ARYNews.tv | Urdu – Har Lamha Bakhabar

Tag: operation

  • کراچی: پولیس کی مختلف علاقوں میں کارروائیاں، ٹارگٹ کلر سمیت 13 ملزمان گرفتار

    کراچی: پولیس کی مختلف علاقوں میں کارروائیاں، ٹارگٹ کلر سمیت 13 ملزمان گرفتار

    کراچی: شہرقائد کے مختلف علاقوں میں پولیس نے کارروائیاں کرتے ہوئے ٹارگٹ کلر سمیت 13 ملزمان کو گرفتار کرلیا۔

    تفصیلات کے مطابق انسداد دہشت گردی فورس(سی ٹی ڈی) نے کیپری سنیما کے قریب آپریشن کرتے ہوئے ایم کیو ایم لندن کا ٹارگٹ کلر غیاث احمد کو گرفتار کرلیا۔

    سی ٹی ڈی حکام کا کہنا ہے کہ ملزم غیاث عرف منا سے اسلحہ اور دستی بم برآمد کرلیا گیا، ملزم مخالف سیاسی جماعتوں کے کارکنان کے قتل میں ملوث ہے۔

    ملزم غیاث ایجوکیشن ڈائریکٹر کے قتل میں بھی ملوث ہے، گرفتار ملزم نے لسانی قتل و غارت میں بھی ملوث ہونے کا اعتراف کیا ہے۔

    دوسری جانب سکھن پولیس نے ریڑھی گوٹھ میں کارروائی کرتے ہوئے منشیات فروش گرفتار کرلیا، ملزم کے قبضے سے چرس برآمد ہوئی۔

    ایس ایس پی ملیر کا کا کہنا ہے کہ قائدآباد پولیس کی کارروائیاں میں 10 ملزمان گرفتار ہوئے، ملزمان میں 8جواری اور 2 اسٹریٹ کرمنل شامل ہیں، اسٹریٹ کرمنل حسن اور حیات سے اسلحہ برآمد ہوا۔

    کراچی میں رینجرزکی کارروائی‘ ایم کیوایم لندن کا ٹارگٹ کلر گرفتار

    ملزمان سے بغیر نمبر پلیٹ والی موٹرسائیکل بھی برآمد ہوئی، گرفتار جواریوں سے قمار بازی کا سامان اور رقم بھی برآمد کرلی گئی۔

    علاوہ ازیں ایس ایس پی سینٹرل عارف راؤ کے مطابق پاپوش نگر تھانے کی مختلف علاقوں میں کارروئیوں میں تین ملزمان گرفتار ہوئے جن کے قبضے سے 4مسروقہ موٹرسائیکلیں اور اسلحہ برآمد ہوا، محمداعظم، فرحان نامی ملزمان سے منشیات برآمد ہوا۔

  • کراچی: پولیس مقابلوں کے دوران 8 ملزمان گرفتار، اسلحہ اور مسروقہ سامان برآمد

    کراچی: پولیس مقابلوں کے دوران 8 ملزمان گرفتار، اسلحہ اور مسروقہ سامان برآمد

    کراچی: شہرقائد کے مختلف علاقوں میں پولیس مقابلوں کے دوران 8 ملزمان گرفتار ہوئے جن کے قبضے سے اسلحہ اور مسروقہ سامان برآمد کرلیا گیا۔

    تفصیلات کے مطابق مبینہ ٹاؤن پولیس نے کارروائی کرکے اغوا برائے تاوان کا ملزم گرفتار کر لیا، ملزم کے بیگ سے کپڑوں میں چھپائے گئے دودستی بم بھی آمد ہوئے۔

    سندھ حکومت نے ملزم کے سر کی قیمت پانچ لاکھ روپے مقرر کی تھی۔ لیاری کے علاقے بغدادی سلاٹرہاؤس کے قریب مبینہ پولیس مقابلہ کے دوران فائرنگ کے تبادلے میں دوملزمان زخمی حالت میں گرفتار کرلیے گئے۔

    پولیس حکام کا کہنا ہے کہ ملزمان سے اسلحہ برآمد کیا، ملزمان کا تعلق گینگ وار غفار زکری گروپ سے ہے۔

    کراچی: مبینہ پولیس مقابلہ اور سرچ آپریشن، 13 ملزمان گرفتار

    بہادرآباد پولیس نے بنگلوں میں وارداتیں کرنے والے ڈاکوؤں سے مقابلے کے بعد گروہ کا سرغنہ اسلحہ سمیت گرفتار کرلیا، ملزم نے بتایا کہ گروہ کی کمانڈ ایک عورت کرتی ہے۔

    محمودآباد میں ملزمان شہریوں سے لوٹ مار کررہے تھے کہ پولیس پہنچ گئی، پولیس اور ملزمان کے مابین فائرنگ کے مقابلہ کے بعد دوملزمان زخمی حالت میں گرفتار کرلیئے، ملزمان سے اسلحہ، چھیناہوا سامان اور موٹرسائیکل برآمدکرلی گئی۔

  • فیصل آباد: سی ٹی ڈی کی کارروائی، فائرنگ کے تبادلے میں دو دہشت گرد ہلاک

    فیصل آباد: سی ٹی ڈی کی کارروائی، فائرنگ کے تبادلے میں دو دہشت گرد ہلاک

    فیصل آباد: انسداد دہشت گردی فورس(سی ٹی ڈی) نے پنجاب میں کارروائی کی، فائرنگ کے تبادلے میں دو دہشت گرد ہلاک ہوگئے۔

    تفصیلات کے مطابق سی ٹی ڈی نے فیصل آباد میں دہشت گردوں کے خلاف کارروائی کی اس دوران فائرنگ کا تبادلہ ہوا اور 2دہشت گرد ہلاک ہوگئے۔

    سی ٹی ڈی حکام کا کہنا ہے کہ مارے گئے دہشت گردوں میں عدیل اور عمان شامل ہے، ہلاک دہشت گرد ملتان میں حساس ادارے کے افسران کے قتل میں ملوث تھے۔

    ہلاک دہشت گردوں سے خودکش جیکٹس، اسلحہ اور دستی بم سمیت دیگر سامان برآمد کرلیا گیا۔

    دہشت گرد سابق وزیر اعظم یوسف رضا گیلانی کے بیٹےعلی حیدر گیلانی کے اغوا میں ملوث تھے، ہلاک دہشت گردوں نے امریکی شہری وارن وائنسٹائن کو بھی اغوا کیا۔

    سی ٹی ڈی کی کورنگی میں کارروائی‘ رئیس ماما کا قریبی ساتھی گرفتار

    خیال رہے کہ گذشتہ دنوں شہر قائد کے علاقے کورنگی میں کاؤنٹرٹیررازم ڈیپارٹمنٹ نے کارروائی کرتے ہوئے سیاسی جماعت سے تعلق رکھنے والے رئیس ماما کے قریبی ساتھی مذمل عرف ہلکا کو گرفتارکرلیا تھا۔

    یاد رہے کہ رواں ماہ 6 جنوری کو سندھ رینجرز نے کراچی کے علاقے ماڈل کالونی میں کارروائی کرتے ہوئے ڈکیتی مزاحمت پر فائرنگ کرنے والے تین ملزمان کو گرفتار کرلیا تھا۔

  • کراچی: رات گئے پولیس آپریشن، 33 ملزمان گرفتار، اسلحہ برآمد

    کراچی: رات گئے پولیس آپریشن، 33 ملزمان گرفتار، اسلحہ برآمد

    کراچی: شہرقائد کے مختلف علاقوں میں رات گئے پولیس کارروائیوں کے دوران تینتیس ملزمان گرفتار ہوئے جن سے اسلحہ سمیت مسروقہ سامان بھی برآمد کیا گیا۔

    تفصیلات کے مطابق سائٹ تھانہ اے پولیس نے کارروائی کرکے دو گینگ وار ملزمان گرفتار کیئے، ملزمان سے دو پستول مع سیون راؤنڈ، موبائل اور کیش برآمد ہوا۔ گلشن اقبال پولیس نے چار ملزمان گرفتار کیئے، ملزمان سے چار ٹی ٹی پستول، دو موٹر سائیکل اور چھینے گئے موبائل برآمد ہوئے۔

    درخشاں پولیس نے تین ڈکیتوں کو گرفتار کرکے ورٹس گھڑیاں، سونا اور کیش برآمد کیا۔ پیرآباد پولیس نے منشیات فروش کو گرفتار کرکے پانچ سو دس گرام چرس برآمد کی۔ قائد آباد پولیس نے دس منشیات فروشوں کو گرفتار کرلیا، ملزمان سے گیارہ سو گرام چرس اور قرم برآمد کیں۔

    نیپئر پولیس نے ڈکیت گرفتار کرکے ایک پستول مع تین راؤنڈ برآمد کیا۔ پاپوش پولیس نے دو ملزمان گرفتار کیئے ایک ملزم سے ٹی ٹی پستول مع تیس بور اور موٹر سائیکل جبکہ دوسرے ملزم سے ایک سو ساٹھ گرام چرس برآمد کی۔

    علاوہ ازیں سعود آباد پولیس نے تین ملزمان گرفتار کیئے، ایک سے پستول، دوسرے سے گٹکا کی بھاری مقدار برآمد کی۔ ماڈل کالونی پولیس نے دو ڈکیت گرفتار کرکے ان سے ایک ریپیٹر اور ایک پستول برآمد کیا۔

    الفلاح پولیس نے کارروائی کرتے ہوئے دو ملزمان سے ایک پستول اور بھاری مقدار میں گٹکا برآمد کیا۔ زمان ٹاؤن پولیس نے دو ڈکیت گرفتار کرکے ان سے اسلحہ برآمد کیا، جبکہ شاہ فیصل کالونی نے ایک ملزم سے پانچ بوتلیں شراب کی برآمد کیں۔

  • کراچی: پولیس کی مختلف علاقوں میں کارروائیاں، 8 ملزمان گرفتار، اسلحہ برآمد

    کراچی: پولیس کی مختلف علاقوں میں کارروائیاں، 8 ملزمان گرفتار، اسلحہ برآمد

    کراچی: شہرقائد کے مختلف علاقوں میں پولیس نے کارروائیاں کرتے ہوئے 8 ملزمان کو گرفتارکرکے اسلحہ برآمد کرلیا۔

    تفصیلات کے مطابق رات گئے شہر کراچی میں پولیس مقابلہ، گھیراؤ اور چھاپوں کا سلسلہ جاری رہا، جس کے باعث آٹھ ملزمان قانون کے شکنجے میں آئے۔

    پولیس حکاما کا کہنا ہے کہ کراچی کے علاقے میمن گوٹھ سے تین ملزمان کو گرفتار کیا گیا، ملزمان سے بھاری مقدار میں منشیات برآمد ہوا۔

    گڈاپ سٹی پولیس نے کارروائی میں تین اسٹریٹ کریمنل اور منشیات فروش کو گرفتار کیا، گرفتار ملزمان سے اسلحہ اور منشیات برآمد ہوا۔

    دوسری جانب لیاری چاکیواڑہ میں پولیس مقابلہ ہوا، فائرنگ کے تبادلہ کے بعد ایک ملزم زخمی حالت میں گرفتار کرلیا گیا، ملزم سے اسلحہ بھی برآمد ہوا۔

    علاوہ ازیں ڈاکس پولیس نے مچھر کالونی میں کارروائی کے دوران منشیات فروش گرفتار کیا، گرفتار منشیار فروش سے سوا کلو چرس برآمد کی۔

    کراچی: پولیس کی مختلف علاقوں میں کارروائیاں، 10 ملزمان گرفتار

    خیال رہے کہ گذشتہ ہفتے شہرقائد کے مختلف علاقوں میں پولیس نے کارروائیاں کرتے ہوئے 21 ملزمان کو گرفتار کیا تھا، جن کے قبضے سے اسحلہ بھی برآمد ہوا تھا۔

    یاد رہے کہ 2 دسمبر کو کراچی کے علاقے گلشن اقبال میں ڈسکو بیکری کے قریب رینجرز نے کارروائی کرتے ہوئے ایم کیوایم لندن سے تعلق رکھنے والے ٹارگٹ کلر فاروق کو گرفتارکیا تھا۔

  • سیکیورٹی فورسز کی کارروائی میں دہشت گرد ہلاک، بھاری اسلحہ برآمد

    سیکیورٹی فورسز کی کارروائی میں دہشت گرد ہلاک، بھاری اسلحہ برآمد

    اسلام آباد: پاک فوج کے شعبہ تعلقات عامہ آئی ایس پی آر کا کہنا ہے کہ شمالی وزیرستان اور قلعہ عبداللہ میں فورسز کی کارروائی میں ایک دہشت گرد ہلاک ہوگیا۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ شمالی وزیرستان کے علاقے اسپین وام میں برکلے گاؤں میں آپریشن رد الفساد کیا گیا۔

    آپریشن کے دوران ایک دہشت گرد ہلاک ہوگیا۔ آئی ایس پی آر کے مطابق آپریشن میں آئی ای ڈیز بنانے کا مواد، ایس ایم جی، ہینڈ گرینیڈز، مواصلاتی آلات اور ممنوعہ لٹریچر بھی برآمد کیے گئے۔

    آئی ایس پی آر کا کہنا ہے کہ فرنٹیئر کورپس (ایف سی) بلوچستان نے خفیہ اطلاع پر بلوچستان کے قلعہ سیف اللہ اور کاہان میں بھی کارروائی کی۔ کارروائی میں امن سبوتاژ کرنے کی سرگرمی ناکام بنادی گئی۔

    ایف سی نے کارروائی میں اسلحہ اور گولیاں برآمد کرلیں۔

    خیال رہے کہ چند دن قبل بلوچستان کے علاقے لورالائی میں سیکورٹی فورسز نے ایف سی کے تربیتی مرکز کے رہائشی علاقے پر حملے کی کوشش نا کام بنا دی تھی۔

    لورالائی میں دہشت گردوں نے فرنٹیئر کانسٹبلری کے تربیتی مرکز کو نشانہ بنایا تھا تاہم سیکورٹی فورسز کی بروقت کارروائی میں 4 دہشت گرد ہلاک ہو گئے۔

    دہشت گردوں کے حملے میں سیکورٹی فورسز کے 4 جوانوں نے بھی جام شہادت نوش کیا۔

  • کراچی: تجاوزات کے خلاف آپریشن، 150 سے زائد دکانیں مسمار کی جائیں گی

    کراچی: تجاوزات کے خلاف آپریشن، 150 سے زائد دکانیں مسمار کی جائیں گی

    کراچی: شہرقائد کے مختلف علاقوں میں تجاوزات کے خلاف آپریشن جاری ہے، 150 سے زائد دکانیں مسمار کی جائیں گی۔

    تفصیلات کے مطابق کراچی میں تجاوزات کے خلاف آپریشن تاحال جاری ہے، کورنگی میں آج بھی آپریشن کیا جائے گا۔

    انسداد تجاوزات سیل نے کورنگی ساڑھے 5 پر نالوں پر قائم 150 سے زائد دکانیں گرانے کے لیے تیاری کرلی، بھاری مشینری کے ذریعے تابڑ توڑ  آپریشن کیا جائے گا۔

    دوسری جانب انسداد تجاوزات سیل نے ڈسٹرکٹ ساوٴتھ میں کارروائی کرتے ہوئے ایمپریس مارکیٹ کے اطراف لگے اسٹال ہٹا دیے، صدر میں ہی تین وال فکسنگ دکانیں بھی گرادی گئیں۔

    زیب النسااسٹریٹ کے فٹ پاتھ پر لگے لوہے کے پائپ ہٹائے گئے۔ علاوہ ازیں گلبرگ یوسف پلازہ بلاک16 میں تجاوزات کے خلاف کارروائی میں چبوترے، دیواریں فٹ پاتھ پر بنی دکانیں توڑدی گئیں۔

    کراچی:‌ قبضہ مافیا کا تجاوزات کے خلاف آپریشن کرنے والی ٹیم پرحملہ

    کراچی کے علاقے کلفٹن باغ ابن قاسم میں تجاوزات کے خلاف آپریشن تاحال جاری ہے۔

    واضح رہے کہ اس وقت پورے کراچی میں تجاوزات کے خلاف آپریشن جارہی ہے، اس کا آغاز ایمپریس مارکیٹ سے کیا گیا، جہاں برسوں سے قائم تجاوزات کا خاتمہ کیا گیا۔

    اس آپریشن کی وجہ سے میئر کراچی کو تنقید کا نشانہ بھی بنایا گیا۔ انھوں نے یہ دعویٰ بھی کیا تھا کہ انھیں دھمکیاں دی جارہی ہیں۔

  • روس: عمارت میں دھماکا، 9 افراد ہلاک، درجنوں لاپتہ

    روس: عمارت میں دھماکا، 9 افراد ہلاک، درجنوں لاپتہ

    ماسکو: روس میں عمارت دھماکے سے منہدم ہوگئی جس کے نتیجے میں 9 افراد ہلاک اور چھتیس سے زائد لاپتہ ہوگئے۔

    تفصیلات کے مطابق روسی شہر ’مگینی ٹوگورس‘ میں عمارت دھماکے سے منہدم ہونے سے نو افراد ہلاک اور درجنوں لاپتہ ہو گئے۔

    غیر ملکی خبر رساں ادارے کے مطابق روس کے صنعتی علاقے میں واقع اپارٹمنٹ میں گیس لیک ہونے سے دھماکا ہوا جس سے دس منزلہ اپارٹمنٹ کے اڑتالیس فلیٹس تباہ ہوگئے۔

    واقع کی اطلاع ملتے ہی ریسکیو عملہ پہنچ گیا اور بروقت آپریشن کرکے 9 افراد کی لاشیں نکال لیں جبکہ لاپتہ ہونے والوں کی تلاش تاحال جاری ہے۔

    دھماکے کے بعد ملبے تلے 11 ماہ کے بچے کو خوش قسمتی سے زندہ نکال لیا گیا، تاہم جسم کے مختلف حصوں میں شدید زخم کے باعث بچے کی حالت تشویش ناک ہے۔

    حکام کا کہنا ہے کہ ’ایوان‘ نامی بچے کے سر پر گہرے زخم آئے ہیں جبکہ ٹانگوں کی مختلف ہڈیاں ٹوٹ چکی ہیں، خوش قسمتی سے اس واقعے میں بچے کی ماں بھی محفوظ رہی۔

    حکام نے واقعے میں ہلاک ہونے والوں سے تعزیت کرتے ہوئے زخمیوں کو فوری طور پر ہر ممکن سہولیات یقینی بنانے کی ہدایت کی ہے۔

    دوسری جانب ریسکیو ذرائع کا کہنا تھا کہ حادثے کے بعد آپریشن میں شدید مشکلات کا سامنا کرنا پڑا، جبکہ لاپتہ افراد کی تلاش تاحال جاری ہے۔

    غیر ملکی خبر رساں ادارے کے مطابق اسی شہر میں دوسرا واقعہ بھی دھماکے کا پیش آیا، جہاں ایک مسافر بس میں گیس لیکیج کے باعث دھماکے کے نتیجے میں تین افراد ہلاک ہوگئے۔

  • کراچی: وفاقی حکومت کا تجاوزات کے خلاف آپریشن میں غیر قانونی گھر نہ گرانے کا فیصلہ

    کراچی: وفاقی حکومت کا تجاوزات کے خلاف آپریشن میں غیر قانونی گھر نہ گرانے کا فیصلہ

    کراچی: وفاقی حکومت کا بڑا فیصلہ سامنے آگیا، تجاوزات کے خلاف آپریشن میں غیر قانونی گھر نہیں گرائے جائیں گے۔

    تفصیلات کے مطابق وفاقی حکومت نے فیصلہ کیا ہے کہ شہرقائد میں تجاوزات کے خلاف آپریشن میں غیرقانونی گھروں کو نہیں چھیڑا جائے گا اور نہ ہی انہیں مسمار کیا جائے گا۔

    البتہ وفاقی حکومت نے پارکس، فٹ پاتھوں اور کمرشل مارکیٹوں میں آپریشن جاری رکھنے کا فیصلہ کیا ہے۔

    دوسری جانب میئر کراچی وسیم اختر نے انسداد تجاوزات آپریشن پر دھمکیاں ملنے کا انکشاف کیا ہے۔

    انسداد تجاوزات آپریشن پر دھمکیاں مل رہی ہیں: میئر کراچی

    گذشتہ روز ایک تقریب سے خطاب کرتے ہوئے انہوں نے کہا تھا کہ اب تجاوزات ہٹانے پر میرے بچوں کو مارنے کی دھمکیاں دی جارہی ہیں، انھیں موبائل دھمکی آمیز پر پیغامات ملتے ہیں۔

    میئرکراچی نے بتایا تھا کہ ایمپریس مارکیٹ میں منشیات اورغیر قانونی اسلحہ کا کاروبارہوتا تھا، کسی کو آپریشن سے تکلیف ہے تو کورٹ چلا جائے۔

    واضح رہے کہ سپریم کورٹ کے حکم پر پورے شہر میں تجاوزات کے خلاف آپریشن جاری ہے. اس ضمن میں سپریم کورٹ کی جانب سے میئر کراچی کو سراہا بھی گیا، البتہ ایم کیو ایم پاکستان ہی کے ایک دھڑے نے فاروق ستار کی قیادت میں اس پر تحفظات کا اظہار کیا ہے۔

  • تجاوزات آپریشن کے متاثرین کو حکومت سہولت فراہم کرے گی: وزیر بلدیات سندھ

    تجاوزات آپریشن کے متاثرین کو حکومت سہولت فراہم کرے گی: وزیر بلدیات سندھ

    کراچی: وزیر بلدیات سندھ سعید غنی کا کہنا ہے کہ تجاوزات آپریشن کے متاثرین کو حکومت سہولت فراہم کرے گی، ہمیں اس شہر اور ملک کی ترقی میں مل کر کام کرنا ہے۔

    ان خیالات کا اظہار انہوں نے ایک تقریب سے خطاب کرتے ہوئے کیا، وزیر بلدیات کا کہنا تھا کہ ملیر ایکسپریس وے بنا رہے ہیں جو سپرہائی وے سے ملے گی، ایم ٹی خان روڈ پر ایلیویڈیٹ روڈ بھی بنارہے ہیں۔

    انہوں نے کہا کہ قائدآباد سے ایک اور شاہراہ بنائیں گے، ہاکس بے پر بھی ترقیاتی کام ہوگا تاکہ وہاں ٹریفک جام نہ ہو، ترقی کے لیے مل کام کریں گے۔

    سعید غنی کا مزید کہنا تھا کہ شہر میں ڈرائیونگ لائسنس برانچز بہت کم ہیں، اضافے پر غور کیا جارہا ہے، تاکہ کسی قسم کے مسائل کے بچا جاسکے۔

    انسداد تجاوزات آپریشن : بلاول ہاؤس کی دیواریں کب گرائی جائیں گی؟ خرم شیر زمان

    خیال رہے کہ گذشتہ روز مشیراطلاعات سندھ مرتضیٰ وہاب نے کہا تھا کہ ہم شہر قائد کے حقوق پر ڈاکہ برداشت نہیں کریں گے،متاثرہ دکانداروں کو متبادل جگہ دیں گے۔

    واضح رہے کہ گذشتہ روز ہی تحریک انصاف کراچی ڈویژن کے صدر اور رکن سندھ اسمبلی خرم شیر زمان نے کہا تھا کہ انسداد تجاوزات آپریشن منصفانہ بنیادوں پر نہیں ہورہا، بلاول ہاؤس کی دیواریں فٹ پاتھ پر قائم ہیں ان کے خلاف کب ایکشن ہوگا؟