اسلام آباد: قائد حزب اختلاف خورشید شاہ نے موجودہ صورتحال پر غور کرنے کیلئے پارلیمانی رہنماؤں کا اجلاس طلب کرلیا۔
قومی اسمبلی میں قائد حزب اختلاف خورشید شاہ نے سینیٹر پرویز رشید سے بھی ملاقات کی، ملاقات میں موجودہ سیاسی صورتحال پر تبادلہ خیال کیا گیا، سید خورشید شاہ نے موجودہ صورتحال پر غور کرنے کیلئے پارلیمنٹ ہاؤس میں پارلیمانی رہنماؤں کا اجلاس طلب کرلیا ہے۔
لاہور: لاہورمیں پولیس محاصرے کے دوران پی ٹی آئی رہنما میاں محمودالرشیدکوطاہر القادری کی رہائشگاہ جانےسےروک دیا،میاں محمود کہتے ہیں جب تک راستے نہیں کھولے جاتے یہیں موجود رہیں گے۔
طاہر القادری کے یوم شہدامنانے کے اعلان کے بعد حکومتی حلقوں مین کھلبلی مچ گئی، حکومت پنجاب کی جانب سے منہاج القرآن سیکریٹریٹ کے اطراف پولیس کو تعینات کر دیا گیا، کنٹینرز اور بیریئر ز لگا کر راستے سیل کر دئے گئے، پی ٹی آئی کےمیاں محمود الرشید کو بھی طاہرا لقادری کی رہاش گاہ جانے سے روک دیا گیا ۔
میاں محمود الرشید کا کہنا ہے کہ راستے نہ کھولے گئے تو دھرنا دے دیں گے، پولیس کی بھای نفری کی تعیناتی اور راستے سیل ہونے سے لوگوں کو شدید مشکلات کا سامنا ہے، لاہور سمیت پنجاب کے مختلف شہروں میں پولیس نے عوامی تحریک کے کارکنان کو یوم شہدا میں شرکت سے باز رکھنے کیلئے گرفتاریاں شروع کر دی ہیں۔
