Tag: operation

  • کراچی: پولیس اور قانون نافذ کرنے والے ادارے کا آپریشن، 6 ملزمان گرفتار

    کراچی: پولیس اور قانون نافذ کرنے والے ادارے کا آپریشن، 6 ملزمان گرفتار

    کراچی: شہر قائد کے دو مختلف علاقوں میں پولیس اور قانون نافذ کرنے والے ادارے نے مشترکہ آپریشن کرتے ہوئے 6 ملزمان کو گرفتار کرلیا۔

    تفصیلات کے مطابق کراچی کے علاقے لسبیلہ اور پٹیل پاڑہ میں پولیس نے قانون نافذ کرنے والے ادارے کے ساتھ مل کر مشترکہ کومبنگ آپریشن کیا جس کے باعث 6 ملزمان کی گرفتاری عمل میں آئی۔

    پولیس کا کہنا ہے کہ کومبنگ آپریش کے دوران لسبیلہ اور پٹیل پاڑہ کے داخلی وخارجی راستے سیل کرکے مخصوص گھروں کی تلاشی لی گئی۔

    پولیس کے مطابق آپریشن میں قتل کی وارداتوں میں ملوث ملزم سمیت 6 افراد گرفتار ہوئے، گرفتار ملزمان میں سے ملزم ’کوکب‘ قتل، اقدام قتل اور دیگر سنگین جرائم میں ملوث ہے۔

    کراچی میں ڈاکو بے قابو، پولیس نے مقابلے کے بعد زخمی ملزم کو گرفتار کرلیا

    پولیس کا یہ بھی کہنا تھا کہ گرفتار ملزم کوکب کا تعلق مذہبی جماعت سے ہے، اور گرفتار شدگان میں افتخار نامی منشیات فروش بھی شامل ہے۔

    خیال رہے کہ آج کراچی کے علاقے فیروز آباد میں مبینہ پولیس مقابلے کے بعد زخمی حالت میں ڈاکو گرفتار کرلیا گیا، پولیس حکام کے مطابق گرفتار ڈاکو عمر عرف ڈینی شہر میں ہونے والی لوٹ مار کی سو سے زائد وارداتوں میں ملوث ہے۔

    واضح رہے کہ گذشتہ روز بھی شہر قائد میں پولیس کی جانب سے اہم کارروائیاں کی گئی تھیں، جس کے باعث متعدد ملزمان کی گرفتاری عمل میں آئی تھی۔

  • کراچی: پولیس کی مختلف علاقوں میں کارروائیاں، 16 ملزمان گرفتار

    کراچی: پولیس کی مختلف علاقوں میں کارروائیاں، 16 ملزمان گرفتار

    کراچی: پولیس نے شہر قائد کے مختلف علاقوں میں کارروائیاں کرتے ہوئے 16 مشتبہ افراد کو گرفتار کرلیا، جن میں ایک قتل کا ملزم بھی شامل ہے۔

    تفصیلات کے مطابق کراچی پولیس نے شہر کے مختلف علاقوں میں کارروائیوں کے دوران 16 مزمان کو حراست میں لیا، جن سے وارداتوں میں استعمال ہونے والا اسلحہ بھی برآمد ہوا۔

    ایس ایس پی ڈاکٹر رضوان کا کہنا ہے کہ کراچی کے علاقے سرجانی میں پولیس نے اہم کارروائی کی اور 9 گھنٹے میں قتل کا ملزم گرفتار کرلیا، ملزم عمیر نے ڈکیتی مزاحمت پر ایک شہری کو قتل جبکہ دوسرے کو زخمی کیا تھا۔

    ایس ایس پی کے مطابق ملزم سے واردات میں استعمال ہونے والا اسلحہ برآمد ہوا جبکہ ملزم کے قبضے سے لوٹا گیا سامان اور پرس بھی برآمد کیا گیا ہے، گرفتار ملزم عادی مجرم اور کئی بارجیل جاچکا ہے۔

    کراچی: پولیس کی مختلف علاقوں میں کارروائیاں‘ 5 ملزمان گرفتار

    دوسری جانب کراچی کے علاقے گلشن اقبال میں پولیس نے کومبنگ آپریشن کیا جس کے نتیجے میں 15 مشتبہ افراد کی گرفتاری عمل میں آئی۔

    پولیس حکام کا کہنا ہے کہ مذکورہ آپریشن ضیاء کالونی اور جمالی گوٹھ میں کیا گیا، آپریشن کے دوران ایک مفرور ملزم بھی گرفتار ہوا ہے۔

    خیال رہے کہ گذشتہ دنوں کراچی کے مختلف علاقوں میں پولیس نے کارروائیاں کرتے ہوئے 5 ملزمان کو گرفتار کیا تھا، ملزمان دہشت گردی، گھروں میں ڈکیتیوں میں ملوث تھے، ان کے قبضے سے 7 پستول، ایک نائن ایم ایم اور دیگر اسلحہ برآمد ہوا تھا۔

  • سی ٹی ڈی کی گوجرانوالہ میں کارروائی، کراچی میں پولیس مقابلہ، دو دہشت گرد گرفتار

    سی ٹی ڈی کی گوجرانوالہ میں کارروائی، کراچی میں پولیس مقابلہ، دو دہشت گرد گرفتار

    گوجرانوالہ/کراچی: سی ٹی ڈی نے گوجرانوالہ میں اہم کارروائی کرتے ہوئے دو دہشت گردوں کو گرفتار کیا، جبکہ کراچی میں پولیس مقابلہ ہوا اور ایک ملزم کی گرفتاری عمل میں آئی۔

    تفصیلات کے مطابق سی ٹی ڈی نے گوجرانوالہ میں سیٹلائٹ ٹاؤن کے قریب کارروائی کی جس کے نتیجے میں کالعدم تنظیم کے 2 مبینہ دہشت گرد شکیل احمد اور فرازسلطان گرفتاری عمل میں آئی۔

    سی ٹی ڈی کا کہنا ہے کہ گرفتار ملزمان سے بارودی مواد، دہشت گردی کی منصوبہ بندی کے راز ملے ہیں، مبینہ دہشت گردوں نے عوام کو نشانہ بنانے کی منصوبہ بندی بھی کر رکھی تھی۔

    سی ٹی ڈی کے مطابق مبینہ دہشت گردوں کے خلاف تھانہ سی ٹی ڈی گوجرانوالہ میں مقدمہ درج کر لیا گیا ہے، اور مزید قانونی کارروائی جاری ہے۔


    تیرامیل: سی ٹی ڈی کی کارروائی، خاتون سمیت 4 دہشت گرد ہلاک، 6 اہلکار زخمی


    دوسری جانب شہر قائد کے علاقے نارتھ ناظم آباد بلاک اے میں پولیس مقابلہ ہوا، فائرنگ کے تبادلے میں ایک راہ گیر زخمی بھی ہوا تاہم پولیس ملزم کو گرفتار کرنے میں کامیاب ہوگئی۔

    پولیس کا کہنا ہے کہ ملزمان شہری سے لوٹ مار کر رہے تھے، پولیس کے پہنچنے پر ملزمان نے فائرنگ کردی، گرفتار ملزم سے اسلحہ برآمد کرلیا گیا جبکہ ملزم کا ساتھی فرار ہونے میں کامیاب ہوگیا۔

    خیال رہے کہ رواں سال یکم مئی کو بلوچستان پولیس کے محکمہ انسداد دہشت گردی فورس (کاؤنٹر ٹیررازم ڈیپارٹمنٹ) نے کوئٹہ میں کارروائی کرتے ہوئے دہشت گردی کی کئی وارداتوں اور خودکش حملوں میں ملوث کالعدم تنظیم کے کمانڈر کو گرفتار کیا تھا۔

  • گلگت: سیکیورٹی فورسز کی کارروائی، اسکول جلانے والوں کا اہم کارندہ ساتھی سمیت گرفتار

    گلگت: سیکیورٹی فورسز کی کارروائی، اسکول جلانے والوں کا اہم کارندہ ساتھی سمیت گرفتار

    دیامیر: گلگت بلتستان کے ضلع دیامیر میں سیکیورٹی فورسز نے اہم کارروائی کرتے ہوئے اسکول جلانے والوں کے اہم کارندے کو ساتھی سمیت گرفتار کرلیا۔

    تفصیلات کے مطابق دیامیر میں سیکیورٹی فورسز کی جانب سے کارروائی کی گئی جس کے باعث اہم گرفتاریاں عمل میں آئیں، مقابلے میں ایک اہلکار شہید اور تین زخمی بھی ہوئے۔

    دیامر میں اسکول تباہ کرنے والوں کے خلاف سرچ آپریشن خفیہ اطلاعات پر کیا گیا، تانگیر میں چھپے دہشگردوں کے ٹھکانے پر جیسے ہی چھاپہ مارا گیا تو سکیورٹی فورسز کو دیکھتے ہی دہشت گردوں نے فائرنگ کردی۔

    فائرنگ کے تبادلے میں پولیس اہلکار شہید جبکہ تین زخمی ہوگئے، کئی گھنٹے علاقہ گولیوں کی تڑتڑاہٹ سے گونجتا رہا، اسکول تباہ کرنے کے الزام میں گرفتار کیے گئے ملزمان کی تعداد سترہ ہوگئی۔


    چلاس میں لڑکیوں کے 12 اسکول نذر آتش


    دوسری جانب چیف جسٹس آف پاکستان نے دیامر میں اسکولوں کو جلانے کے واقعے کا از خود نوٹس لیتے ہوئے سیکریٹری داخلہ اور سیکریٹری گلگت بلتستان سے 48 گھنٹے میں رپورٹ طلب کرلی ہے۔

    نگراں وزیراعظم ناصر الملک نے بھی کہا کہ بچوں کو تعلیم کی سہولت سے محروم کرنا اور اسکولوں کو نذرِ آتش کرنا کسی طور قبول نہیں، ملوث افراد کے خلاف قانون کے تحت سخت کارروائی کی جائے۔

    یاد رہے کہ گذشتہ روز گلگت بلتستان کے ضلع دیامرکے علاقے چلاس میں جمعرات اور جمعہ کی درمیانی شب نامعلوم تعلیم دشمن شر پسندوں نے 12 اسکولوں میں توڑ پھوڑ کرتے ہوئے آگ لگا دی تھی۔

  • سعودی عرب: ایک سال میں سیکیورٹی فورسز نے ہزاروں منشیات اسمگلرز گرفتار کرلیے

    سعودی عرب: ایک سال میں سیکیورٹی فورسز نے ہزاروں منشیات اسمگلرز گرفتار کرلیے

    ریاض: سعودی عرب میں سیکیورٹی فورسز نے ایک سال میں متعدد اہم کارروائیوں کے دوران ہزاروں کی تعداد میں منشیات اسمگلرز گرفتار کیے ہیں۔

    تفصیلات کے مطابق سعودی عرب میں انٹیلی جنس اور سیکیورٹی فورسز نے منشیات کے اسمگلروں کے خلاف جاری بڑی کارروائیوں میں گذشتہ ایک سال کے دوران 1628 منشیات فروشوں کو گرفتار کیا ہے۔

    عرب میڈیا کے مطابق سعودی عرب میں ماضی سے ہی منشیات فروشوں کے خلاف سخت کارروائیاں جاری ہیں جبکہ گذشتہ ایک سال کے دوران گرفتار ہونے والے منشیات فروشوں میں 600 کے قریب سعودی شہری ہیں۔

    پولیس حکام کی جانب سے جاری کردہ بیان میں کہا گیا ہے کہ ستمبر 2017ء سے مارچ 2018ء تک اکتالیس ممالک سے تعلق رکھنے والے منشیات اسمگلروں کے خلاف کارروائی کی گئی جس کے باعث مذکورہ گرفتاریاں عمل میں آئیں۔


    سعودی عرب: پولیس کی کارروائی میں منشیات فروش ہلاک 4 گرفتار، 1 اہلکار جاں بحق


    حکام کے مطابق ان اہم کارروائیوں سے منشیات فروشی اور دیگر سنگین وارداتوں میں خاطر خواہ کمی واقع ہوئی ہے، ڈرگ مافیا کی سعودی عرب میں کمر توڑی دی گئی ہے۔

    بیان میں مزید کہا گیا تھا کہ منشیات کا دھندا کرنے والوں کے خلاف کارروائی کے دوران میں مسلح مزاحمت کا بھی سامنا کرنا پڑا ہے اور جھڑپوں میں دس اسمگلر ہلاک اور اکیس زخمی ہوگئے تھے جبکہ تینتیس سیکیورٹی افسر بھی زخمی ہوئے ہیں۔

    خیال رہے کہ گذشتہ روز ہی سعودی عرب میں منشیات فروشوں کے ٹھکانے پر سیکیورٹی اداروں کی چھاپہ مار کارروائی کے دوران ایک منشیات فروش ہلاک 4 گرفتار، جبکہ فائرنگ کے تبادلے میں ایک اہلکار شہید ہوگیا تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی اتحادی افواج کا یمن میں آپریشن فیصلہ کن مراحل میں داخل ہوگیا

    سعودی اتحادی افواج کا یمن میں آپریشن فیصلہ کن مراحل میں داخل ہوگیا

    ریاض: سعودی اتحادی افواج کی جانب سے یمن کی مرکزی بندرگاہ الحدیدہ میں جاری آپریشن اب فیصلہ کن مراحل میں داخل ہوگیا۔

    تفصیلات کے مطابق سعودی اتحادی افواج کی جانب سے یمن کی مشہور بندرگاہ الحدیدہ پر حوثی باغیوں کے انخلا کے لیے ایک بڑا فوجی آپریشن جاری ہے جو اب فیصلہ کن مراحل داخل ہوچکا ہے۔

    عرب میڈیا کے مطابق فوجی آپریشن کو اپنے منطقی انجام تک پہنچانے کے لیے سعودی اتحادی افواج اور یمن کی سرکاری فوج نے کمر کس لی اور فیصلہ کن اقدامات کیے جارہے ہیں۔

    الحدیدہ کو ایران نواز حوثی باغیوں سے آزاد کرانے کے لیے فیصلہ کُن آپریشن کی تیاریاں جاری ہیں، اس سلسلے میں سرکاری فوج کو تازہ دم دستے اور مزید دفاعی کمک پہنچانے کا عمل بھی جاری ہے۔


    یمن: سعودی اتحادی افواج کا آپریشن، 145 حوثی باغی ہلاک


    علاوہ ازیں سعودی اتحادی افواج نے یمن کے مختلف علاقوں میں بھی بڑی کامیابی حاصل کی ہے اور متعدد مقامات پر اپنا کنٹرول بھی سنبھال لیا ہے۔

    خیال رہے کہ یمن میں سعودی عرب کے اتحادی افواج کی جانب سے جاری آپریشن میں اب تک 145 حوثی باغی ہلاک جبکہ متعدد گرفتار ہوچکے ہیں، ہلاک حوثی باغیوں کی لاشیں مقامی اسپتال کے سرد خانے میں موجود ہیں۔

    یاد رہے کہ یمن کی سرکاری فوج نے سعودی اتحادی افواج کے تعاون سے گذشتہ روز حبل بندرگاہ پر اہم کارروائی کی تھی جس کے باعث ایران نواز باغی بندرگاہ چھوڑ کر فرار ہوگئے تھے جبکہ متعدد کو گرفتار بھی کیا گیا تھا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بنگلہ دیش میں ڈرگ مافیا کے خلاف آپریشن، ہلاکتوں کی تعداد 200 سے زائد ہوگئی

    بنگلہ دیش میں ڈرگ مافیا کے خلاف آپریشن، ہلاکتوں کی تعداد 200 سے زائد ہوگئی

    ڈھاکہ: بنگلہ دیش میں جاری منشیات فروشوں کے خلاف بڑے آپریشن میں ہلاکتوں کی تعداد 200 سے تجاوز کرگئی۔

    تفصیلات کے مطابق دو ماہ قبل حکومت کی جانب سے ڈرگ ڈیلرز کے خلاف ایک بڑا آپریشن کا آغاز کیا گیا تھا جس میں اب تک ہلاکتوں کی تعداد دو سو سے تجاوز کر گئی ہے جبکہ آپریشن اب بھی جاری ہے۔

    غیر ملکی خبر رساں ادارے کے مطابق بنگلہ دیش کی وزیر اعظم شیخ حسینہ کی جانب سے یہ آپریشن شروع کیا گیا ہے جس میں اب تک سینکڑوں افراد ہلاک ہوچکے ہیں، جس پر انسانی حقوق کی تنظیموں کو بھی شدید تشویش ہے۔

    بنگلہ دیش میں انسانی حقوق کے لیے کام کرنے والی ایک تنظیم کا کہنا ہے کہ رواں سال مئی میں شروع کردہ منشیات کے تاجروں کے خلاف یہ جنگ اپنے طریقہ کار میں ابھی تک متنازعہ ہے، لوگوں کو ماورائے عدالت قتل کیا جارہا ہے۔


    بنگلہ دیش: اقوام متحدہ کا منشیات فروشوں کے خلاف آپریشن روکنے کا مطالبہ


    دوسری جانب بنگلہ دیشی حکام کی جانب سے کردہ بیان میں کہا گیا ہے کہ جب تک ملک سے منشیات کا کاروبار ختم نہیں ہوتا، یہ جنگ جاری رہے گی، اب تک خاطر خواہ نتائج سامنے آئیں ہیں۔

    خیال رہے کہ بنگلہ دیش میں حالیہ مہینوں کے دوران نشے کے لیے میتھ ایمفیٹامین نامی گولیوں کا استعمال بہت بڑھ چکا ہے جو کئی دیگر منشیات کے ساتھ اس ملک میں ہمسایہ ریاست میانمار سے اسمگل کی جاتی ہیں۔

    واضح رہے کہ بنگلہ دیش میں انسداد منشیات کی اس ملک گیر آپریشن میں مرکزی کردار جرائم کی روک تھام کے لیے سرگرم ریپڈ ایکشن بٹالین یا آر اے بی نامی اسپیشل پولیس کے دستے ادا کر رہے ہیں۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی: رینجرز کی مختلف علاقوں میں کارروائی، 7 ملزمان گرفتار، اسلحہ برآمد

    کراچی: رینجرز کی مختلف علاقوں میں کارروائی، 7 ملزمان گرفتار، اسلحہ برآمد

    کراچی: شہر قائد کے مختلف علاقوں میں رینجرز نے کارروائی کرتے ہوئے سنگین وارداتوں میں ملوث سات ملزمان کو گرفتار کرلیا۔

    تفصیلات کے مطابق سندھ رینجرز کی جانب سے کراچی کے مختلف علاقوں میں اہم کارروائیاں کی گئیں جس کے نتیجے میں سنگین وارداتوں میں مطلوب مزمان گرفتار کیے گئے ہیں۔

    ترجمان رینجرز کا کہنا ہے کہ گرفتار ملزمان بھتہ خوری، اسٹریٹ کرائم اور متعد سنگین دوارداتوں میں ملو ث ہیں، ملزمان سے اسلحہ، ایمونیشن، مسروقہ سامان اور منشیات بھی برآمد کیے جاچکے ہیں۔


    رینجرز کی کارروائیاں،23ملزمان گرفتار، اسلحہ برآمد


    ترجمان رینجرز کے مطابق مذکورہ کارروائیاں کراچی کے جن علاقوں میں کی گئیں ان میں ملیرسٹی، لیاقت آباد، میمن گوٹھ اور لانڈھی شامل ہے، ملزمان کو قانونی چارہ جوئی کے لیے پولیس کے حوالے کردیا گیا ہے۔

    خیال رہے کہ گذشتہ ماہ رینجرز نے شہر قائد میں جرائم کی مختلف وارداتوں میں ملوث 23 ملزمان کو حراست میں لیا تھا، گرفتار ملزمان میں سیاسی کارکنان کے علاوہ بھتہ خور، منشیات فروش اور ڈکیتی کے ملزمان بھی شامل تھے۔

    یاد رہے کہ گرفتار ملزمان بھتہ خوری، منشیات فروشی، اغواء برائے تاوان کی وارداتوں میں بھی ملوث رہے تھے، ترجمان کے مطابق ملزمان سے متعلق اسٹریٹ کرائم، ڈکیتی، غیرقانونی اسلحہ خرید و فروخت کا بھی انکشاف ہوا تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • یمن: سعودی اتحادی افواج کا آپریشن، 145 حوثی باغی ہلاک

    یمن: سعودی اتحادی افواج کا آپریشن، 145 حوثی باغی ہلاک

    صنعا: یمن میں سعودی عرب کے اتحادی افواج کی جانب سے جاری آپریشن میں اب تک 145 حوثی باغی ہلاک جبکہ متعدد گرفتار ہوچکے ہیں۔

    تفصیلات کے مطابق یمن کی مرکزی بندرگاہ الحدیدہ میں سعودی اتحادی افواج کی جانب حوثی باغیوں کے انخلا کے لیے بڑا آپریشن جاری ہے، اس غیر معمولی فوجی آپریشن میں یمن کی سرکاری فوج کا بھی تعاون حاصل ہے۔

    عرب میڈیا کا کہنا ہے کہ 145 حوثی باغی بندرگارہی شہر الحدیدہ کے مختلف علاقوں میں سعودی اتحادی افواج اور یمنی سرکاری فوج سے لڑتے ہوئے ہلاک ہوئے ہیں جن کی لاشیں مقامی اسپتال کے سرد خانے میں موجود ہیں۔

    یمن کی الحدیدہ بندرگاہ پر سعودی اتحادی افواج کی جانب سے حوثی باغیوں کے انخلا کے لیے میگا آپریشن جاری ہے، جبکہ اس حوالے سے اقوام متحدہ کو شدید تشویش لاحق ہے۔


    یمن: سعودی اتحادی افواج نے حبل بندرگاہ پر کنٹرول سنبھال لیا، متعدد حوثی باغی گرفتار


    علاوہ ازیں یمن میں امدادی سرگرمیاں انجام دینے والی ایجنسیوں نے شہر پر حملے کی صورت میں ڈھائی لاکھ افراد کی زندگی ضائع ہونے کا خدشہ ظاہر کیا ہے، امدادی ٹیموں نے کہا ہے کہ سعودی افواج کی شہر پر کارروائی بڑی تباہی کا باعث بن سکتی ہے۔

    یاد رہے کہ یمن کی سرکاری فوج نے سعودی اتحادی افواج کے تعاون سے گذشتہ روز حبل بندرگاہ پر اہم کارروائی کی تھی جس کے باعث ایران نواز باغی بندرگاہ چھوڑ کر فرار ہوگئے تھے جبکہ متعدد کو گرفتار بھی کیا گیا تھا۔


    یمن: سعودی اتحادی افواج کا آپریشن، ایئرپورٹ کے داخلی راستے پر کنٹرول سنبھال لیا


    بعد ازاں یمنی فوج کی جانب سے جاری کردہ بیان میں کہا گیا تھا کہ حبل بندرگاہ کا کنٹرول حاصل کرنے کے لیے فورسز کو عرب اتحادی فوج کی فضائیہ کی مدد حاصل تھی، سرکاری فوج نے ایران نواز حوثیوں کے ساتھ لڑائی کے بعد حوثی باغیوں کے زیر انتظام حبل بندرگاہ کا کنٹرول حاصل کیا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • یمن: سعودی اتحادی افواج نے حبل بندرگاہ پر کنٹرول سنبھال لیا، متعدد حوثی باغی گرفتار

    یمن: سعودی اتحادی افواج نے حبل بندرگاہ پر کنٹرول سنبھال لیا، متعدد حوثی باغی گرفتار

    صنعا: یمن میں سرکاری فوج اور سعودی اتحادی افواج نے بڑی کارروائی کرتے ہوئے حبل بندرگارہ پر کنٹرل سنبھال لیا، اس دوران متعدد حوثی باغیوں کو بھی گرفتار کیا گیا۔

    تفصیلات کے مطابق یمنی فوج اور سعودی اتحادی افواج کی جانب سے مشترکہ کارروائی کے بعد حبل بندرگاہ پر کنٹرول سنبھالا گیا، اس اہم کارروائی کے دوران حوثی باغی بندرگاہ چھوڑ کر فرار ہوگئے جبکہ متعدد کو گرفتار بھی کیا گیا ہے۔

    یمنی فوج کی جانب سے جاری کردہ بیان میں کہا گیا ہے کہ حبل بندرگاہ کا کنٹرول حاصل کرنے کے لیے فورسز کو عرب اتحادی فوج کی فضائیہ کی مدد حاصل تھی، سرکاری فوج نے ایران نواز حوثیوں کے ساتھ لڑائی کے بعد حوثی باغیوں کے زیر انتظام حبل بندرگاہ کا کنٹرول حاصل کیا۔


    یمن: سعودی اتحادی افواج کا آپریشن، ایئرپورٹ کے داخلی راستے پر کنٹرول سنبھال لیا


    فوج کے بیان میں مزید کہا گیا تھا کہ آپریشن میں حوثی باغیوں کی بڑی تعداد فرار ہوگئی جب کہ متعدد جنگجوؤں کو گرفتار کیا گیا ہے، باغیوں کے خلاف کارروائیاں جاری رکھیں گے۔

    دوسری جانب یمن کی الحدیدہ بندرگاہ پر سعودی اتحادی افواج کی جانب سے حوثی باغیوں کے انخلا کے لیے میگا آپریشن جاری ہے، جبکہ اس حوالے سے اقوام متحدہ کو شدید تشویش لاحق ہے۔


    سعودی اتحادی افواج کی یمن میں کارروائی، اقوام متحدہ کا اظہار تشویش


    علاوہ ازیں یمن میں امدادی سرگرمیاں انجام دینے والی ایجنسیوں نے شہر پر حملے کی صورت میں ڈھائی لاکھ افراد کی زندگی ضائع ہونے کا خدشہ ظاہر کیا ہے، امدادی ٹیموں نے کہا ہے کہ سعودی افواج کی شہر پر کارروائی بڑی تباہی کا باعث بن سکتی ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔