ARYNews.tv | Urdu – Har Lamha Bakhabar

Tag: opposition jirga

  • جوڈیشل کمیشن نہ بنا تو سڑکوں پر نکل کر بنوائیں گے، جہانگیر ترین

    جوڈیشل کمیشن نہ بنا تو سڑکوں پر نکل کر بنوائیں گے، جہانگیر ترین

    اسلام آباد: پاکستان تحریکِ انصاف نے اپوزیشن جرگے کی تجویز پرعدالتی کمیشن کے قیام کا معاملہ آئین پر چھوڑ دیا۔

    اسلام آباد میں پی ٹی آئی کے سیکرٹری جنرل جہانگیر ترین نے رحمان ملک سے اپنی رہائشگاہ پر ملاقات کی، پی ٹی آئی کی جانب سے اپوزیشن جرگے کو عدالتی کمیشن کے قیام سے متعلق خط کے جواب سمیت مختلف تجاویز دیں۔

    میڈیا سے گفتگو کرتے ہوئے جہانگیر ترین کا کہنا تھا کہ عدالتی کمیشن کے قیام کا معاملہ آئین کی شق دو اٹھارہ بٹا تین پر چھوڑ دیا ہے، ان کا کہنا تھا کہ جوڈیشل کمیشن نہ بنا تو سڑکوں پر نکل کر بنوائیں گے۔

    رحمان ملک کا کہنا تھا کہ جو جوڈیشل کمیشن بننے جارہا ہے وہ آئین پاکستان کا تابع ہوگا۔

    انکا کہنا تھا کہ پی ٹی آئی نے مختلف نکات پر مزید لچک دکھائی ہے، جس سے کافی پیشرفت ہوئی ہے، انہوں نے بتایا کہ معاملے کے حل کے لئے آج اسحاق ڈار سے ملاقات کریں گے۔

  • عمران اور طاہراُلقادری دھرنے والوں کو گھر پرعید کرنے دیں، جرگہ

    عمران اور طاہراُلقادری دھرنے والوں کو گھر پرعید کرنے دیں، جرگہ

    اسلام آباد:اپوزیشن جرگے نے عمران خان اور طاہراُلقادری سے اپیل کی ہے کہ دھرنے کے شرکاء کو گھر جاکر عید کرنے کا موقع دیں۔

    جرگے کے سربراہ اور امیر جماعتِ اسلامی سراج اُلحق کا کہنا تھا کہ ملک نازک دور سے گزررہا ہے۔

    اپوزیشن جرگے کے رکن رحمان ملک نے کا کہنا ہے کہ حکومت ، پی ٹی آئی اور پی اے ٹی اپنے آپ میں لچک دکھائیں، جرگے کوشیش سب کے سامنے ہے اور اُمید ہے کے اچھے نتائج سامنے آئیں گے۔

      رحمان ملک نے کہا کہ کیا ہم اپنے پاکستان کے لیے مفاہمت نہیں کر سکتے ؟ قوم کی خواہش ہے عید سے پہلے مسئلہ حل ہو جائے ، ہم جو کوششیں کر رہے ہیں وہ سب کے سامنے ہیں۔

    رحمان ملک نے مزید کہا کہ ایک ایک قدم پیچھے ہٹنے سے کسی پر کوئی فرق نہیں پڑے گا۔

  • سیا سی بحران پرامن طریقے سے حل ہوجائے گا، اپوزیشن مذاکراتی جرگہ

    سیا سی بحران پرامن طریقے سے حل ہوجائے گا، اپوزیشن مذاکراتی جرگہ

    اسلام آباد: اپوزیشن کے مذاکراتی جرگے نے اُمید ظاہر کی ہے کہ حکومت ، عوامی تحریک اور تحریک انصاف کے درمیان مسائل جلد حل ہوجائیں گے۔

    اسلام آباد میں میڈیا سے گفتگو کرتے ہوئے اپوزیشن جرگے کے سربراہ اور امیر جماعت اسلامی سراج اُلحق کا کہنا تھا کہ بحران پُرامن طریقے سے حل ہو جائے گا،  انھوں نے کہا ہے کہ سیاسی جرگے نے اپنا کردار ادا کرنے کی کوشش کی ہے، پہلے لوگ سفارتخانوں کی طرف دیکھتے تھے، اللہ کا شکر ہے آج اپنے لوگوں کی طرف دیکھا جارہا ہے۔

    سراج الحق کا کہنا تھا کہ ہم ناامید نہیں بحران پُرامن طریقے سے حل ہوجائے گا، ہم پاکستان،عوام اور انصاف کا ساتھ دے رہے ہیں،ہمیں مصیبت کے لمحات میں سیلاب متاثرین کی مدد کرنی چاہئیں۔

    اپوزیشن جرگے کے اہم رُکن اور سابق وزیرِ داخلہ رحمان ملک کا کہنا تھا کہ موجودہ صورتحال قوم کے صبر کا امتحان ہے، درمیانی راستہ نظر آیا ہے لیکن فی الحال سامنے نہیں لائیں گے۔

    انکا کہنا تھا کہ وزیرِاعظم جتنا تعاون کر رہے ہیں شاید کوئی اور نہ کرتا، حکومت سے گزارش ہے کہ گرفتار کارکنوں کو رہا کیا جائے، حکومت نے بہت عقلمندی کا مظاہرہ کیا ہے۔

    اپوزیشن جرگہ کے دیگر ارکان کا بھی کہنا تھا کہ مسئلے کا بات چیت سے حل دور کی بات نہیں، دوسری جانب لیاقت بلوچ نے اس یقین کا اظہار کیا ہے کہ جرگہ اپنے مقصد میں کامیاب ہوگا۔

  • فریقین بیان بازی بند کریں، اپوزیشن جرگےکامطالبہ

    فریقین بیان بازی بند کریں، اپوزیشن جرگےکامطالبہ

    اسلام آباد: سابق وزیر ِ داخلہ رحمان ملک کا کہنا ہے کہ وزراء کے بیانات سےمشکلات میں اضافہ ہورہا ہے، فریقین کے بیانات بند نہ ہوئے توجرگہ اپنا کام روک دے گا۔

    اپوزیشن جماعتوں کے جرگے نے پاکستان عوامی تحریک کی مذاکراتی کمیٹی سے ملاقات کی، ملاقات کے بعد پاکستان عوامی تحریک کے رہنما رحیق عباسی کا میڈیا سے گفتگو کے دوران کہنا تھا کہ پارلیمنٹ میں ہمارے خلاف غیرپارلیمانی الفاظ استعمال کئےگئے جس کا احتجاج ریکارڈ کروایا ہے۔

    امیر جماعت اسلامی سراج الحق کا کہنا تھا کہ مذاکرات کی گاڑی آہستہ آہستہ آگے بڑھ رہی ہے، حتمی وقت نہیں دے سکتے، دوسری جانب رحمان ملک نے حکومت سے اپیل کی کہ فوری طورپی ٹی آئی اور عوامی تحریک کے کارکنا ن کی گرفتاریاں بند کرے۔

    انہوں نے اپوزیشن کے مذاکراتی جرگے میں موجودہ سیاسی بحران کو پاکستان کے لئے خطرناک قرار دیا ہے جبکہ حکومت اور دھرنے کے رہنماوں کو جلد کسی متفقہ فیصلے پر پہنچنے کا مشورہ دیا ہے، اپوزیشن کے مذاکراتی جرگے نے قومی اسمبلی میں قائد حزب اختلاف سید خورشید شاہ سے ملاقات کی۔ جس میں مولانا فضل الرحمان ،سراج الحق ،لیاقت بلوچ ،حاصل بزنجو ،جی جی جمال اور اعجازالحق شریک تھے۔

    جرگے نے خورشید شاہ کو اب تک ہونے والی پیشرفت سے آگاہ کیا، میڈیا سے بات چیت کرتے ہوئے جرگے کے سربراہ سراج الحق نے کہا کہ ڈیڈ لاک کا خاتمہ ہوا ہے مگر ابھی بہت اسپیڈ بریکر موجود ہیں ، ہم نے فریقین سے لچک کا مظاہرہ کرنے کے لئے کہا ہے۔

    اُن کا کہنا تھا کہ سیاسی بحران اگر ذیادہ دیر تک رہا تو پاکستان کو کافی نقصان ہوگا، اگر ہم کوئی معاہدہ کرنے میں کامیاب ہوجاتے ہیں تو پارلیمنٹ میں موجود تمام سیاسی جماعتیں اس معاہدے پر عمل درآمد کی ضامن ہوں گی۔

  • انقلابی اور آزادی مارچ سے اپوزیشن جرگے کا دوسرا دور آج ہوگا

    انقلابی اور آزادی مارچ سے اپوزیشن جرگے کا دوسرا دور آج ہوگا

    اسلام آباد: اپوزیشن جرگہ سے تحریک انصاف اور عوامی تحریک کے مذاکرات کا دوسرا دور آج چار بجے رحمان ملک کی رہائشگاہ پر دوبارہ ہوگا، تحریک انصاف کی مذاکراتی کمیٹی اور اپوزیشن جرگہ نے مذاکرات جاری رکھے جانے پر اتفاق کرلیا ہے، سراج الحق کی سربراہی میں مذاکراتی ٹیم نےعمران خان اور طاہرالقادری سے ملاقات کی۔

    بیانات، وضاحتوں اور الزامات کے بعد بالاآخر ایک بار پھر بات مذاکراتی میز پر آگئی، اسلام آباد میں حکومت اتحادی اور حکومت مخالف محاذ کے درمیان الزام تراشیوں کا سلسلہ ایک بار مذاکرات پر آگیا ہے۔

    گزشتہ روز اپوزیشن جماعتوں پر مشتمل جرگے نے امیر جماعت اسلامی سراج الحق کی قیادت میں تحریک انصاف کی مذاکراتی کمیٹی سے جہانگیر ترین کی رہائش گاہ پر ملاقات کی، ملاقات میں مذاکرات جاری رکھے جانے پر اتفاق ہوا، جماعت اسلامی کے امیر سراج الحق نے میڈیا کو بتایا کہ سفر جہاں رکا تھا ، وہیں سے دوبارہ شروع کیا گیا ہے، سیاسی جرگے کے رہنماﺅں نے ہمارا نقطہ نظر بہت غور سے سنا ہے۔

    سابق وزیر داخلہ رحمان ملک کا کہنا تھا کہ عمران خان، طاہرالقادری کی مذاکرات پر آمادگی ان کی کمزوری نہ سمجھی جائے، رحمان ملک نے حکومت سے اپیل کی کہ تحریک انصاف اور پی اے ٹی کے گرفتار کارکنان کو رہا کیا جائے ۔۔

    مذاکراتی ٹیم میں رحمان ملک، لیاقت بلوچ، غازی گلاب جمال ، حاصل بزنجو اور کلثوم پروین شامل تھے۔