طور پر معاملے کا نوٹس لیتے ہوئے کمی کی تحقیقات کا حکم دیا تھا، جس کے بعد تحقیقاتی رپورٹ میں کسی کو روپے کی قدر میں کمی کا ذمہ دار نہیں ٹھرایا گیا تھا جبکہ اسٹیٹ بینک نے تسلیم کیاکہ روپےکی قدرمیں کمی دراصل ایڈجسٹمنٹ تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ڈالر کی قیمت تاریخ کی بلند ترین سطح 113 روپے پر پہنچ گئی

    ڈالر کی قیمت تاریخ کی بلند ترین سطح 113 روپے پر پہنچ گئی

    (رضوان عامر) کراچی:ایک ماہ میں دوسری بارروپےکی قدر میں کمی ، اوپن مارکیٹ میں ڈالر کی قیمت تاریخ کی بلند ترین سطح 113 روپے پر پہنچ گئی۔

    تفصیلات کے مطابق پاکستانی روپے کے مقابلے ڈالر کی قدر مین اضافے کا سلسلہ جاری ہے، اوپن مارکیٹ میں ڈالر کی قیمت تاریخ کی بلند ترین سطح 113 روپے پر پہنچ گئی۔

    کرنسی ڈیلرز کا کہنا ہے کہ ایک دن میں ڈالر کی قیمت میں ایک روپے بیس پیسے کا نمایاں اضافہ ہوا جبکہ انٹربینک مارکیٹ میں ڈالر کی خرید و فروخت معمول کے مطابق ہے اور انٹر بینک میں ڈالرکی قیمت 110روپے 55 پیسے ہے۔

    چیئرمین ای کیپ ملک بوستان کا کہنا ہے کہ پاک امریکا کشیدہ صورتحال کا منفی اثر ڈالر پر دیکھا جارہا ہے ، اسٹیٹ بینک 100 فیصد نقد ڈالر فری مارکیٹ میں لانے کی پابندی کے فیصلے پر نظر ثانی کرے ، غیر ملکی کرنسی کے عیوض 100فیصد ڈالر فری مارکیٹ میں لانے کی اجازت بحال کی جائے۔

    ملک بوستان نے مزید کہا کہ اسٹیٹ بینک کےسرکلرسےڈالرکی سپلائی متاثرہوئی، ایکسچینج کمپنیزکو65 فیصدکیش ڈالربینکوں کےذریعےلانے کا کہا ہے۔

    مزید پڑھیں : ڈالر کی قیمت 111 روپے تک جا پہنچی

    اسٹیٹ بینک نے گذشتہ دنوں کیش ڈالر اوپن مارکیٹ میں لانے کی حد 100 فیصد سے کم کرکے 35 فیصد کی ہے۔

    یاد رہے کہ گذشتہ ماہ ڈالر کی قیمت میں اچانک اضافہ ہوا تھا اور چند گھنٹوں میں 110 روپے تک فروخت ہونے والا ڈالر ٹریڈنگ کے اختتام پر 108 روپے 70 پیسے کا ہوگیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکی ڈالرایک سو آٹھ روپے سے تجاوزکرگیا

    امریکی ڈالرایک سو آٹھ روپے سے تجاوزکرگیا

    کراچی : اوپن مارکیٹ میں روپے کی مزید بے قدری سامنے آئی ہے، کرنسی مارکیٹ میں امریکی ڈالر ایک سو آٹھ روپے سے زائد کا ہوگیا۔ ایک ہی دن میں اس کی قیمت میں 10 پیسے کا اضافہ ہوا۔

    تفصیلات کے مطابق ڈالر نے روپے کی پٹائی شروع کردی۔ ڈالر کی قیمت کو پر لگ گئے، اوپن مارکیٹ میں ڈالر کی قیمت میں آج دس پیسے کا اضافہ ریکارڈ کیا گیا، کرنسی ڈیلرز کے مطابق رواں ماہ ڈالر کے مقابلے میں روپے کی قدر میں دو روپے کی کمی ریکارڈ کی گئی۔

    اوپن مارکیٹ میں امریکی ڈالر ایک سو آٹھ روپے دس پیسے میں فروخت ہو رہا ہے۔ ڈیلرز کے مطابق مارکیٹ میں ڈالر کی قلت نہیں تاہم ہنڈی حوالہ سے پیسے بھجوائےجانے اور ذخیرہ کئے جانے سے ڈالر مہنگا ہو رہا ہے۔

    دوسری جانب انٹر بینک مارکیٹ میں ڈالر کی قیمت میں کوئی تبدیلی نہیں دیکھی گئی اور اس کی قیمت میں استحکام رہا۔ انٹربینک مارکیٹ میں امریکی ڈالر کی قیمت خرید 104 روپے 40 پیسے اور قیمت فروخت 104 روپے 60 پیسے پر برقرار رہی ہے۔

    اقتصادی ماہرین کے مطابق امریکی ڈالر 108 روپے پر پہنچنے کے بعد دیگر کرنسیوں کے مقابلے میں 14 ماہ کی بلند ترین سطح پر پہنچ گیا ہے۔

  • ڈالر کی قیمت میں 80 پیسے کا اضافہ

    ڈالر کی قیمت میں 80 پیسے کا اضافہ

    کراچی: اوپن مارکیٹ میں ڈالر کی قیمت میں پانچ روز کے اندر 80 پیسے کا اضافہ ہوگیا جس کے بعد امریکی کرنسی 107 روپے پر پہنچ گئی جبکہ انٹر بینک اور اوپن مارکیٹ میں صرف 2 روپے کا فرق باقی رہ گیا۔

    تفصیلات کے مطابق اوپن مارکیٹ میں ڈالر کی قیمت کو پر لگ گئے اور پانچ روز میں اس کی قیمت میں 80 پیسے کا اضافہ دیکھنے میں آیا جس کے بعد ڈالر کی خرید 107 روپے تک پہنچ گئی۔

    اوپن مارکیٹ میں ڈالر کی قیمتوں میں تیزی کے بعد 80 پیسے کا اضافہ دیکھنے میں آیا جس کے بعد ڈالر 107 روپے کے اردگرد ہے جبکہ انٹر بینک اور اوپن مارکیٹ میں ڈالر کی قیمت میں صرف 2 روپے کا فرق باقی رہ گیا ہے۔

    حکومت پاکستان کی جانب سے پانچ ہزار کے نوٹ اور 40 ہزار کے بانڈ پیپرز بند نہ کرنے کی یقین دہانی کے باوجود اوپن مارکیٹ میں ڈالر کی قیمت نے ہلچل مچائی ہوئی ہے۔

    عالمی منڈی میں ڈالر کی بڑھتی ہوئی قیمتوں کو دیکھتے ہوئے سرمایہ کار سونے کی خریداری سے زیادہ ڈالر کی خریدوفروخت میں دلچسپی لے رہے ہیں، اقتصادی ماہرین کے مطابق ڈالر کی بڑھتی ہوئی قیمتیں عالمی منڈی میں تیزی کی وجہ سے ہے۔ امریکی ڈالر 107 روپے پر پہنچنے کے بعد دیگر کرنسیوں کے مقابلے میں 14 ماہ کی بلند ترین سطح پر پہنچ گیا ہے۔

  • زرمبادلہ کے ذخائرمیں اضافہ کے باوجود ڈالر کی قدرکم نہ ہو سکی

    زرمبادلہ کے ذخائرمیں اضافہ کے باوجود ڈالر کی قدرکم نہ ہو سکی

    اسلام آباد :تین ماہ کے بعد ایک بار پھر اوپن مارکیٹ میں روپے کے مقابلے میں ڈالر کی قدر ایک سو دو روپے ہوگئی
    کرنسی مارکیٹ ڈیلرز کے مطابق زرمبادلہ کے ذخائر میں اضافہ بھی روپے کی قدر میں استحکام نہ لاسکا۔

    اس کے علاوہ عالمی مالیاتی فنڈ اور دیگر غیر ملکی ادائیگیاں بھی ڈالر کی قدر میں اضافہ کاباعث ہیں۔ اوپن مارکیٹ میں ڈالر کی قدر دس پیسے اضافے کے ساتھ ایک سو دو روپے پچیس پیسے میں فروخت ہورہا ہے ۔

    جبکہ انٹر بینک میں ڈالر ایک سو ایک روپے پچانوے پیسے میں فروخت ہورہا ہے۔ معاشی تجریہ کاروں کے مطابق روپے کی قدر میں ہوتی کمی کی وجہ معاشی سست روی ہے۔

  • انٹربینک میں ڈالر103روپےسےبھی تجاوز کرگیا

    انٹربینک میں ڈالر103روپےسےبھی تجاوز کرگیا

    کراچی: امریکی ڈالرپھر روپیےکو آنکھیں دکھانےلگا، اسٹیٹ بینک کی مداخلت بھی کام نہ آسکی، ڈالرایک سو تین روپےسےبھی تجاوز کرگیا۔

    پیرکوانٹربینک مارکیٹ یعنی بینکوں کےمابین لین دین میں امریکی ڈالرایک سوتین روپےکی سطح بھی عبورکرگیا، کرنسی ڈیلرزکے مطابق ہفتےکےآغازپرڈالرکی طلب میں اضافےسے روپےکی قدر مزید گرگئی، جس کا سبب درآمدی ادائیگیوں کیلئےساڑھے پانچ کروڑڈالرسےزائد کی خریداری تھی جس کےدوران ڈالردس پیسے مہنگا ہوکرایک سوتین روپےپانچ پیسےکا ہوگیا۔

    پیرکواوپن کرنسی مارکیٹ میں عوام سےڈالرایک سوتین روپےدس پیسے میں خریدا اورایک سوتین روپےپچاس پیسےمیں اُنہیں فروخت کیاگیا۔

  • اوپن مارکیٹ: ڈالرایک سو تین روپےتک جا پہنچا

    اوپن مارکیٹ: ڈالرایک سو تین روپےتک جا پہنچا

    کراچی: اوپن مارکیٹ میں روپے کی قدر میں ایک بار پھر اضافہ ریکارڈ کیا جارہا ہے۔کرنسی مارکیٹ ڈیلز کے مطابق انٹر بینک مارکیٹ میں ڈالر ایک سوتین روپےمیں فروخت ہورہا ہے اوپن مارکیٹ میں ڈالر کی قیمت خرید ایک سو تین روپے جبکہ قیمت فروخت ایک سو تین روپے بیس پیسے رہی۔

    برطانوی پاونڈ کی قیمت فروخت ایک سو چھیاسٹ روپے ، کنیڈین ڈالر بانوئے روپے ، یورو ایک سو اکتیس روپے پچاس پیسے،سعودی ریال ستائسروپےپچیس پیسے ، یو اے ای درہم اٹھائیس روپے جبکہ چینی یوان اور جاپانی ین بالترتیب سترہ روپے اور چھیانوئے پیسے میں فروخت ہورہاہے

  • انٹر بینک اور اوپن مارکیٹ میں روپے کی قدر میں استحکام

    انٹر بینک اور اوپن مارکیٹ میں روپے کی قدر میں استحکام

    کراچی :اوپن مارکیٹ میں روپے کی قدر میں استحکام ریکارڈ کیا گیا۔

    کرنسی مارکیٹ ڈیلز کے مطابق انٹر بینک مارکیٹ میں ڈالر ایک سو دو روپے پچاسی پیسے میں فروخت ہورہا ہے، اوپن مارکیٹ میں ڈالر کی قیمت خرید ایک سو دو روپے ساٹھ پیسے جبکہ قیمت فروخت ایک سو تین روپے رہی۔

    برطانوی پاونڈ کی قیمت فروخت ایک سو چھیاسٹ روپے ، کنیڈین ڈالر بانوئے روپے ، یورو ایک سو انتیس روپے پچاس پیسے،سعودی ریال ستائس روپےپچیس پیسے ، یو اے ای درہم اٹھائیس روپے جبکہ چینی یوان اور جاپانی ین بالترتیب سترہ روپے اور چھیانوئے پیسے میں فروخت ہورہا ہے۔

  • انٹر بینک اور اوپن مارکیٹ میں روپے کی قدر میں استحکام

    انٹر بینک اور اوپن مارکیٹ میں روپے کی قدر میں استحکام

    کراچی : انٹر بینک اور اوپن مارکیٹ میں روپے کی قدر میں استحکام ریکارڈ کیا جارہا ہے۔

    انٹر بینک مارکیٹ میں ڈالر کی قدر ایک سو دو روپے ساٹھ پیسے ہوگئی ہے، اوپن مارکیٹ میں ڈالر کی قیمتِ خرید ایک سو دو روپے تیس پیسے جبکہ قیمت فروخت ایک سو دو روپے ستر پیسے رہی۔

    برطانوی پاؤنڈ کی قیمت فروخت ایک سو چھیاسٹھ روپے ستر پیسے ، کنیڈین ڈالر بانوئے روپے پچاس پیسے ، یورو ایک سو انتیس روپے پچاس پیسے، سعودی ریال ستائس روپے پچاس پیسے ، یو اے ای درہم اٹھائیس روپے جبکہ چینی یوان اور جاپانی ین بالترتیب سترہ روپے اور پچانوئے پیسے میں فروخت ہورہا ہے۔