پاکستان شوبز انڈسٹری کے معروف اداکار یاسر حسین نے کہا ہے کہ مجھے بچے بہت پسند ہیں اور بچے جتنے بھی ہوں ان کی تربیت ہو ہی جاتی ہے۔
یاسر حسین ایک اداکار، ہدایت کار، مصنف اور پروڈیوسر ہیں، انہوں نے تھیٹر، ڈراموں اور فلموں میں کام کیا، ان کی شادی پاکستان کی سپر اسٹار اقرا عزیز سے ہوئی اور یہ جوڑا ایک بیٹے کبیر حسین کے والدین ہیں۔
یاسر کا تعلق ایک بڑے خاندان سے ہے اداکار کے 11 بہن بھائی ہیں جنہوں نے سخت محنت سے اپنی زندگی میں کامیابیاں حاصل کیں۔
حال ہی میں اداکار یاسر نے ایک نجی ٹی وی چینل کے شو میں شریک ہوئے، جہاں انہوں نے مختلف موضوعات پر کھل کر گفتگو کی۔
پروگرام کے دوران یاسر حسین نے کہا کہ ہم 12 بہن بھائی ہیں اور میں ان سب میں سب سے چھوٹا ہوں، اتنے بہن بھائی ہونے کے باوجود بچپن بہت پرسکون تھا، ہمارے گھر میں ایک ہی باتھ روم تھا اور ہم سب بہن بھائی ایک ہی باتھ روم استعمال کرتے تھے۔
View this post on Instagram
یاسر حسین کی بات ہوسٹ نے سوال کیا کہ آپ کے نزدیک لوگ جدید دور میں 12 بچوں کی ذمہ داری نبھاسکتے ہیں؟ جس پر یاسر نے کہا بخوبی نبھاسکتے ہیں اور آج بھی ایسے لوگ ہیں جن کے 12، 12 بچے ہیں۔
اس پر ہوسٹ نے کہا کیا آپ اور اقرا جیسے مصروف انسان 12 بچے چاہیں گے؟ یاسر نے ہسنتے ہوئے خوشی سے کہا ’آپ کے منہ میں گھی شکر‘، بچے جتنے بھی ہوں ان کی تربیت ہوجاتی ہے۔
انہوں نے مزید کہا کہ وہ خود ڈرامے نہیں دیکھتے، اقرا عزیز اپنے ڈرامے الگ بیٹھ کر دیکھتی ہیں، اس لیے وہ ان کے کام میں کبھی کوئی برائی نہیں نکالتے، ان کے بقول، شوہر کو بیوی کے کام میں کبھی برائی نہیں نکالنی چاہیے۔
واضح رہے کہ یاسر حسین اور اقرا عزیز نے دسمبر 2018 میں شادی کی تھی، دونوں کے ہاں جولائی 2021 میں پہلے بیٹے کبیر حسین کی پیدائش ہوئی تھی۔
